Fréttablaðið - 21.07.2004, Blaðsíða 28

FÓTBOLTI „Við erum betur í stakk
búnir til að mæta þeim núna og á
meðan við fáum ekki á okkur
mark tel ég okkur alltaf vera í
séns,“ sagði Willum Þór Þórsson,
þjálfari KR, þegar Fréttablaðið
ræddi við hann í gær um síðari
leikinn gegn Shelbourne í for-
keppni meistarardeildar Evrópu,
en hann fer fram í kvöld. KR-ing-
ar mæta til leiks í Írlandi með 2-
2 jafntefli á bakinu og verða
nauðsynlega að skora mark til að
komast áfram.
„Það er vissulega rétt, en við
munum samt ekki æða í þá með
látum. Það þýðir samt ekki að við
munum leggjast í vörn. Leik-
menn liðsins vita nú hvernig er
að spila á móti þessu liði og það
skiptir miklu máli í undir-
búningnum. Shelbourne er dæmi-
gert enskt lið sem pressar stíft
og við náðum að leysa það ágæt-
lega í fyrri leiknum, þar sem við
vorum einfald-
lega óheppnir að
tapa,“ segir Will-
um, en eins og
menn kannski
muna fengu KR-
ingar á sig tvö
mörk á lokamín-
útunum í fyrri
leiknum á Laug-
ardalsvellinum
fyrir viku síðan.
Bæði stuðn-
ingsmenn og að-
standendur Shel-
bourne- l iðs ins
eru mjög bjart-
sýnir fyrir
leikinn á morgun og telja það
aðeins formatriði að klára leik-
inn. Pat Fenlon, knattspyrnu-
stjóri liðsins, stillti ekki upp sínu
sterkasta liði í deildarleik um
helgina og tapaði Shelbourne
þeim leik á heimavelli. Var þetta
aðeins annað tap liðsins í írsku
deildinni í sumar þar sem liðið
hefur mikla yfirburði. Það er því
greinilegt að félagið er með
hugann við Evrópuleikinn í
kvöld og ætla að leggja allt í söl-
urnar til að yfirstíga þá hindrun
sem KR er.
Willum er þó ekki á því að
leyfa þeim það baráttulaust. Lík-
legt er að hann stilli upp í leik-
kerfinu 4-3-3 og að þrír fremstu
menn spili hátt uppi. Þá kemur
hinn bráðefnilegi Kjartan Henry
Finnbogason líklega aftur inn í
liðið eftir að hafa verið hvíldur
gegn Keflavík í Landsbanka-
deildinni um helgina. Hjá Shel-
bourne verða þrír fastamenn,
sem léku ekki í fyrri leik liðanna
vegna meiðsla, væntanlega
orðnir klárir í slaginn. Mikil
stemning er fyrir leiknum í Shel-
bourne og er búist er við að hátt
í 4000 manns mæti á völlinn til
að styðja við bakið á heima-
mönnum, en það er mun meiri
fjöldi en mætir venjulega á
heimaleiki liðsins.
Fyrirfram má því búast við að
það verði við ramman reip að
draga hjá Íslandsmeisturum KR
og ljóst að liðið þarf að spila mun
betur en gegn Keflavík um
helgina ætli liðið sér áfram.
vignir@frettabladid.is
Við hrósum...
Kristni Kjærnstested, Höskuldi Höskuldssyni og öllum öðrum sem
koma að KR-útvarpinu. Boðið verður upp á þá frábæru þjónustu
við fjölmarga stuðningsmenn KR að lýsa síðari leiknum gegn
Shelbourne í forkeppni meistaradeildarinnar í beinni útsendingu,
bæði í útvarpinu og á netinu.
20 21. júlí 2004 MIÐVIKUDAGUR
sport@frettabladid.is
KAPPHLAUP UM BOLTANN Í FYRRI LEIKNUM
KR-ingar fengu á sig tvö klaufamörk á lokamínútunum í fyrri leiknum gegn Shelbourne og
fara því með erfiða stöðu í þann síðari. Hér sést Sigmundur Kristjánsson reyna
að ná til boltans á undan varnarmanni Shelbourne.
Vissir þú að...
...íslensk félagslið hafa aðeins unnið tvo af 47 útileikjum sínum í
Evrópukeppni meistaraliða í knattspyrnu en KR-ingar þurfa einmitt
sigur gegn írsku meisturunum í Shelbourne á Írlandi í kvöld til að
komast í 2. umferð forkeppninnar. Töpin eru alls 41 talsins en fjórum
sinnum hefur niðurstaðan orðið jafntefli.
Shelbourne telur það forms-
atriði að slá KR út úr keppni
KR-ingar mæta írska liðinu Shelbourne í síðari leik liðanna í forkeppni meistaradeildarinnar í
kvöld. Heimamenn eru sigurvissir en leikmenn KR ætla að berjast til síðasta blóðdropa.
HVAÐ? HVENÆR? HVAR?
18 19 20 21 22 23 24
Miðvikudagur
JÚLÍ
■ ■ LEIKIR

18.45 Shelbourne og KR leika í
forkeppni Meistaradeildar karla í
fótbolta.
■ ■ SJÓNVARP

10.00 Suður Ameríku-bikarinn á
Sýn. Endursýndur undanúrslita-
leikur frá því gærkvöldi.

18.25 US PGA Tour á Sýn.

19.20 Toyota-mótaröðin í golfi á
Sýn.

20.50 Meistaradeildin á Sýn.
Sýndur verður klassískur leikur frá
fyrri árum.

00.35 Suður Ameríku-bikarinn á
Sýn. Bein útsending frá síðari
undanúrslitaleiknum.
,,Við
munum
ekki koma
til með að
æða í þá
með látum
en það
þýðir samt
ekki að við
munum
leggjast í
vörn.
Sundlið ÓL orðið klárt:
Örn með í
einni grein
SUND Örn Arnarson mun aðeins
keppa í einni grein Ólympíuleik-
unum í Aþenu sem hefjast í næsta
mánuði – í 50 metra skriðsundi.
Hann tekur ekki þátt í neinni af
baksundskeppnunum, sem hafa
verið sterkasta hlið Arnar í gegn-
um tíðina. Örn hefur átt við
meiðsli í öxl að stríða og ekki náð
að beita sér af fullum krafti í
undirbúningnum fyrir leikana.
Sá frestur sem SSÍ gaf til að ná
lágmörkum á Ólympíuleikana
rann út í gær og er orðið ljóst
hverjir keppa fyrir Íslands hönd á
leikunum. Auk Arnar eru það
Hjörtur Már Reynisson, Íris Edda
Heimisdóttir, Jakob Jóhann
Sveinsson, Kolbrún Ýr Kristjáns-
dóttir, Lára Hrund Bjargardóttir
og Ragnheiður Ragnarsdóttir sem
taka þátt.
28-29 (20-21) Sport 20.7.2004 20:48 Page 2