Fréttablaðið - 09.08.2004, Blaðsíða 18

„Ég hef átt heima í þessum
garði í ellefu ár,“ segir Jóhanna B.
Magnúsdóttir glaðlega um leið og
hún sýnir okkur matjurtagarðinn
sinn sem er einstakur yfir að líta.
Ekki bara vegna sinnar fjölbreyttu
flóru og litaskrúðs heldur líka
formsins. Hann er hringlaga og
mynstrið innan hans minnir á lífs-
ins tré, þar sem göngustígar
mynda greinarnar og í miðjunni er
rautt hjarta.
Jóhanna starfar á skrifstofu
Garðyrkjufélags Íslands en sinnir
eigin garði í frístundum og telur
ekki eftir sér tímann sem fer í
hann. „Þetta er svo óskaplega gef-
andi,“ segir hún sannfærandi.
Kveðst strax vera farin að nota
uppskeru sumarsins og sýnir til
dæmis tvílitar rauðrófur sem hún
er farin að taka upp í matinn og tel-
ur sérlega ljúffengar. Þær eru ein
þriggja tegunda rauðrófna sem
hún ræktar.
Staðsetning garðsins er eins og
best verður á kosið þar sem hann
hallar aðeins móti suðvestri og
skjól er úr öllum áttum. Enda er
hann gróskumikill og tegundirnar
sumar framandlegar. Þar eru til
dæmis rósakál, blómkál og
grænkál í rauðum lit. Einnig ótal
tegundir af salati, fjórar af
spergilkáli, tveir litir af hnúðkáli
og tvenns konar kínverskt kál, ann-
að með rauðum og hvítum blöðum.
„Ég pantaði mér fræ frá Englandi í
vor og sumt af því sem vaxið hefur
upp hefur náð góðum þroska. Ég
veit þó ekki hvort rauða blómkálið
nær að mynda hausa,“ segir
Jóhanna. Algengar tegundir kveðst
hún kaupa á vorin hjá garðplöntu-
sölum og síðustu ár hafi hún bara
sáð „sérviskuplöntunum“ inni.
Meðal þeirra eru selleríi og sellerí-
rót og ætiþistil kveðst hún hafa
ræktað í nokkur ár, „svona upp á
sportið“. Hann hefur verið í vermi-
reit og sama er að segja um fenni-
kel. En nær hún að nýta þetta allt
saman?
„Mig langaði svo að búa til fall-
egan matjurtagarð að ég ákvað það
í vor að vera ekki að hugsa um
hvort allt nýttist. Ég rækta líka
fullt af blómum og enginn gerir
kröfu um að þau séu æt,“ segir
Jóhanna brosandi og bætir við: „Ég
geri þetta ánægjunnar vegna og er
með heilu máltíðirnar þar sem hrá-
efnið er allt úr garðinum. Það eru
sannkallaðar uppskeruhátíðir.“
gun@frettabladid.is
Passaðu að bera áburð reglulega á garðinn þinn
þegar hausta fer.
Þannig helst grasið grænna lengur.
Skrautlegar matjurtir:
Sáir sérviskuplöntunum inni
560 6000 | landsbanki.is
Banki allra landsmanna
Landsbankinn býður fjölbreytt fasteignalán til allt að 40 ára með
lágum vöxtum og sveigjanlegum endurgrei›sluskilmálum.
Hámarksve›setning getur numi› allt a› 80% af söluver›mæti
eignar. Lög› er áhersla á eins stuttan afgrei›slutíma og kostur er.
Rá›gjöf og nánari uppl‡singar hjá Fasteignafljónustu Landsbankans
og í útibúum bankans um allt land.
Tækifæri til framkvæmda og hagræðingar
ÍS
LE
N
SK
A
AU
G
LÝ
SI
N
G
AS
TO
FA
N
E
H
F/
SÍ
A
LB
I 2
47
78
0
5.
20
04
Jóhanna við hjarta garðsins sem gert er úr rauðri möl. Allt í kring breiðir grænmetið úr sér.
FR
ÉT
TA
B
LA
Ð
IÐ
/S
TE
FÁ
N