Fréttablaðið - 04.07.2004, Blaðsíða 29

Portúgal
Þrátt fyrir þá innri spennu sem ein-
kennt hefur portúgalska landsliðið
er liðið komið í úrslit Evrópumóts-
ins. Eldri leikmenn eins og Luis
Figo, Rui Costa og Fernando Couto
hafa gagnrýnt val þjálfara liðsins
Luis Scholari á hinum brasilísk-
portúgalska Deco sem á síðasta
tímabili átti mikinn þátt í sigri Porto
í meistaradeildinni. Margir aðrir
leikmenn liðsins hafa hins hins veg-
ar stutt ákvörðun þjálfarans sem er
eðlilegt í ljósi þess að kjarninn í
portúgalska liðinu eru félagar Deco
hjá Porto og tilheyra annarri kyn-
slóð knattspyrnumanna en Figo og
félagar. Spennan innan liðsins spegl-
aðist hvað greinilegast í hátterni
Luis Figo eftir að Scholari tók hann
út af þegar skammt var eftir af
leiknum gegn Englandi. Þá gekk fyr-
irliðinn Figo önugur af leikvelli án
þess að heilsa þeim sem kom inn á
fyrir hann og fór rakleiðis til bún-
ingsherbergja. Fór ekki til félaga
sinna á varamannabekknum til að
fylgjast með leiknum. Þrátt fyrir
þessa stæla hélt Figo sæti sínu í
byrjunarliðinu í undanúrslitaleikn-
um gegn Hollandi. Figo notaði mót-
lætið sér til eflingar, spilaði eins og
engill og var af mörgum álitinn mað-
ur leiksins. Eftir leikinn þakkaði
Scholari sigurinn hvað helst bættri
samvinnu Figo og Deco. Liðið hefur
því sigrast á ýmsum hindrunum á
leið sinni í úrslitaleikinn. Liðið vant-
ar þó tilfinnanlega sterkan marka-
skorara í framlínuna sem gæti háð
þeim í úrslitaleiknum. Scholari seg-
ir mikilvægara fyrir sig að hafa leitt
Portúgal í úrslitaleik EM en að hafa
sigrað á HM með Brasilíu fyrir
tveimur árum þar sem Portúgal hafi
aldrei fyrr komist í úrslitaleik á
stórmóti og sé því um sögulega
stund að ræða, bæði fyrir portú-
gölsku þjóðina sem og leikmenn
liðsins. Það er spurning hvort þessi
nýtilkomni meðbyr sem og heima-
völlurinn muni aðstoða portúgalska
landsliðið við að landa sjálfum titlin-
um gegn því gríska á sunnudaginn.
Grikkland
Fyrir Evrópumótið í knattspyrnu
hafði gríska landsliðið einungis
tekið þátt í tveimur stórmótum,
EM 1980 og HM 1994. Grikkirnir
komu öllum á óvart í fyrsta leik
mótsins með því að leggja Portú-
gala að velli. Síðan þá hefur liðið
verið á sigurbraut. Þeir leika
kannski ekki skemmtilegustu eða
áferðarfallegastu knattspyrnu
sem hugsast getur en árangursrík
er hún. Þjálfari þeirra er hinn
þýski Otto Rehhagel, sem tekist
hefur að búa til sigurlið úr mann-
skap sem á pappírnum virðist ekki
mjög sterkur. Liðið er gríðarlega
vel skipulagt. Í gríska liðinu er
ekki valinkunnur maður í hverju
rúmi sem upp á sitt einsdæmi get-
ur gert út um leiki, heldur byggist
liðið á samvinnu og sterkri heild.
Vörn Grikkjanna er gríðarlega
sterk og þeir berjast eins og ljón. Í
átta liða úrslitum slógu þeir út
andlaust lið Frakklands með því að
skora mark upp úr skyndisókn eft-
ir frekar máttlitlar tilraunir frans-
ka liðsins til að koma á þá marki.
Þeir verjast kröftuglega og freista
þess að skora mörk úr skyndisókn-
um og föstum leikatriðum. Í und-
anúrslitunum gegn Tékkum skor-
uðu þeir mark upp úr hornspyrnu
á síðustu mínútu fyrri hluta fram-
lengingarinnar sem gerði út um
leikinn. Sá sigur var kannski ekki
mjög verðskuldaður en þó höfðu
Grikkirnir ógnað marki Tékkanna
nokkrum sinnum í framlenging-
unni. Eftir leikinn líkti Rehhagel
velgengni liðsins við kraftaverk.
Markaskorarinn, varnarmaðurinn
Traianos Dellas, sagði að æðri
máttarvöld hefðu gripið inn í.
Gríska liðið þarf nú að kljást aftur
við landslið Portúgals, sem senni-
lega er orðið sterkara en í byrjun
móts. Það skal enginn afskrifa
Grikki og miðað við ótrúlegan ár-
angur liðsins á EM er ólíklegt að
einhver geri það. Stundin er sögu-
leg fyrir liðin, sem hvorugt hafa
nokkru sinni leikið í úrslitum á
stórmóti.
ingi@frettabladid.is
SUNNUDAGUR 4. júlí 2004 21
Nú getur þú tryggt þér síðustu sætin til Portúgal þann 14. júlí á hreint
ótrúlegum kjörum. Njóttu frísins á Algarve, vinsælasta áfangastaðar Portúgal
við frábærar aðstæður um leið og þú nýtur traustrar þjónustu fararstjóra
Heimsferða í fríinu. Þú bókar núna, tryggir þér síðustu sætin og 3 dögum
fyrir brottför færðu að vita á hvaða
gististað þú býrð.
Stökktu til
Portúgal
14. júlí
frá 29.995.-
Kr. 29.995,-
M.v. hjón með 2 börn, 2–11 ára,
flug, gisting, skattar.
Vikuferð, 14. júlí. Stökktutilboð, netverð.
Kr. 39.990.-
M.v. 2 í studio/íbúð, vikuferð,
14. júlí, netverð.
Val um 1 eða 2 vikur.
MARK
Dellas skoraði fyrsta silfurmark
sögunnar þegar hann kom Grikkj-
um í úrslitaleik Evrópumótsins.
SÁTTIR
Deco og Figo faðmast að
loknum undanúrslitaleiknum.
Evrópuþjóðirnar hafa skipt Evr-
ópumeistaratitlinum nokkuð
bróðurlega á milli sín. Átta þjóð-
ir hafa hampað bikarnum í þau
ellefu skipti sem mótið hefur
verið haldið, Þjóðverjar (og
áður V-Þjóðverjar) hafa sigrað í
þrígang, Frakkar tvisvar og sex
þjóðir einu sinni. Að sama skapi
hafa sjö þjóðir tapað úrslitaleik
á EM; Sovétríkin þrisvar,
Júgóslavar og Þjóðverjar tvis-
var og fjórar þjóðir einu sinni.
Þrisvar sinnum hefur Evrópu-
keppnin unnist á heimavelli.
Í þrígang hefur það gerst að
taplið í úrslitaleik hefur náð yfir-
höndinni og er athyglisvert að sú
staða hefur komið upp í síðustu
tveimur keppnum. Bæði árin réði
gullmark úrslitum. Úrslitaleik
fyrstu Evrópukeppninnar þurfti
einnig að framlengja. Einu sinni í
sögu EM hefur þurft að grípa til
vítaspyrnukeppni til að skera úr
um sigurvegara, það var 1976.
Samtals hafa verið skoruð 30
mörk í úrslitaleikjunum ellefu
(vítin ‘76 ekki talin með) og ger-
ir það að meðaltali rétt tæp þrjú
mörk í leik. Stærsti sigurinn er
3-0 en flest mörkin voru í 2-2
jafnteflinu ‘76. Athyglisvert er
að 1-0 sigur hefur aldrei unnist í
úrslitaleik EM, mörkin hafa
alltaf verið fleiri. ■
Hverjir eru bestir?
Úrslitaleikur Evrópumótsins fer fram í dag. Heimamenn í Portúgal mæta Grikkjum.
Þjóðverjar sigursælastir
1960 París
2-1 Sovétríkin - Júgóslavía
Metreveli, Ponedelnik - Galic
1964 Madríd
2-1 Spánn - Sovétríkin
De Temino, Martinez Cao - Khusainov
1968 Róm
2-0 Ítalía - Júgóslavía
Riva, Anastasi
1972 Brussel
3-0 V-Þýskaland - Sovétríkin
Müller 2, Wimmer
1976 Belgrad
2-2 (5-3) Tékkóslóvakía - Þýskaland
Svehlik, Dobias - Müller, Hölzenbein
1980 Róm
2-1 V-Þýskaland - Belgía
Hrubesch 2 - Vandereycken
1984 París
2-0 Frakkland - Spánn
Platini, Belloni
1988 München
2-0 Holland - Sovétríkin
Gullit, van Basten
1992 Gautaborg
2-0 Danmörk - Þýskaland
Jensen, Vilfort
1996 Lundúnir
2-1 Þýskaland - Tékkland
Bierhof 2 - Berger
2000 Amsterdam
2-1 Frakkland - Ítalía
Wiltord, Trezeguet - Delvecchio
2004 Lissabon
?? Portúgal-Grikkland
28-29 (20-21) krossgáta 3.7.2004 18:47 Page 3