Fréttablaðið - 23.07.2004, Blaðsíða 12
12 23. júlí 2004 FÖSTUDAGUR
BÁLFÖR UNDIRBÚIN
Útför Tjokorda Istri Muter, tvíburasystur
síðasta konungsins af Ubud, sem er hérað
á Balí í Indónesíu, krefst mikils undirbún-
ings. Tjokorda verður brennd á báli. Bál-
köstur hennar er mikill turn upp á níu
hæðir sem verkamenn hafa unnið við að
útbúa að undanförnu.
Andaveiðar í Reykjavík:
Neysla ekki
heilsuspillandi
HEILBRIGÐISMÁL Ekkert bendir til
þess að endur sem veiddar eru í
Laugardal eða við Reykjavíkur-
tjörn séu óhæfar til neyslu sam-
kvæmt upplýsingum sem feng-
ust frá Umhverfis- og heilbrigð-
isstofnun Reykjavíkur.
Fréttablaðið greindi frá því í
fyrradag að endur hefðu verið
veiddar við litla tjörn í Laugar-
dalnum. Vakti fréttin mikil við-
brögð frá lesendum blaðsins.
Fannst þeim ótækt að andaveiðar
tíðkuðust innan borgarmarkanna
endu eru fuglaveiðar ólöglegtr í
lendum borgarinnar
Samkvæmt Umhverfis - og
heilbrigðisstofnun er ekki hægt
að taka allan vafa af því að það sé
í lagi að leggja sér þessar endur
til munns en til þess þarf að
rannsaka sýni frá viðkomandi
svæði. Stofnunin telur þó að
ekkert bendi sérstaklega til þess
að það sé heilsuspillandi að borða
önd af Reykjavíkurtjörn. Í
Fréttablaðinu í gær kom fram að
borgaryfirvöld munu bregðast
við andaveiðunum og fylgist
blaðið með framvindu mála. ■
FRÉTTAVIÐTAL Samningsstaða sjó-
manna er erfið þar sem stjórnvöld
standa við bakið á útvegsmönn-
um. Það hafi sýnt sig við lagasetn-
ingar á löglegri verkfallsboðun
sjómanna árið 2001, 1998 og 1994.
Þetta segir Sævar Gunnarsson,
formaður Sjómannasambands
Íslands. Hann hafi sýnt vilja til að
ná kjarasamningum við Landsam-
bands íslenskra útvegsmanna en
þeir nagi neglurnar og bíði eftir
lagasetningu stjórvalda. Sjómenn
hafi verið samningslausir frá ára-
mótum.
„Það þarf tvo til að semja og í
mínum huga hef ég sýnt vilja í
verki. Það er meira en útvegs-
menn hafa gert. Það er alveg
klárt mál að síðast þá báðu út-
vegsmenn um lagasetningu. Þeir
vita það sjálfir að ég veit að þeir
beinlínis gengu á fund sjávarút-
vegsráðherra og hann á fund rík-
isstjórnarinnar sem ákváð fyrir
tilmæli LÍÚ að setja lögin á,“
segir Sævar.
Sævar bendir á að 8. júní hafi
íslensk stjórnvöld sætt alvarlegri
gagnrýni þegar málið var tekið
upp hjá Alþjóðavinnumálastofn-
uninni og fulltrúar þeirra rúm-
lega 140 landa sem sátu fundinn
hafi öll sem eitt skorað á stjórn-
völd að skipta sér ekki af kjara-
viðræðunum. „Við vorum ein tutt-
ugu þjóða sem vorum tekin út úr
fyrir alvarleika málsins. Ef að
stjórnvöld láta sér ekki segjast þá
veit ég ekki í hvaða heimi þessir
menn búa,“ segir Sævar. „Kröf-
urnar okkar eru alveg skýrar. Það
sem við erum að biðja um núna og
gerum kröfu um er að við fáum
sömu leiðréttingu á launakjörum
okkar og aðrir launþegar eru að
fá. [...] Við erum ekkert að biðja
um annað. Kröfur þeirra hljóða
upp á kjaraskerðingu fyrir sjó-
menn, þ.e.a.s. lækkun á launa-
kostnaði útgerðar. Það er miklu
erfiðara og alvarlegra mál ein-
faldlega vegna þess að þær kröf-
ur eru svo stórar.“
Sjómannaafslátturinn í hættu
Í desember lagði Geir H.
Haarde fjármálaráðherra fram
þingsályktunartillögu um afnám
sjómannaafsláttar í áföngum frá
1. janúar 2005 þar til ársins 2008.
Sjómönnum beri í framhaldinu
að semja sjálfir um hann við út-
vegsmenn. Tillagan náði ekki
fram að ganga að sinni en sjó-
menn hræðast að hún verði aftur
borin upp.
Sævar segir það öfugmæli
ráðherra að samningsnefnd ríkis-
ins neiti að semja við háseta Haf-
rannsóknarstofnunar um sjó-
mannaafsláttinn í ljósi þessa.
„Það er alveg ljóst, og reyndar
hefur fjármálaráðherra lýst því
yfir, að sjómannaafslátturinn
verði ekki af sjómönnum tekinn
öðruvísi en þeim verði bættur
hann,“ segir Sævar og bætir
við:„Svo neitar hann að semja um
þetta. Ég lendi alltaf að sama
brunni. Þessi vinnubrögð eru
með ólíkindum. Kannski eðlileg-
ast að fréttamenn spyrji hann: Á
hvaða ferðalagi ertu? Ég spyr
hann hiklaust: Á hvaða ferðalagi
ertu fjármálaráðherra að vera
með svona klárar yfirlýsingar
um að það eigi að semja með
þessum hætti og neita svo að
koma að málunum.“
Sævar segir niðurstöðu samn-
ingsins gefa fordæmi fyrir við-
ræður sjómanna og útvegsmanna
þó umræður um sjómannaafslátt-
inn hafi verið lagðar til hliðar.
„Það hefur ekkert brotið á þessu
ennþá en það er alveg ljóst að
þetta verður uppi þegar kemur að
því að ljúka samningum.“
Vantar varðskip á sjó
Í mörg horn er að líta hjá Sæv-
ari og Sjómannasambandinu.
Hann óttast um öryggi sjómanna
og segir óásættanlegt að engin
varðskip séu á sjó. Hann vill að
stjórnvöld skoði í sinn rann.
„Þetta er gjörsamlega óásætt-
anlegt ástand og okkur öllum til
skammar að ekkert skip skuli
vera á miðunum í kringum landið.
Ekki bara út af landhelgisbrotum
því samkvæmt skyldum eru verk-
efni þau sem þessi skip eiga að
framkvæma mörg: Eftirlit með
ferðum skipa, eftirlit með land-
helgisbrotum, eftirlit með veiðar-
færum og síðast en ekki síst ör-
yggismál sjómanna. „
Sævar segir að minnst tvö skip
ef ekki þrjú skip þyrftu alltaf að
vera á hafi úti. „Til þess að tvö
skip geti alltaf verið úti þurfta
þrjú skip að vera í gangi. Það gera
sér allir grein fyrir þegar tekið er
tillit til viðhalds og fríi áhafna og
slíks. Það er óásættanlegt þetta
ástand eins og það er.“
gag@frettabladid.is
REYKJAVÍKURTJÖRN
Óprúttnir aðilar hafa numið endur á brott með skipulögðum hætti.
■ EVRÓPA
Bann gegn ruslpósti:
Ber árangur
í Ástralíu
CANBERRA, AP Bann á ruslpósti í
Ástralíu virðist bera árangur en
yfirvöld bönnuðu ruslpóst fyrir
þremur mánuðum síðan. Mörg
netfyrirtæki hafa látið af óum-
beðnum ruslpóstsendingum,
sérstaklega hefur póstur sem
inniheldur hvers kyns klám
snarminnkað.
Lögin sem sett voru í apríl
síðastliðnum banna að rafrænar
auglýsingar séu sendar á net-
föng án vitundar og samþykkis
móttakandans. Þeir sem brjóta
bannið mega búast við sekt upp
á tæpa 57 milljarða króna.
Nokkur fyrirtæki hafa verið
undir eftirliti yfirvalda fyrir að
hlíta ekki banninu en enginn
hefur verið dæmdur. Ástralir
hafa gert samning við
Bandaríkin, Bretland og Suður-
Kóreu um samstarf í baráttunni
gegn ruslpósti. ■
TILRÆÐISMAÐUR VERÐI
ÁKÆRÐUR Franskir saksóknar-
ar hafa óskað eftir því við
dómstól í París að maður sem
reyndi að myrða Jacques
Chirac forseta verði ákærður.
Sérfræðingar segja Maxime
Brunerie ekki við fulla geð-
heilsu en kveða hann að hluta
ábyrgan fyrir að reyna að
myrða Chirac fyrir tveimur
árum.
KÆRÐUR FYRIR TILRÆÐIÐ
Maðurinn sem reyndi að ráða
Jacques Chirac Frakklands-
forseta af dögum við opinbera
athöfn fyrir tveimur árum
verður ákærður fyrir morðtil-
raun. Geðrannsókn leiddi í ljós
að maðurinn ætti við geðræn
vandamál að stríða en ekki það
mikil að hann væri ekki, í það
minnsta að hluta, ábyrgur
gerða sinna.
Ártúnshöfða • Borgartúni • Geirsgötu • Gagnvegi, Grafarvogi
Lækjargötu, Hafnarfirði, • Háholti, Mosfellsbæ • Stórahjalla, Kópavogi
ES
SO
K
D
-0
7.
20
04
-T
ilb
oð
SÆVAR GUNNARSSON
Sjómannasamband Íslands og Landsamband íslenskra útvegsmanna funda hjá ríkissáttasemjara þann 9. ágúst vegna kjaradeilna.
Sjómenn hafa verið samningslausir frá áramótum.
FR
ÉT
TA
B
LA
Ð
IÐ
/E
.Ó
L
Stuðningur stjórnvalda
við útvegsmenn óþolandi
Formaður Sjómannasambands Íslands segir lagasetningu stjórnvalda á verkföllum
sjómanna óþolandi öfugmæli að þau semji ekki um sjómannaafslátt við eigin starfsmenn
og skort á gæslu landhelginnar óásættanlega.
GUNNHILDUR A. GUNNARSDÓTTIR
BLAÐAMAÐUR
FRÉTTAVIÐTAL
RÆTT VIÐ
SÆVAR GUNNARSSON
FORMANN
SJÓMANNASAMBANDS
ÍSLANDS
12-13 22.7.2004 19:18 Page 2