Fréttablaðið - 25.07.2004, Blaðsíða 36
SÍMANÚMER FRÉTTABLAÐSINS: 550 5000, fax: 550 5099 Ritstjórn: 550 5005, fax: 550 5006, ritstjorn@frettabladid.is
Auglýsinga- og markaðsdeild: 550 5010 - fax 550 2727, auglysingar@frettabladid.is Veffang: visir.is
VI Ð S EG J U M F R É T T I R SM Á A U G L Ý S I N G AS Í M I N N E R 550 5000
Óvissan
Skyndilega dettur allt í dúnalogn.Enginn veit hvað til bragðs á að
taka. Halda mætti að fjölskyldan
ætti engan framtíð fyrir sér lengur.
Hverjum er þetta að kenna? Allir
finna sök hjá sér. Samsekt fyllir
skarð fyrra ósættis.
Það er engu líkara en reiði guðs hafi
brotist inn úr dyrunum með vönd-
inn. Til að refsa hverjum? Líklega
öllum. Fjölskyldan finnur það, rekur
fram rassinn og biður um vöndinn
ef það skyldi nægja til þess að hún
nái aftur áttum og geti haldið
rifrildinu áfram.
HVER kannast ekki við tilfinning-
una þegar frekjudósin í fjölskyld-
unni hvarf allt í einu? Undir niðri
vita allir af hverju. Vegna þess að
hún fékk ekki sínu framgengt að
venju, ekki kannski óumbeðið en
eftir þjark.
Nú er of seint að finna á sér hvað
dósin vildi til að fallast á kröfur og
losna þannig við rostann í henni.
Fjölskyldum er hollast að finna á
sér hvenær beyglukast er í dósum
þeirra og beygja sig þá snögglega.
VEGNA öngþveitisins man enginn
lengur hvers dósin krafðist. Engu er
líkara en minnið hafi gufað upp við
hvarfið.
Ekkert er eftir nema sár löngun til
að fá gusurnar aftur yfir sig úr dag-
legri heilslegri reiði.
Til þess að svo verði þarf fjölskyld-
an að endurheimta. Pabbi, mamma,
afi, amma og systkinin vilja fúslega
þola skammir, háð, skipanir, bara ef
heyrðist bylja eins og í tómri tunnu
í fjarska sem sannaði að dósin hafi
ekki fyrirfarið sér í reiðikasti.
ROKIÐ er fram í dyr og kallað.
Ekkert svar. Farið í angist út í fjós.
Nei. Hún hefur ekki fleygt sér í
flórinn og fundist betra að fá yfir
sig úr kúnum en neitun þeirra sem
gengu alltaf undir henni en fannst
nóg komið.
Skelfingin og óvissa fjölskyldunnar
eykst.
EKKI er lengur hægt að leyna átök-
um dósar og heimilisfólksins.
Var ástandið þá orðið svona slæmt.
Hví er hrópað ef fjölskyldur hafa
sama djöful að draga í líki dósar og
enginn þorir að reiða upp hamar til
að rétta beyglur hennar?
Ekki má særa blikk í dós, botninn
færi þá úr þjóðinni.
Hver vill hætta á það?
BAKÞANKAR
GUÐBERGS
BERGSSONAR
48 (28) Bak 24.7.2004 19:13 Page 2