Fréttablaðið - 08.08.2004, Blaðsíða 48
SÍMANÚMER FRÉTTABLAÐSINS: 550 5000, fax: 550 5099 Ritstjórn: 550 5005, fax: 550 5006, ritstjorn@frettabladid.is
Auglýsinga- og markaðsdeild: 550 5010 - fax 550 2727, auglysingar@frettabladid.is Veffang: visir.is
VI Ð S EG J U M F R É T T I R SM Á A U G L Ý S I N G AS Í M I N N E R 550 5000
FAHRENHEIT 9/11
"Virkilega fyndin og einstaklega vel gerð."
K.D. Fbl.
**** H.J. Mbl. *** Ó.H.T. Rás 2 *** S.K. Skonrokki
Ó!
Ífáu felst meiri munaður en því aðnjóta þess að sjá eftir einhverju
sem maður hefur gert, geta iðrast,
kveinað og fundið samúð, ef ekki hjá
öðrum þá hjá sjálfum sér, vera písl-
arvottur eigin óhæfuverka. Undir
þessa sök eru flestar þjóðir seldar.
Þær vorkenna sér, ó-a, æ-a, og sum-
ar kalla á hjálp og berja sér á brjóst
þegar ekki verður aftur snúið og
engin leið að bæta. Fróun felst þá í
bókum með myndum af því sem var
eyðilagt.
KÁRAHNJÚKABÓKIN er ekki
bara almenn hugfróun heldur við-
vörun til fólks með þörf fyrir að
verja náttúruna með ágangi ástar á
hjólum.
Myndirnar æpa til varnar óspilltri
náttúru, öræfum þar sem varla
verður lengur þverfótað fyrir jepp-
um, fólksbílum, snjósleðum, og nú
bætast húsbílar við flota ástmanna
landsins.
Þeir eru nauðsynlegir svo fjölskyld-
an geti skoðað náttúruperlur og leit-
að á vit kyrrðar, fundið frið og feng-
ið endurnæringu í jöklanna skjóli,
eins og það heitir á fjölmiðla- for-
seta- og forstjóramáli.
ÞÖRF FYRIR að vekja sér kvöl og
njóta kvala er einkenni tímans og
kemur fram hjá okkur á þann hátt að
samkvæmt fornum hefðum lítum við
á náttúruna sem lifandi kvenveru.
Gegn glæpum unnum á henni rýkur
hún upp, ein og hjálparlaust, sér til
varnar og tekur ómakið af ástmönn-
um sínum. Það er hentugt fyrir gáf-
aða hetju- og karlmennskuþjóð.
Náttúran ver sig með vopnum
sínum: Eldgosum, vatnavöxtum, og í
okkar stað rís hún gegn Kárahnjúka-
virkjun. Við þurfum ekkert að gera
annað en kaupa bókina.
Þannig hugsa margir hjá þjóð sem
hefur gefist upp fyrir sjálfri sér
meðan aðrir athafna sig með
þrjósku, lausir við tilfinningavellu
og hræsni. Hendur þeirra vita að til
að tryggja auð og sóun hjá grát-
gjörnum er um fátt að ræða annað
en eyða því sem fyrir var en ekki til
neins sáð af hagsýni.
SVO EKKI er fjarstæða heldur
þekking á sálarlífi að auglýsa á
þennan freistandi hátt:
Einstakir mæðudagar fyrir alla fjöl-
skylduna verða haldnir á Húsavík
um næstu helgi. Húsbílar eru sér-
staklega velkomnir.
Ísland - sækjum það heim!
BAKÞANKAR
GUÐBERGS
BERGSSONAR