Fréttablaðið - 25.07.2004, Blaðsíða 25
SUNNUDAGUR 25. júlí 2004
KONUR
Skráning er hafin á eftirtalin námskeið:
• Lokaðir aðhaldshópar
3x í viku
• Rope yoga
3x í viku
Innifalið: Þrír lokaðir hóptímar, frjáls aðgangur
í alla opna tíma á stundaskrá og æfinga-
áætlun í tækjasal hjá þjálfurum World Class
í Laugum og Spönginni. Aðgangur að
Laugardalslauginni.
Sjá úrval opinna tíma á www.worldclass.is
www.worldclass.is
Spöngin s. 553 5000
Laugar s. 553 0000
www.worldclass.is
vikna námskeið
hefjast 4. ágúst
maður er ekki að fara inn á þing
til að ná niður 80 prósent verð-
bólgu eða leysa úr stórfelldum
atvinnuleysisvandamálum. Stað-
an í efnahagsmálum er góð og
tækifæri þingsins til að láta enn
frekar gott af sér leiða og taka á
alls konar mikilvægum málum
fyrir samfélagið eru meiri en
oftast hingað til.
Það er hlutverk okkar sem
erum að koma inn í stjórnmálin
að gæta þess að missa ekki tökin
á ríkisfjármálunum, því þau eru
grundvöllur þess að við getum
haldið úti jafn öflugu heilbrigðis-
og menntakerfi sem raun ber
vitni og þétt öryggisnet þeirra
sem minna mega sín í þjóðfélag-
inu.
Meðal áhugasviða hjá mér er
að tryggja viðskiptalífinu á Ís-
landi hvetjandi starfsumhverfi,
þannig að hér megi byggjast upp
fjölbreytt atvinnustarfsemi sem
skapi lífskjör sem jafnist á við
það besta sem gerist í heiminum.
Ég tel að við eigum að halda
ríkisafskiptum í lágmarki og
tefldi fram þingsályktunartil-
lögu í vor um að fækka ætti
ríkisstofnunum.“
Stefnirðu á ráðherradóm?
„Já. Það liggur í hlutarins eðli að
þeir sem sækjast eftir því að
komast á þing vilja leiða mál til
lykta á grundvelli þeirra sjónar-
miða sem þeir tefla fram. Líkurn-
ar á því að menn geti gert það eru
langmestar ef menn komast í ráð-
herrastól. Ég held að það sé vand-
fundinn sá þingmaður sem ekki
hefur áhuga á ráðherrastól.“
Beðið eftir barni
Stundum heyrast þingmenn
kvarta undan miklu vinnuálagi.
Bjarni ber sig ekki illa. „Vissu-
lega er þetta annasamt starf,“
segir hann.
„Starf þingmanns snýst að
ákveðnu leyti um hugmyndafræði
og aðferðir við að leiða mál til
lykta. Þetta er ekki eitthvert
handverk sem maður vinnur niðri
á þingi og skilur eftir þegar mað-
ur fer heim. Samt hefur komið
mér töluvert á óvart að margir
hafa gefið sér að ég sé miklu upp-
teknari í þessu starfi en ég var
nokkru sinni í mínu fyrra starfi.
Þegar á heildina er litið held ég að
álagið í fyrra starfinu hafi ekki
verið minna. Mín upplifun er sú
að langflestir af minni kynslóð
sem eru útivinnandi vinna langan
vinnudag. Ég vil því alls ekki
meina að með því að taka að mér
þingmennskuna sé ég að undir-
gangast meiri vinnubyrði en ég
þyrfti að sæta ef ég væri að vinna
úti á hinum frjálsa markaði. En
það er almennt áhyggjuefni hvað
vinnuálag á fólk er orðið mikið og
hvað það takmarkar samveru-
stundir fjölskyldunnar.“
Bjarni er fjölskyldumaður og
segist leitast við að skipuleggja
vel sinn tíma og forgangsraða.
„Það sýndi sig fyrri hluta sumars
þegar ég ætlaði að vera í fríi að
truflun varð á hverjum einasta
degi. Síminn hringdi og maður
var kallaður til samráðs úti í bæ.
Nú er ég hættur að vera með
tvær línur en er með talhólf og
þangað safnast mikið af skilaboð-
um. Bestu fríin eru þegar maður
stingur af með fjölskyldunni og
slekkur á símanum.“
Hann er kvæntur Þóru
Margréti Baldvinsdóttur og þau
eiga von á sínu þriðja barni eftir
um það bil hálfan mánuð. Fyrir
eiga þau 13 ára gamla dóttur og 6
ára son. „Það ríkir gríðarlegur
spenningur á heimilinu,“ segir
Bjarni. „Við hjónin erum ákaflega
glöð og full eftirvæntingar, meðal
annars að sjá hvort kynið við
fáum í þetta skiptið.
Við erum svo heppin að eiga
bæði strák og stelpu en ákváðum
að vera ekkert að grennslast fyrir
um kynið á væntanlegu barni.
Mér hefur alltaf þótt það stór
hluti af fæðingunni þegar þessu
leyndarmáli er uppljóstrað. Ann-
ars er barnið farið að hreyfa sig
svo mikið í móðurkviði að okkur
hjónunum finnst nánast eins og
það sé komið í heiminn.“
kolla@frettabladid.is
Það væri ekki viðun-
andi ef þingmenn
tækju ítrekað sér skoðanir
sínar eða skammtímahags-
muni fram yfir heildarhags-
muni þingflokksins án þess
að því fylgi sannfærandi
rökstuðningur.
,,
BJARNI BENEDIKTSSON Í HNOTSKURN
Fæddur: 26. janúar 1970.
Stjörnumerki: Vatnsberi
Eiginkona: Þóra Margrét Baldvinsdóttir flugfreyja.
Börn: Margrét (1991) og Benedikt (1998),
eitt á leiðinni.
Foreldrar: Benedikt Sveinsson hæstaréttarlögmaður og
Guðríður Jónsdóttir húsmóðir.
Nám: Stúdentspróf frá MR 1989.
Lögfræðipróf 1995.
LL.M gráða frá University of Miami School of
Law 1997.
Störf: Fulltrúi hjá Sýslumanninum í Keflavík 1995.
Lögfræðingur hjá Eimskip 1997-1999.
Lögmaður með eigin rekstur á Lex lögmanns-
stöfu frá 1999.
Faglegur framkvæmdastjóri Lex 2002-2003.
Pólitík: Í stjórn Hugins, félags ungra sjálfstæðismanna
í Garðabæ 1991-1993.
Formaður Hugins 1993.
Alþingismaður frá 2003.
Formaður allsherjarnefndar frá 2003.
Í fjárlaganefnd frá 2003.
Í iðnaðarnefnd 2003-2004.
Í sérnefnd um stjórnarskrármál frá 2004.
Formaður Íslandsdeildar VES-þingsins frá
2003.
36-37 (16-17) Helgarefni 24.7.2004 20:35 Page 3