Fréttablaðið - 24.05.2004, Blaðsíða 22
22 24. maí 2004 MÁNUDAGUR
KOMINN TIL ÍTALÍU
Sven-Göran Eriksson, landsliðsþjálfari Eng-
lendinga, sést hér á flugvellinum í Sardiníu
á Ítalíu ásamt konu sinni Nancy Dell’Olio
þar sem enska landsliðið mun dvelja
næstu vikuna í æfingabúðum.
FÓTBOLTI
NBA-körfuboltahetjan Michael Jordan:
Vill frekar eiga liðin
en þjálfa þau
KÖRFUBOLTI Einn allra besti ef ekki
besti körfuboltamaður allra tíma,
Michael Jordan, lét hafa það eftir
sér á dögunum að hann vilji frekar
eiga NBA-lið en þjálfa í deildinni.
„Næsta markmið mitt er að eignast
körfuboltalið. Ég ætla að kaupa lið
en ekki þjálfa það því ég hef ekki þá
þolinmæði sem þarf til að verða
þjálfari,“ sagði Jordan, sem mis-
tókst á síðasta ári að kaupa bæði
Milwaukee Bucks og eignast hlut í
nýja liðinu, Charlotte Bobcats. Jord-
an vann sex NBA-titla, var fimm
sinnum valinn leikmaður ársins og
skoraði 30,1 stig að meðaltali í 1.072
leikjum á dögum sínum með
Chicago Bulls en hann er nú á ferð
um Asíu. ■
Gullinn dagur í Svíþjóð
Ísland eignaðist þrjá Norðurlandameistara í körfubolta í Svíþjóð í gær þegar 16 ára liða karla og
kvenna og 18 ára lið karla unnu öll gestgjafa Svía í úrslitaleikjum Norðurlandamótsins.
KÖRFUBOLTI Íslenskir körfu-
boltakrakkar settu á svið eina
stærstu sigurstund í sögu ís-
lenskra hópíþrótta þegar þeir
tryggðu Íslandi þrjá Norðurlanda-
meistaratitla á einu bretti í Stokk-
hólmi í gærdag. Íslenskur körfu-
bolti hafði aðeins eignast einn
Norðurlandameistara áður, ung-
lingalið karla 1991, og aldrei unn-
ið fyrir utan landsteinanna en ís-
lensku strákarnir unnu í Stykkis-
hólmi fyrir 13 árum.
16 ára liðið undir stjórn Bene-
dikts Guðmundssonar gaf tóninn
með því að vinna 31 stigs sigur á
heimamönnum í fyrsta úrslitaleik
dagsins þar sem íslensku strák-
arnir léku við hvern sinn fingur.
Benedikt hafði sparað lykilmenn í
tapinu gegn Noregi daginn áður
og það má segja að strákarnir
hans hafi hlaupið yfir sænska lið-
ið sem sá aldrei til sólar í þessum
úrslitaleik. Fyrirliðinn Brynjar
Þór Björnsson var með 22 stig,
Hörður Axel Vilhjálmsson var
með 19 stig og var valinn mikil-
vægasti leikmaður úrslitaleiksins.
Hjörtur Hrafn Einarsson bætti
við 18 stigum, Þröstur Jóhannsson
var með 8 stig og þeir Emil Þór
Jóhannsson og Hörður Hreiðars-
son höluðu inn 7 stig hvor.
Helena með 43 stig
Það var mun meiri spenna í
hinum úrslitaleikjunum sem tóku
við strax á eftir. Spilað var í
tveimur sölum hlið við hlið og því
eignust Íslendingar tvo Norður-
landameistara á nánast sama
tíma. 18 ára lið karla lék mjög vel
og vann Svía 97-91 en Svíar tefldu
fram mjög hávöxnu liði. Stelpurn-
ar lentu í rosalega spennandi leik
en höfðu betur með einu stigi, 77-
76, þar sem hin ótrúlega Helena
Sverrisdóttir fór enn einu sinni
hamförum. Nú var hún með 43
stig, 9 fráköst og 5 stoðsendingar
en hún var með 46 stig í mikil-
vægum sigri gegn Finnum á
föstudaginn. Auk Helenu var
María Ben Erlingsdóttir sterk
sem fyrr í mótinu með 12 stig,
Bára Bragadóttir var með 9 stig
og Bryndís Guðmundsdóttir 7
stig. Það voru tveir Njarðvíking-
ar, Kristján Rúnar Sigurðsson og
Jóhann Árni Ólafsson sem voru
með 2/3 af stigum 18 ára liðsins,
Kristján var með 34 stig, þar af
níu 3ja stiga körfur og Jóhann
Árni bætti við 31 stigum. Fyrirlið-
inn Pavel Ermolinskij átti líka frá-
bæran leik og halaði inn 17 stig,
tók 13 fráköst og gaf 13 stoðsend-
ingar. Helena og Kristján voru
valin bestu leikmenn úrslitaleikj-
anna. Íslenski hópurinn kemur í
dag og ráðgerð er móttaka fyrir
hópinn í kvöld. ■
MÆTTUR AFTUR
Patrekur Jóhannesson hefur verið að leika
vel á Spáni og er kominn aftur í íslenska
landsliðshópinn.
Íslenska handboltalandsliðið:
Á leið til
Grikklands
HANDBOLTI Það er skammt stórra
högga á milli hjá íslenska lands-
liðinu í handbolta. Þeir luku í gær
keppni á Flanders Cup í Belgíu og
í dag flýgur talsvert breyttur
landsliðshópur til Grikklands. Þar
mun íslenska liðið leika tvo æf-
ingaleiki gegn Grikkjum og Aust-
urríkismönnum en um næstu
helgi leikur íslenska liðið fyrri
leik sinn gegn Ítölum í umspili
fyrir HM. Leikið verður í Róm.
Aðeins þrír leikmenn sem voru
með í Belgíu halda áfram til
Grikklands en þeir eru Birkir
Ívar Guðmundsson, Róbert Gunn-
arsson og Ásgeir Örn Hallgríms-
son. Flestir íslensku atvinnu-
mannanna gátu ekki leikið í Belg-
íu en þeir mæta allir ferskir til
Grikklands. ■
ÍSLENSKI LANDSLIÐSHÓPURINN:
Markverðir:
Guðmundur Hrafnkelsson Kronau
Birkir Ívar Guðmundsson Haukar
Aðrir leikmenn:
Guðjón Valur Sigurðsson Essen
Ásgeir Örn Hallgrímsson Haukar
Róbert Gunnarsson Aarhus GF
Jaliesky Garcia Göppingen
Dagur Sigurðsson Bregenz
Rúnar Sigtryggsson Wallau Massenheim
Ólafur Stefánsson Ciudad Real
Snorri Steinn Guðjónsson Grosswallstadt
Ragnar Óskarsson Dunkerque
Róbert Sighvatsson Wetzlar
Sigfús Sigurðsson Magdeburg
Gylfi Gylfason Wilhelmshavener
Einar Örn Jónsson Wallau Massenheim
Patrekur Jóhannesson Bidasoa
Kamerúnar sleppa:
Fá stigin sex
aftur til baka
FÓTBOLTI Alþjóðaknattspyrnusam-
bandið, FIFA, hefur afturkallað
ákvörðun sína þess efnis að knatt-
spyrnulandslið Kamerúna þurfi
að hefja undankeppnina fyrir HM
árið 2006, sem fram fer í Þýska-
landi, með sex stig í mínus.
Kamerúnar voru dæmdir til
þessa í síðasta mánuði fyrir að
hafa óhlýðnast skipunum FIFA
sem lagði blátt bann við því að
liðið léki í samfestingi sem þeir og
gerðu á Afríkumótinu. Stuttbuxur
og treyja voru föst saman og ein-
hverra hluta vegna samræmdist
sá klæðnaður ekki skoðunum
FIFA á því hvernig viðeigandi
klæðnaður væri. FIFA sá hins
vegar að sér og sitja Kamerúnar
því við sama borð og aðrar þjóðir
í Afríku. ■
MICHAEL JORDAN
Ætlar sér að eignast körfuboltalið.
Alex Ferguson, knatt-spyrnustjóri Manchest-
er United, varð á laugar-
daginn fyrsti knattspyrnu-
stjórinn til að vinna enska bikar-
inn fimm sinnum þegar lærisvein-
ar hans báru sigurorð af Millwall,
3-0, í úrslitaleik á Þúsaldarleik-
vanginum í Cardiff í Wales.
Ferguson vann sinn fyrsta bik-
armeistaratitil með félaginu árið
1990 þegar Manchester United
bar sigurorð af Crystal Palace, 1-
0, í aukaleik. Í kjölfarið fylgdu
bikarmeistaratitlar árið 1994,
1996 og 1999 en þá vann liðið þre-
falt, deild, bikar og meistaradeild.
Ferguson, sem hefur verið hjá
Manchester United síðan sumarið
1986, er langsigursælasti knatt-
spyrnustjórinn í sögu ensku
knattspyrnunnar. ■
■ Tala dagsins
5
16 ÁRA LIÐ KVENNA
Efri röð f.v.: Hannes S. Jónsson varaformadur KKÍ, Jón Halldór Eðvaldsson aðstoðarþjálfari, Hrönn Þorgrímsdóttir, Bára Fanney Hálfdánar-
dóttir, María Ben Erlingsdóttir, Helena Sverrisdóttir fyrirliði, Bryndís Guðmundsdóttir, Ingibjörg Elva Vilbergsdóttir, Bára Bragadóttir, Henn-
ing Henningsson þjálfari. Neðri röð f.v.: Margrét Kara Sturludóttir, Ragnheiður Theodórsdóttir, Linda Stefanía Ásgeirsdóttir, Guðrún Harpa
Guðmundsdóttir, Ingibjörg Skúladóttir.
16 ÁRA LIÐ KARLA
Efri röð f.v.: Hannes S. Jónsson varaformadur KKÍ, Benedikt Guðmundsson þjálfari, Gissur Helguson, Gústaf Gústafsson, Hafþór Björns-
son, Sigurdur Þorsteinsson, Hörður Hreiðarsson, Hjörtur Hrafn Einarsson, Björn Leósson fararstjóri. Neðri röð f.v.: Emil Þór Jóhannsson,
Þröstur Jóhannsson, Brynjar Björnsson fyrirliði, Hörður Axel Vilhjálmsson, Þórir Guðmundsson, Páll Halldór Kristinsson.
18 ÁRA LIÐ KARLA
Efri röð f.v.: Snorri Örn Arnaldsson unglinganefnd KKÍ, Jóhann Árni Ólafsson, Pavel Ermolinskij fyrirliði, Davíð Páll Hermannsson, Finnur
Atli Magnússon, Ólafur Halldór Torfason, Tryggvi Pálsson, Einar Árni Jóhannsson þjálfari, Hannes S. Jónsson varaformadur KKÍ. Neðri röð
f.v.: Brynjar Þór Kristófersson, Kristján Rúnar Sigurdsson, Magnús Pálsson, Bjarni Árnason, Jón Gauti Jónsson, Halldór Fannar Gíslason.
NORÐURLANDAMEISTARAR
UNGLINGA Í KÖRFU 2004:
16 ára lið kvenna: Ísland
16 ára lið karla: Ísland
18 ára lið kvenna: Svíþjóð
18 ára lið karla: Ísland
58-59 (22-23) Sport 23.5.2004 21:24 Page 2