Fréttablaðið - 21.07.2004, Blaðsíða 6
6 21. júlí 2004 MIÐVIKUDAGUR
Bíræfnir þjófar á ferð:
Öndum rænt í Laugardal
LÖGREGLUMÁL Nokkrum öndum var
rænt við andapoll í Laugardalnum
í gær samkvæmt upplýsingum frá
Lögreglunni í Reykjavík. Þeim
barst tilkynning frá sjónarvottum
sem sögðu menn hafa komið með
net og lagt fyrir endurnar, stungið
þeim í poka og haldið sína leið, en
skilið ósjálfbjarga unga eftir.
Sjónarvottar sem létu lögreglu
vita voru ekki með farsíma á sér
og gátu ekki tilkynnt málið fyrr
en andaræningjarnir voru á bak
og burt. Einn sjónarvotta segir
þetta ekki í fyrsta sinn sem svona
gerist og yfirleitt séu mennirnir
fimm til sex saman. Lögreglan
rannsakar málið en hefur engar
áreiðanlegar vísbendingar um
hver tók fuglana.
Að öllum líkindum voru end-
urnar ætlaðar til neyslu. Lögregl-
an gat ekki staðfest hvort þetta
væri í fyrsta skipti sem þetta
gerist, starfsmenn Umhverfis- og
náttúruverndarstofnun Reykja-
víkur sögðu í samtali við Frétta-
blaðið ekki hafa orðið vara við
mál af þessum toga, en það sé
mjög alvarlegt ef þetta reynist
rétt. ■
Nýjar stoðir í burðarvirki banka
Bykofjölskyldan hefur eignast tæplega fimm prósenta hlut í Íslandsbanka. Ekki er loku fyrir það
skotið að framhald verði á kaupum og fjölskyldan bætist í hóp kjölfestufjárfesta bankans.
VIÐSKIPTI Kaup Bykofjölskyldunnar á
hlut í Íslandsbanka hafa vakið at-
hygli á fjármálamarkaði. Hugsan-
legt er að þessi kaup séu byrjunin á
stærri fléttu sem eigi eftir að
skerpa eignarhaldið á bankanum.
Úti á markaðinum velta menn
vöngum yfir framhaldinu og hver
þróunin muni verða á bankamarkið
næstu mánuðina. Þótt kaupin séu
nafni Steinunnar dóttur Jóns Helga í
Byko er talið að Jón Helgi sé við
stýrið í þessum viðskiptum. Hlutur-
inn sem var keyptur í þessari lotu
var innan við fimm prósent. Þar með
þarf ekki að tilkynna viðskiptin á
markaði.
Glöggur á tækifæri
Jón Helgi er bæði farsæll rekstr-
armaður og fjárfestir með mikið
fjárhagslegt bolmagn. Byko og
Kaupás sem er í eigu fjölskyldunnar
reka matvöru-, byggingavöru-, sport-
og húsgagnaverslanir, auk raftækja-
verslunarinnar Elko. Þar fyrir utan
er fjölskyldan með ráðandi hlut í
Flugleiðum og umtalsverða erlenda
starfsemi. Jón Helgi hefur að undan-
förnu verið glöggur á tækifæri á
markaði. Margir eru á því að kaupin
í Íslandsbanka bendi til þess að hann
vilji ná áhrifastöðu í bankanum.
Íslandsbanki hafði milligöngu um
kaupin og þykir flest benda til þess
að stjórnendur bankans og ráðandi
eigendur séu mjög hlynntir aðkomu
Jóns Helga að bankanum.
Forstjóri Íslandsbanka, Bjarni
Ármannsson, hefur marga fjöruna
sopið þegar litið er til eigendahóps
bankans. Hann hefur lengi sóst eftir
traustu baklandi í eigendahópnum og
að átökum um völd í bankanum linni.
Heimildarmenn á fjármálamarkaðin-
um telja líklegt að aðkoma Byko-
fjölskyldunnar sé til þess fallinn að
styrkja eigendahópinn og skapa
festu í bankanum. Talið er líklegt að
Bjarni hafi ráðið nokkru um aðkomu
fjölskyldunnar að bankanum.
Unnið með mörgum
Jón Helgi hefur sjálfur lýst sér
sem tækifærissinna í viðskiptum.
Hann hefur unnið með ólíkum hóp-
um í viðskiptalífinu. Þannig seldi
hann Landsbankanum lykilhlut í
Straumi fjárfestingarbanka þegar
Landsbankamenn gerðu atlögu að
Kolkrabbanum. Þá fjárfesti hann
með Ólafi Ólafssyni, forystumanni
S-hópsins, í olíufélaginu Keri. Menn
velta því vöngum yfir því hvert Jón
Helgi stefni með fjárfestingu sinni.
Eitt sé hins vegar öruggt, svo stór
fjárfesting er ekki vanhugsuð af
hans hálfu. Hlutleysi hefur ekki ein-
kennt fjárfestingar fjölskyldunnar.
Viðskiptin á markaði hafa markast
af sýn á tækifæri til skemmri tíma
eða að því að eignast ráðandi hlut til
þess að marka stefnu fyrirtækjanna
sem keypt er í.
Selur fyrir rétt verð
Kaupin hafa gefið þeim byr í
seglin sem telja líklegt að Lands-
bankinn og Íslandsbanki sameinist.
Sæki Landsbankinn á áhrif í Ís-
landsbanka á ný, þá getur Byko-
fjölskyldan aftur ráðið lykilhlut líkt
og gerðist þegar barist var um
Straum. Það þykir einkenna Jón
Helga að hann sé alltaf tilbúinn að
selja fyrir rétt verð. Verði valda-
barátt í bankanum gæti hann fengið
gott verð fyrir núverandi eign.
Hinn möguleikinn er að Jón
Helgi vilji koma sér fyrir sem einn
af stærstu hluthöfum bankans og
beina kröftum sínum að því að efla
bankann og marka honum stefnu.
Íslandsbanki er vel rekinn og jafn
fær rekstrarmaður og Jón Helgi
kann örugglega vel að meta slíkt.
Stjórnendur hans eru öflugir, en
mat margra er að veikleikar hafi
legið í ósamstæðu bankaráði. Innan
úr bankanum heyrist þó að nú um
stundir að bankaráðið vinni vel
saman. Jón Helgi er talinn flinkur
kaupsýslumaður og líklegur til þess
að geta leitt bankaráð Íslandsbanka
með farsælum hætti.
Möguleikar á sterkri stöðu
Eignarhald Íslandsbanka er
dreift. Stórir eigendur eru með
framvirka samninga. Landsbankinn
hefur kauprétt á samningi Helga
Magnússonar á genginu 8,6 sem er
undir lokagengi síðustu daga. Þar
með gæti bankinn hagnast á að nýta
kaupréttinn og annaðhvort selja
Helga með nýjum samningi eða Jóni
Helga, sækist hann eftir auknum
hlut. Lífeyrissjóður verslunarmanna
á einnig stóran hlut í bankanum.
Þegar Landsbankinn keypti hlut í
Íslandsbanka reyndu fjárfestar að
bjóða í hlut Lífeyrissjóðsins. Þá vildi
sjóðurinn fá töluvert hærra gengi en
almennt var í viðskiptum á þeim
tíma. Gengi bankans nú er mjög
nærri því gengi sem lífeyrissjóður-
inn hafði skilgreint sem ásættanlegt
fyrir sig.
Möguleikar Bykofjölskyldunnar
til þess að ná sterkri stöðu í bankan-
um eru þónokkrir. Steinunn Jóns-
dóttir, dóttir Jóns Helga, vildi ekki
tjá sig um þessi viðskipti. Forystu-
menn Íslandsbanka sem rætt var við
vildu heldur ekkert tjá sig um málið.
Markmiðið með kaupunum mun
skýrast í næstu skrefum. ■
Flugfarþegi:
Barinn af
flugþjónum
RÚSSLAND, AP Tveir drukknir flug-
þjónar börðu farþega eftir að
hann gerði athugasemd við
drykkju þeirra og bað um að vera
afgreiddur af allsgáðum flug-
þjóni.
Í Rússlandi er nokkuð algengt
að flugfarþegar gangi í skrokk á
flugþjónum og flugfreyjum. Það
er hins vegar einsdæmi, eftir því
sem næst verður komist, að hlut-
verkin snúist við. Það gerðist þó í
innanlandsflugi hjá Aeroflot. Far-
þeginn var blár og marinn að flugi
loknu og fór beint til læknis til að
fá áverkavottorð. ■
GENGI GJALDMIÐLA
Bandaríkjadalur 71,16 0,28%
Sterlingspund 132,21 -0,42%
Dönsk króna 11,87 0,12%
Evra 88,28 0,11%
Gengisvísitala krónu 122,71 -0,01%
Kauphöll Íslands - hlutabréf
Fjöldi viðskipta 241
Velta 1.169 milljónir
ICEX-15 3.092 0,59%
Mestu viðskiptin
Íslandsbanki hf. 318.045
Landsbanki Íslands hf. 153.059
Kaupþing Búnaðarbanki hf. 149.104
Mesta hækkun
Sölumiðstöð hraðfrystihúsanna hf. 3,39%
Íslandsbanki hf. 2,84%
Burðarás hf. 2,83%
Mesta lækkun
Össur hf. -1,47%
SÍF hf . -1,43%
Og fjarskipti hf. -1,42%
Erlendar vísitölur
DJ * 10.106,4 0,12%
Nasdaq * 1.901,8 0,95%
FTSE 4.339,4 0,42%
DAX 3.837,6 0,65%
NIKKEI 11.258,4 -1,55%
S&P * 1.103,9 0,27%
* Bandarískar vísitölur kl. 17.
VEISTU SVARIÐ?
1Hver er forstjóri Landsvirkjunar?
2Hvaða stofnun tók nýtt símkerfi ogsímanúmer í notkun í fyrradag?
3Eignarhaldsfélag hvaða konu hefurkeypt tæp 5% í Íslandsbanka?
Svörin eru á bls. 22
BLAÐ LEYFT Á NÝ
Íraski forsætisráðherrann, Iyad
Allawi, hefur heimilað útgáfu
vikublaðs sem bandaríska her-
námsstjórnin bannaði á sínum
tíma. Al-Hawza var málgagn rót-
tæka sjíaklerksins Mutqtada al-
Sadr. Í því birtust ræður klerks-
ins og gagnrýni á hernámsliðið.
■ ÍRAK
Í LAUGARDAL
Sjónarvottur segir þetta ekki í fyrsta skipti
sem endur eru teknar úr tjörninni.
UNNIÐ MEÐ MÖRGUM
Jón Helgi Guðmundsson hefur unnið með mörgum helstu kaupsýslumönnum landsins.
Hann er stór hluthafi í Flugleiðum og vann þar með Jóni Ásgeiri Jóhannessyni um tíma. Á
jörðu niðri áttu þeir í samkeppni sem eigendur tveggja stærstu verslanakeðja landsins.
FR
ÉT
TA
B
LA
Ð
IÐ
/G
VA
HAFLIÐI HELGASON
BLAÐAMAÐUR
FRÉTTASKÝRING
ÍSLENSKIR BANKAR
ERU Í MIKILLI SÓKN Á
ERLENDUM MARKAÐI
06-07 20.7.2004 21:23 Page 2