Fréttablaðið - 07.08.2004, Blaðsíða 34

BÓKASKÁPURINN
22 7. ágúst 2004 LAUGARDAGUR
ALLAR BÆKUR
DA VINCI LYKILLINN
Dan Brown
KVENSPÆJARASTOFA NÚM...
Alexander McCall Smith
KÁRAHNJÚKAR - MEÐ OG ...
Ómar Ragnarsson
ÍSLENSK FJÖLL
Ari Trausti og Pétur Þorleifsson
ÍSLENDINGAR
Sigurgeir Sigurjónsson
ÍSLENSKA VEGAHANDBÓKIN
Stöng
KORTABÓK 1:300.000
Mál og menning
STANGVEIÐIHANDBÓKIN 3. BINDI
Eiríkur St. Eiríksson
BETTÝ
Arnaldur Indriðason
SVO FÖGUR BEIN
Alice Sebold
SKÁLDVERK - KILJUR
DA VINCI LYKILLINN
Dan Brown
KVENSPÆJARASTOFA NÚM...
Alexander McCall Smith
BETTÝ
Arnaldur Indriðason
SVO FÖGUR BEIN
Alice Sebold
MÝRIN
Arnaldur Indriðason
GRAFARÞÖGN
Arnaldur Indriðason
ÖXIN OG JÖRÐIN
Ólafur Gunnarsson
ANNA, HANNA & JÓHANNA
Marianne Fredriksson
KILLIANSFÓLKIÐ
Einar Kárason
NAPÓLEONSSKJÖLIN
Arnaldur Indriðason
HANDBÆKUR/FRÆÐIBÆKUR/ÆVISÖGUR
KÁRAHNJÚKAR - MEÐ OG ...
Ómar Ragnarsson
ÍSLENSK FJÖLL
Ari Trausti og Pétur Þorleifsson
ÍSLENDINGAR
Sigurgeir Sigurjónsson
ÍSLENSKA VEGAHANDBÓKIN
Stöng
KORTABÓK 1:300.000
Mál og menning
STANGVEIÐIHANDBÓKIN 3. BINDI
Eiríkur St. Eiríksson
SKYNDIHJÁLP Á FERÐINNI
Jónas Guðmundsson ofl.
SKYNDIBITAR FYRIR SÁLINA
Barbara Berger
HÁLENDISHANDBÓKIN 2004
Páll Ásgeir Ásgeirsson
12 SPOR TIL HRÁFÆÐIS
Victoria Boutenko
Listinn er gerður út frá sölu dagana
28.07.-03.08. 2004 í Bókabúðum Máls og
menningar, Eymundsson og Pennanum
1
2
3
4
5
6
7
8
9
10
1
2
3
4
5
6
7
8
9
10
1
2
3
4
5
6
7
8
9
10
Chopin's Funeral eftir
Benitu Eisler
Tónskáldið Frédéric Chopin lést árið
1849, einungis 39 ára gamall. Í þess-
ari vel skrifuðu bók rekur Eisler ævi
pólska snillingsins og einbeitir sér
að sambandi hans við skáldkonuna
George Sand. Eisler tekst að bregða
upp eftirminnilegri mynd af flóknum
og mótsagnakenndum manni og
gerir tónlist hans afar góð skil.
EYMUNDSSON
MÁL OG MENNING
PENNINN
[ METSÖLULISTI ]
Þrjár skáldsögur Indriða G. Þor-
steinssonar eru komnar saman í
eina kilju undir yfirheitinu Tímar
í lífi þjóðar. Þetta eru sögurnar
Land og synir, Norðan við stríð og
79 af stöðinni. Kristján B. Jónas-
son bókmenntafræðingur hefur
undanfarin ár kynnt sér skáld-
skap Indriða og skrifar formála
að bókinni.
„Það er ákveðið innra samhengi
í þessum sögum, Indriði er að
fjalla um ákveðið skeið í Íslands-
sögunni, þrjátíu ára tímabil, um
miðja 20. öld þegar íslenska þjóðin
gekk í gegnum mikla umbrota-
tíma. Indriði lýsti því hvað eftir
annað yfir í viðtölum að þetta var
sá tími sem hann áleit að skipti
þjóðina mestu: kreppan, hersetan
og eftirstríðsárin,“ segir Kristján.
„Þessar þrjár sögur fjalla hver á
sinn hátt um það hvernig fólk
bregst við nýjum tíma, hvaða
ákvarðanir það tekur og af hverju
samfélagið varð eins og það varð.
Þrátt fyrir einstaklingshyggju og
andúð á sósíalistum þá var Indriði
mjög samfélagslega hugsandi.
Hann var alltaf að lýsa breiðri
þjóðfélagsmynd í bókum sínum og
um leið var hann sálfræðilegur
höfundur sem leyfði persónunum
að þróa atburðarásina.“
Hemingway-áhrifin
Þeir sem lesa þessar bækur Ind-
riða komast ekki hjá að sjá að
hann var flinkur stílisti. Á sínum
tíma var hann þó harðlega gagn-
rýndur fyrir að stæla Ernest
Hemingway. „Í fyrstu dómum um
bækur Indriða var hamrað á
Hemingway-áhrifunum og við-
brögð við stílnum voru mjög
harðneskjuleg,“ segir Kristján.
„Bjarni frá Hofteigi varð fyrstur
til að nefna þau í ritdómi í Þjóð-
viljanum um 79 af stöðinni og oft
var vitnað í neikvæðan dóm eftir
Jónas Kristjánsson í Skírni.
Halldór Stefánsson dæmdi bók-
ina í Tímariti Máls og menningar
og nefndi þá Hemingway ekki á
nafn en lét í það skína að maður
sem sé svo ósjálfstæður sem
Indriði geti varla verið stoltur af
því að gefa út bækur.“
Viðkæmur höfundur
Kristján telur engan vafa á því að
Land og synir sé besta bók
Indriða: „Stíllinn í henni er sam-
bland af Hamsun og Hemingway.
Þar er að finna langar og epískar
málsgreinar sem flæða vel og
draga langa stemningu áfram,
mynda eins konar slóða. Sonurinn
í bókinni, sem vill kveðja sveit-
ina, á síðan stuttaralegar setning-
ar. Land og synir er feikilega vel
skrifuð bók að því leyti að stíllinn
tjáir algjörlega, eins vel og hægt
er, hugblæ þess sem verið er að
kveðja. Bókin er skrifuð í lýrísk-
um angurværum stíl en er
fleyguð með kaldhömruðum til-
svörum sem Einar bóndasonur
skýtur inn í.
Indriði er viðkvæmur höfund-
ur, allt að því tilfinningalegur, en
er sífellt að reyna að setja lokið á
þessa viðkvæmni. Án efa mótast
hann af Hemingway en 79 af stöð-
inni er fyrir vikið sérlega sönn
lýsing á umhverfi Reykjavíkur.
Það góða sem Indriði fékk frá
Hemingway var ákveðin dempun
og fullyrðingaleysi og miklar ytri
lýsingar sem eru næstum ljós-
myndalegar. Þegar Indriði bregst
sem stílisti fer hann alveg yfir í
tilfinningaskalann og þá verða
persónur of tilfinningalegar í tali
og næstum hjákátlegar. Þessi
galli er mest áberandi í smásög-
um hans.“
Aldrei boðunarkenndur
Hversu góður höfundur var
Indriði? „Ég hefði ekki skrifað
svona mikið um Indriða ef ég
teldi hann ekki vera góðan höf-
und,“ segir Kristján. „Mér finnst
Indriði vera fyrstur rithöfunda
til að ná utan um nýjan veruleika
sem við búum enn við. Það að
vera nýkominn til borgarinnar
er ástand sem er eilíft svo lengi
sem þróunarlönd verða til. Auð-
vitað styðst Indriði við vissa
hugmyndafræði í bókum sínum
en hún er aldrei boðunarkennd.
Þess vegna er auðveldara að
tengjast verkum hans í dag en
margra annarra samtíðarhöf-
unda hans sem stunduðu ein-
dregnari samfélagsgagnrýni.
Bækur Indriða bregða upp svip-
myndum af tilfinningum fremur
en að vera hörð gagnrýni á sam-
félag. Í því felst styrkleiki
hans.“
kolla@frettabladid.is
[ BÓK VIKUNNAR ]
Á þessum degi árið 1754 yfirgaf Henry Fielding London og hélt til Lissabon í Portúgal
sér til heilsubótar. Fielding náði ekki heilsu og lést í Lissabon tveimur mánuðum seinna.
Þekktasta verk Fieldings er Tom Jones sem kom út árið 1749. Þar er sögð saga hins
óskilgetna, stórgallaða en töfrandi Tom Jones sem reynir að vinna ástir dóttur nágrann-
ans. Bókin er full af litskrúðugum persónum og dregur upp afar fyndna mynd af ensku
þjóðfélagi á 18 öld.
Bók um Michael Moore
Michael Moore hefur sérstakt lag á að koma umhverfi sínu í uppnám. Nú er komin út bók um
þennan umdeilda kvikmyndagerðarmann og rithöfund. Hún heitir hvorki meira né minna:
Michael Moore Is a Big Fat Stupid White Man. Höfundarnir eru tveir, David T Hardy og Jason
Clarke. Í bókinni fjalla þeir um það sem þeir kalla falsanir Moore í kvikmyndum hans og bók-
um og hlífa honum hvergi. Einnig eiga fimm aðrir höfundar greinar í bókinni. Gagnrýnandi
Sunday Times er ánægður með bókina og segir hana gegna mikilvægu hlutverki og eiga skilið
mikla útbreiðslu.
Þroskinn er fólginn í því að maður lifi
sólskin, regn og storma ævi sinnar
þannig að maður vaxi hið innra.
Albert Schweitzer
Svipmyndir af tilfinningum
TÍMAR Í LÍFI ÞJÓÐAR: ÞRJÁR SKÁLDSÖGUR INDRIÐA G. ÞORSTEINSSONAR Í EINA KILJU
Bjartur veðjar á Dan Brown
Skáldsagan Da Vinci lykillinn hefur sannarlega slegið í gegn hér á landi eins og
annars staðar og malar gull fyrir útgáfuforlagið Bjart. Það kemur því ekki á óvart
að forlagið heldur áfram að veðja á höfundinn Dan Brown og hyggst með
haustinu gefa út aðra spennusögu eftir hann, Angels and Demons. Robert Lang-
don (hetjan í Da Vinci lyklinum) er aðalpersóna bókarinnar sem gerist að miklu
leyti í Róm samtímans.
Segir Pavarotti skrímsli
Bók um óperusöngvarann Pavarotti er væntanleg. Bókin er skrifuð af umboðsmanni
söngvarans til 30 ára, Herbert Breslin, en í henni lýsir hann Pavarotti sem skrímsli.
Það slitnaði upp úr samstarfi þeirra árið 2002 en Breslin lýsir væntanlegri bók sinni sem
sögu af fallegum og yndislegum manni sem umturnaðist í einbeitta, árásargjarna og
óhamingjusama stórstjörnu. Bókin heitir „The King and I: The Uncensored Tale of Luciano
Pavarotti’s Rise to Fame“
INDRIÐI G. ÞORSTEINSSON „Auðvitað styðst Indriði við vissa hugmyndafræði í bókum
sínum en hún er aldrei boðunarkennd. Þess vegna er auðveldara að tengjast verkum
hans í dag en margra annarra samtíðarhöfunda hans sem stunduðu eindregnari samfé-
lagsgagnrýni,“ segir Kristján B. Jónasson bókmenntafræðingur.
Skáldsögurnar Land og synir, Norðan við stríð
og 79 af stöðinni eru komnar í eina kilju.