Fréttablaðið - 25.07.2004, Blaðsíða 24

16 25. júlí 2004 SUNNUDAGUR
Bjarni Benediktsson, formaður
allsherjarnefndar, hefur haft nóg
að gera síðustu mánuði en mjög
hefur mætt á nefndinni sem hef-
ur fengist við ýmis erfið mál,
ekki síst fjölmiðlamálið um-
deilda.
Bjarni hefur sinnt þessu
starfi af röggsemi og yfirvegun
sem tekið hefur verið eftir. Sjálf-
ur segir hann samstarf innan
nefndarinnar hafa verið mjög
gott og samstaða verið um að
ljúka málum.
Fjölmiðlamálið er tvímæla-
laust umdeildasta málið sem
kom fyrir nefndina en lyktir
málsins urðu þær að ríkisstjórn-
in dró frumvarp sitt um fjöl-
miðla til baka. „Auðvitað er
óheppilegt þegar mál sem teflt
er fram og fylgt eftir af jafn-
miklum þunga nær ekki fram að
ganga. Það er óánægja með það
innan míns þingflokks. En ég
held að þegar fram líða stundir
verði tæplega hægt að segja að
þessi niðurstaða hafi skaðað rík-
isstjórnina sérstaklega,“ segir
Bjarni.
Eftirsjá að forsætisráðherrastólnum
Í kjölfar þess að ríkisstjórnin dró
fjölmiðlafrumvarpið til baka
hafa nokkrar umræður orðið um
það hvort afnema eigi málskots-
rétt forsetans. „Ég tel ekki aug-
ljóst að fella eigi niður synjunar-
vald forsetans án þess að neitt
annað komi í staðinn,“ segir
Bjarni.
„Mér finnst koma mjög til
álita að færa inn í stjórnar-
skrána ákvæði þess efnis að til-
tekið hlutfall kosningabærra
manna geti farið fram á þjóðar-
atkvæði um ákveðið mál. Ef sá
réttur er tryggður í stjórnarskrá
þá sé ég ekki að sama þörf sé á
þeim öryggisventli sem menn
hafa kallað 26. greinina. En í öllu
falli tel ég mikilvægt og alveg
skýrt að þinginu er heimilt að
fella brott lög sem forseti hefur
synjað.“
Davíð Oddsson forsætisráðherra
hefur leitt þessa ríkisstjórn af
mikilli ákveðni og festu. Eru ekki
nokkur vonbrigði fyrir ykkur
sjálfstæðismenn að sjá á bak for-
sætisráðherrastólnum til Hall-
dórs Ásgrímssonar?
„Davíð Oddsson hefur stýrt
ríkisstjórninni af mikilli farsæld
og oft þarf ákveðni til að leiða
mál til lykta. Ég tel að forsætis-
ráðherratíðar hans verði minnst
í sögunni sem einhvers mesta
hagsældartímabils í sögu þjóðar-
innar.
Þingflokkurinn samþykkti
með miklum trega að láta sam-
starfsflokknum eftir forsætis-
ráðherraembættið. Forsætisráð-
herra lagði áherslu á að hann
væri sáttur við þessa niðurstöðu
sem verður að sjálfsögðu að
skoða í samhengi við stjórnar-
sáttmálann í víðu samhengi, til
dæmis um að Sjálfstæðisflokk-
urinn fær viðbótarráðuneyti
þegar Halldór Ásgrímsson tekur
við.
Það má færa fyrir því gild
rök að þetta samkomulag hafi
verið til þess fallið að styrkja
stjórnarsamstarfið og auk þess
má velta því fyrir sér hvort það
sé heppilegt fyrir flokkinn að
vera samfellt í forsætisráð-
herrastóli lengur en nú er orðið.
Það varð sátt um þessa niður-
stöðu en líka viss eftirsjá.“
Starfa eftir sannfæringu
Andstæðingar Sjálfstæðisflokks-
ins halda því oft fram að innan
flokksins ríki heragi þar sem
engum leyfist að vera á annarri
skoðun en formaðurinn og segja
þetta endurspeglast vel í fjöl-
miðlamálinu svonefnda.
„Formaður flokksins hefur
mjög sterkar og ákveðnar skoð-
anir í fjölmiðlamálinu en ég
kannast alls ekki við að mönnum
leyfist ekki að hafa aðrar skoðan-
ir en hann,“ segir Bjarni.
„Ég lít á það sem eina af
skyldum mínum að koma mínum
sjónarmiðum á framfæri innan
þingflokksins og starfa á þingi
eftir sannfæringu minni en ekki
eftir agavaldi. Innan míns þing-
flokks hafa komið fram ýmis
sjónarmið í fjölmiðlamálinu sem
formaðurinn er ekki endilega
sammála. Þá ræða menn málin
og það er eðlilegt og lýðræðislegt
að slík umræða fari fram. Það
væri ekki viðunandi ef þingmenn
tækju sér ítrekað skoðanir sínar
eða skammtímahagsmuni fram
yfir heildarhagsmuni þing-
flokksins án þess að því fylgi
sannfærandi rökstuðningur.
Það er í mörgum málum þann-
ig að heildarhagsmunir þing-
flokksins eru að mati þingmanna
meiri heldur en þær athuga-
semdir sem þeir hafa fram að
færa við efnislegar hliðar á mál-
inu. Ef menn kalla þetta agavald
þá hlýt ég að spyrja hvers konar
þing vilja menn sjá hér. Ég held
að öndverðan væri agalaust þing,
glundroði og upplausn.“
Það hlýtur að koma að því að for-
mannsslagur verði innan Sjálf-
stæðisflokksins. Menn nefna nöfn
Björns Bjarnasonar og Geirs H.
Haarde í því sambandi. Ef þeir
byðu sig fram hvorn myndir þú
styðja?
„Ég tel ekki tímabært að velta
þessu fyrir sér, sérstaklega þar
sem ekkert liggur fyrir um að
Davíð ætli að hætta. Það er eðli-
legt að Geir sem varaformaður
muni sækjast eftir formennsk-
unni en hann og Björn væru að
mínu mati báðir mjög hæfir for-
ystumenn fyrir flokkinn. Á þessu
stigi málsins finnst mér óviðeig-
andi að lýsa yfir stuðningi við
annan umfram hinn. Ég vonast
einfaldlega til að Davíð nái full-
um bata, hann hefur fullan stuðn-
ing flokksmanna.“
Yrði ekki erfitt fyrir Sjálfstæðis-
flokkinn ef Davíð hætti afskipt-
um af stjórnmálum?
„Það getur vel verið að ákveðið
tómarúm myndaðist um tíma en
endurnýjun á forystu er nokkuð
sem allir stjórnmálaflokkar
ganga í gegnum. Formannsskipti
kynnu að vera sársaukafull fyrir
suma sjálfstæðismenn en ég
held að langtímaáhrifin yrðu af-
skaplega lítil. Innan flokksins er
mikið af frambærilegu fólki
þannig að takast ætti að endur-
nýja forystuna með farsælum
hætti.“
Stefni á ráðherrastól
Bjarni er af hinni frægu Engeyj-
arætt, sonur Benedikts Sveins-
sonar, og alnafni eins mesta
stjórnmálamanns Íslendinga á
20. öld. Hann segir enga kvöð
fylgja ætt eða nafni:
„Ég hef borið þetta nafn frá
því að ég var skírður og hef haft
ágætan tíma til að venjast því að
fólk staldri við þegar það heyrir
nafnið mitt. Ég er stoltur af því
að bera nafnið og sömuleiðis er
ég stoltur af skyldleika mínum
við ættmennin sem hafa tekið
þátt í stjórnmálum. Ég hef sér-
staka ánægju af því að starfa í
þingflokki með frændum mín-
um, Birni Bjarnasyni og Halldóri
Blöndal. Það hefur gefið mér
tækifæri til að umgangast þá og
kynnast betur og með öðrum
hætti en hingað til.
Ég held að mér hafi tekist
bærilega að takast á við verkefn-
in og legg mig fram um að leysa
úr þeim hverju sinni. Ég er lítið
upptekinn af því hvernig heildar-
árangur minn verður metinn, tel
skynsamlegra að einbeita mér að
mínum daglegu verkefnum eins
vel og samviskusamlega og mér
er unnt.“
Áður en Bjarni gerðist þingmað-
ur starfaði hann sem lögmaður.
Af hverju hvarf hann frá góðu
starfi til að fara í þingmennsku
sem stundum heyrist sagt að sé
annasamt starf, ekki sérlega vel
launað og vanþakklátt?
„Það var leitað eftir því að ég
tæki 5. sæti á listanum í suðvest-
ur-kjördæmi. Ég gerði mér grein
fyrir því að verið væri að bjóða
mér spennandi tækifæri til að
taka þátt í þjóðmálaumræðunni.
Mér finnst ungt fólk hafa
nokkuð óheppilega og neikvæða
mynd af stjórnmálamönnum.
Það gleymist oft hversu miklu
stefna stjórnvalda í stærri mála-
flokkum skiptir fyrir velsæld
þjóðarinnar. Ég tel að það hafi
tekist sérstaklega vel til síðustu
13 árin, allt frá því að Davíð
Oddsson tók við með nýjar
áherslur. Það er mjög mikilvægt
að mínu áliti að ungt fólk axli
ábyrgð og taki þátt í að móta
samfélagið en sitji ekki bara á
hliðarlínunni og gagnrýni stjórn-
málamenn.
Ég hef þörf fyrir að láta gott
af mér leiða og ég vonast til að sú
endurnýjun sem varð í síðustu
kosningum komi til með að brey-
ta ímynd minnar kynslóðar á
stjórnmálastarfi.
Þjóðin býr við velsæld og
Starfa ekki eftir agavaldi
Bjarni Benediktsson, þingmaður Sjálfstæðisflokksins, hefur vakið athygli fyrir störf sín sem formaður allsherjarnefndar og veðjað er á hann
sem framtíðarmann í stjórnmálum.
BJARNI BENEDIKTSSON
Bjarni á tvö börn og er hér með syni sínum Benedikt. Von er á þriðja barninu í heiminn næstu daga.
„Starf þingmanns snýst að ákveðnu leyti um hugmyndafræði og aðferðir við að leiða mál til lykta. Þetta er ekki eitthvert handverk sem
maður vinnur niðri á þingi og skilur eftir þegar maður fer heim.“
Ég er stoltur af því
að bera nafnið og
sömuleiðis er ég stoltur af
skyldleika mínum við ætt-
mennin sem hafa tekið þátt
í stjórnmálum.
,,
36-37 (16-17) Helgarefni 24.7.2004 20:35 Page 2