Fréttablaðið - 30.07.2004, Blaðsíða 8
30. júlí 2004 FÖSTUDAGUR
Mikilvægt að fólk velji léttar mjólkurvörur:
Norðurlandamet í drykkju nýmjólkur
MJÓLKURVÖRUR Landsmenn drekka
mest nýmjólk þjóða Norðurland-
anna og neyta um 17 kílóum meira
en Svíar sem verma annað sætið.
Hver landsmaður drekkur um 65
kíló af nýmjólk á ári og um 150 kíló
af mjólk í heild.
Hólmfríður Þorgeirsdóttir, mat-
væla- og næringarfræðingur hjá
Lýðheilsustöð, segir að það skipti
veruleg máli að fólk velji léttari
mjólkurvörur. „Í mjólk er hörð fita
sem hækkar kólesteról í blóði og
eykur líkur á hjartasjúkdómum. Við
mælum með því að fólk snúi sér að
léttu vörunum,“ segir Hólmfríður
og bendir á að í nýmjólk séu fjögur
grömm af fitu í hverjum 100
grömmum en í léttmjólk séu 1,5
grömm í sama magni.
Hólmfríður segir hinar Norður-
landaþjóðirnar hafi skipt hraðar út í
léttar mjólkurvörur. „Á hinum
Norðurlöndunum er léttmjólkin í
meirihluta sérstaklega í Finnlandi
þar sem léttmjólkin er um 87% af
heildarneyslunni, en Finnar drekka
svipað magn af mjólk og Íslending-
ar í heildina.“ ■
Óttast að húsin
haldi ekki hita
Starfsfólk Impregilo á Kárahnjúkasvæðinu kvíðir vetrinum vegna
lélegs íbúðarhúsnæðis á staðnum. Verkalýðshreyfingin berst gegn
óhóflega löngu úthaldi hjá portúgölskum starfsmönnum.
KÁRAHNJÚKAR Vaxandi kurr er í
starfsmönnum Impregilo við
Kárahnjúka vegna ýmissa að-
stæðna sem þeir verða að búa við
á svæðinu. Menn kvíða mjög vetr-
inum vegna íbúðarskálanna sem
eru innfluttir og engan veginn
sagðir henta íslenskum aðstæðum
yfir vetrartímann. Eru menn þá
minnugir síðasta vetrar þegar í
ljós kom, að þau héldu hvorki
vatni né vindum. Sandur smaug
inn í þau, síðan fennti inn og þak
gaf sig undan snjóþunganum.
Þá er lengd úthalds sem portú-
gölsku starfsmönnunum er gert
að starfa undir sagt áhyggjuefni.
Ennfremur eru uppi óánægju-
raddir með matinn sem starfs-
mönnum er boðið upp á. Telja
menn merkja mjög að þar sé farið
að skera við nögl og spara í inn-
kaupum.
Hins vegar eru öryggismálin á
svæðinu sögð í góðu lagi núna og
öll atriði er varða launamál hafi
færst mjög til betri vegar. Stöðugt
er fylgst með þeim málum.
Oddur Friðriksson, trúnaðar-
maður starfsmanna við Kára-
hnjúka, staðfesti aðspurður við
blaðið í gær, að ofangreind atriði
væru áhyggjuefni starfsmanna.
„Ég er meðal þeirra sem hafa
stöðugar áhyggjur af þessum
starfsmannahúsum,“ sagði hann.
„Hér á að koma vinnuflokkur að
skipta um þök á þeim fyrir haust-
ið. Það breytir því ekki að ég kvíði
vetrinum. Húsin eru eins og þau
eru, en menn verða að búa við
það. Þessi hús eiga aldrei eftir að
verða fullnægjandi. Þau eldast
fljótt og eldast illa. Það þarf mik-
ið að laga þau til þess að þau séu
frambærileg. Þar má nefna hurð-
ir, glugga og lagnir. Þau standast
ekki íslenskar kröfur.“
Oddur kvaðst taka undir
áhyggjur manna af matnum. Hon-
um væri farið að hraka. Menn
teldu sig merkja að nú væri farið
að kaupa ódýrt hráefni og skera
kostnaðinn niður. Það væri
áhyggjuefni.
Þá væri lengd úthalds erlendu
verkamannanna, einkum Portú-
galanna, óviðunandi. Þeir ynnu
samfleytt í fimm og hálfan mánuð
en fengju aðeins einn frídag í
viku. Verkalýðshreyfingin væri
með vaxandi kröfur um að stytta
vinnutíma þeirra verulega.
„Þetta eru alltof langt úthald,“
sagði Oddur. „En þetta síðastnefnda
mál heyrir beint undir stjórnvöld.
Þeim ber að koma á reglugerð varð-
andi aðkomu erlendra starfs-
mannaleiga að landinu.“
jss@frettabladid.is
Brottflutningur gyðinga frá landnemabyggðum:
Bótaviðræður við landtökumenn
JERÚSALEM, AP Ísraelar hófu við-
ræður við landtökumenn um bæt-
ur fyrir að yfirgefa heimili sín á
Vesturbakkanum og Gaza-svæð-
inu á þriðjudag en ríkisstjórn
Ísraels áætlar brottflutning frá
landnemabyggðum gyðinga.
Dómsmálaráðuneyti Ísraels
hélt fund með lögfræðingi um níu-
tíu fjölskyldna sem búa á land-
tökusvæðum á Gaza og fjögurra
búsettra á Vesturbakkanum. Að
sögn lögfræðingsins verður
mögulegt að hefja greiðslur til
fjölskyldnanna strax í október
þrátt fyrir að ekki liggi fyrir
hversu háar upphæðir landtöku-
mennirnir fengju né hvenær þeir
þurfi að yfirgefa heimili sín.
Meðan brottflutningsáætlanir
Ísraelsmanna þokuðust áfram fór
forsætisráðherra Palestínu,
Ahmed Qureia, að láta reyna á
völd sín yfir hluta öryggissveita
landsins eins og samkomulag
hans við leiðtogann Jasser Arafat
frá því á þriðjudag felur í sér.
Bandarískir og ísraelskir leið-
togar létu þó í ljós efasemdir um
að niðurstaðan á þriðjudag bindi
enda á valdabaráttu Arafats og
hóps stjórnmálamanna og ungra
vígamanna sem valdið hafa ófriði
innan samfélags Palestínumanna
síðustu viku. ■
Haraldur Sigurðsson varsérsveitarmaður í herminnihlutahóps
hvítra í Ródesíu.
Haraldur var sendurmeð þyrlu inn á
svæði skæruliða til aðútrýma þeim.
Eftirminnilegast þykirHaraldi þó þegar hannog félagar hans sáurisastórt geimskip birt-ast yfir dalnum þar semþeir höfðu reist sérbúðir.
Bls. 20-21
Halli tók þátt
í að eyða
þorpum
blökku-
manna
Ég er ekki hommiVið konan bjuggum til stjörnuna Jónsa Bls. 24-25
DAGBLAÐIÐ VÍSIR 170. TBL. – 94. ÁRG. – [FÖSTUDAGUR 30. JÚLÍ 2004 ] VERÐ KR. 295
Fullir Þjóðverjardrápu vin sinn áKrýsuvíkurvegi Bls. 6
ÖRYGGIÐ
Á ODDINN
Eiginkona
Björgvins
Halldórssonar,
Ragnheiður Björk
Reynisdóttir, situr
heima um verslunarmannahelginaog bíður eftir sínu fólki. Hún hefurengar áhyggjur, treystir því vel.
Bls. 14-15
Mamma Krumma og Svölu Blæs ádópsögurnar
Kattakonan sveik út eðlu og sæði úrverðlaunahundi Bls. 10
Jónsi
Ég er
enginn
hommi
BROTTFLUTNINGI MÓTMÆLT
Ísraelskir landtökumenn á Vesturbakkanum hafa mótmælt harkalega áætlunum
um brottflutning frá landnemabyggðum
M
YN
D
A
P
VETRARKVÍÐI
Starfsmenn Impregilo að Kárahnjúkum eru farnir að kvíða vetrinum, því þeir óttast að
íbúðarhúsnæðið á staðnum standist ekki vetrarveðráttuna. Húsin reyndust ekki sem skyldi
í fyrra. Þá er uppi óánægja með sparnað í mat og langt úthald portúgalskra starfsmanna.
FR
ÉT
TA
B
LA
Ð
IÐ
/S
TE
FÁ
N
K
AR
LS
SO
N
160
120
80
40
0
Kg á íbúa
Danmörk Finnland Ísland Noregur Svíþjóð
Léttmjólk < 3% fita
Nýmjólk > 3% fita
NEYSLA DRYKKJARMJÓLKUR Á NORÐURLÖNDUM ÁRIÐ 2003
(Bráðabirgðatölur samkvæmt heimildum frá Manneldisráði)
08-09 29.7.2004 21:36 Page 2