Tíminn - 19.09.1972, Side 17

Þriftjudagur 19. september 1972
TÍMINN
17
Tekst Eyjamönnum að sigra
norsku Vfkingana á sunnudag?
Lið Norðmanna er mjög leikreynt. Meðalaldur liðsmanna er 25 ár.
Víkingarnir hafa forustu í 1. deildar keppninni í Noregi
Þessi mynd var tekin af Vestmanifaeyjaliðinu eftir leik þess gegn Akranesi. Aftari röö frá
vinstri: Kristján, Einar, örn, Haraidur og Asgeir. Fremri röð: Viktor Helgason, þjálfari, Frið-
finnur, Þórður, Ólafur, Páll, Tómas og Óskar.
N.k. sunnudag fer
fram Evrópubikar-
leikur á Laugardals-
vellinum, sem beðið
er eftir með talsverðri
eftirvæntingu, en það
er siðari leikur Vest-
mannaeyinga og
norsku Vikinganna i
UEFA-keppninni.
Eins og kunnugt er,
sigraði norska liðið i
fyrri leiknum með 1:0
eftir frekar jafnan
leik, og er ekki óhugs-
andi, að Vestmanna-
eyingum takist að
snúa taflinu við,
þegar leika á á
heimavelli. Til þess
að komast i 2. umferð
keppninnar þurfa
Vestinannaeyingar að
sigra með tveggja
marka mun.
Keppinautar Vestmanna-
eyinga eru frá Stavangri og
hafa þeir forustu i 1. deildar
keppninni i Noregi um þesar
mundir.
tþróttafélagið Viking var
stofnað i Stavangri 10. ágúst
1899. A vegum félagsins eru
æfðar allar greinar iþrótta:
knattspyrna, handknattleikur,
frjálsar iþróttir, fimleikar og
ishokki. Knattspyrnan er þó
vinsælust og liðið getur státað
af mörgum fræknum sigr-
inum. Viking sigraði i bikar-
keppninni i fyrsta sinn 1953,
þeir urðu deildarmeistarar
1957-58 og aftur 1959 urðu þeir
bikarmeistarar.
Viking varð i þriðja sæti
deildarinnar 1968 og 1971. Lið
Vikings sýndi oft á tiðum stór-
kostlega knattspyrnu i fyrra,
og hefur áhugi á knattspyrnu i
Stavangri margfaldazt. Ekki
hafa norsku Vikingarnir held-
ur brugðist fylgismönnum sin-
um i sumar, og er árangur
þeirra á þessu sumri sérstak-
lega glæsilegur. Þeir eiga eftir
að leika 4 leiki, alla á
heimavelli, en hafa þriggja
stiga forystu fram yfir næsta
lið. Leikvangur félagsins er
einn glæsilegasti félagsvöllur i
Noregi, Hann rúmar 16000
áhorfendur. og nýlega var sett
upp mjög góð flóðlýsing á völl-
inn. Flóðljósin voru gjöf
bæjaryfirvalda i Stavangri,
þakklætisvottur fyrir hinn
góða árangur liðsins að und-
anförnu. Ljós þessi voru vigð i
leik IBV og Vikings 13.
september, og kostuðu þau
rúmlega I3milljónir islenzkra
króna.
Meðalaldur leikmanna
Vikings er tæp 25 ár, en það
þætti mikið uppi á Islandi.
Elzti leikmaðurinn er Riedar
Goa, hann er þrjátiu ára gam-
all. Leikreyndasti maður liðs-
ins er Olav Nilsen, sem leikið
hefur 325 leiki með liðinu og 62
landsleiki. Hann er fjórði leik-
hæsti maður Vikings frá þvi
árið 1924. Olaf er einnig sá,
sem skorað hefur flest mörk af
núverandi leikmönnum liðs-
ins, eða 96, en Arvid Knutsen
fylgir fast á eftir honum með
94 mörk.
Olav Nilsen hefur leikið
flesta landsleiki leikmanna
liðsins eða 62, en samtals hafa
leikmennirnir leikið 102 lands-
leiki, 37 unglingalandsleiki, 5
b-landsleiki og 18 sinnum hef-
ur einhver leikmaður liðsins
leikið með héraðsúrvali.
öll aðstaða leikmanna er
hin bezta, enda hefur liðið náð
góðum árangri upp á siðkast-
ið. 1 leik ÍBV og Vikings, sem
fór fram i Stavangri 13.
september, sýndi liðið marga
skemmtilega hluti, og öruggt
er,að leikurinn á sunnudaginn
verður harður, góður vel leik-
inn og þar af leiðandi
skemmtilegur. Hvernig úrslit-
in verða, veit enginn. IBV
sýndi stjörnuleik i Noregi, og
vissulega voru þeir óheppnir
að tapa leiknum. IBV er af
mörgum talið bezta lið Islands
i dag, og Vikingar eru beztir i
Noregi. IBV þarf að sigra i
leiknum með tveggj marka
mun eða vinna 1-0, og svo i
vitaspyrnukeppni að leiknum
loknum til að komast i aðra
umferö i UEFA-keppninni.
LEIKMENN VIKINGS:
Erik Johannesson mark-
vörður er tvtugur nemi og hef-
ur leikið 11 unglingalandsleiki
og 49 leiki með aðalliði
Vikings, sýndi snilldarleik i
leik Vikings og IBV i Stav-
angri.
Arnbjörn Ekeland varnar-
maður nr. 2, 24 ára gamall
verzlunarmaður, mjög leik-
reyndur leikmaður, hefur
leikið 11 unglingalandsleiki, 3
a-landsleiki og 166 leiki með
aðalliði Vikings.
Reidar Goa varnarmaður
nr. 3, þritugur bóndi, hefur
leikið 6 unglingalandsleiki, 1
a-landsleik, 5 b-landsleiki og
192 leiki með aðalliði Vikings.
Svein Hammerö framlinu-
leikmaður nr. 8, 24 ára nemi. 8
unglingalandsleikir og 163
leikið með aðalliði Vikings.
Hammerö var varamaður i
landsliði Norðmanna i leiknum
á móti Islendingum i sumar.
Arvid Knudsen framlinu-
leikmaður nr. 11, 28 ára kenn-
ari, hefur leikið 5 unglinga-
landsleiki, 5 leiki með héraðs-
úrvali og 260 leiki með aðalliði
Vikings.
Olav Nilsen miðjuleikmaður
nr. 6, 29 ára sölufulltrúi, hann
er leikreyndasti leikmaður
Vikinganna, á að baki 62
landsleiki, 5 leiki með héraðs-
úrvali og 325 leiki með aðalliði
Vikings.
Framhald á bls. 19
Þessi skemmtilega mynd var tekin af Eyja-liðinu fyrir skömmu. í baksýn er höfnin I Vestmannaeyjum.