Fréttablaðið - 21.07.2004, Blaðsíða 29
MIÐVIKUDAGUR 21. júlí 2004
Loksins komust FH-ing-
ar alla leið á toppinn
FH er komið í efsta sæti Landsbankadeildar karla, rúmum níu árum
eftir að þeir voru þar síðast – í maímánuði 1995.
FLESTIR LEIKIR FH Í RÖÐ ÁN
TAPS Á EINU TÍMABILI
9, 2004 (3.–11. leik, 4 sigrar, 5 jafntefli)
8, 1993 (2.–8. leik, 7 sig., 1 jafnt.)
8, 1993 (11.–18. leik, 5 sig., 1 jafnt.)
8, 1989 (7.–14. leik, 4 sig., 4 jafnt.)
6, 2001 (11.–16. leik, 4 sig., 2 jafnt.)
6, 1977 (13.–18. leik, 1 sig., 5 jafnt.)
FÓTBOLTI FH-ingar fögnuðu ekki
bara þremur stigum í húsi eftir 1-
0 sigur þeirra á Fylki í fyrrakvöld
því þeir voru einnig komnir í
toppsæti Landsbankadeild karla í
fyrsta sinn í rúmlega níu ár eða
síðan þeir voru í efsta sætinu eftir
aðra umferð 1995. Þetta var þriðji
leikurinn í röð þar sem FH-liðið
fékk tækifæri til að komast alla
leið á toppinn og nú tókst það loks-
ins. FH hafði verið 20 sinnum
meðal efstu þriggja liða frá því að
þeir komu aftur upp í efstu deild
fyrir fjórum árum, þar af 11 sinn-
um í öðru sætinu en nú fóru þeir
loksins alla leið í toppsætið.
FH-ingar náðu líka fram hefnd-
um gegn Fylkisliðinu sem hefur
strítt þeim oft og mikið í gegnum
tíðina. Fylkir var sem dæmi eina
liðið sem var búið að vinna FH í
sumar auk þess sem Árbæingar
höfðu unnið fimm síðustu deildar-
leiki liðanna með markatölunni
11-2. Nú tók FH hinsvegar topp-
sætið af Fylki en það voru einmitt
Fylkismenn sem komu í veg fyrir
það fyrir 15 árum að FH-ingar
yrðu Íslandsmeistarar. Fylkir
vann þá leik liðanna í 18. og
síðustu umferð Íslandsmótsins og
færði KA-mönnum titilinn en með
sigri hefði FH orðið Íslandsmeist-
ari í fyrsta og eina skiptið. Þess í
stað endaði FH í öðru sæti líkt og
þeir gerðu á bæði Íslandsmótinu
og í bikarkeppninni í fyrra og
hafa auk þess gert tvisvar til við-
bótar síðan þá. Stóru titlarnir hafa
hvorugir komið í hús og það er
ljóst að FH-ingar stefna beina leið
að því að bæta snarlega úr því í
sumar.
Það var ekki bara að FH-ingar
kæmust í toppsætið í fyrsta sinn
því þeir náðu öðru stóru takmarki í
umræddum sigurleik á Fylki. FH-
liðið setti félagsmet með sigri á
Fylki því þetta var níundi deildar-
leikur liðsins í röð án taps. Þetta er
lengsta taplausa hrina liðsins á
einu tímabili í tíu liða efstu deild
en FH-liðið hafði mest náð að spila
átta leiki í röð án þess að tapa.
Þeim árangri náði Hafnarfjarðar-
liðið sumrin 1989 og 1993 en bæði
þessi ár endaði liðið í 2. sæti á
Íslandsmótinu. FH hefur reyndar
einu sinni leikið fleiri leiki í röð án
þess að tapa því þeir spiluðu alls
tíu leiki í röð 1993–1994 án þess að
bíða ósigur, léku átta síðustu leiki
sína 1993 og svo tvo þá fyrstu
sumarið eftir án þess að lúta í gras.
Það góða við stöðu FH-ingar
eru að þeir eru búnir með báða
leikina gegn KR og Fylki og úti-
leikinn við Skagamenn en fyrir-
fram var álitið að þessi þrjú lið
myndu berjast við þá um titilinn.
FH-liðið á reyndar eftir að fara til
Eyja en að öðru leyti gefur leikja-
dagskrá liðsins fulla ástæðu til
mikillar bjartsýni. Íslandsmeist-
arabikarinn er líklegur til að vera
á leiðinni í Fjörðinn í fyrsta sinn.
ooj@frettabladid.is
SÆTASKIPAN FH-INGA Í EFSTU
DEILD 2001-2004
Umferðir 65
1. sæti 1 sinni
2. sæti 11 sinnum
3. sæti 9 sinnum
Meðal 3ja efstu 21 sinni
Í efri hluta 45 sinnum
Í neðri hluta 20 sinnum
Í fallsæti 2 sinnum
EMIL SKAUT FH Á TOPPINN
Hinn tvítugi Emil Hallfreðsson skaut Fylkismenn niður af toppnum og sína menn í FH
þangað í staðinn þegar hann gerði sigurmarkið í leik liðanna í fyrrakvöld.
Þjálfari Katar í knattspyrnu:
Rekinn í
miðju móti
FÓTBOLTI Það er ekki mikil þolin-
mæðin í Katar ef marka má at-
burði gærdagsins en þá var þjálf-
ari knattspyrnulandsliðsins
rekinn eftir fyrsta leik liðsins í
Asíukeppni landsliða. Þjálfarinn
sem um ræðir, Philippe Troussier,
hafði tilkynnt að hann hætti eftir
mótið en eftir óvænt 1-2 tap fyrir
Indónesíu í fyrsta leik biðu for-
ráðamenn landsliðsins ekki
boðanna og ráku hann aðeins
tveimur dögum eftir tapið.
Nýr þjálfari hefur ekki verið
ráðinn en víst er talið að aðstoðar-
þjálfarinn, Saeed Al Meshed,
stjórni liðinu í öðrum leiknum
sem er gegn Barein í dag.
Fyrsti dagur Hraðmóts ÍR:
Stórir sigrar hjá
Njarðvík og KR
KÖRFUBOLTI Njarðvík og KR unnu
bæði stóra sigra á fyrsta degi
Hraðmóts ÍR sem fram fer þessa
dagana í Seljaskóla. Njarðvíkingar
unnu heimamenn í ÍR, 90-69, en KR-
ingar lögðu nýliða Fjölnis, 92-68.
ÍR-ingar byrjuðu ágætlega gegn
Njarðvík en máttu sín lítils í seinni
hálfleik. Guðmundur Jónsson skor-
aði 28 stig fyrir Njarðvík, Jóhann
Árni Ólafsson bætti við 17 stigum
og 13 fráköstum og þá var Ólafur
Aron Ingvason með 16 stig og sjö
stoðsendingar. Þá má ekki gleyma
Agli Jónassyni sem var með 15 frá-
köst og 10 varin (sex í fyrsta leik-
hluta) auk fimm stiga. Hjá ÍR vour
þeir Sveinbjörn Claesen og Fannar
Freyr Helgason báðir með 12 stig
inn af bekknum og Ásgeir Örn
Hlöðversson bætti við 11 stigum, 12
fráköstum og fjórum stoðsending-
um.
KR-ingar höfðu tögl og haldir
allan tímann gegn ungu og
óreyndu liði Fjölnis. Hjalti Krist-
insson fór mikinn hjá Vesturbæjar-
liðinu, skoraði 31 stig á aðeins 26
mínútum auk þess að taka níu frá-
köst og verja þrjú skot. Sindri Páll
Sigurðsson átti einnig mjög góðan
leik (22 stig, átta fráköst, fjögur
varin skot), Ólafur Már Ægisson
skoraði 11 stig og Níels Dungal var
með átta stig, 10 fráköst og átta
stoðsendingar. Hjá Fjölni var Pálm-
ar Ragnarsson allt í öllu með 16
stig, átta fráköst og sjö stoðsend-
ingar.
TAPSÁRIR Í KATAR
Philippe Troussier fékk ekki tækifæri til að
bæta fyrir tapið gegn Indónesíu.
Meistarakeppni kvenna:
KR sigraði
í Slóveníu
FÓTBOLTI Hólmfríður Magnúsdóttir
tryggði KR 1-0 sigur á hollensku
meisturunum, Ter Leede, í fyrsta
leik liðsins í Evrópukeppni meist-
araliða í kvennaflokki í gær. KR
spilar í riðli sem fram fer í Sló-
veníu. KR spilaði vel í leiknum og
átti sigurinn skilið en sigurmarkið
skoraði Hólmfríður með skoti af
löngu færi þegar tíu mínútur voru
eftir. Evrópukeppni kvennaliða er
með breyttu sniði í ár. Und-
ankeppnin fer fram að sumri og í
fyrstu umferð keppninnar er leik-
ið í níu fjögurra liða riðlum þar
sem sigurvegarar riðlanna kom-
ast áfram. Næsti leikur liðsins er
gegn finnsku meisturunum í MPS
(Malmin Palloseura) á morgun.
28-29 (20-21) Sport 20.7.2004 20:48 Page 3