Fréttablaðið - 23.07.2004, Blaðsíða 6

6 23. júlí 2004 FÖSTUDAGUR
UMFERÐARSLYS „Flest banaslysin
verða við útafakstur, árekstra og
framanákeyrslur,“ segir Ágúst
Mogensen, framkvæmdastjóri
Rannsóknarnefndar umferðar-
slysa. Ágúst segir þó slys þar sem
erlendir ferðamenn eiga í hlut
nokkuð öðruvísi en slys Íslend-
inga.
„Í þessum slysum erum við
ekki að tala um svo mikinn
hraðakstur, ölvunarakstur né
fíflagang,“ segir Ágúst. „Þarna
er um að ræða hrein akstursmis-
tök.“
Ágúst segir sex banaslys hafa
orðið meðal erlendra ferða-
manna hér á landi síðan 1998. „Í
fimm þessara slysa keyrði öku-
maður út af, bíllinn valt og far-
þegi í aftursæti, í öllum tilfellum
kona, notaði ekki bílbelti og lést,“
segir Ágúst. „Við erum búin að
hafa þessi slys, eitt til tvö á ári,
sem verða með þessum hætti og
varða erlenda ferðamenn.“
Ágúst segir miklu skipta að
bílbelti hafi ekki verið notuð. „Í
mörgum tilfellum myndi maður
segja að ef farþegar hefðu notað
bílbelti hefðu þeir einfaldlega
lifað af.“
Ágúst segir einnig slæma
vegi setja strik í reikninginn,
fyrst og fremst malarvegi. „Það
eru nokkrir slæmir vegir, til
dæmis vegurinn upp að Detti-
fossi, þar sem gera má ráð fyrir
einu til tveimur slysum á viku
yfir sumartímann,“ segir Ágúst.
„Þá er náttúrlega spurningin
hvort við þyrftum ekki að kort-
leggja þessi slys og velta upp
hvort ekki þurfi að setja upp
skilti á ensku þar sem varað er
sérstaklega við þessum veg-
um.“ ■
Fjórtán hafa látist í
umferðinni á árinu
Þrír hafa látið lífið í umferðinni síðan 11. júlí. Fjórtán hafa alls látið lífið í umferðarslysum á
árinu. Flest slysanna áttu sér stað nærri Reykjavík. Tveir hafa að meðaltali látið lífið í
umferðinni á hverjum mánuði síðustu þrjátíu árin.
UMFERÐARSLYS Fjórtán hafa látist í
umferðinni það sem af er árinu í
tólf banaslysum. Þrjú slysanna
áttu sér stað á rúmlega vikutíma-
bili frá 11. til 20. júlí.
Flest slysanna áttu sér stað
nærri Reykjavík, á svæðinu frá
Garði til Akraness. Þá létust
tvær ungar stúlkur í banaslysi í
Norðurárdal og tvö slys í ná-
grenni Blönduóss kostuðu tvo líf-
ið. Einnig lét ung stúlka lífið í
umferðarslysi á Vestfjörðum.
„Það eru mjög miklar sveiflur
í banaslysum,“ segir Sigurður
Helgason, umferðaröryggissviði
Umferðarstofu. „Á síðasta áratug
höfum við bæði fengið mjög góð
og mjög slæm ár.“ Nokkru færri
slys höfðu átt sér stað á sama
tíma á síðasta ári en þá höfðu tólf
látist í tíu banaslysum við júlílok.
Sigurður segir að um það bil 24
hafa að meðaltali lát-
ist á ári í umferð-
arslysum síð-
ustu þrjátíu ár
eða tveir á
mánuði. „Nú
í ár erum
við í þessu
óskemmti-
lega með-
altali,“ segir
Sigurður. „Þrátt
fyrir það
liggur í aug-
um uppi að
hvert ein-
asta slys er
slysi of mikið.“
Sigurður segir ekkert
mynstur að sjá í banaslysun-
um. „Alvarlegustu
slysin verða þó alltaf
úti á þjóðvegunum,“
segir Sigurður. „Þar
er meiri hraði og því
má ekkert út af bregða til að illa
fari.“
Sigurður segir ökumenn helst
þurfa að varast hraðakstur. „Ef
fólki tekst að halda sig við lögleg-
an hraða má strax stórauka líkur
á að koma í veg fyrir slys,“ segir
hann. „Einnig skiptir miklu máli
að nota öryggisútbúnaðinn í bíln-
um og aka ekki undir áhrifum
áfengis.“
helgat@frettabladid.is
GENGI GJALDMIÐLA
Bandaríkjadalur 71,28 0,17%
Sterlingspund 132,25 0,11%
Dönsk króna 11,75 -0,08%
Evra 87,36 -0,07%
Gengisvísitala krónu 121,83 0.00%
Kauphöll Íslands - hlutabréf
Fjöldi viðskipta 190
Velta 842 milljónir
ICEX-15 3.087 0,00%.
Mestu viðskiptin
Íslandsbanki hf. 282.058
Kaupþing Búnaðarbanki hf. 247.614
Burðarás hf. 120.279
Mesta hækkun
Nýherji hf. 10,29%
Tryggingamiðstöðin hf. 2,34%
Vátryggingafélag Íslands hf. 2,04
Mesta lækkun
Vinnslustöðin hf. -2,86%
Kaupþing Búnaðarbanki hf. -1,15%
Össur hf. -0,75%
Erlendar vísitölur
DJ * 10.008,1 -0,38%
Nasdaq * 1.869,4 -0,27%
FTSE 4.306,3 -1,62%
DAX 3.801,1 -1,97%
NIKKEI 11.285,0 -1,30%
S&P * 1.091,8 -0,19%
*Bandarískar vísitölur kl. 17.00
VEISTU SVARIÐ?
1Hvað heitir seðlabankastjóri Banda-ríkjanna?
2Hvar á Snæfellsnesi er verið að byggjanýjan framhaldsskóla?
3Ráðherra Evrópumála í bresku ríkis-stjórninni er á Íslandi. Hvað heitir
hann?
Svörin eru á bls. 38
NORÐURÁL HAGNAST Hagnaður
Norðuráls á árinu 2003 nam rúm-
lega einum milljarði króna. Hagn-
aðaraukning frá 2002 er nálægt
þrjátíu prósentum. Í fréttatilkynn-
ingu kemur fram að hærra álverð,
minni vaxtakostnaður og góð
ávöxtun veltufjármuna hafi haft
jákvæð áhrif á reksturinn.
ÁGÚST MOGENSEN
Framkvæmdastjóri Rannsóknarnefndar
umferðarslysa segir umferðarslys
erlendra ferðamanna öðruvísi en slys
Íslendinga þar sem ekki sé um mikinn
hraðakstur að ræða.
BANASLYS Í UMFERÐINNI ÁRIÐ 2004
1 Suðurlandsvegur 10. janúar 24 ára íslenskur karl
2 Höfðabakki 2. febrúar 64 ára íslenskur karl
3 Norðurlandsvegur 18. febrúar 45 ára íslensk kona
4-5 Vesturlandsvegur 20. febrúar 13 ára íslensk stúlka
4-5 Vesturlandsvegur 20. febrúar 13 ára íslensk stúlka
6-7 Akranes 30. mars 76 ára íslenskur karl
6-7 Akranes 30. mars 74 ára íslensk kona
8 Reykjanesbraut 19. maí 52 ára íslenskur karl
9 Reykjavík 26. maí 89 ára íslensk kona
10 Garður 4. júní 41 árs íslenskur karl
11 Þingvallavegur 7. júní 24 ára íslenskur karl
12 Mosfellsbær 11. júlí 22 ára íslenskur karl
13 Bíldudalur 15. júlí 15 ára íslensk stúlka
14 Vatnsnesvegur 20. júlí 38 ára tékknesk kona
14
1
2
3
4 5
6
7
8
910
11
12
13
■ VIÐSKIPTI
Framkvæmdastjóri Rannsóknarnefndar umferðarslysa:
Erlendir ferðamenn skera sig úr
06-07 22.7.2004 21:34 Page 2