Fréttablaðið - 23.07.2004, Blaðsíða 39

Það kannast flestir við söguna um
piltinn Artúr sem einn manna gat
dregið sverðið Excalibur úr stein-
inum og varð fyrir vikið konungur
yfir Englandi. Hann var sagður
réttlátur maður og drengur góður
og tók því upp á þeirri nýkundu að
funda með riddurum sínum við
hringborð, þar sem allir eru jafn-
ir og enginn situr í öndvegi.
Galdrakarlinn Merlin studdi
hann með ráðum og dáð og ekki
veitti af þar sem í mörg horn var
að líta í stóru konungsríki og óvin-
ir leyndust víða, ekki síst í hálf-
systir hans Morgan. Þá ríkti al-
deilis ekki taumlaus hamingja í
konungshöllinni Camelot þar sem
drottninginn Guinevere og hægri
hönd Artúrs, riddarinn hugprúði
Lancelot, felldu hugi saman og
skriðu upp í rúm þegar kóngsi sá
ekki til.
Hin sanna saga
Risasumarmyndaframleiðand-
inn Jerry Bruckeheimer taldi sig
heldur betur kominn í feitt þegar
hann komst að því að handritshöf-
undurinn David Franzoni (The
Gladiator) gæti hrist fram handrit
að mynd sem segði raunverulegu
söguna um Artúr, sönnu söguna að
baki goðsagnarinnar eins og þeir
orða það í Hollywwod.
Franzoni rakst fyrir mörgum
árum á ritgerð um rómverskan
herforingja, Lucious Artorius
Castus að nafni, sem barðist fyrir
heimsveldið fallandi á Bret-
landseyjum.
„Það er venjan að stórkostleg-
ar goðsagnir eiga sér uppsprettu í
merkilegum sögum,“ segir Franz-
oni, sem var ekki lengi að selja
Bruckheimer hugmyndina en
karlinn sá er manna flinkastur við
að búa til fokdýrar stórmyndir
sem mala honum gull og nægir í
því sambandi að nefna Pirates of
the Carribean frá því í fyrra.
„Það sem ég var spenntastur
fyrir í sambandi við þessa mynd
er að hún kemur með nýja sýn á
sögu sem við teljum okkur öll
þekkja. Sannleikurinn er sá að
Artúr var uppi miklu fyrr en
maður sér í flestum kvikmyndaút-
gáfum sögunnar. David Franzoni
nálgast söguna frá nýju sjónar-
horni og færir okkur sögulega ná-
kvæmari Arthúr,“ segir ofurfram-
leiðaninn Bruckheimer.
„Það er ákveðinn punktur í
mannkynssögunni þar sem nafnið
og stórkostlegur bardagi eiga sér
stað. Nafnið var Lucious Artorius
Castus og orrustan var við Badon
Hill. Þessi bardagi breytti Bret-
landi og gat af sér goðsögn sem
hefur lifað með kynslóðum og
tekið ýmsum breytingum,“ segir
Franzoni.
Bragðið af ofbeldinu
Bruckheimer ákvað að fá leik-
stjórann Antoine Fuqua til þess að
koma sögu Franzonis á hvíta tjald-
ið en Fuqua sem er þekktastur
fyrir The Training Day vakti fyrst
athygli fyrir stílfærðar sjón-
varpsauglýsingar sínar.
„Ég held að Jerry hafi talið mig
rétta manninn fyrir þessa mynd
vegna þess að hún er harkaleg. Þú
finnur bragðið og lyktina af of-
beldinu og dauðanum. Þú finnur
kuldan og örvæntinguna. Það er
dómsdagstónn í henni enda segir
frá heimi sem var nánast vonlaus
– eina vonin býr í Artúri sjálfum,“
segir leikstjórinn. „Myndin er
miklu raunsærri en fantasíurnar
um Artúr. Við höfum aldrei séð
Artúr konung svona áður. Hann
var ekki bara goðsögn heldur
raunverulegur maður. Maður sem
fórnaði hagsmunum sínum til
þess að verða leiðtogi sem hafði
réttinn til þess að kalla sig
konung.“
Í upphafi King Arthur er Róm-
verjinn Artorius að undirbúa
heimför herliðs síns til Rómar
enda heimsveldið á fallanda fæti
og á undanhaldi gegn ágangi bar-
bara á flestum vígstöðvum.
Artorius og riddarar hans
þurfa að ganga frá einum lausum
enda fyrir brottför en komast þá í
kynni við seiðkarlinn Merlin og
hina hugdjörfu Guinevere sem
tekst að fá Artorius til þess að
fresta heimferðinni og aðstoða við
varnir landsins gegn innrás Saxa.
Keira engin dama í hættu
Bruckheimer og Fuqua vildu fá
evrópska og ekkert endilega mjög
þekkta leikara til þess að túlka að-
alpersónurnar og því fékk Clive
Owen tækifæri til þess að spreyta
sig á Artúri. Bruckheimer sá
Owen og heillaðist þegar hann fór
á kostum í Croupier sem sýnd var
á breskum bíódögum í Háskóla-
bíói ekki alls fyrir löngu.
Þegar kom að því að ráða í hlut-
verk Guinevere kom Keira
Knightley ein til greina í huga
framleiðandans: „Keira var fersk,
ofboðslega falleg og lék frábær-
lega í Pirates of the Carribean,“
segir Bruckheimer.
Keira er alvöru töffari sem
heillaði Fuqua einnig upp úr skón-
um meðal annars með því að leika
sjálf í flestum áhættuatriðum.
„Hún er sko alls engin dama í
hættu,“ segir Knightley um
Guinevere. „Sú Guinevere sem
við höfum séð hingað til er ein-
hver sem flakkar frá einum karli
til annars án þess að hafa mikið
um það að segja. Okkar
Guinevere er miklu harðari. Hún
er vígakona sem stendur jafnfæt-
is hvaða karlmanni sem er og hún
hefur eitthvað til að berjast fyrir.
Það er byggt á sögulegum stað-
reyndum – konurnar börðust við
hlið karlanna.“
Auk Owens og Keiru eru þeir
Stellan Skarsgard, sem leikur ill-
mennið í myndinni og Ray Win-
stone sem leikur elsta og barda-
gareyndasta riddarann í liði
Artúrs, þekktustu nöfnin.
Það er því ekki hægt að segja
annað en að Bruckheimer leiði
fram einvala liði í áhlaupi sínu á
miðasölurnar þetta sumarið og þó
hér séu engir sjóræningjar og
enginn Johnny Depp ætti Bruck-
heimar engu að síður að ná
nokkrum skipsförmum af gulli
með Artúri. Maðurinn kann varla
neitt annað en að græða peninga
og allt sem hann snertir á filmu
virðist breytast í gull.
thorarinn@frettabladid.is
30 23. júlí 2004 FÖSTUDAGUR
Ómissandi á dvd
Leikstjórinn John Boorman sagði söguna af Arthúri konungi eins og við
þekkjum hana flest í Excalibur frá árinu 1981. Hér er allt sem
þarf til að prýða góða sögu, kynlíf, svik, framhjáhald, töfrasverðið Excali-
bur, vatnadísin, gralið heilaga og Helen Mirren í hlutverki hinnar fláráðu
Morgönu.
[ SMS ]
UM MYNDIRNAR Í BÍÓ
SHREK 2
Þykir standast væntingar, og gott betur.
Shrek 2
„Eini dragbítur myndarinnar er Disney-legur boð-
skapurinn, illa falinn og nett móðgandi. Hvernig
væri að treysta áhorfendum einu sinni til að lesa á
milli línanna og draga sínar eigin ályktanir? Há-
punktarnir, og þeir eru margir, hefja myndina samt
upp og þegar leikar standa hæst og grínið er í al-
gleymingi er hrein unun að sökkva sér inn í
þennan litríka og stórskrýtna heim.“
KD
Sider-Man 2
„Persónusköpuninni gefin góður tími og handritið
er skrifað með ákaflega mikilli virðingu fyrir Spider-
Man-blöðunum þannig að þeir sem hafa átt Lóa
að vini síðan í barnæsku fá ofboðslega mikið fyrir
sinn snúð en einn helsti galdur myndarinnar er sá
að hún skemmtir bæði þeim sem þekkja sögu
Spider-Man fram og aftur ekki síður en þeim sem
eru bara að koma til að sjá gott bíó.
Þessi fer beint á stall með Empire Strikes Back.
Geðveik mynd. Alveg tótallí brilljant.“
ÞÞ
Divine Intervention
„Divine Intervention er nefnilega áhrifarík mynd í
öllum fáránleika sínum og þegar maður hugsar
um hana út frá þeirri staðreynd að hún lýsir upp-
lausn í lífi araba og gyðinga á hernumdu svæðun-
um áttar maður sig á því að hvert atriði er hlaðið
merkingu.“
ÞÞ
Around the World in 80 Days
„Stóri bömmerinn er einfaldlega sá að handritið er
stefnulaust rekald og það hefur verið höfundum
og leikstjóranum gersamlega ofviða að festa sög-
una á filmu. Við sitjum því uppi með samhengis-
lausa moðsuðu misskemmtilegra hasar- og slags-
málaatriða og sumarmynd sem nær aldrei að
skapa spennu.“
ÞÞ
Walking Tall
„Walking Tall er ekki merkileg mynd en manni
leyfist ekkert yfir henni og í þessum geira verður
það að teljast býsna gott.“
ÞÞ
The Cronicles of Riddick
„Hér hafa menn greinilega ætlað að sleppa ódýrt
frá öllu saman og veðjað á að það væri nóg að
láta Diesel hnykla ofvaxna vöðvana og sprengja
eitthvað í loft upp. Það þarf bara svo miklu, miklu
meira til að gera góða hasarmynd.“
ÞÞ
The Ladykillers
„The Ladykillers heldur þó ekki dampi og mun
seint flokkast með betri verkum þessara snjöllu
Coen-bræðra. Hún hefði sjálfsagt sigið vel niður
fyrir meðallag í höndunum á minni spámönnum
en þeim bræðrum sem eru meira að segja góðir á
slæmum degi.“
ÞÞ
The Punisher
„Þessi nýja Punisher-mynd rétt slefar því yfir með-
allagið en ég vona að hún græði nógu margar
milljónir dollara til þess að við fáum framhald. Þá
er þessi mynd eðlilegur fórnarkostnaður, það þurfti
að kynna Castle til sögunnar og leyfa honum að
drepa þá sem káluðu fjölskyldu hans. Nú er því
lokið og hann getur snúið sér að hvaða þjófi,
nauðgara og morðingja sem verður á vegi hans og
drápin ættu að geta byrjað fyrir alvöru.“
ÞÞ
Eternal Sunshine of the
Spotless Mind
„Eternal Sunshine er hreinn gullmoli í bíóflórunni
þessa dagana. Mynd sem gleymist seint og býður
upp á endalausar vangaveltur fyrir þá sem á annað
borð nenna að pæla í nokkrum sköpuðum hlut.
Brilljant mynd.“
ÞÞ
Mors Elling
„Það er auðvitað ávísun á vandræðalegar uppá-
komur og góða brandara að senda ruglukoll eins
og Elling til Mallorca og Mors Elling er því hin
besta skemmtun. Hún er þó langt því frá jafn þétt
og góð og fyrri myndin og þar munar mest um
fjarveru Kjell-Bjarne, sem ekki er kominn til sög-
unnar, en samspil vitleysinganna tveggja var
burðarás Elling.“
ÞÞ
Harry Potter and the Prisoner
of Azkaban
„Fyrir þá sem hafa lesið bókina er þetta hin prýði-
legasta skemmtun, þó svo að myndin bæti engu
við það sem fyrir var skrifað. Þeir sem ekki hafa
lesið bókina ganga mun ringlaðri út úr salnum en
þegar þeir komu inn og foreldrar fá að hlýða á
margar „af hverju“ spurningar næstu daga á eftir.“
SS
„I don’t want to talk to you no more, you empty headed ani-
mal food trough wiper. I fart in your general direction. Your
mother was a hamster and your father smelt of elderberries.“
- franskur hermaður lætur Arthúr konung fá það óþvegið í
Monty Python myndinni, The Holy Grail.
Mannkynssaga að
hætti Hollywood
King Arthur
Internet Movie Database 6 / 10
Rottentomatoes.com 30% = rotin
Metacritic.com 44 /100
Entertainment Weekly B-
I, Robot
Internet Movie Database 6,9 / 10
Rottentomatoes.com 62% = fersk
Metacritic.com 54 / 100
Entertainment Weekly B-
Los Angeles Times tvær stjörnur (af fimm)
FRUMSÝNDAR UM HELGINA
(DÓMAR Í ERLENDUM MIÐLUM)
ARTÚR OG LANCELOT
Konungurinn og hægri hönd hans, sem fellir hug til konu Arthurs.
GUINEVERE OG ARTÚR
Ástríðuþrungin stund konungshjónanna.
ENGIN DAMA
Guinevere er engin dama sem þarf að bjarga í þessari mynd, heldur berst hún á við
hvern karlmann.
38-39 (30-31) Bíó 22.7.2004 17:55 Page 2