Fréttablaðið - 30.07.2004, Blaðsíða 33
FÖSTUDAGUR 30. júlí 2004 25
ÚR ÍÞRÓTTAHEIMINUM
Hinn nýráðni framkvæmdastjóriTottenham Hotspur, Frakkinn
Jaques Santini, hef-
ur miklar mætur á
miðverðinum og
landsliðsmanninum
enska, Ledley King.
Svo miklar eru
mæturnar að hann
sagði forráða-
mönnum Chelsea,
sem voru að bera í víurnar fyrir King,
að verðmiðinn á honum færi ekki
niður fyrir 20 milljónir punda. Ja,
hérna, það er ekki allt í standi!
Og meira tengt Tottenham.Steffen Iversen, fyrrum leikmað-
ur Tottenham og Wolves, hefur snúið
aftur til heimalandsins, Noregs, og
gengið til liðs við Valerenga, en með
því liði spilar einmitt Árni Gautur
Arason, landsliðsmarkvörður okkar
Íslendinga. Hinn 28 ára Iversen gerði
þriggja mánaða samning við félagið.
Steven Gerrard segist ekki sjá eftirþví að hafa skrifað undir nýjan
samning við Liverpool. Hann segir
vissulega hafa verið erfitt að hafna
boði Chelsea, félag-
ið bauð honum 120
þúsund pund í laun
á viku. Hins vegar
hafi Liverpool-taug-
in einfaldlega verið
of römm og sem
fyrirliði liðsins hafi
hann einfaldlega
ekki getað yfirgefið það. Hann segist
vera afar ánægður með nýja stjór-
ann, Rafael Benitez, og að framund-
an séu glæstir tímar í sögu félagsins.
Arsene Wenger er ekki af bakidottinn enn og segist þess full-
viss að miðvallarleikmaðurinn frans-
ki, Patrick Vieira, muni ekki yfirgefa
herbúðir Arsenal. Allt bendir þó til
þess að Vieira muni á allra næstu
dögum ganga til liðs við Real Madrid
og virðist Wenger vera sá eini sem
hefur trú á að kappinn fari hvergi.
Talað hefur verið um að Real Madrid
þurfi að punga út 30 milljónum fyrir
kappann.
!
"!# $%%
&
' (
!#) $%%***+ ÚR ÍÞRÓTTAHEIMINUM
Nýliðar WBA í ensku úrvalsdeild-inni í knatt-
spyrnu, hafa gengið
frá kaupum á mið-
vallarleikmanninum
Jonathan Greening
frá Middles-
borough. WBA
þurfti að reiða fram
1.25 milljón punda
fyrir kappann sem skrifaði undir þrig-
gja ára samning. Hinn 25 ára Green-
ing er uppalin hjá Manchester
United en gekk til liðs við Middles-
borough árið 2001.
Sagan segir að forráðamennManchester United hafi ákveðið
að bíða með að
bjóða í Wayne Roo-
ney þangað til í jan-
úar á næsta ári en
þá opnar leik-
mannaglugginn á
nýjan leik en hon-
um verður lokað
31. ágúst. Stóra
spurningin er hins vegar hvort Roon-
ey verður ennþá í herbúðum Everton
eða hvort olíuauður Chelsea-eigand-
ans, Romans Abramovich, hafi verið
of freistandi fyrir skítblanka Everton-
menn.
Meira um Everton. Framkvæmda-stjóri félagsins, David Moyes,
óttast að hann verði látinn taka pok-
ann sinn ef Paul Gregg kemst í
stjórnarformanns-
stólinn. Moyes er
þess fullviss að
Gregg láti það
verða sitt fyrsta verk
að ráða Gordon
Strachan sem
framkvæmdastjóra
og henda Moyes
lengst út í hafsauga. Mikil úlfúð ríkir
hjá Everton þessa dagana vegna
stöðu Waynes Rooney og til að
mynda hefur danski miðjumaðurinn,
Thomas Gravesen, sagst ekki ætla
að skrifa undir nýjan samning fyrr en
þetta mál sé til lykta leitt. Hann
segist ekki nenna að standa í neinni
meðalmennsku enn eitt tímabilið hjá
Everton.
FORMÚLA 1 Þótt keppnistímabilið í
Formúlu 1 kappakstrinum sé rétt
hálfnað þá eru liðin tólf þegar
farin að huga að liðsuppstillingu
fyrir næsta keppnistímabil. Þeg-
ar er ljóst að tvö lið, Williams og
Toyota, munu stilla upp tveimur
nýjum ökumönnum á komandi
tímabili en margir af bestu öku-
mönnum Formúlunnar munu
hafa vistaskipti þegar þetta
tímabil hefur runnið sitt skeið á
enda.
Eins og áður sagði þá verður
Williams-liðið gjörbreytt á kom-
andi tímabili. Kólumbíumaðurinn
Juan Pablo Montoya er farinn til
McLaren þar sem hann mun leysa
Bretann David Coulthard af hólmi
og Þjóðverjinn Ralf Schumacher
er genginn til liðs við Toyota sem
ætlar sér stóra hluti á næsta ári.
Williams-menn tryggðu sér þjón-
ustu Ástralans Marks Webber í
gær en hann þykir hafa náð góð-
um árangri á slökum Jaguar-bíl
undanfarið eitt og hálft ár. Coult-
hard, sem má muna sinn fífil
fegri, endar að öllum líkindum hjá
Jaguar í stað Webbers.
Eitt laust sæti er hjá Williams-
liðinu og er búist við því að Þjóð-
verjinn Nick Heidfeld, sem ekið
hefur fyrir Jordan, taki hitt sætið
og aki með Webber á komandi
tímabili. Toyota ætlar sér stóra
hluti á næsta tímabili því auk
Schumachers hins yngri þá róa
forráðamenn liðsins öllum árum
að því að því að fá Ítalann Jarno
Trulli frá Renault.
Trulli, sem er eini ökumaður-
inn í Formúlu 1 kappakstrinum
fyrir utan Michael Schumacher
sem hefur unnið mót á þessu tíma-
bili, fær ekki nýjan samning hjá
Renault sem hefur ráðið landa
hans, Giancarlo Fisichella, til sín
og hann gæti allt eins endað hjá
Williams.
Það hefur oft verið sagt að
menn breyti ekki sigurliði, því
þarf það ekki að koma á óvart að
Ferrari-liðið, sem hefur borið höf-
uð og herðar yfir aðra í Formúl-
unni, verður með sömu ökumenn-
ina, Michael Scumacher og
Rubens Barrichello, á næsta ári.
Eina liðið fyrir utan Ferrari sem
stillir upp sömu mönnum á næsta
ári er BAR-liðið með Bretann
Jenson Button, sem hefur átt frá-
bært tímabil, og Japanann
Takumo Sato. ■
JUAN PABLO MONTOYA Sést hér í Williams-bíl sínum á Hockenheim-brautinni í Þýska-
landi en hann mun aka fyrir McLaren á komandi tímabili.
Breytingar hjá flestum liðum í Formúlu 1 kappakstrinum fyrir næsta tímabil:
Williams og Toyota með ný lið
32-33 (24-25) sport 29.7.2004 18:58 Page 3