Fréttablaðið - 30.07.2004, Blaðsíða 29
Borgir búa í manni
Maður býr ekki bara í borgum, þær búa
líka í manni. Eftir ítarlegar röntgen-
myndatökur má sjá svipmyndir úr þeim
speglast í lifrinni og miltanu. Þess vegna
er stundum gott að lesa texta heima hjá
þeim sjálfum, þar sem þeir hafa verið
skrifaðir eða allavega upplifaðir, hvort
sem það reynist síðan vera allt annars
staðar frá. Í gær kláraði ég Mynd af
ósýnilegum manni eftir Paul Auster í
neðanjarðarlestinni á leiðinni til Brook-
lyn. Á hinni leiðinni, þegar ég var á leið
til Harlem um morguninn ræddi ég við
annan Paul um setningarskipan Prousts
og fann hvað hann var fjarlægur mér,
hvað ég er fjarlæg Parísarborginni rót-
grónu þar sem götuskipanin er mun
nær stíl Prousts en skipanin á Manhatt-
an þar sem allt er bara einfaldlega norð-
an við Houston, sunnan við hana, aust-
an við Fifth Avenue eða vestan við hana.
Oddný Eir Ævarsdóttir á bjartur.is
Aldrei séð mig áður
Sumarið 2002 borðaði ég á Súfistanum
í Máli og menningu sirka 4 sinnum í
viku. [...] Það var í sjálfu sér ekkert upp
á þjónustuna að klaga, maturinn skilaði
sér á borðið og það var gefið rétt til
baka. En þó að ég væri þarna daglegur
gestur í heilt sumar, áberandi sem ég er,
hávaxinn og þéttvaxinn, myndarlegur og
vel klæddur og afar kurteis, þá var alltaf
eins og ég væri að koma þarna í fyrsta
skipti. Afgreiðslustúlkurnar voru alltaf á
svipinn eins og þær hefðu aldrei séð
mig áður. Þetta er svona óaðfinnanleg
leið til að gefa gjörsamlega skít í við-
skiptavininn, án efa algjörlega ómeðvit-
uð og ber vitni um dapran karakter
fremur en slaka þjónustulund.
Ágúst Borgþór Sverrisson á agust-
borgthor.blogspot.com
Alka Seltzer á markað
Alka Seltzer kom á markað í gær. Rataði
inn á fréttamiðla, a.m.k. Tíufréttir RÚV
(sá hvorugan aðalfréttatímann) og hafa
þessar fréttir ekki aðeins vakið athygli
heldur kæti hjá sumum. Ég vann, ásamt
þremur stöllum mínum, að upphaflegu
úttektinni sem lagði mat á markaðinn
og gerði tillögur að komu Alka Seltzers á
markað hér á landi. Fyrir mig eru þetta
því gleðiefni. Síðan eru liðnir margir
mánuðir og lyfið búið að fara í gegnum
allan þann prósess sem slík vara þarf til
að koma á markað. Meðan hef ég auð-
vitað þurft að þaga yfir mjög „spenn-
andi“ leyndarmáli. Nú er Alka Seltzerinn
kominn á markað og vinir mínir geta
fengið skýringuna á því hvers vegna ég
hafði allt í einu svona sterkar skoðanir á
því hvað þeir nota gegn höfuð- og bein-
verkjum - og af hverju ég hélt nokkrum
sinnum ræðuna um eðlismun
asetýlsalicýlsýru (yndislegt orð!), para-
setamóls og íbúprófens.
Ágúst Flygenring á semsagt.net
Þjóðaratkvæðagreiðsla
Það hlýtur að vera krafa fólksins að Al-
þingi samþykki hið fyrsta að færa fólk-
inu þau mannréttindi að það geti óskað
eftir þjóðaratkvæðagreiðslu. Þessi krafa
verður enn brýnni, þegar stjórnarhættir
á Íslandi minna orðið meira á tilskipan-
ir einræðisherra en lýðræði. Allt frá ár-
inu 1995 hef ég ásamt þingmönnum
Samfylkingarinnar flutt frumvarp um
sjálfstæðan rétt fólksins, sem ekki er
bundinn neitunarvaldi forseta þjóðar-
innar á því að synja um staðfestingu á
lagafrumvarpi. Með frumvarpinu er
kveðið á um að fimmtungur kosninga-
bærra manna í landinu geti krafist þess
að þjóðaratkvæðagreiðsla fari fram um
lagafrumvarp sem Alþingi hefur sam-
þykkt. Stjórnarflokkarnir hafa aldrei ljáð
máls á framgangi þessa máls á Alþingi.
Á öllum þessum árum eru þeir þing-
menn sennilega teljandi á fingrum ann-
arrar handar sem séð hafa ástæðu til að
ræða þetta frumvarp á Alþingi, þar af
enginn stjórnarliði. En Guð láti gott á
vita. Þingmenn – allir sem einn – munu
sennilega sameinast um að koma mál-
inu í höfn á þessu kjörtímabili. Þökk sé
forseta lýðveldisins
Jóhanna Sigurðardóttir á althingi.is/jo-
hanna
FÖSTUDAGUR 30. júlí 2004
AF NETINU
Auglýsing um álagningu opin-
berra gjalda á árinu 2004
Í samræmi við 1. mgr. 98. gr. laga nr. 90/2003, um tekjuskatt og eignarskatt, er
hér með auglýst að álagningu opinberra gjalda, þ.m.t. tryggingagjalds, á árinu 2004
er lokið á alla einstaklinga sem skattskyldir eru samkvæmt framangreindum lögum,
sbr. I. kafla laga nr. 90/2003.
Álagning gjalda á lögaðila mun liggja fyrir síðar og verður auglýst sérstaklega.
Álagningarskrár með gjöldum einstaklinga verða lagðar fram í öllum skattum-
dæmum föstudaginn 30. júlí 2004. Skrárnar liggja frammi til sýnis á skattstofu hvers
skattumdæmis og hjá umboðsmanni skattstjóra eða öðrum þeim stöðum í hverju
sveitarfélagi sem sérstaklega hafa verið auglýstir dagana 30. júlí til 13. ágúst að báð-
um dögum meðtöldum.
Álagningaseðlar er sýna álögð opinber gjöld 2004, vaxtabætur og barnabæt-
ur hafa verið póstlagðir og/eða birtir í dag á þjónustusíðu viðkomandi á vef ríkis-
skattstjóra.
Kærur vegna allra álagðra opinberra gjalda, vaxtabóta og barnabóta, sem gjald-
endum hefur verið tilkynnt um með álagningarseðli 2004, þurfa að hafa borist skatt-
stjóra eigi síðar en mánudaginn 30. ágúst 2003.
30. JÚLÍ 2004
Skattstjórinn í Reykjavík, Gestur Steinþórsson.
Skattstjórinn í Vesturlandsumdæmi, Stefán Skjaldarson.
Skattstjórinn í Vestfjarðaumdæmi, Guðrún Björg Bragadóttir.
Skattstjórinn í Norðurlandsumdæmi vestra, Bogi Sigurbjörnsson.
Skattstjórinn í Norðurlandsumdæmi eystra, Gunnar Karlsson.
Skattstjórinn í Austurlandsumdæmi, Karl Lauritzson.
Skattstjórinn í Suðurlandsumdæmi, Hreinn Sveinsson.
Skattstjórinn í Vestmannaeyjum, Ingi Tómas Björnsson.
Skattstjórinn í Reykjanesumdæmi, Sigmundur Stefánsson.
20/29 (20-21 umræða 29.7.2004 17:52 Page 3