Fréttablaðið - 25.07.2004, Blaðsíða 16
Ingibjörg Pálmadóttir er gott dæmi um hjúkrunarfræðing sem
gegnt hefur stjórnunarstöðu í heilbrigðisþjónustu.
Starfið
Hjúkrunarfræðingar vinna á sjúkrahúsum og við heilsugæslu að allri almennri aðhlynningu og fræðslu.
Margir hjúkrunarfræðingar vinna einnig að heilbrigðisrannsóknum, bæði hjá ríkinu og hjá einkafyrirtækjum og við stjórn-
unarstörf í heilbrigðisgeiranum.
Inntökuskilyrði
Inntökuskilyrði í hjúkrunarfræði er að öllu jöfnu stúdentspróf. Þó eru gerðar undantekningar ef viðkomandi er eldri en 25
ára og hefur a.m.k fimm ára starfsreynslu úr heilbrigðis-eða félagsgreinum. Námið fer fram á íslensku en langmest náms-
efni er á ensku eða norðurlandamálum svo góð undirstaða í tungumálum er nauðsynleg. Að auki er krafist staðgóðrar
þekkingar á líffræði og efnafræði og boðið upp á sumarnámskeið í þeim greinum áður en nám hefst á fyrsta ári.
Inntökupróf
Í lok haustmisseris fyrsta árs er samkeppnispróf úr fjórum námsgreinum. Próf-
að er úr félagsfræði, lífefnafræði, líffærafræði og sálfræði. Þeir sem fá bestu
niðurstöðurnar úr prófunum fá að halda áfram námi. Fjöldi þeirra sem kom-
ast inn í deildina er breytilegur en undanfarin ár hefur u.þ.b. helmingur
haldið áfram.
Námið
Námið tekur fjögur ár og lýkur með B.S. gráðu í hjúkrunarfræði. Námið skipt-
ist í raunvísindi, hug-og félagsvísindagreinar og hjúkrunarfræðigreinar. Að auki
er verklegt nám stundað meðfram bóklegu öll fjögur árin. Í Háskólanum á
Akureyri eru gerðar kröfur um að verklega námið farið fram um allt land. Á fjórða
ári vinna nemendur lokaverkefni ýmist einir eða saman.
Réttindi
Hjúkrunarfræðinám frá Háskóla Íslands veitir réttindi til allra al-
mennra hjúkrunarstarfa auk stjórnunar- og fræðslustarfa á flestum
sviðum heilbrigðisþjónustu.Hjúkrunarnám veitir fjölbreytta atvinnu-
möguleika bæði hér heima og erlendis enda er námið alþjóðlega
viðurkennt og þörfin fyrir hjúkrunarfræðinga stöðugt að aukast. ■
Sumir vita ekkert hvað þeir vilja vinna við og ef þú ert
einn af þeim þá ættirðu að kíkja í næsta bókasafn og
lesa um þær starfsgreinar sem þú hefur áhuga á. Aldrei
að vita nema þú finnir draumastarfið.
Hvernig verður maður...
hjúkrunarfræðingur
Velgengni í vinnunni:
Talaðu þig á toppinn
Það sem þú segir og hvernig þú segir það getur annað hvort komið
þér á botninn eða á toppinn í vinnunni. Nýleg könnun leiðir það í
ljós að nærri helmingur vinnandi fólks telur að félagsleg hegðun
fólks á vinnustað sé stærsti þátturinn í orðspori þeirra í vinnu.
Rúmlega þrjátíu prósent halda því svo fram að hegðun starfs-
manns á meðan yfirmaðurinn er fjarri spili líka stóran þátt. 567
einstaklingar tóku þátt í könnuninni, allir átján ára eða eldri og í
fullu starfi. ■
„Hingað til hefur ekki verið vanda-
mál fyrir hjúkrunarfræðinga að fá
vinnu erlendis. Kannski er þess að-
eins farið að gæta nú í einstaka
landi, svo sem í Finnlandi og Aust-
urríki en í Bretlandi er mikill
skortur á þeim,“ segir Sólveig
Hallgrímsdóttir, deildarstjóri í
Skjaldarvík við Akureyri. Hún er
ein þeirra sem hefur farið til
hjúkrunarstarfa í útlöndum tíma
og tíma og þá svalað ævintýra-
þránni í leiðinni. Árið eftir að hún
útskrifaðist úr Hjúkrunarskóla Ís-
lands kveðst hún hafa haldið til
Danmerkur, „svona til að prófa að
vinna erlendis,“ eins og hún orðar
það. Eftir sjö mánuði þar fór hana
að langa til Ameríku svo hún kom
heim og fór að koma pappírum sín-
um í lag, ásamt því að stunda sitt
fag hér í tvö ár. En þá lagði hún
upp og lenti á Flórída.
Sólveig hefur lengst af sinnt
gjörgæsluhjúkrun og þannig var
það á Flórída. Þar var hún í hálft
annað ár en kom þá heim og gerð-
ist deildarstjóri á gjörgæsludeild
FSA. Ferðafiðringurinn sagði til
sín eftir nokkur ár og 1990 hélt
hún af stað og nú ekki styttra en
til Ástralíu þar sem hennar biðu
tvö viðburðarík ár. „Það var gam-
an en líka mjög erfitt,“ rifjar hún
upp og lýsir því nánar. „Ég var
fyrst á gjörgæsludeild í Sydney
en fór síðan norður í land þegar
haustaði, þar inn á ráðningar-
skrifstofu og var komin út í eyði-
mörk eftir þrjá daga að vinna á
heilsugæslustöð hjá svörtum
frumbyggjum. Það var mjög sér-
stakt lið og ólíkt okkur. Sem dæmi
má nefna mjög flókið nafnakerfi
til þess að koma í veg fyrir inn-
byrðis blóðblöndun, fjórir flokkar
af kvennöfnum með fjórum nöfn-
um hver og átta tveggja nafna
flokkar hjá körlum. Svo rúllar
þetta þannig að ef þú heitir þessu
nafni þá máttu giftast manni af
þinni kynslóð sem heitir annað
hvort þetta eða hitt og karlarnir
eiga margir tvær konur hver. Ást
á milli karls og konu er sjaldgæf
en börnin fæðast og það mikið af
þeim. Ég var þarna í tæpt ár og
við tókum á því brýnasta eins og
næringarástandi barnanna og
sýkingum sem mikið er af því
þrifnaðurinn er ekki eins og okk-
ur dettur í hug.“
Eftir þessa reynslu var Sólveig
að vinna á slysadeild á Akureyri í
sjö ár en fór þá til Bretlands og
vann í London í eitt ár.
„Maður verður að nýta mögu-
leikana,“ segir hún hress. „Hjúkr-
unarmenntunin er þannig að þetta
er hægt og ef maður þorir þá er
þetta ofboðslega gaman.“
gun@frettabladid.is
Sólveig með frumbyggjabarn í
Ástralíu í fanginu.
Hjúkrunarmenntun gildir hvar sem er:
Fór til Ástralíu og Flórída
Jennifer Lopez fær toppeinkunn fyrir snyrtimennsku en gæti þurft
að bæta samskiptastílinn þar sem henni helst ekki á eiginmanni.
Spurning í könnun:
Hvað af eftirtöldu spilar stærstan þátt í
orðspori starfsmanns á vinnustað?
Samskiptastíll 49%
Hvernig manneskja hagar sér í fjarveru yfirmanns 31%
Hve oft leitað er til manneskjunnar með vandamál 15%
Snyrtimennska 3%
Annað 1%
Óviss 1%
Ráð til að bæta samskipti
á vinnustaðnum:
· Hafðu það stutt og laggott. Hvort sem það er tölvupóstur eða
fundur þá ættirðu að hafa allar athugasemdir stuttar og hnitmið-
aðar. Fólk sem hefur nóg fyrir stafni kann að meta hnitmiðað og
röskt fólk.
· Vertu kurteis. Ekki gleyma að þakka fyrir þig og hjálpaðu þeim
sem þarfnast aðstoðar. Ef þú hjálpar fólki þá mun það hjálpa þér.
· Passaðu málfarið. Vandaðu þig við tölvupóstssmíði og veldu
orðin vel. Gerðu það alveg ljóst hvað þú vilt eða þarfnast og
lestu síðan skilaboðin yfir einu sinni eða tvisvar, bæði með hjálp
tölvunnar og augna þinna.
· Hlustaðu. Gefðu þeim sem þú talar við þína óskertu athygli.
Ekki klára setningar annarra eða grípa frammí fyrir fólki.
- mest lesna blað landsins
Á FÖSTUDÖGUM
Auglýsingasíminn er 550 5000
auglysingar@frettabladid.is
16 (02) Allt atvinna 24.7.2004 19:40 Page 2