Fréttablaðið - 18.07.2004, Blaðsíða 4

4 18. júlí 2004 SUNNUDAGUR
SJÓNVARP „Við erum undir mikilli
pressu að bæta dreifikerfið þessa
stundina. Þetta snýst að miklu leyti
um enska boltann enda er það
ástríðumál fyrir marga,“ segir
Magnús Ragnarsson forstjóri Skjás
1.
Sjónvarpsfélagið leitar nú allra
leiða til að stækka útsendingar-
svæðið en segir Magnús tilkostnað-
inn verða að vera sem minnstan.
„Reyndin er sú að innan tíðar munu
hefjast útsendingar á stafrænu
sjónvarpi á Íslandi og fjárfesting í
sendum og öðrum búnaði er mjög
óhagkvæm.“
Það eru ekki aðeins einstakling-
ar sem hafa sett sig í samband við
Skjá 1 því bæjarstjórar og sveita-
stjórnarfólk er einnig farið að hafa
áhyggjur af málinu. „Þetta er
byggðastefnumál en við verðum að
meta þetta á viðskiptalegum fors-
endum á hverjum stað fyrir sig. Í
dag erum við sérstaklega að líta til
þeirra bæjarfélaga sem eru með
kapalkerfi og ætlum að reyna að
koma merkinu þannig til þeirra,“
segir Magnús.
Enski boltinn fer í loftið 15.
ágúst og það er því ekki langur tími
til stefnu, „við höfum engum laga-
legum skyldum að gegna varðandi
dreifinguna en auðvitað stefnum
við á að ná til sem flestra staða á
landinu fyrir þann tíma.“ ■
SJÁVARÚTVEGUR „Það er enginn sem
borgar þennan skatt annar en
verkafólk í fiskiðnaði og það er
skelfilegt óréttlæti,“ segir Einar
Oddur Kristjánsson alþingismað-
ur. Einar Oddur hefur lýst sig
andvígan sex prósenta veiðigjaldi
sem tekið verður af sjávarútvegs-
fyrirtækjum frá september næst-
komandi.
Formaður Landssambands ísl-
enskra útvegsmanna hefur einnig
gagnrýnt gjaldtökuna og telur að
hún muni ekki stuðla að sátt um
sjávarútveginn.
„Þetta gjald rýrir að sjálfsögðu
samkeppnisstöðu þessarar grein-
ar,“ segir Einar Oddur. „Við lifum
á þessum matvælaiðnaði sem
keppir við öll matvæli í heimin-
um. Þegar við skattleggjum þessa
grein getur það ekki haft neinar
aðrar afleiðingar en að hæfni
greinarinnar til að borga laun
rýrnar að sama skapi.“
Einar Oddur telur hugmynda-
fræðina bak við skattinn misskiln-
ing. „Þeir ætla skattlagningunni
að ná í ímyndaða gullrassa sem
grætt hafa á kvótakerfinu. Það er
algjör misskilningur því þessi
skattur leggst beint á verkafólk-
ið.“
„Þetta var niðurstaða margra
ára umræðu í þjóðfélaginu,“ segir
Árni Mathiesen sjávarútvegsráð-
herra. „Þetta er málamiðlun þar
sem verið er að taka tillit til mjög
margra sjónarmiða.“ Að sögn
Árna var fyrst og fremst litið til
þess að atvinnugreinin ætti að
standa undir þeim kostnaði sem
til félli hjá hinu opinbera af völd-
um greinarinnar. Þá ætti þjóðin að
fá sjáanlega hlutdeild í auðlind-
ararðinum.
„Valin var hófleg leið sem
byggist á afkomu greinarinnar í
heild,“ segir Árni. „Því er lítil ef
nokkur hætta á því að gjaldtakan
gangi svo nærri greininni að hún
ráði úrslitaáhrifum um framtíð
einstakra byggða eða hluta grein-
arinnar. Auðvitað hefði verið
hægt að fara ýmsar leiðir en ég
efast um að aðrar leiðir sem voru
á borðinu hafi verið útgerðar-
mönnum hagstæðari eða hugnan-
legri.“
Árni telur samkeppnisstöðu
fyrirtækja ekki munu skaðast
verulega við gjaldtökuna. „Þetta
er hóflegt gjald, tengt afkomunni
og tekið upp í áföngum. Þannig að
ef svo væri hefur greinin tíma til
þess að aðlaga sig að því.“
helgat@frettabladid.is
Uppreisnarmenn:
Gengu á dyr
EÞÍÓPÍA, AP Súdanskir uppreisnar-
menn sögðu samningamenn
stjórnvalda ekki reiðubúna að
koma til móts við kröfur sínar og
gengu því á dyr. Vonir stóðu til að
viðræðurnar yrðu til að binda
endi á borgarastríð í Darfurhér-
aði sem hefur kostað tugi þúsunda
lífið og hrakið yfir milljón manns
á flótta.
„Þessum viðræðum er hér
með lokið,“ sagði Ahmed Hussa-
in Adam, fulltrúi Réttlætis- og
jöfnuðarhreyfingarinnar, ann-
arrar tveggja hreyfinga upp-
reisnarmanna sem voru við-
staddar viðræðurnar. Búist var
við að Frelsishreyfing Súdans
myndi einnig hætta þátttöku í
viðræðunum. ■
Heldurðu að alnæmissmitum eigi
eftir að fjölga á Íslandi?
Spurning dagsins í dag:
Stundar þú golf?
Niðurstöður gærdagsins
á visir.is
24%
76%
Nei
Já
KJÖRKASSINN
Farðu inn á visir.is og segðu þína skoðun
visir.is
Lyfjakostnaður Trygg-
ingastofnunar:
Spáð mikl-
um hækkun-
um
LYFJAVERÐ Heilbrigðisráðuneytið
fundar þessa dagana með lyfja-
hópi Félags íslenskra kaupmanna
í þeim tilgangi að ná fram lækk-
unum á lyfjaverði. Ástæðan er út-
lit fyrir mikla hækkun á útgjöld-
um Tryggingastofnunar vegna
lyfjakostnaðar milli áranna 2003
og 2004.
Spár gerðu ráð fyrir 9% aukn-
ingu en nýjar tölur herma að
kostnaðaraukning verði yfir 18%
miðað við núverandi forsendur.
Eggert Sigfússon deildarstjóri á
skrifstofu lyfjamála í heilbrigðis-
ráðuneytinu segir að viðræður
standi yfir þessa dagana og frek-
ari fregna sé að vænta í vikunni. ■
Enski boltinn nálgast:
Skjár 1 undir pressu
MAGNÚS RAGNARSSON
Skjár 1 leitar nú allra leiða til að stækka
útsendingarsvæði sitt.
Segir veiðigjald
skelfilegt óréttlæti
Einar Oddur Kristjánsson telur að veiðigjald sem lagt verður á sjávarútvegsfyrirtæki frá septem-
ber verði greitt af verkafólki í fiskiðnaði sem hann segir skelfilegt óréttlæti. Sjávarútvegsráðherra
segir gjaldið hóflegt.
EINAR ODDUR KRISTJÁNSSON
Telur að veiðigjald sem lagt verður á sjávarútvegsfyrirtæki frá september næstkomandi
muni skaða samkeppnisstöðu atvinnugreinarinnar.
ÁRNI MATHIESEN
Sjávarútvegsráðherra telur ekki að gjaldta-
kan muni skaða sjávarútvegsfyrirtæki veru-
lega þar sem gjaldið sé hóflegt, afkomut-
engt og verði tekið upp í áföngum.
FR
ÉT
TA
B
LA
Ð
IÐ
/E
.Ó
L
LYF
Útlit er fyrir mikla hækkun á útgjöldum
Tryggingastofnunar vegna lyfjakostnaðar.
Harður árekstur:
Kviknaði í
bílunum
ÍTALÍA, AP Reykslæður sem bárust
yfir hraðbraut virðast hafa verið
kveikjan að 20 bíla árekstri sem
kostaði sex manns lífið nærri
Róm, höfuðborg Ítalíu.
Að sögn talsmanns slökkviliðs-
ins á staðnum virðist svo vera
sem bílstjórar hafi hemlað snögg-
lega þegar þeir sáu reykinn. Við
það hafi hver bíllinn keyrt aftan á
annan með þeim afleiðingum að
mikill eldur braust út. Sú kenning
hefur líka heyrst að gripaflutn-
ingabíll hafi oltið og næstu bílar á
eftir ekki náð að stoppa.
Auk þeirra sex sem létust slös-
uðust um 40 og voru margir þeir-
ra með brunasár. ■
SLÖKKVILIÐ Á VETTVANGI
Slökkviliðsmenn þurftu að slökkva elda í
bílum, þeirra á meðal gripaflutningabíl.
STYRKTARMÁL „Þetta var nokkuð erfið
ferð en gekk ljómandi vel,“ segir Arn-
ar Klemensson en hann fór ásamt fé-
laga sínum Alexander Harðarsyni
yfir Hellisheiðina á hjólastól í gær.
„Ferðin var farin til styrktar
Barnaspítala Hringsins og tók tæpa
átta klukkutíma fyrir okkur.“ Þriggja
bíla árekstur setti strik í reikninginn
fyrir þá félaga en hann átti sér stað
þegar þeir komu að Þrengslavega-
mótum í Svínahrauni. Arnar og Alex-
ander héldu í ferðina með fylgd lög-
reglu og liðsmanna Sniglanna og seg-
ist Arnar ekki vita nákvæmlega hvað
olli árekstri bílanna.
„Við erum báðir fæddir lamaðir
og spítalinn var mitt annað heimili í
nærri áratug. Við þökkuðum því fyrir
okkur með þessum hætti.“ ■
Styrktarferð fyrir Barnaspítalann:
Yfir Hellisheiðina í hjólastól
Á FULLRI FERIÐ
Alexander og Arnar fóru yfir Hellisheiði til
styrktar Barnaspítala Hringsins.
04-05 17.7.2004 22:08 Page 2