Fréttablaðið - 18.07.2004, Blaðsíða 14
Bestu íbúðahverfin
Gríðarleg uppbygging hefur átt
sér stað í Kópavogi á bæjarstjóra-
árum Sigurðar. „Ég hef alltaf tek-
ið að mér eitthvað sem er kyrrs-
tætt og komið því á hreyfingu,“
segir hann. „Ég var framkvæmda-
stjóri Ungmennafélags Íslands í
16 ár. Félagið var í lægð þegar ég
tók við. Nú er Ungmennafélagið
eitt af öflugustu félagssamtökum
á landinu, vel rekið fjárhagslega
og þar er unnið mikið starf. Ég
varð framkvæmdastjóri Fram-
sóknarflokksins árið 1986. Þegar
ég hóf störf var hvorki til merki
né bréfhaus og vantaði allt til alls.
Menn voru að gera það sama og
þeir höfðu gert síðustu þrjátíu til
fjörutíu ár þannig að það þurfti
ansi mörgu að breyta.
Í Kópavogi var mikil kyrrstaða
á árunum 1986-1990 og sáralitlar
framkvæmdir í gangi. Ég hugsaði
með mér að það tæki um það bil
tólf ár að bylta þessum bæ og
vissi að það yrði best gert með trú
á því að hann gæti orðið sá besti á
landinu. Þetta er sama regla og í
íþróttunum, maður verður að trúa
því að maður geti orðið bestur.
Enginn nær árangri með því að
halda að hann sé verri en aðrir. Ég
fullyrði það blákalt að nýju hverf-
in í Kópavogu eru fullkomnustu
og bestu íbúðahverfi sem hafa
verið byggð á Íslandi. Það er
ákveðin hugmyndafræði á bak við
þessi 3.000 manna hverfi, leik-
skólar, grunnskóli og þjónustu-
miðstöð og þarna blandast allt
mannlífið saman. Við erum búnir
með þrjú 3.000 manna hverfi, Dal-
inn, Lindirnar og Salirnar og nú er
verið að hefja framkvæmdir við
tvö ný hverfi á Vatnsenda.“
Pólitísk störf eru vanþakklát
Sigurður segist vera stoltur af
verkum sínum. „Í síðustu kosn-
ingabaráttu var verið að skamm-
ast vegna glæsilegrar byggingar
Salaskóla þar sem er innisundl-
aug, útisundlaug og íþróttahús.
Það var fullyrt að þetta væri
monthöll. Samherjar mínir þræt-
tu þessi ósköp fyrir það og sögðu
húsið ekki svo dýrt. Ég sagði, auð-
vitað er þetta monthöll, ég vil ekki
að allar monthallirnar séu í mið-
bænum í Kópavogi, íbúar í þessu
hverfi ættu að eiga hús sem þeir
væru ánægðir með og ekkert vera
feimnir við það.“
Stundum er hvíslað að það sé í
raun Sjálfstæðisflokkurinn sem
öllu ráði í Kópavogi og þér sé bara
beitt fyrir vagninn. Hvað segirðu
um það?
„Eigum við ekki bara að leyfa
mönnum að halda það? Ég hef
aldrei gefið neitt fyrir þetta tal.
Mér er svo nákvæmlega sama. Ég
var sterkur framkvæmdastjóri
Ungmennafélags Íslands á sínum
tíma og mér fannst bara fínt ef
stjórninni var þakkað allt. En það
ætti að sýna að Sjálfstæðisflokk-
urinn ræður ekki öllu að ég hef
þrefaldað fylgi Framsóknar-
flokksins, úr einum bæjarfulltrúa
í þrjá og úr 13 prósentum í 28. En
allt byggist þetta í raun á góðu
samstarfi. Í sjálfu sér eru pólitísk
störf vanþakklát. Það þýðir lítið
að bíða eftir því að einhver komi
og þakki manni fyrir. Þú verður
að horfa yfir sviðið, muna hvern-
ig landið var sem þú komst að,
svo þegar starfi er lokið þá metur
maður hvaða breytingar áttu sér
raunverulega stað í þinni starfs-
tíð og hvaða þátt þú áttir í þeim
og hvort þær teljast breyting til
batnaðar eða ekki. Ég held að
enginn geti haldið öðru fram en
að það hafi verið mikill og góður
áfangi fyrir Kópavog að snúa sér
að menningarmálunum og efla
menningarstofnanir. Ef maður
ætlar að byggja upp samfélag þá
er ekki nóg að hafa bara eitt
öflugt frystihús í bænum, svo
dæmi sé tekið. Það þarf að huga
að menningunni, félagsstörfum
og öllu hinu.“
Hvernig bæjarstjóri heldurðu
að Gunnar Birgisson verði?
„Það kemur í ljós.“
Ónæmur fyrir
skoðanakönnunum
Miklar væringar hafa verið í
landsmálapólitíkinni. Samkvæmt
skoðanakönnun Fréttablaðsins er
fylgi Framsóknarflokksins ein-
ungis 7,5 prósent. Þegar staða
Framsóknarflokksins berst í tal
er Sigurður fljótur til svars: „Hún
er góð í Kópavogi.“ Hann segist
vera stuðningsmaður hins um-
deilda fjölmiðlafrumvarps sem
sumir segja að hafi skaðað Fram-
sóknarflokkinn. „Þetta er frum-
varp sem frétta- og blaðamenn
um allan heim hafa verið að biðja
um. Þeir vilja reglur um eignar-
hald á fjölmiðlum. Mín skoðun er
14 18. júlí 2004 SUNNUDAGUR
Frá kyrrstöðu
til hreyfingar
Sigurður Geirdal lætur af störfum sem bæjarstjóri
Kópavogs á næsta ári. Í bæjarstjóratíð hans hefur gríðar-
leg uppbygging átt sér stað í Kópavogi
„Maður getur vandað sig og gert hluti skammlaust og ég læt aldrei neitt frá mér opinberlega sem ég er ekki búinn að vinna eins vel og
ég get. En ég held að ég yrði aldrei mikið meira en miðlungslistamaður.“
FR
ÉT
TA
B
LA
Ð
IÐ
/G
VA
Þ
að styttist í að Sigurður Geirdal láti af embætti bæjar-
stjóra í Kópavogi en næsta vor tekur Gunnar Birgisson við
embættinu og Sigurður verður formaður bæjarráðs. „Bæ-
jarráð hefur eftirlit með öllum framkvæmdum og þar er nóg að
gera svo ekki verð ég iðjulaus,“ segir Sigurður. Þegar hann er
spurður hvort ekki sé erfitt að lækka í tign segir hann: „Það
skiptir mig engu máli. Ég veit ekki af hverju mönnum ætti að
finnast slíkt erfitt. Það sem skiptir mestu er að vinna ötullega að
þeim málum sem maður vill koma áfram. Ég fer úr sviðsljósinu
en ég hef reyndar alltaf reynt að sleppa eins auðveldlega undan
því og hægt er.“
14-15 sigurður geirdal 17.7.2004 19:52 Page 2