Fréttablaðið - 25.07.2004, Blaðsíða 23
SUNNUDAGUR 25. júlí 2004
vikna námskeið
hefjast 4. ágúst
Skráning er hafin á eftirtalin námskeið:
• Lokaðir aðhaldshópar
3x í viku
• Rope yoga
3x í viku
Innifalið: Þrír lokaðir hóptímar, frjáls aðgangur
í alla opna tíma á stundaskrá og æfinga-
áætlun í tækjasal hjá þjálfurum World Class
í Laugum og Spönginni. Aðgangur að
Laugardalslauginni.
Sjá úrval opinna tíma á www.worldclass.is
www.worldclass.is
Laugar s. 553 0000
www.worldclass.is
Ívar Guðmundsson, útvarps-
maður með meiru, hefur leikið í
utandeildinni í ein níu ár og kann
því vel. „Það má segja að
Utandeildin sé sambland af
strákum sem eru komnir á aldur
og vildu hægja ferðina í deilda-
boltanum og svo ungum strákum
sem hættu af ýmsum ástæðum
þegar þeir voru komnir upp í
meistaraflokk,“ segir Ívar sem
leikur með FC Puma, sigur-
sælasta liði utandeildarinnar.
„Deildin hefur stækkað frá ári
til árs. Í byrjun voru tuttugu lið
sem kepptu í tveimur riðlum en
nú eru liðin hátt í fimmtíu.“
Ívar segir að mörg frambæri-
leg lið taki þátt í Utandeildinni
sem og leikmenn. „Af fimmtíu
liðum eru að minnsta kosti 18-20
lið sem spila fínan bolta. Það
hafa nokkur lið farið yfir í þriðju
deildina og staðið sig ágætlega.“
Ívar er 38 ára og viðurkennir
fúslega að hann sé með eldri
mönnum sem leiki í Utandeild-
inni. „Það eru að vísu tveir eldri
sem leika með mér og við þurf-
um talsvert að hafa fyrir hlutun-
um. En það er alltaf gaman að
reyna sig gegn yngri leikmönn-
um og það heldur okkur á tán-
um,“ segir Ívar. „Það sem bjarg-
ar mér er að ég æfi á fullu, bæði
í fitness og öðru. En ég finn að
það hægist á mér og hné og ökkl-
ar eru lengur að jafna sig en
áður.“
Ívar vill ekki meina að leik-
menn Utandeildarinnar séu gróf-
ari en gengur og gerist. „Dómar-
arnir hafa náð að halda leiknum
niðri og það er ekki leikinn eins
grófur bolti og í 2. og 3. deild-
inni,“ segir Ívar sem lék með
Haukum á árum áður. „Ég hef
ekki orðið var við mikil meiðsli á
þeim tíma sem ég hef spilað í
Utandeildinni en vissulega kem-
ur það fyrir að menn meiðast.“
Ívar segir Utandeildina vera
fína viðbót við fótboltaáhuga
landans. „Þetta er frábært tæki-
færi fyrir vini og félaga að
keppa. Áður fyrr voru það bara
firmamótin og þá var leikinn sjö
manna bolti en í Utandeildinni
eru ellefu í hvoru liði. Það sést
kannski best hvað gróskan er
mikil í þessari deild að það eru
jafnmörg lið í henni og í deildun-
um hjá KSÍ.“ ■
ÍVAR GUÐMUNDSSON
Leikur með FC Puma sem fjórum sinnum hefur sigrað deildina á undanförnum áratug.
Ívar Guðmundsson, útvarpsmaður og leikmaður FC Puma:
Frambærileg lið í Utandeildinni
Það eru að vísu tveir
eldri sem leika með
mér og við þurfum talsvert
að hafa fyrir hlutunum. En
það er alltaf gaman að
reyna sig gegn yngri leik-
mönnum...
,,
14-35(15) helgarefni 24.7.2004 19:20 Page 3