Fréttablaðið - 24.05.2004, Blaðsíða 18
18 24. maí 2004 MÁNUDAGUR
■ JARÐARFARIR
24. maí er sjálfstæðisdagur Erít-reubúa, en á þessum degi árið
1993 lýstu þeir yfir sjálfstæði frá
Eþíópíu.
Erítrea var áður ítölsk nýlenda
og fór undir breska stjórn árið
1941. Ellefu árum síðar ákváðu
Sameinuðu þjóðirnar að leysa
deilur um stöðu landsins með því
að gera Erítreu að sjálfráðu fylki í
Eþíópíu. Sú ákvörðun var sátta-
miðlun á milli krafna Eþíópíu um
stjórn svæðisins og kröfu Erítreu
um sjálfstæði. 1962 ákvað hins
vegar Haile Selassie, keisari
Eþíópíu, að innlima þetta land-
svæði og kom þar með af stað
stríði sem stóð í rúm 30 ár.
Sjálfstæði landsins varð að
veruleika stuttu eftir að Sjálf-
stæðisflokkur Erítreu og and-
spyrnuhreyfingar í Eþíópíu steyp-
tu af stóli Mengistu Haile Mari-
am, sem tekið hafði við stjórn
Eþíópíu eftir fall Selassie.
Í þjóðaratkvæðagreiðslu 1993,
sem studd var af Eþíópíu, sam-
þykktu Erítreubúar nánast sam-
hljóma sjálfstæði landsins og við
það missti Eþíópía aðgang að sjó.
Eftir sjálfstæðisbaráttuna lin-
nti ekki stríðsátökum, því fyrst
var háð stríð við Jemena sem eru
hinum megin við Rauðahafið og
svo tóku við lengri átök við sína
gömlu herra í Eþíópíu. Formleg-
um átökum lauk í júní árið 2000 og
er nú við lýði öryggissvæði á milli
landanna tveggja sem Sameinuðu
þjóðirnar vakta. ■
Steinunn Jóhannesdóttir
rithöfundur er 56 ára.
Kristján Jóhannsson
stórsöngvari er 56 ára.
13.30 Bjarni Magnússon, Borgartúni
30a, áður Heiðvangi 8, Hafnar-
firði, verður jarðsunginn frá Hafn-
arfjarðarkirkju.
13.30 Ingibjörg M. Þórhallsdóttir,
Garðsenda 12, Reykjavík, verður
jarðsungin frá Bústaðakirkju.
13.30 Sveinborg J. Kristjánsdóttir
(Bogga), Hringbraut 50, verður
jarðsungin frá Fossvogskirkju.
15.00 Árni Snæbjörn Valdimarsson
vélfræðingur, Rauðalæk 25, verð-
ur jarðsunginn frá Grafarvogs-
kirkju.
15.00 Guðrún Ásta Torfadóttir, Dal-
braut 14, áður til heimilis í Heið-
argerði 16, Reykjavík, verður jarð-
sungin frá Grensáskirkju.
Sonur minn fæddist tveimurdögum fyrir fertugsafmælið
þannig að aðalafmælið var á laug-
ardaginn,“ segir Kristján Frank-
lín Magnús leikari sem er 45 ára í
dag. Kristján segist glaður falla í
skuggann af fimm ára afmæli
sonarins enda um mun merkilegri
dag að ræða. Sjálfur segist hann
ekki hafa verið meira afmælis-
barn en gengur og gerist á sínum
yngri árum en neitar því ekki að
spennan hafi oft verið þó nokkur í
kringum daginn.
Afmælið verður eins og venju-
legur vinnudagur að sögn Krist-
jáns. „Við erum að byrja að æfa
nýtt leikrit í Hafnarfjarðarleik-
húsinu. Ég veit nú reyndar ekki
hvað ég á að kalla það en eins og
stendur gengur það undir nafninu
Úlfhamssaga.“ Áætlað er að sýn-
ingar muni hefjast í haust og er
tilhlökkunin tvíþætt, því þetta
verður fyrsta leikrit Hafnarfjarð-
arleikhússins í nýju húsnæði.
Spurður um eftirminnilegan
afmælisdag segir Kristján átta
ára afmælið fyrst koma upp í hug-
ann, ekki er það þó afmælisboðið
sjálft sem veldur því. „Ég fékk að
fara í sund þar sem ég var svo
óþolinmóður að bíða eftir afmæl-
inu, ég lét því tímann líða þar. Ég
ranka síðan ekki við mér fyrr en
klukkan er orðin sjö. Afmælisboð-
ið var auðvitað löngu búið þegar
heim var komið og gestirnir farn-
ir.“
Undanfarin ár hefur Kristján
hins vegar ekki verið mikið í
veisluhöldum. „Þegar ég varð fer-
tugur var sonurinn aðeins tveggja
daga gamall og konan mín var enn
á fæðingardeildinni, þannig að lít-
ið var um veisluhöld. Hins vegar
þegar ég varð þrítugur hélt ég
upp á afmælið með Þór Tulinius
leikara. Við leigðum stað og
hljómsveit og það var heljarinnar
gaman.“ ■
AFMÆLI
KRISTJÁN FRANKLÍN MAGNÚS
ER 45 ÁRA Í DAG
■ Aðalafmælið var á laugardaginn þeg-
ar sonurinn varð fimm ára.
BOB DYLAN
Megas Bandaríkjanna er 63 ára í dag.
24. MAÍ
■ ÞETTA GERÐIST
1543 Stjarnfræðingurinn Kóperníkus
deyr.
1883 Brooklyn-brúin, sem tengir
Brooklyn og Manhattan-hverfi
New York-borgar opnar fyrir al-
menna umferð.
1939 Þýskaland og Ítalía skrifa undir
„stálsamninginn“ og mynda þar
með Öxulveldin.
1941 Þýska orrustuskipið Bismarck
sekkur breska orrustuskipinu
Hood í Norður-Atlantshafi í síðari
heimstyrjöldinni.
1976 Concorde-þotan hefur áætlunar-
flug frá Englandi og Frakklandi til
Washington, DC. Flugtími er rétt
undir fjórum tímum.
1980 Íranar hafna beiðni dómstólsins í
Haag um að sleppa bandarísk-
um gíslum.
1994 Hinir fjóru sem dæmdir höfðu
verið fyrir sprenginguna í World
Trade Center eru dæmdir til 240
ára fangelsisvistar.
1999 39 námuverkamenn láta lífið í
gassprengingu í námu í Úkraínu.
ERÍTREA
Mikil uppbygging er fyrir höndum í Erítreu
en þjóðin hefur háð tvær styrjaldir síðan
landið fékk sjálfstæði fyrir ellefu árum.
ERÍTREA LÝSIR YFIR SJÁLF-
STÆÐI FRÁ EÞÍÓPÍU
■ Mikil uppbygging fyrir höndum eftir
tvær styrjaldir.
24. MÁI 1993
Nýtt leikrit á afmælisdaginn
Þorkell Gunnar Guðmundsson,hönnuður og húsgagnasmiður,
er að láta af störfum við Iðnskól-
ann í Hafnarfirði eftir 40 ára starf
og af því tilefni var opnuð sýning
í Iðnskólanum sem standa mun til
10. júní.
Þorkell hefur starfað sem
hönnuður í samvinnu við ýmsa
húsgagnaframleiðendur, eins og
Á. Guðmundsson hf. og Smíða-
stofu Sverris Hallgrímssonar hf.
Meðal annars hannaði hann hina
vinsælu Spíra-svefnbekki sem
voru geysilega vinsælir hér á
landi og seldust einnig vel er-
lendis, meðal annars í Dan-
mörku, Þýskalandi og í Færeyj-
um. Einnig hannaði hann Stuðla-
skilrúm sem einnig mátti finna
víðast hvar á íslenskum heimil-
um. Fjölmargir hafa því fært sér
í nyt hönnun Þorkells, þó svo all-
ir hafi ekki gert sér grein fyrir
því.
„Maður er ennþá að sjá þetta í
húsum, svo og stuðlaskilrúmin,“
segir Þorkell. „Það er kannski
eðlilegt enda eru þetta góð stykki
sem hafa fullnægt þessum þörf-
um markaðarins. Það eru jafnvel
uppi hugleiðingar um að fara að
framleiða hann aftur, að mestu
samkvæmt sömu hönnun.“
Auk húsgagna má finna
tréskúlptúra á sýningu Þorkels.
„Þetta eru ýmsir skúlptúrar sem
ég hef unnið með í gegnum árin.
Eftir að ég lauk hönnunarnámi
fór ég í myndlistarnám hjá Ás-
mundi Sveinssyni. Þetta var al-
veg frábær maður og einhver sá
besti kennari sem ég hef haft.“
Hann mun halda áfram að
hanna á sinni hönnunarstofu og
segir að það sé skemmtilegast en
jafnframt erfiðast að gera stóla.
Eitt hans frægasta verk er ein-
mitt stærsti stóll í heimi, sem var
tákn sýningarinnar Heimilið ‘77
og komst í Heimsmeistarabók-
ina. ■
Hönnun sem má víða finna
ÞORKELL GUNNAR GUÐMUNDSSON
Segir skemmtilegast og erfiðast að hanna
stóla. Hannaði stærsta stól í heimi, sem
komst í Heimsmeistarabókina.
FR
ÉT
TA
B
LA
Ð
IÐ
/R
Ó
B
ER
T
TÍMAMÓT
LÆTUR AF STARFI Í IÐNSKÓLAN-
UM Í HAFNARFIRÐI EFTIR 40 ÁR
■ Heldur sýningu í skólanum af
því tilefni.
■ Blaðberi vikunnar
GUNNLAUGUR ÞORSTEINSSON
Er blaðberi vikunnar hjá Fréttablaðinu.
Hann hefur borið blaðið út í tvö ár og
finnst skemmtilegast að vera með vinum
sínum.
Hvað heitir blaðberinn?
Gunnlaugur Þorsteinsson.
Hvað ertu búinn að bera
út lengi?
Í tvö ár.
Hvað ertu með í
vasanum?
Bréf.
Hvað finnst þér skemmti-
legast að gera?
Vera með vinum mínum og tjilla.
Hvert er þitt mottó?
Það er dauðinn sem heldur okkur lif-
andi!
■ AFMÆLI
KRISTJÁN FRANKLÍN MAGNÚS
Afmælið verður venjulegur vinnudagur í Hafnarfjarðarleikhúsinu.
Frá sjálfstæði í stríð
18-55 Tímamót 23.5.2004 17:18 Page 2