Fréttablaðið - 07.08.2004, Blaðsíða 38
„Fótboltinn í sumar hefur verið
allt of flatur,“ segir Arnar Björns-
son íþróttastjóri á Stöð 2 og Sýn en
bætir því að mótið hafi verið
spennandi. „Það hefur vantað allan
glans á liðin nema kannski FH-ing-
ana sem hafa heillað mig einna
mest, þeir hafa leikið hvað
skemmtilegasta fótboltann.“
Arnar tekur fram að sér hafi ekki
leiðst á vellinum í sumar en saknar
þess að lið og leikmenn taki þá
áhættu í leik sínum sem þeim ber
að gera til að gera leikinn
skemmtilegri. „Allar aðstæður
hafa verið fínar, skilyrðin góð og
menn vel stemmdir en það vantar
dirfskuna.“
Spurður hvort einhver lið hafi
komið honum á óvart með góðri
frammistöðu nefnir Arnar aftur
FH-ingana. „Ég neita því ekki að
ég bjóst ekki við þeim svona sterk-
um. Þeim gekk vel í fyrra og oft
reynist liðum erfitt að fylgja eftir
góðum árangri enda kröfurnar
miklar. FH hefur tekist að standa
vel í lappirnar undir þessari pres-
su. Hið mikla líf í Víkingunum hef-
ur líka komið mér verulega á
óvart, ekki síst eftir skelfilega erf-
iða byrjun þar sem nánast allir
voru búnir að dæma þá til vistar í
deildinni fyrir neðan.“
Beðinn um að nefna lið sem
hafa ekki staðið undir væntingum
telur hann fyrst upp KR-inga.
„Þeir hafa ekki gert það sem búist
var við af þeim. Skagamenn ekki
heldur.“
Þegar talið berst að frammi-
stöðu einstakra leikmanna segir
Arnar að heilt yfir vanti menn
stöðugleika. „Menn fylgja ekki eft-
ir góðri frammistöðu í síðasta leik.
Það er eins og þeir séu sáttir og
leyfi sér að gera nánast ekkert í
þeim næsta. Mér sýnist þetta
reyndar loða við allar íþróttagrein-
ar, það vantar þessa hörku sem
einkenndi eldri kynslóðirnar þar
sem góð frammistaða í einum leik
kallaði á enn betri frammistöðu í
þeim í næsta.“ Arnari er ekki að
fullu ljóst af hverju þetta stafar en
dettur helst uppeldislegir þættir í
hug. „Þessir leikmenn hafa verið
keyrðir á æfingar, það hefur verið
dekstrað við þá hér og þar og þá
vantar meiri karakter.“
En hvað heldur Arnar Björns-
son um framhaldið, hverjir verða
Íslandsmeistarar og hvaða lið falla
í fyrstu deild? „Ég býst við að þetta
verði spennandi alveg fram á síð-
ustu metrana. Það kæmi mér ekk-
ert á óvart ef Fylkismenn stæðu í
lappirnar í ár og FH-ingarnir, með
sinn sterka hóp, gætu farið alla
leið. En svo má aldrei afskrifa
Skagamenn, þeir eru ótrúlegir og
hafa alltaf verið. En ég sé KR-inga
ekki gera neinar rósir, það vantar
allt bit í þá.“
Arnar telur að lokaspretturinn
verði Grindavík og KA sérstaklega
erfiður án þess þó að hann vilji úr-
skurða þau fallin. „Það er langur
vegur þar frá. Holningin á þeim er
hinsvegar þannig að mér sýnist
þetta verða þeim erfitt. Svo geta
Frammarar og Víkingar dregist
niður í þetta líka.“ BJORN@FRETTABLADID.IS
7. ágúst 2004 LAUGARDAGUR
Lokasprettur Landsbankadeild-
arinnar í knattspyrnu karla er að
hefjast og baráttan um stigin fer
harðnandi. Mjótt er á munum á
toppi og botni en þrettán stig skil-
ja efsta liðið frá því neðsta. Hvert
lið á möguleika á að næla sér í
átján stig í leikjunum sex sem eft-
ir eru og fræðilega getur botnlið
dagsins í dag enn orðið Íslands-
meistari og toppliðið getur að
sama skapi fallið.
Í vor spáðu fyrirliðar, þjálfarar
og forráðamenn félaganna fyrir
um lyktir mótsins og gerðu þeir
ráð fyrir að 4 lið myndu berjast á
toppnum, 4 á botninum og 2 sigla
lygnan sjó um miðja deild. KR og
ÍA eru nokkuð fjarri því sem spáð
var, gengi ÍBV er talsvert betra en
ráð var fyrir gert en KA og Fram
hafa brugðist væntingum.
Auðvitað er ómögulegt að segja
fyrir, með vissu, hvernig liðin rað-
ast í sæti að aflokinni lokaumferð-
inni laugardaginn 18. september
og í því sambandi má benda á að á
síðasta ári breyttist margt frá tólf-
tu umferð til þeirrar síðustu. Fylk-
ir, Grindavík, KA og Þróttur
misstu þá flugið en að vanda
hysjuðu Frammarar upp um sig
brækurnar. Skagamenn léku þó
manna best á lokametrunum og
unnu sér inn 16 af þeim 18 stigum
sem voru í boði. Séu tímabilin nú
og í fyrra enn borin saman kemur
í ljós að mun færri mörk hafa -
verið skoruð í leikjum sumarsins.
144 slík hafa litið dagsins ljós nú á
móti 180 í fyrra og er munurinn
þrjú mörk í hverri umferð. Sókn-
dirfska liðanna virðist því ekki
jafn mikil og áður en erfitt er að
greina ástæður þess.
Hverjir verða meistarar?
Toppliðið FH hefur aðeins beð-
ið lægri hlut í einum leik í sumar,
gegn Fylkismönnum í Árbænum í
annarri umferð mótsins. Liðið hef-
ur hinsvegar gert fimm jafntefli.
Eyjamenn, sem eru í öðru sætinu,
hafa hinsvegar tapað í þremur
viðureignum og gert jafntefli í
þrígang. Fylkir hefur tapað í tví-
gang og gert fimm jafntefli.
Spámenn hallast helst að því að
FH og Fylkir berjist um Íslands-
meistaratitilinn á lokasprettinum
og að Eyjamenn blandi sér í bar-
áttuna. Þeir vilja þó ekki afskrifa
Skagamenn sem alltaf eru líklegir
til alls og sumir nefna að KR-ingar
eigi enn möguleika á að sýna sitt
rétta andlit.
Ómögulegt er að segja fyrir um
hvert þriggja fyrstnefndu liðanna
á „þægilegustu“ leikina eftir þar
sem úrslitin í sumar hafa oft verið
óvænt og baráttan á lokasprettin-
um getur leyst nýjan kraft úr læð-
ingi. FH-ingar eiga eftir að fá Vík-
inga, Skagamenn og Framara í
heimsókn og fara til Eyja, Grinda-
víkur og Akureyrar. Eyjamenn
eiga eftir útileiki gegn KR-ingum,
Keflvíkingum og Skagamönnum
og heimaleiki gegn FH, Víkingi og
Fylki. Árbæingarnir eiga svo úti-
leiki gegn Keflvíkingum, Víking-
um og Eyjamönnum og fá
Frammara, KA-menn og KR-inga í
heimsókn. BJORN@FRETTABLADID.IS
ÓLAFUR JÓHANNESSON ÞJÁLFARI FH Hafn-
firðingarnir hafa leikið vel í sumar og eru að
margra mati með besta liðið. FRÉTTABLAÐIÐ/TEITUR
EYJAMENN FAGNA MARKI Þeir hafa laumað sér upp stigatöfluna og geta allt
eins haft Íslandsbikarinn með sér út í Eyjar í haust. FRÉTTABLAÐIÐ/PJETUR
Baráttan harðnar –
líf eða dauði í húfi
Sex umferðir eru eftir í Landsbankadeild karla í knattspyrnu. FH-ingar
eru á toppnum og sérfræðingar Fréttablaðsins telja að baráttan um Ís-
landsmeistaratitilinn standi helst á milli þeirra og Fylkismanna.
G Æ Ð A F R A M K Ö L L U N U M A L L T L A N D
Arnar Björnsson íþróttafréttamaður hjá íslenska útvarpsfélaginu:
Það vantar dirfsku í íslensku liðin
ARNAR BJÖRNSSON Verður spennandi
fram á síðustu metrana. FRÉTTABLAÐIÐ/PJETUR