Fréttablaðið - 07.08.2004, Blaðsíða 8
7. ágúst 2004 LAUGARDAGUR
Vopnafjörður:
Kveikti í tveimur húsum
LÖGREGLA Fullorðin kona gaf sig
fram við lögregluna á Vopnafirði
í gær og viðurkenndi að hafa
kveikt í tveimur húsum þar í bæ
um síðustu helgi. Konan á við
geðræn vandamál að stíða.
Húsráðendur á Vopnafirði sáu
að kveikt hafði verið í gardínum í
svefnherberginu þegar þeir komu
heim úr ferðalagi í þriðjudags-
kvöld.
Kveikt hafði verð í gardínum í
svefnherbergi með því að teygja
sig inn um opinn glugga eða með
því að henda inn rokeldspýtum.
Gardínurnar brunnu og duttu
niður á gólf og brenndu gólfefni
en svo ótrúlega vildi til að eldur-
inn slokknaði af sjálfsdáðum.
Mikil mildi þykir að ekki hafi
orðið stórtjón.
Slökkviliðið á Vopnafirði réð
niðurlögum elds í öðru húsi á
Vopnafirði aðfaranótt sunnu-
dags. Þar hafði verið kveikt í
anddyri hússins með rokeldspýt-
um. Eldurinn logaði nokkuð glatt
í anddyrinu og var farinn að
teygja sig í húsið sjálf. Rífa
þurfti af klæðningu við anddyrið
til að slökkva eld sem farinn var
að berast í húsið sjálft. ■
Verðstríð á bensínmarkaði er
áberandi á þremur afmörkuðum
stöðum á höfuðborgarsvæðinu: Í
Hafnarfirði, Kópavogi og við
Sundahöfn í Reykjavík. Þar er
hægt að kaupa lítrann af bensíni á
99,7 til 101,9 krónur. Annars stað-
ar er algengt að verðið sé á bilinu
107,3 til 109 krónur. Ef meðalverð
á bensíni allra bensínstöðva er
reiknað kemur í ljós að mismun-
urinn er að jafnaði rúmlega 7
krónur milli Hafnarfjarðar og
Reykjavíkur. Fram að þessu hafa
Íslendingar vanist því að í verð-
stríði hafi verðið lækkað að jafn-
aði alls staðar á höfuðborgar-
svæðinu. Garðbæingar þurfa því
að fara annaðhvort í Hafnarfjörð
eða Kópavog til að fá ódýrara
bensín og Grafarvogsbúar í
Sundahöfn. Forsvarsmenn Olíufé-
laganna og hagsmunasamtaka
neytenda eru sammála um að
staðan á bensínmarkaði sé breytt
frá því sem áður var en menn
greinir á um hverjir hagnist á því.
Verða neytendur eftir?
Runólfur Ólafsson, framkvæmda-
stjóri Félags íslenskra bifreiða-
eigenda, segir greinilegt að
minnstu fyrirtækin séu nú verð-
leiðandi á markaðnum, öfugt við
það sem hefur tíðkast hingað til
þar sem stærri fyrirtæki ráði
verðinu þegar fákeppni ríkir.
Hann segist ennfremur „hallast
að því að sú viðleitni stærri olíufé-
laganna að hafa lægsta verðið í
grennd við stöðvar Atlantsolíu, en
ekki annars staðar, skaði til lengri
tíma ímynd fyrirtækjanna á
markaðnum því neytendur í dag
eru um margt miklu meðvitaðri
en áður“.
Jóhannes Gunnarsson, formað-
ur Neytendasamtakanna, segir
greinilegt komin sé hreyfing á
markaðinn eftir nokkurra ára
stöðnun sem sé mjög ánægjulegt
fyrir neytendur, en finnst merki-
legt að verðið skuli vera lægst þar
sem Atlantsolía og EGO eru með
bensínstöðvar sínar, en markaðs-
verð sé hærra annars staðar.
Margir neytendur undrast að
olíufélögin geti ekki boðið upp á
sama verð á öllum bensínstöðvum
sínum og finnst sér jafnvel mis-
munað. Sumir telja að hátt verð á
bensínstöðvum sem standa utan
þeirra svæða sem bensínið er
ódýrast sé til að greiða niður verð-
stríð annars staðar.
Samkeppni eða mismunun
Hugi Hreiðarsson hjá Atlants-
olíu segir að stærri olíufélög nýti
sér markaðsráðandi stöðu til að
hindra önnur félög til að ná fót-
festu á markaði og það brjóti í
bága við samkeppnislög. „Við
erum nýir á markaði og að reyna
að skjóta rótum. Það er sáraein-
falt fyrir stærri fyrirtæki að
hindra okkur í að ná fótfestu og
auka markaðshlutdeild okkar.“
Hugi telur auk þess að um beina
mismunun á viðskiptavinum sé
að ræða þegar olíufélög verð-
leggi bensínið misjafnlega eftir
borgarhlutum.
Hjörleifur Jakobsson, forstjóri
Olíufélagsins ESSO, hafnar ásök-
unum Huga. „Atlantsolía kærði
fyrr á þessu ári Olíufélagið og
reyndar fleiri olíudreifingarfyrir-
tæki fyrir mismunandi verð á
eldsneyti. Við höfum svarað þeirri
kæru til samkeppnisyfirvalda og í
kjölfar þess hefur Atlantsolía
dregið til baka kæruna á hendur
Olíufélaginu þó þeir virðist við-
halda henni í fjölmiðlum.“ Um
ójafnt verð Olíufélagsins eftir
borgarhlutum segir Hjörleifur að
„neytendur verða að sjálfsögðu að
gera það upp við sig á hverjum
tíma hvar þeir fái hagstæðasta
verðið miðað við þjónustustig á
hverjum stað“.
Gunnar Skaptason, fram-
kvæmdastjóri Orkunnar, er sam-
mála Hjörleifi. „Þeir sem vilja er
frjálst að fara á þá staði sem bens-
ínið er ódýrast og kaupa það þar.
Það er engin mismunun.“
Nýtt viðskiptaumhverfi
Hjörleifur Jakobsson hjá ESSO
segir markaðsaðstæður á Íslandi
hafa breyst og séu nú að komast í
takt við það sem gerist erlendis,
til dæmis sé þriggja krónu munur
á milli svæða í Ósló núna. Ástæða
þess að munurinn er meiri á
Íslandi segir Hjörleifur vera
vegna þess að menn eru að reyna
að kaupa sér markaðshlutdeild.
„Þess vegna hefur til dæmis fimm
til sex króna hækkun á heims-
markaðsverði á undanförnum átta
vikum ekki skilað sér í útsölu-
verði á staðbundnum svæðum.
Þar eltir hver annan. Ég skil vel
að þessi mikli munur valdi pirr-
ingi en svona verðstríð hafa kom-
ið upp áður og munu koma upp
aftur en ég held reyndar að þessi
munur sé of mikill í dag og að
hann muni minnka á næstu vik-
um,“ segir Hjörleifur.
Bergþóra Karlsdóttir, fram-
kvæmdastjóri EGO, tekur í svip-
aðan streng. EGO rekur fjórar
bensínstöðvar, tvær í Kópavogi og
tvær í Reykjavík. Í Kópavogi og
Vatnagörðum er bensínverðið
með því lægra sem gerist á höfuð-
borgarsvæðinu en í Fellsmúla
kostar bensínlítrinn 107,4 krónur.
„Við, eins og aðrir, bregðumst við
aðstæðum á hverjum stað fyrir
sig. Þetta er eðli samkeppninnar,
menn standa í smá skærum hér og
þar um bæ og þeir sem næst eru
bregðast við.“ ■
BRENNUVARGUR
Brennuvargur kveikti í gardínum inn um
opinn glugga í svefnherbergi.
TANKURINN FYLLTUR
Formaður Neytendasamtakanna segir þróunina ánægjulega fyrir neytendur en segir fulla
ástæðu til að gaumgæfa þróun mála.
Fjársvikarinn RagnarSigurjónsson hafði 15milljónir króna af fyrrverandi sam-starfsmanni sínum, ellilífeyris-þeganum Guðbirni Guðjónssyni.
Bls. 4
Skautbúningur
Dorritar kostar
milljónir Bls. 16
Hommar og lesbíur landsins haldaHinsegin daga um helgina. Mikilviðhorfsbreyting hefur átt sérstað í garð samkynhneigðrasem lifa ekki lengur við for-dóma og ofsóknir. DV fékkþekkta homma og lesbíurtil að tjá sig um ástina oglífið utan skápsins.
Bls. 28-29
SamkynhneigðSlær í gegn
Ragnar rústaði
ævikvöld vinar
síns
Ótti og óvissa að Kárahnjúkum Landsvirkjunlýsir stríði á hendur náttúruöflunum Bls.10-11
Nicolas CageLofar að koma aftur til Íslands Bls. 6
DAGBLAÐIÐ VÍSIR 175. TBL. – 94. ÁRG. – [LAUGARDAGUR 7. ÁGÚST 2004 ] VERÐ KR. 295
Brjóstin minnka íHollywood Sílikonið er farið úr tísku Bls. 15
Fjársvikarinn
Ragnar
Sigurjónsson hafði
15 milljónir af
ellilífeyrisþega
FR
ÉT
TA
B
LA
Ð
IÐ
/I
N
G
Ó
LF
U
R
FR
IÐ
R
IK
SS
O
N
BERGSTEINN SIGURÐSSON
BLAÐAMAÐUR
FRÉTTASKÝRING
ÞRÓUN Á
ELDSNEYTISMARKAÐI
Afmarkaðra
verðstríð en áður
Verðstríðið á bensínmarkaði virðist hafa tekið á sig nýja mynd og breið-
ist ekki jafnt út um höfuðborgarsvæðið. Hagsmunasamtök neytenda og
olíufélögin segja þetta einkenni nýs viðskiptaumhverfis á Íslandi.