Tíminn - 20.09.1972, Blaðsíða 7
Miftvikudagur 20. septeniber 1972
SUF — ÞINGIÐ
7
Már Pétursson flytur skýrslu sfna
Skipulagning
ferðamálanna
„14. þing SUF ályktar um
nauðsyn þess, að framtiðar-
möguleikar þjóðarinnar á
sviði ferðamála verði nýttir á
skipulegan hátt. Sú kynning,
sem þjóðin hefur hlotið undan-
farið, getur, ef rétt er á haldið,
orðið grundvöllur að nýrri
sókn i tekjuöflun af ferðamál-
um. Gæta verður þess, að
straumur ferðamanna verði
viðráðanlegur fyrir okkar litlu
þjóð, sem kappkosta verður að
hafa rekstur ferðamannaþjón-
ustunnar i eigin höndum”.
Guðmundur Sveinsson,
skólastjóri, flytur ræðu sina.
Stefán Valgeirsson,
alþingismaður, flytur ávarp
í kvöldveröarboöi SUF.
r
SUF-þlngið
Þvi næst skilaði nefndanefnd
áliti, og var framsögumaður
Elias Sn. Jónsson. Var skipað i
þrjár nefndir: Stjórnmála-
nefnd, flokksmálanefnd og
starfsverkefna- og fjárhags-
nefnd.
Þá voru teknar fyrir laga-
breytingar. Atli Freyr Guð-
mundsson mælti fyrir tillögu,
sem hann flutti ásamt nokkr-
um öðrum þingfulltrúum, þess
efnis, að aldurshámark i sam-
tökunum væri hækkað i 35 ár.
Eftir nokkrar umræður var
tillaga Atla samþykkt með
yfirgnæfandi meirihluta
atkvæða gegn 5.
Siðan hófust nefndastörf.
Sátu nefndir að störfum allan
daginn. Flokksmálanefnd og
starfsverkefna- og fjárhags-
nefnd luku störfum fyrir
kvöldmat, en stjórnmálanefnd
skipaði tvær undirnefndir til
að fjalla um annars vegar
stjórnmálayfirlýsingu og hins
vegar ályktanir um efnahags-
mál og atvinnumál, og voru
þær að störfum á laugardags-
kvöldið. Stjórnmálanefndin
kom siðan saman til fundar á
sunnudagsmorguninn, og af-
greitt var álit undirnefndanna
til þingsins til umræðu og af-
greiðslu.
Á laugardagskvöldið var
þingfulltrúum boðið til sam-
eiginlegs kvöldverðar á veg-
um SUF. Undir borðum fluttu
stuttar ræöur þeir Már
Pétursson, Stefán Valgeirs-
son, alþingismaður, Ingi
Tryggvason, formaður Kjör-
dæmissambands framsóknar-
manna i Norðurlandskjör-
dæmi eystra, Askell Einars-
son, framkvæmdastjóri
Fjórðungssambands Norð-
lendinga og fyrrum gjaldkeri
SUF, Atli Freyr Guð-
mundsson, erindreki, ölafur
Ragnar Grimsson, lektor, og
Friðgeir Björnsson, fram-
kvæmdastjóri.
Þingfundur hófst að nýju að
morgni sunnudagsins 3.
september, og voru þar tekin
til umræðu og afgreiðslu álit
nefnda. Guðbjartur Einars-
son, Rvik, hafði framsögu um
álit starfsverkefna- og fjár-
hagsnefndar, Pétur Einarsson
V
um álit flokksmálanefndar og
Elias Sn. Jónsson og Ólafur
Ragnar Grimsson höfðu fram-
sögu annars vegar um stjórn-
málayfirlýsingu og hins vegar
um efnahagsmálaálit stjórn-
málanefndar.
Verulegar umræður urðu
um öll nefndaálitin, ýmsar
breytingatillögur komu fram
og einnig ýmsar sjálfstæðar
tillögur, og voru sumar sam-
þykktar en aðrar ekki. Alitin
voru loks samþykkt sam-
hljóða með ágerðum breyting-
um.
Að loknum hádegisverði
flutti Guðmundur Sveinsson,
skólastjóri Samvinnuskólans
að Bifröst, fróðlegt og snjallt
erindi um unga fólkið og
stjórnmálin. Var mjög góður
rómur gerður að máli hans.
Afgreiðslu nefndaálita var
lokið um kl. 3 á sunnudag, og
var þá gengið til stjórnar-
kjörs. Baldur óskarsson lýsti
tillögum uppstillinganefndar,
og voru tillögur nefndarinnar
um formann, varaformann,
gjaldkera og ritara samþykkt-
ar samhljóða. Viðbótartillaga
kom um meðstjórnendur, og
var því kosið um þá og tillaga
nefndarinnar samþykkt meö
yfirgnæfandi meirihluta at-
kvæða. Varamenn voru
kjörnir einróma, og eins allir
miðstjórnarmenn nema I
Reykjaneskjördæmi: um þá
komu fram tillögur um fleiri
en kjósa átti og þvi gengið til
atkvæða.
Listi yfir alla þá, sem
kjörnir voru i framkvæmda-
stjórn og miðstjórn er á öðrum
stað i þessum blaðauka.
Að kosningum loknum var
dagskrá þingsins tæmd.
Nokkrir stjórnarmenn þökk-
uðu fráfarandi formanni, Má
Péturssyni, fyrir sérstaklega
gott samstarf og mikið starf
hans fyrir samtökin, og þökk-
uðu þingfulltrúar honum með
löngu og dynjandi lófataki.
Þvi næst flutti Ingvar Bald-
ursson, formaður FUF á
Akureyri, ávarp.
Þá flutti nýkjörinn for-
maður, Elias Snæland Jóns-
son, lokaávarp þingsins.
Ræddi hann helztu verkefni
samtakanna á næstu árum og
taldi störf þingsins mikil og
merkileg, og yrði viða eftur
þeim tekið. Þvi næst sleit hann
14. þingi SUF.
Allmargar konur voru á SUF-þinginu.
Ingvar Baldursson, I. þingforseti, I ræöustól. Við boröiö f.v. Pétur Einarsson, 3. þingforseti, Björn
Teitsson, 2. þingforseti, Bergsveinn Auöunsson, þingritari, Páll Björnsson, þingritari, og Gunnlaugur
Sigmundsson, ritari SUF.
(.... ......................................
Stjórnmálayfirlýsing Framhaid af 5. síöu.
þeirri raunhæfu vinstri stefnu, sem felst i
málefnasamningi stjórnarflokkanna.
Ungir framsóknarmenn leggja áherzlu
á:
að málefnasamningur rikisstjórnarinnar
og þjóðmálastefna ungra framsóknar-
manna er i öllum grundvallaratriðum
andstæð stefnumiðum ihaldsaflanna i
landinu.
að islenzkir vinstri menn styrki og efli
rikisstjórnina og treysti grundvöll
hennar.
að samstarf verkslýðshreyfingar og
samvinnuhreyfingar sé aukið mjög, og
náið samráð haft við þessar hreyfingar
um stjórnun landsins.
að viðræðum vinstri flokkanna um mótun
sameiginlegs stjórnmálaafls allra
þeirra, sem aðhyllast hugsjónir jafn-
aðar, samvinnu og lýðræóis, leiði til
skynsamlegrar niðurstöðu.
að framsóknarmenn verði forystuafl við-
tækrar lýðræðissinnaðrar vinstri fylk-
ingar, sem megni i nánu samstarfi við
fjöldahreyfingar fólksins, að gera átt-
unda áratuginn að timabili nýrrar
vinstri stefnu á íslandi.
Þjóðhátíðar-
hald á Þing-
röllum 1974
,,Þing SUF fagnar
þvi, að stefnt skuli að
þjóðhátiðarhaldi á
ÞingvöIIum þegar
minnzt verður ellefu
hundruð ára byggðar i
landinu. Slik þjóðhá-
tið yrði hin fyrsta sið-
an islendingar urðu
algerlega sjálfstæð
þjóð. Þjóðhátið á
Þingvöllum gæti, ef
vel tækist, orðið veru-
legur aflvaki fyrir
sjálfstæðisbaráttu
þjóðarinnar á kom-
andi árum. Hún
myndi vekja athygli
alls heimsins á sögu-
legri hefð þjóðarinnar
og þeim erfðum, sem
við ætlum að varð-
veita”.