Fréttablaðið - 14.05.2004, Blaðsíða 65

FÖSTUDAGUR 14. maí 2004 45
HVAÐ? HVENÆR? HVAR?
11 12 13 14 15 16 17
Föstudagur
MAÍ
Nýtt frá Sony
Ný hönnun, nýjir möguleikar
DCR-PC109E stafræn tökuvél
frá Sony.
Tökuvélin er með Carl Zeiss
“
Vario-Tessar”linsu
sem tryggir þér ótrúleg myndgæði. Vélin er með
hágæða 2,5" litaskjá sem er jafnframt snertiskjár,
þannig að þú stjórnar skipunum einfaldlega með
því að styðja á skjáinn.
Carl Zeiss Vario Tessar Linsa
1.070.000 pixla Super HAD myndflaga
Tengistöðin gerir hleðslu og tengingar auðveldari
9.999 krónur í 12 mánuði*
eða 119.988 krónur

DCR-HC20
Carl Zeiss Vario Tessar Linsa
800.000 pixla Super HAD myndflaga
USB streaming
7.999 krónur í 12 mánuði*
eða 95.988 krónur
*Miðað við 12 jafnar vaxtalausar greiðslur á Visa eða Mastercard
skuldabréf. 0,5% stimpilgjald bætist við samningsfjárhæðina og greiðist með
jöfnum greiðslum yfir samningstímann.
DCR-HC14E
640x zoom (10x optical)
800.000 pixlar Super HAD myndflaga
USB streaming
5.499 krónur í 12 mánuði*
eða 65.988 krónur
Opið alla helgina
■ ■ TÓNLEIKAR

12.00 Fyrri nemendatónleikar
Tónskóla þjóðkirkjunnar verða haldnir
í Hallgrímskirkju í hádeginu. Þar leika
nemendur Björns Steinars Sólbergsonar
á orgel.

16.00 Kór félags eldri borgara á
Akureyri syngur í kirkjunni í Þorláks-
höfn. Stjórnandi og undirleikari er Guð-
jón Pálsson.

17.30 Framlag Listasafns Íslands til
Listahátíðar í Reykjavík 2004 er sýningin
Í nærmynd Close-up, bandarísk sam-
tímalist. Sýningarstjórar eru Gunnar B.
Kvaran og Ólafur Kvaran.

19.00 Bandaríska pönksveitin Trag-
edy spilar í Menningarhúsi Hafnarfjarðar
ásamt hljómsveitunum Gorilla Angreb,
Andlát, I Adapt, Dys og Hrafnaþing.
Allir aldurshópar.

20.00 Útskriftartónleikar frá Lista-
háskóla Íslands verða í Hallgrímskirkju.
Flutt verða verk eftir tvo tónsmíðanema,
þau Inga Garðar Erlendsson og Þóru
Gerði Guðrúnardóttur.

22.00 Kristján Kristjánsson (KK)
og Bill Bourne verða með tónleika á
Café Rosenberg, Lækjargötu 2.

23.00 Bandarísku grasrótar-
rokksveitirnar Face and Lungs og
Snacktruck standa fyrir sannkallaðri
rokkveislu á Grand Rokk ásamt Jan
Mayen og Kimono.
■ ■ LISTOPNANIR

17.00 Sýning á máluðum portrett-
myndum eftir Sigrúnu Eldjárn verður
opnuð í Tjarnarsal Ráðhúss Reykjavíkur.
Sýningin haldin í tilefni af fimmtugs-
afmæli hennar sem var 3. maí síðastlið-
inn.
■ ■ SKEMMTANIR

Dj Kárí á Vegamótum.

Spilafíklarnir á Rauða ljóninu.
■ ■ SAMKOMUR

19.00 Bein útsending verður á
breiðtjaldi frá brúðkaupsveislu Friðriks
og Mary í Norræna húsinu. Kaffistofan
verður opin og fólk getur tekið veitingar
með sér inn í salinn. Allir velkomnir á
meðan húsrúm leyfir.
Upplýsingar um viðburði og sýningar
sendist á hvar@frettabladid.is ekki síð-
ar en sólarhring fyrir birtingu.
Kirkjunni breytt í leikhús
ÓPERUSÝNING „Tækniliðið okkar er
búið að breyta kirkjunni á Eskifirði
í leikhús,“ segir Sesselja Kristjáns-
dóttir söngkona, sem fer með hlut-
verk Carmenar í uppfærslu Ís-
lensku óperunnar og Óperustúdíós
Austurlands þar í kirkjunni á Eski-
firði.
„Mér skilst að kirkjan sé hugsuð
sem fjölnotahús, en þá helst fyrir
tónleika. Mér heyrist á heimamönn-
um að þeir séu hissa á því hvernig
tekist hefur að breyta henni í leik-
hús. Það er búið að myrkva allt,
líma fyrir glugga og setja upp ljósa-
brautir.“
Óperan Carmen verður sýnd á
Eskifirði í kvöld og er þetta eina
sýningin sem fyrirhuguð er. Sess-
elja vill þó ekki útiloka að fleiri sýn-
ingar gætu orðið, en segist samt
ekkert vita um það.
„Það er ekki á dagskrá, að
minnsta kosti ekki sem stendur.“
Þessi sýning er liður í viðleitni
Íslensku óperunnar að sinna lands-
byggðinni, þar sem hún á ekki ein-
göngu að sinna Reykvíkingum.
Þrír söngvarar á vegum óper-
unnar, þau Sesselja, Jóhann Frið-
geir Valdimarsson og Hulda Björk
Garðarsdóttir, héldu því til Eski-
fjarðar nú í byrjun vikunnar. Jó-
hann Friðgeir syngur Don José en
Hulda Björk Micaelu.
Með í förinni var Kurt Kopecki
hljómsveitarstjóri og Kári Halldór
leikstjóri, að ógleymdum sminkum,
tæknifólki og öðrum þeim sem þarf
til að setja upp eina óperusýningu.
Fyrir austan tók síðan á móti
þeim fríður flokkur tónlistarmanna,
þar á meðal Keith Reed sem syngur
nautabanann Escamillo og svo kór-
inn sem er skipaður heimamönnum.
„Við flytjum Carmen ekki í fullri
lengd, en öll þessi stóru þekktu
númer halda sér og sömuleiðis skil-
ar söguþráðurinn sér nokkurn veg-
in,“ segir Sesselja, sem viðurkennir
að Carmen sé tvímælalaust drauma-
óperan fyrir mezzósópran.
„Þetta er auðvitað eitt bitastæð-
asta hlutverkið í mínu fagi.“ ■
SÖNGVARAR ÍSLENSKU ÓPERUNNAR
Þau ætla að flytja óperuna Carmen í kvöld á Eskifirði í samvinnu við Austfirðinga.
64-65 (44-45) Slanga 13.5.2004 20:46 Page 3