Fréttablaðið - 23.07.2004, Blaðsíða 8

8 23. júlí 2004 FÖSTUDAGUR
Utanríkisráðherra Súdans:
Afskipti Vesturlanda
minna á Írak
LONDON, AP Utanríkisráðherra
Súdan segir afskipti Bandaríkj-
anna og Bretlands af ógnaröldinni
í Darfur-héraði vera óeðlileg og
minna um margt á framkomu
þeirra gagnvart Írak áður en ráð-
ist var inn í landið.
Yfirvöld í Súdan hafa verið
sökuð um að halda hlífiskildi yfir
arabískum vígahópum sem ráðast
á svarta íbúa Darfur-héraðs. Tug-
ir þúsunda hafa fallið í átökunum.
Tony Blair, forsætisráðherra
Bretlands, segir Breta bera sið-
ferðileg skylda til að bregðast við
ástandinu í Súdan. Blair útilokar
ekki að hann sendi öryggisveitir
inn í landið til að stilla til friðar,
en segir of snemmt að segja nokk-
uð til um það.
Utanríkisráðherra Súdan segir
að sendi Bretar herlið inn í landið
líti íbúar þess á það sem her-
námslið og muni rísa upp gegn
því, rétt eins og gerst hefur í Írak.
Blair segir að málið verði að vinna
í náinni samvinnu við Afríkusam-
bandið en hann mun ræða málið
við Kofi Annan, framkvæmda-
stjóra Sameinuðu þjóðanna, áður
en lengra er haldið. ■
Kynferðisafbrotamaður á sextugsaldri var dæmdur í átján mánaða
fangelsi fyrir kynferðisbrot gegn stúlku. Brot mannsins gegn annarri
stúlku voru fyrnd þar sem ekki var hægt að sanna að innan við fimm ár
væru frá því að brotin voru framin og þar til þau voru kærð.
DÓMSMÁL Maður á sextugsaldri
var dæmdur í Héraðsdómi
Reykjaness í eins og hálfs árs
fangelsi fyrir kynferðisbrot gegn
stúlku þegar hún var átta til tíu
ára árin 2001–2003. Brot manns-
ins gegn annarri stúlku fæddri
árið 1985 voru fyrnd þar sem ekki
tókst að sanna að þau hefðu verið
framin sumarið 1999 eða síðar.
Dómurinn segir að það beri að
sakfella manninn fyrir kynferðis-
lega áreitni gegn eldri stúlkunni
sem varðar allt að fjögurra ára
fangelsi. Hins vegar fyrnist sök á
fimm árum þegar ekki liggur
þyngri refsing við brotinu en
fjögurra ára fangelsi. Manninum
var gert að greiða yngri stúlk-
unni 800 þúsund krónur í miska-
bætur en þeirri eldri 500 þúsund
krónur.
Í nokkur skipti sumurin
2001–2003 káfaði maðurinn á kyn-
færum yngri stúlkunnar í bílferðum
á Miðnesheiði og Garðskagavita þar
sem hún sat í fangi hans og fékk að
stýra bifreiðinni. Þá braut hann í
nokkur skipti gegn stúlkunni á
heimili sínu. Hann lét stúlkuna
leggjast nakta ofan á sig og þuklaði
á henni, setti fingur meðal annars í
leggöng og endaþarm. Sjálfur var
hann nakinn að neðan. Maðurinn
káfaði einnig á kynfærum eldri
stúlkunnar í bílferðum á Miðnes-
heiði.
Upp komst um manninn þeg-
ar yngri stúlkan sagði móður
sinni frá framferði mannsins.
En á þeim tíma átti móðir henn-
ar í sambandi við manninn sem
hafði verið heimilisvinur áður
en foreldrar stúlkunnar skildu.
Þegar eldri stúlkan var kölluð
til vitnis kom í ljós að maðurinn
hafði áreitt hana kynferðislega
og var í framhaldinu lögð fram
kæra vegna þeirra brota.
Maðurinn sem er á sextugs-
aldri er barnlaus og hefur alla
tíð búið í foreldrahúsum. Hann
var virkur í unglinga- og
íþróttastarfi í öðru af tveimur
bæjarfélögum sem hann bjó í á
Suðurnesjum.
hrs@frettabladid.is
SVONA ERUM VIÐ
FJÖLDI UMSÆKJENDA UM
STARFSLAUN LISTAMANNA:
1995 563 umsóknir
1999 572 umsóknir
2002 620 umsóknir
HEIMILD: HAGSTOFA ÍSLANDS
Morð er
ávísun
á hjálp
20 geðsjúkir
eins og tifandi
tímasprengjur
– hefur þú séð DV í dag?
FJÁRLÖG „Í skýrslunni kemur fram
það sem bent hefur verið á áður,
að halda þarf áfram að þróa áætl-
anagerð hjá stofnunum ríkisins og
jafnframt ná fram markvissara
eftirliti með framkvæmd fjár-
laga,“ segir Magnús Stefánsson,
formaður fjárlaganefndar og
þingmaður Framsóknarflokksins.
Nefndin fundaði í gær um
skýrslu ríkisendurskoðunar í
gærmorgun. Fór endurskoðandi
yfir skýrsluna með nefndarmönn-
um og gerði grein fyrir helstu at-
riðum hennar. Á fundinum var
einnig fulltrúi frá fjármálaráðu-
neytinu.
„Þróun áætlanagerðar hefur
verið í gangi undanfarin ár en
ljóst er að halda þarf því verkefni
áfram. Af skýrslunni er ljóst að
þörf er á að skoða ákveðna þætti
og mun nefndin gera það í haust.
Skýrslan segir ekki til um endan-
lega niðurstöðu um framkvæmd
fjárlaganna. Lokaniðurstaðan
kemur í ljós í haust þegar ríkis-
reikningur fyrir árið 2003 verður
birtur. ■
Formaður fjárlaganefndar um skýrslu ríkisendurskoðunar:
Markvissara eftirlits þörf
MAGNÚS STEFÁNSSON,
FORMAÐUR FJÁRLAGANEFNDAR:
„Halda þarf áfram að þróa áætlanagerð
hjá stofnunum ríkisins og jafnframt ná
fram markvissara eftirliti með fram-
kvæmd fjárlaga.“
RÁÐHERRAR FUNDA
Utanríkisráðherrar Súdans og Frakklands
ræddu stöðu mála á miðvikudag.
KETTLINGARNIR
Þrettán kettir fundust í yfirgefnum húsbíl á
Kjalarnesi á þriðjudaginn. Þrír kattanna
voru dánir þegar að var komið og höfðu
þeir sem lifðu byrjað að éta einn þeirra.
Þrettán kettir fundust í bíl:
Tvísýnt um
líf tveggja
DÝR Tvísýnt er um líf kettlinga
sem fundust nær dauða en lífi í
yfirgefnum húsbíl á Kjalarnesi á
þriðjudag að sögn Sigríðar Heið-
berg, forstöðukonu Kattholts.
Kettirnir voru upphaflega þrettán
talsins en þrír voru dánir þegar
þeir fundust.
Komið var með 26 ketti í Katt-
holt þann 4. júlí síðastliðinn sem
fundust höfðu í húsi á Kjalarnesi.
Eftir tilskipun frá lögreglu var
forráðamönnum Kattholts gert að
skila köttunum aftur til eigenda
sinna sem virðast hafa skilið þá
eftir í húsbílnum án matar eða
drykkjar.
Þá fannst horuð, kettlingafull
læða í nágrenni hússins á Kjalar-
nesi í fyrrakvöld og var farið með
hana í Kattholt. ■
Átján mánaða fangelsi
fyrir kynferðisbrot
08-09 22.7.2004 22:06 Page 2