Fréttablaðið - 14.05.2004, Blaðsíða 60

40 14. maí 2004 FÖSTUDAGUR
Guðjón Þórðarson enn á milli tannanna á fólki:
Orðaður við Blackpool
FÓTBOLTI Guðjón Þórðarson er orð-
aður við framkvæmdastjórastarfið
hjá Blackpool sem er í ensku 2.
deildinni. Á stuðningsmannasíðu
félagsins er sagt frá því að raun-
veruleg ástæða fyrir því að Guðjón
hafi hafnað tilboði frá skoska félag-
inu Hibernian sé sú að hann hafi
haft augastað á starfinu hjá Black-
pool, en ekki af þeirri ástæðu að sá
samningur sem Hibernian hafi boð-
ið Guðjóni hafi ekki verið til lang-
frama. Sagt er frá því að menn hjá
Blackpool séu að vonast eftir að
sonur Guðjóns, Bjarni, komi með
kallinum ef af þessu verður. Bjarni
er reyndar samningsbundinn þýska
úrvalsdeildarfélaginu Bochum en
hefur leikið með 1. deildar liði
Coventry á síðari hluta þessarar
leiktíðar og þótt standa sig mjög
vel. ■
Landsbankadeild karla:
Egill dæmir
FÓTBOLTI Egill Már Markússon dæm-
ir leik KR og FH í fyrstu umferð
Landsbankadeildar karla á laugar-
dag. Upphaflega átti Gylfi Þór
Orrason að dæma leikinn en hann
meiddist þegar hann dæmdi úrslita-
leik Breiðabliks og Fjölnis í neðri
deild deildabikarsins.
Egill Már Markússon átti að
dæma leik ÍA og Fylkis á Akranesi á
sunnudag en Magnús Þórisson, sem
átti að vera varadómari í leik KR og
FH, dæmir leikinn uppi á Skaga.
Garðar Örn Hinriksson dæmir
leik Grindavíkur og ÍBV í Grinda-
vík, Kristinn Jakobsson dæmir leik
KA og Keflavíkur fyrir norðan og
Jóhannes Valgeirsson leik Fram og
nýliða Víkings í Laugardalnum á
sunnudaginn. ■
■ TALA DAGSINS
Leikmenn Leicester Cityhafa skorað sjö af 29
sjálfsmörkum ensku úrvals-
deildarinnar í vetur. Leicester
hefur fengið á sig 63 mörk í vetur
og hafa leikmenn félagsins því
skorað níunda hvert mark sem það
hefur fengið á sig.
Leicester hefur ekki eingöngu
verið í hlutverki gefandans í vetur
því tvisvar hafa mótherjar félags-
ins sent boltann í eigið mark.
Meistarar Arsenal hafa þegið flest
sjálfsmörkin en fjórum sinnum
hafa mótherjar þeirra sent boltann
í eigið mark.
Ian Walker er eini markvörður-
inn sem hefur skorað sjálfsmark,
Gary Neville er sá eini sem hefur
skorað tvö sjálfsmörk og Alan
Smith er eini sóknarmaðurinn sem
hefur skorað sjálfsmark. ■
7
GUÐJÓN ÞÓRÐARSON
Á leiðinni til Blackpool?
60-61 (40-41) Sport 13.5.2004 22:21 Page 2