Fréttablaðið - 23.07.2004, Blaðsíða 36

FÖSTUDAGUR 23. júlí 2004
G Æ Ð A F R A M K Ö L L U N U M A L L T L A N D
Vandamál heima fyrir
skyggja á EM sigurinn
Grikkir þurfa að taka til í eigin ranni vegna fjármálaóreiðu og spillingar
áður en í óefni er komið fyrir Evrópumeistarana nýkrýndu.
FÓTBOLTI Eftir stórkostlegan sigur
Grikkja á EM í Portúgal ætti
gullöld að hefjast í grískri knatt-
spyrnu. En raunin er önnur. Hrika-
leg staða knattspyrnunnar í
Grikklandi gæti mögulega skyggt
á sigurinn á EM en ýmiskonar
vandamál herja á og lausn á þeim
virðist ekki innan seilingar.
Alger ringulreið ríkir sem ein-
kennist til að mynda af gjald-
þrota liðum og ásökunum um
mútuþægni og hagræðingu úr-
slita. Leikmenn fá ekki borgað,
boltabullur vaða uppi og afleið-
inguna af þessu öllu saman má
sjá á aðsókninni en alltof oft eru
leikir spilaðir á nánast tómum
leikvöngum.
„Við getum haldið áfram að
nota okkur á ódýran hátt vel-
gengni landsliðsins og litið fram
hjá ömurlegri stöðu knattspyrn-
unnar heima fyrir. Eða að við get-
um nú nýtt okkur tækifærið til að
snúa blaðinu við og taka ærlega til
hendinni og snúa þessari óheilla-
vænlegu þróun við,“ sagði rann-
sóknarblaðamaðurinn Makis Tri-
antafylopoulos sem starfar á
gríska dagblaðinu Kathimerini.
Triantafylopoulos þessi af-
hjúpaði stórt svikamál fyrir átján
mánuðum síðan þar sem í ljós kom
að mikið af úrslitunum í leikjum í
efstu deildinni í Grikklandi voru
fyrirfram ákveðin. „Grísk knatt-
spyrna hefur nú tvö andlit – í út-
löndum gerum við vel en heima
fyrir er staðan hræðileg,“ sagði
Triantafylopoulos og hélt áfram:
„Vandamálið snýst ekki einung-
is um boltabullurnar heldur einnig
fólkið sem stjórnar leiknum. Þeg-
ar þú hefur dómarann í vasanum
þá þarftu ekki að eyða peningum í
leikmennina eða leikvangana til
þess að ná árangri. Þetta ástand er
sorglegt en staðreynd engu að síð-
ur“.
Á undanförnum árum hafa rík-
isstjórnir gefið fögur fyrirheit um
að uppræta spillingu og ofbeldi í
tengslum við gríska knattspyrnu
en lítið hefur þó verið að gert.
Eins og staðan er í dag er of-
beldi jafn mikill hluti af leiknum
og grasið og netið á sjálfum knatt-
spyrnuvellinum. Í hverjum leikn-
um á fætur öðrum efna boltabull-
ur til uppþota og óeirðalögreglan
hefur meira en nóg að gera.
Svo slæmt er ástandið að
margoft hafa stuðningsmenn lið-
anna veist að leikmönnum, innan
vallar sem utan og þá er frægt
dæmið þegar læknir eins liðsins
kýldi dómara leiksins kaldan.
Alger upplausn virðist því
ríkja og vandséð hvernig úr henni
verði leyst. Þetta ástand mála
hefur auðvitað gífurleg áhrif á
aðsókn og það hefur komið fyrir
að einungis um 150 manns hafa
mætt á leik toppliða í efstu deild-
inni.
Jafnvel landsliðið hefur átt í
erfiðleikum með að trekkja að og
fyrir fyrsta leikinn í undankeppni
EM í Portúgal var ákveðið að
bjóða áhorfendum sem mættu
fría landsliðstreyju en þrátt fyrir
það komu aðeins 10.000 manns.
Ömurleg staða grískrar knatt-
spyrnu endurspeglast hvað best í
ástandi mála hjá stórliðinu AEK
en með því leika fimm grískir
landsliðsmenn.
Liðið skuldar tæpar 122 millj-
ónir dollara og haldi áfram sem
horfir þarf liðið að gerast áhuga-
mannalið enda getur það ekki
staðið við skuldbindingar sínar
gagnvart leikmönnum. Landsliðs-
mennirnir fimm hafa enda allir
beðið um að losna undan samn-
ingi við liðið og vilja komast til
liða utan Grikklands.
Grikkir eru Evrópumeistarar í
knattspyrnu og innan tíðar hefjast
Ólympíuleikarnir í Aþenu – allt lít-
ur vel út á ytra borði en undir niðri
kraumar spillingin og ofbeldið.
Stóra spurningin nú er sú hvort
Grikkir nái að nýta sér meðvind-
inn sem óneitanlega blæs nú og
taki til í eigin ranni. Þess þarf svo
sannarlega. ■
GRÍSKA LIÐIÐ AEK AÞENA
Vassilis Lakis, leikmaður gríska liðs-
ins AEK Aþena, sést í baráttu við
leikmann Mónakó í meistaradeild-
inni í vetur. AEK er komið að fótum
fram fjárhagslega og endurspeglar
staða liðsins ástandið í gríska fót-
boltanum um þessar mundir.
SIF SKORAÐI Sif Atladóttir skoraði eitt
marka KR í Evrópusigri liðsins í gær.
KR-stelpur enn á sigurbraut í Evrópu og settu met:
Lögðu finnsku meistarana
FÓTBOLTI KR-stelpur unnu finnsku
meistarana Malmin Palloseura,
3-1, í Evrópukeppni kvennaliða í
gærdag. Það var Guðlaug Jóns-
dóttir sem skoraði fyrsta mark
leiksins á 31. mínútu með skalla
eftir sendingu Hólmfríðar Magn-
úsdóttur.
Sif Atladóttir kom KR í 2-0 á
41. mínútu með glæsilegu skoti,
sláin og inn. Síðasta mark KR
skoraði síðan Anna Berglind
Jónsdóttir sex mínútum fyrir
leikslok, afgreiddi boltann
snyrtilega í markið eftir að hafa
komist ein innfyrir vörn finnsku
stelpnanna. Mark Finnanna skor-
aði Hanna Kaaranen aðeins mín-
útu síðar.
Glæsilegur sigur KR-stelpna
því staðreynd og uppgangur
þeirra heldur ótrauður áfram og
með þessum sigri komst liðið í
metabækurnar því ekkert ís-
lenskt félag hefur áður unnið
þrjá Evrópuleiki í röð. ■
34-35 (26-27) Sport 22.7.2004 20:34 Page 3