Tíminn - 17.11.1972, Blaðsíða 20

Prinsessan
flýtir sér
of hratt
NTB—London
Anna Bretaprinsessa á nú á
hættu að verða leidd fyrir rétt
vegna siendurtekinna umferðar-
brota. Henni hættir sem sé til að
aka heldur hraðar en lög leyfa á
sportbilnum sinum. Talsmaður
lögreglunnar sagði, að prinsessan
hefði tvisvar sinnum verið stöðv-
uð það sem af er mánuðinum og
ákæruvaldið væri nú að athuga að
höfða mál á hendur henni fyrir
annað brotið.
Anna prinsessa fékk snemma
áhuga á bilum. Þegar hún var 11
ára, ók hún um með móður sina á
landareign f jölskyldunnar i
jeppa, og ári siðar tók hún að aka
mini-bil föður sins. Sjálf eignaðist
hún sportbil fyrir tveimur árum.
Blaðamanna-
fundur Mar-
grétar II.
NTB—Kaupmannahöfn
Margrét Danadrottning og
Henrik prins héldu blaðamanna-
fund i fyrsta sinni siðan drottn-
ingin tók við völdum. Fundurinn
þótti venju fremur frjálslegur og
tilkynnti drottning, að blaðamenn
skyldu bar ávarpa þau hjón eins
og þeim fyndist bezt.
Um 100 blaöamenn voru á fund-
inum, bæði danskir og erlendir.
Drottningin hélt ræðustúf og
sagði.að lengi hefði verið ætlun
þeirra hjóna að halda blaða-
mannafund, einkum til að segja
frá ferðum sinum til útlanda. En
það voru ekki feröalög , sem aðal-
lega var rætt um.
Ein fyrsta spurningin til
drottningarinnar, var hvort henni
likaði hin nýja hárgreiðsla manns
sins og kvað hún svo vera. Einnig
var hún spurð, hvort þau heföu i
hyggju aðstækka fjölskylduna og
svaraði hún þvi til, að enginn færi
með frétt um það heim.
Fimm vilja
verða verð
lagsstjórar
Viðskiptaráðuneytið auglýsti
fyrir nokkru stöðu verðlagsstjóra
lausa til umsóknar. Fimm
umsóknir bárust. Þessir sóttu um
starfið: Arsæll Júliusson, fulltrúi
i rikisbókhaldi, Haraldur
Jóhannsson, hagfræðingur, Högni
Helgason, fulltrúi hjá Rafmagns-
veitum rikisins, Sigurður Elias-
son verzlunarmaður og Ægir
Ólafsson, framkvæmdastjóri.
Frá slofnfundinum i súlnasainum i fyrrakvöld — þar var hvert sæti skipaö. — Timamynd. Róbert
•1 ■" 1
Föstudagur 17. nóvember 1972
BLAÐBURÐAR-
BÖRN
Blaðburðarbörn
óskast i eftirtalin
hverfi: Kleppsveg,
Iljarðarhaga,
Meistaravelli, Lauga-
veg, Viðimel, Reyni-
mel, Vifilsgötu, Túnin
og Seltjarnarnes.
Hafið samband við af-
greiðsluna i Banka-
stræti 7, simi 12323.
Fólk hópast í samtök of-
næmis- og spæríngssjúklinga
l.iklega cru tveir af hverju
bundraði tslendinga haldnir
arfgengum sjúkdómi, sem á
læknamáli heitir psoriasis og á is-
lcn/.ku hefur verið nefndur
hlelta-, dropa- eða baugaskán
eftir atvikum, en Vilmundur
.lónsson landlæknir kallaði
spæring.
Það er að minnsta kosti vist, að
mikill fjöldi fólks á við þennan
sjúkdóm að striða. Þegar fundur
til undirbúnings félags ofnæmis-
og spæringssjúklinga var haldinn
i sumar, brá svo við, að húsfyllir
varð, og hin sama varð sagan á
stofnfundi félagsins, sem haldinn
var i súlnasal Sögu i fyrrakvöld.
Mun þar hafa verið yfir fjögur
hundruð manns.
Hörður Asgeirsson deildar-
stjóri, sem kosinn var formaður
félagsins, sagði Timanum i gær,
að yfir f jögur hundruð manns hafi
þegar látið skrá sig i félagið, og
telur hann, að meira en fjórir af
hverjum fimm, sem gengu i það i
fyrrakvöld, hafi verið psoriasis-
sjúklingar.
— Sæmundur Kjartansson húð-
sjúkdómalæknir hefur sagt
okkur, sagði Hörður, að við
athugun i Færeyjum hafi komið i
ljós, að tveir af hverju hundraði
manna þar i landi séu með
þennan sjúkdóm, og það eru
engar likur til þess, að þessu sé
öðru visi farið hér.
SAMSTARF VIÐ SAMS
KONAlt FfcLÖG ER-
I.ENDIS
— Þetta félag okkar er stofnað
að erlendri fyrirmynd. Samtök af
þessu tagi eru annars staðar á
Norðurlöndum, og þó að þar
starfi hvert félag út af fyrir sig,
hafa þau samstarf sin á milli og
gefa i sameiningu út timarit, þar
sem margvisleg, gagnleg vitn-
eskja er látin i té. Við vonum, aö
viðgetum orðið aðilar að þessum
norrænu samtökum og notið góðs
af.
SJÓR OG SÓLSKIN
BEZTI LÆKNISDÓMUR-
INN
-Aðstaða til læknishjálpar af
þvi tagi, er hentar þessum
sjúklingum, er ekki sem bezt hér-
lendis, sagði Hörður ennfremur.
Hálfs mánaðar lega i húðsjúkd-
ómadeild Landspitaians kostar
sjúkrasamlögin fjörutiu til
fimmtiu þúsund krónur, og þar er
svo háttað, að jafnvel verður að
rifa sjúklinga upp klukkan þrjú á
nóttu til þess að setja þá i tiu til
tuttugu minútna tjörubað.
Sjálfur hef ég af þvi persónu-
lega reynslu, og sama gegnir um
marga aðra, að saltur sjór og
glatt sólskin er bezti og
skjótvirkasti læknisdómurinn.
Það er svo sem ekki nýr sann-
leikur, og hafa Danir til dæmis
sentsjúklinga til Rauðahafsins og
Sviar eiga eða hafa afnot af hæli
á Spáni.
FYRIRGREIÐSLA FLUG-
FELAGS ÍSLANDS
Það er ánægjulegt að geta sagt
frá þvi, hélt Hörður áfram, að
Flugfélag Islands hefur boðið
sjúklingum, sem það vilja nota
sér, fjögur þúsund króna afsláttá
fargjöldum til Kanarieyja i tveim
flugferðum. Fyrri ferðin var farin
9. nóvember, og þá notaði fjórtán
manns sér þetta boð, en hin
siðari verður 30. nóvember.
Þessar ferðir kosta miklu minna
e'n hálfsmánaðarlega i húðsjúk-
dómadeild Landspitalans, og af
mér sjálfum hafa að minnsta
kosti útbrot horfið likt og blýants-
strik á pappir undan strokleðri
við sjóböð og sólböð þar syðra.
Hið nýja félag mun eftir megni
stuðla að þvi, að spæringssjúkl-
ingar eigi kost á skyndiferð um
þær slóðir, þar sem sólfar er
mikið og góð aðstaða til sjóbaða.
— En það mun lika, sagði
Hörður að lokum vinna að þvi, að
upp verði komið lækningastofum,
þar sem þeir geta gengið inn og
fengið áburð og annað, sem þeir
þarfnast til þess að halda sjúk-
dóminum i skefjum.
Hættið að veita
öfgamönnum aðstoð
Heath, forsætisráðherra Bret-
lands, er nú á ferð i N-írlandi. í
gær beindi hann þvi til þjóðar-
innar, að hún sneri baki við öfga-
mönnum og veitti þeim hvergi
griðastaði.
— Það er ekki nóg að sitja
innan lokaðra dyra og biðja til
guðs, að þeir fari framhjá, sagði
Heath i hádegisveröarboði i
Rafmagnslaust
SB—Reykjavík.
Um kl. 13 i gær bilaði
háspennuspennir i spennistöð-
inni á Akureyri, með þeim
afleiðingum, að sveitin norðan
Akureyrar, út undir Hjalteyri,
varð rafmagnslaus. Töldu
rafmagnsveiturnar, að
straumur kæmi á aftur i gær-
Belfast. — öfgaverkunum linnir
ekki fyrr en þeir, sem eru and-
vigir þeim, gera eitthvað til að
stöðva þau. öfgamenn mega ekki
fá neina aðstoð né peninga og það
verður aðneita þeim um felustaði
fyrir vopn. Með öfgamönnum á ég
ekki aðeins við leyniskyttur,
heldur og bófa, sem kasta bensin-
sprengjum, brenna hús og ráðast
á saklaust fólk, sagði Heath.
norðan Akureyrar
kvöldi, en enn var dimmt á
áttunda timanum. Á þessu
svæði er endurvarpsstöð
útvarpsins i Skjaldarvik, og
hafa hvorki Akureyringar né
ir á Norðurlandi getað heyrt i
útvarpi, nema þeir, sem eiga
tæki með FM-bylgju, en á
Vaðlaheiði er FM-stöð.
Menntskælingar vilja fá inni með jólagleðina í Laugardalshöll:
Á 9. hundrað nema skora á
íþróttaráð að veita slíkt leyfí
Eins og kunnugt er, hafa ncm-
endur menntaskólans í Reykja-
vík efnt til jólagleði á undan-
förnum árum. Hefur jafnan
rcyn/.t auðsótt fyrir þá að fá
Laugardalshöllina I þessu
skyni. En nú viröast borgaryfir-
völd vera treg til að lána þessi
salarkynni sin, og liafa mennt-
skælingar ekki fengið skýr svör
um það enn, hvort þeir muni fá
Laugardalshöllina til jólagleði
sinnar.
Það mun vera iþróttaráð
Reykjavikurborgar, sem gefur
umsögn um þetta mál. Sneri
blaðið sér til Alfreðs Þorsteins-
sonar borgarfulltrúa, sem á sæti
i iþróttaráði, og spurði hann um
þetta.
Alfreð skýrði frá þvi, að nem-
endur menntaskólans i Reykja-
vik hefðu leitað til sin vegna
þessa máls og afhent sér
áskorun, sem undirrituð er að
800-900 nemendum , þess efnis
að iþróttaráð veiti umbeðið
leyfi.
Sagðist Alferð mundu taka
þetta mál upp á fundi iþrótta-
ráðs i dag og þætti sér óliklegt
annað en beiðni menntskælinga
yrði samþykkt, enda þótt
iþróttaráðsmenn væru tregir til
að veita leyfið, vegna þess að
jafnan hefðu orðið nokkur spjöll
á húsakynnum Laugardals-
hallar, þegar jólagleði mennta-
skólans hefur verið haldin þar.
„Hins vegar eru nemendur
staöráðnir i þvi nú að reyna
eftir mætti að koma i ve‘g fyrir
hvers kyns spellvirki, og finnst
mér sjálfsagt að verða við
beiðni þeirra, þvi að þeir eiga
ekki i önnur hús að venda með
þessa stórhátið sina”. sagði Al-
freð að lokum. —JH.