Fréttablaðið - 23.07.2004, Blaðsíða 38
SKÁTASTARF
Skátar koma saman í útilegu á Víðistaðatúni í Hafnarfirði
29FÖSTUDAGUR 23. júlí 2004
fyrir vandláta
veiðimenn
vöðlur og skór
halda þér þurrum■ SAMKOMA
Flest skátafélög á höfuðborgar-
svæðinu starfrækja Útilífsskóla
fyrir börn á aldrinum 6 til 13 ára.
Námskeiðin byggja á ekta skáta-
starfi og hafa það að markmiði að
aðstoða börn í að verða að sjálf-
stæðum og virkum einstaklingum.
Dagana 22. og 23. júlí sameinast
útivistarnámskeið skátafélaganna í
einni stórri útilegu á Víðstaðatúni í
Hafnarfirði. Fimmtudaginn 22. júlí
var haldin grillveisla klukkan 18.30
og eftir það var kveikt á stærðar-
bálkesti. Varðeldurinn var há-
punktur útilegunnar. Foreldrum
barnanna sem taka þátt í útilegunni
var einnig boðið á varðeldinn til að
gefa þeim tækifæri á að eiga
fallega stund með börnum sínum
Markmið útilegunnar er að efla
samstarf Útilífsskólanna, bjóða
þátttakendum upp á fjölbreyttari
dagskrá sem og að gefa foreldrum
innsýn inn í sumarstarf skátafélag-
anna. Þetta er í fyrsta en örugglega
ekki í síðasta sinn sem slík útilega
verður haldin. ■
Útilega Útilífsskóla skáta
Bleikjuveiði hefur víða verið góð í
sumar og margir veiðimenn lent í
skemmtilegum ævintýrum á ár-
bakkanum. Á þriðjudagsmorgun
voru feðgarnir Gylfi Kristjánsson
og Kristján Hilmir Gylfason við
veiðar á 5. svæði í Eyjafjarðará
þar sem flugan Krókurinn var vígð
fyrir nokkrum árum af Jóni
„Krók“ Bjarnasyni frá Húsavík.
Síðan hafa margir kallað þennan
veiðistað Króksbreiðu.
Gylfi, sem er höfundur Króks-
ins, setti strax í og náði 4,5 punda
bleikju. Skömmu síðar náði hann
annarri, sem eftir mikinn bardaga
reyndist 73 cm löng og rétt rúm 4,5
kíló eða 9 pund og reyndar 14
grömmum betur. Var bleikjan vigt-
uð í votta viðurvist þegar komið
var til byggða og er stærsta bleikj-
an sem við vitum að veiðst hafi á
stöng í sumar og einhver ár í Eyja-
fjarðará.
Kristján kom þarna að skömmu
síðar og kastaði og setti strax í og
náði 6 punda nýgenginni bleikju.
Þrjár gullfallegar bleikjur á
skömmum tíma, meðalþyngdin 6,5
pund, og auðvitað allar á Krókinn.
„Þetta var skemmtilegt ævin-
týri hjá okkur feðgum og reyndar
ekki fyrsta ævintýrið sem Krókur-
inn skilar okkur í veiðinni. Bleikj-
an var erfið viðureignar og tók
löndunin tæpa hálfa klukkustund.
Auðvitað er freistandi að láta stop-
pa bleikjuna upp enda má með
sanni segja að nýgengin bleikja af
þessari stærð eigi fullt erindi upp
á vegg,“ sagði Gylfi í samtali við
Fréttablaðið. Hann bætti við að
bleikjan væri að byrja að sýna sig
á 5. svæðinu og mikið væri af
bleikju á 4. svæðinu.
Daginn eftir sneru þeir aftur og
fengu bleikjur á Krókinn, sú
stærsta var 5 pund. Veiðin í Eyja-
fjarðará hefur verið betri núna en
fyrir ári síðan. Þessa sömu sögu er
hægt að segja af fleiri veiðisvæð-
um á landinu þar sem bleikja
veiðist.
„Flekkudalsá hefur gefið 70
laxa en aðstæður eru mjög erfiðar
í ánni núna vegna vatnsleysis en
mikið hefur gengið af fiski í hana,“
sagði Jón Ingi Ragnarsson, er við
spurðum um ána og stöðuna.
„Stærsti fiskurinn er 13 punda
ennþá og síðasta holl veiddi tvo
laxa, en það þarf rigningar á svæð-
ið,“sagði Jón Ingi ennfremur.
Nú er ágætis veiði á flestum
veiðisvæðum landsins þrátt fyrir
að lítið vatn sé á sumum veiði-
svæðum t.d. er nóg að gerast í Mið-
fjarðará en fyrri vaktin í fyrrdag
gaf 20 laxa og er talan yfir veidda
laxa komin í 520.
Veiðimaður sem var að koma úr
Miðfjarðará, sagði að mikið væri
af fiski í Vesturá og Austurá, en
eins og annarsstaðar mætti alveg
rigna, það skaðaði ekki neitt.
Einnig er mjög góð veiði í
Blöndu þar sem um 800 laxar hafa
veiðst sem er hundruðum meira en
í fyrra. Laugardalsá í Ísafjarðar-
djúpi er einnig í essinu sínu þessa
dagana og fer óðum að nálgast 250
veidda laxa. ■
Þrjár risableikjur tóku
Krókinn á Króksbreiðunni
VEIÐIHORNIÐ
GUNNAR BENDER
■ skrifar um veiði.
SÚ STÆRSTA
Gylfi Kristjánsson með 9 punda nýgengna bleikju sem tók Krókinn á Króksbreiðunni í
Eyjafjarðará. Þetta er stærsta bleikjan sem vitað er að hafi veiðst á landinu í sumar og
með allra stærstu bleikjum sem veiðst hafa í Eyjafjarðará.
Í Mosfellsdalnum hafa bændur og
matunnendur komið á laggirnar
úrvals markaði þar sem ferskasta
grænmeti og salat landsins fæst
keypt. Markaðurinn er í tjaldi
beint á móti Mosfellskirkju og þar
eru aðeins lífrænar vörur og
grænmeti sem tekið er upp sam-
dægurs. Einnig eru fáanlegar
kryddjurtir og rósir frá Gísla í
Dalsgarði, úrvals pestó frá Diddú,
rabbarbari frá Jóni Gamla og
bóndinn á Heiðarbæ kemur með
afla næturinnar úr Þingvalla-
vatni. Grænmetissalan hefur fest
sig rækilega í sessi á undan-
förnum árum enda helstu sælker-
ar landsins fastir viðskiptavinir.
Heitt kaffi er á könnunni og góm-
sætar kökur frá Esju daladís,
hestar frá Laxnesi á staðnum og
tilvalið er að gera sér ferð til að
upplifa alvöru sveitasælu í róm-
antísku umhverfi. Að sögn Dísu
frá Skeggjastöðum, einum af
frumkvöðlum markaðarins, fá
viðskiptavinir grænmetið eins og
það kemur beint úr moldinni.
„Íslensk veðrátta og lambaspörð-
in gera grænmetið kraftmikið,
stökkt og bragðgott. Við erum að-
eins með hráefni sem fólk vinnur
með höndunum og leggur sál sína
í að rækta. Mikið úrval er af salöt-
um og útlendingar sem hingað
koma segja klettasalatið okkar
það besta í heimi. Fólki er velkom-
ið að koma með heimagerðar sæl-
kerarvörur ef það lumar á ein-
hverju. Við Diddú höfum einnig
tekið að okkur að vera með svo-
kallað „besservissa-horn“ þar
sem við veitum ráð um hvernig
nýta má og nota grænmetið.“ ■
Lífrænn markaður
í Mosfellsbæ
MARKAÐUR
LÍFRÆNT GRÆNMETI
■ og fiskur úr Þingvallavatni.
MOSFELLSDALSMARKAÐUR
Grænmeti og salat beint úr moldinni.
36-37 (28-29) Skrípó 22.7.2004 19:26 Page 3