Fréttablaðið - 18.07.2004, Blaðsíða 40

SÍMANÚMER FRÉTTABLAÐSINS: 550 5000, fax: 550 5099 Ritstjórn: 550 5005, fax: 550 5006, ritstjorn@frettabladid.is
Auglýsinga- og markaðsdeild: 550 5010 - fax 550 2727, auglysingar@frettabladid.is Veffang: visir.is
VI Ð S EG J U M F R É T T I R SM Á A U G L Ý S I N G AS Í M I N N E R 550 5000
BAKÞANKAR
GUÐBERGS
BERGSSONAR
Óljóst
Allir hafa á tilfinningunni aðstjórnmál, eins og við þekkjum
þau, séu úrelt fyrir löngu og óhætt
að afskrifa þau eins og hverja aðra
hjátrú. Þrátt fyrir það halda þau
áfram að skipa sér í flokka sem
eru nokkurn veginn eins.
ALLIR hafa á tilfinningunni að
einu gildi hver sjónvarpsstöðin er,
á þeim er öll kvöld verið að sýna,
ljúka við að sýna eða verða brátt
sýndir bandarískir framhaldsþætt-
ir, allir nokkurn veginn eins: Eins-
konar fjölskylda á heima í húsi þar
sem er stofa með sófa fyrir fram-
an sjónvarp og einskonar eldhús-
krókur til hliðar. Fólkið í einskonar
fjölskyldunni er alltaf að hringja
dyrabjöllunni, rjúka inn, skella sér
í sófann, lyfta augabrúnum, baða
út höndum og segja útþynnta
brandara, þá sömu og í fyrra og
hittifyrra. En stundum er farið á
krá þar sem brandararnir halda
áfram, augnagoturnar og fyndnir
menn geifla sig.
ALLIR hafa á tilfinningunni að
þrátt fyrir frelsisstríðið í Afganist-
an haldi konur þar áfram að vera í
búrku og landið hafi aldrei fram-
leitt meira af eiturlyfjum, þótt
hugsjónabarátta kristinna karla og
kvenna hafi átt að hindra
hvorttveggja.
ALLIR vita að Saddam Hussein
beið ósigur og hefur verið dreginn
fyrir lög og dóm af áður helsta
samstarfsmanni sínum við ódæðið,
manni sem varð saklaus við það að
vera settur í æðsta embætti þjóð-
arinnar af réttlátasta forseta hins
kristna heims. Kannski hefur fyr-
irbyggjandi stríð hans kostað
færri mannslíf en einræði Sadd-
ams en eyðilegging á landi og
mannvirkjum er meiri og niður-
staðan verður líklega sú að hryðju-
verkamenn komast til valda í lok-
in.
ALLIR vita að hér er háð barátta
milli laga og löggjafarvalds og lög-
fræðingar til með hreinar hendur
sem vilja halda uppi lögum og
kannski líka rétti og svipað hafi
áður gerst í löndum á meginland-
inu með þeim árangri að andi
Berlusconi ríkir: Að forsætisráð-
herra skuli sitja að völdum þótt
allt hafi hrunið undan stjórn-
sýslunni. Lýðræði hans er það að
fara aldrei frá völdum.
VIÐ lifum á óljósum tímum með
óljósa framtíð, en framtíð samt.
www.gunnimagg . i s
Trúlofunar- og
giftingarhringir
20% afsláttur í takmarkaðan tíma
40 (32) bakhlidin 17.7.2004 22:12 Page 2