Fréttablaðið - 30.07.2004, Blaðsíða 35

FÖSTUDAGUR 30. júlí 2004 27
FÓTBOLTI Alex Ferguson, knatt-
spyrnustjóri Manchester United,
lýsir undirbúningstímabili liðsins
þetta árið sem því versta frá því
að hann tók við liðinu fyrir átján
árum.
Ferguson hefur verið með sína
menn í Bandaríkjunum undan-
farna daga og þar hefur hver
hörmungin rekið aðra.
Tveir af lykilmönnum hans,
Portúgalinn Cristiano Ronaldo og
Argentínumaðurinn Gabriel
Heinze, þurfa að spila með sínum
þjóðum á Ólympíuleikunum í Aþ-
enu og missa af sex fyrstu leikj-
um liðsins í úrvalsdeildinni.
Að auki hafa margir leikmanna
liðsins átt í meiðslum þrátt fyrir
að vellirnir í Bandaríkjunum hafi
verið betri en Ferguson hefur átt
að venjast á undirbúningstímabil-
inu. „Yfirleitt eru vellirnir harðir
á undirbúningstímabilinu og
hitinn mikill en hér hafa þeir
verið frábærir og hitastigið verið
í lagi. Samt eru menn að meiðast á
mismunandi stöðum sem er mjög
óvanalegt. Ryan Giggs er
meiddur á mjöðm, Wes Brown er
meiddur í hælnum, Darren
Fletcher er meiddur á ökkla og
Quinton Fortune er meiddur á
kálfa. Þetta er versta undirbún-
ingstímabil sem ég hef upplifað,“
sagði Ferguson en liðið hefur tap-
að báðum leikjum sínum í Banda-
ríkjunum. Fyrst gegn Bayern
München í vítaspyrnukeppni og
síðan gegn Celtic. ■
ALEX FERGUSON
Upplifir martröð í Bandaríkjunum.
Alex Ferguson, stjóri Man. Utd., um undirbúningstímabilið í Bandaríkjunum:
Það versta frá upphafi
Handboltalandsliðið:
Tveir leikir
gegn Þjóð-
verjum
HANDBOLTI Íslenska landsliðið í
handbolta hélt í gær til Þýska-
lands þar sem það mun leika tvo
landsleiki gegn Þjóðverjum en
leikirnir eru liður í undirbúningi
liðanna fyrir Ólympíuleikana í
Aþenu sem hefjast í næsta
mánuði.
Æfingahópur Guðmundar Guð-
mundssonar landsliðsþjálfara
hefur minnkað um tvo að undan-
förnu en Logi Geirsson dró sig út
úr hópnum af persónulegum
ástæðum og Patrekur Jóhannsson
hætti í fyrradag vegna meiðsla á
þumalfingri. Hópur Guðmundar
telur nú átján menn og þar af
valdi hann sautján til Þýskalands-
ferðarinnar. Hann skildi eingöngu
leikstjórnandann Ragnar Óskars-
son eftir heima en sagði aðspurð-
ur að Ragnar ætti enn möguleika
á því að komast í fimmtán manna
hópinn sem fer á Ólympíuleikana
í Aþenu.
Fyrri leikurinn gegn Þjóð-
verjum fer fram í Schwerin í dag
og hefst kl. 15 en sá seinni á morg-
un í Rostock. ■
BOX Mike Tyson, fyrrum heims-
meistari í þungavikt, snýr aftur í
hringinn eftir 17 mánaða hlé og
mætir hinum breska Danny Willi-
ams, í kvöld í Kentucky. Flestir
líta á Williams sem fallbyssufóð-
ur en hann segist þó fullviss um
að geta strítt Tyson og mæti
hvergi banginn til leiks.
Bardaginn verður sýndur
beint á Sýn og ekki að efa að
margir horfi á enda Tyson án efa
langvinsælasti og langumdeild-
asti boxari heims.
Ferillinn hjá Tyson er með
þeim skrautlegri en hann varð
yngsti þungaviktarheimsmeist-
ari sögunnar árið 1985, aðeins 19
ára. Síðan þá hafa skipst á skin og
skúrir en þó hafa skúrirnir verið
öllu fleiri. Hann hefur þurft að
dvelja í fangelsi vegna nauðgun-
ar og margoft verið dæmdur í
keppnisbann, til að mynda þegar
hann beit vænan bita úr eyra
Evanders Holyfields í frægum
bardaga. Alltaf hefur hann þó náð
að koma aftur og til að mynda
endurheimti hann heimsmeist-
aratitilinn árið 1996 þegar hann
pakkaði Bretanum Frank Bruno
saman. Seinna sama ár missti
hann síðan titilinn til Evanders
Holyfields og þeir kappar mætt-
ust aftur árið eftir og þá var ein-
mitt boðið upp á eyrnasmjattið.
Eftir þessa tvo sögufrægu bar-
daga við Holyfield hefur Tyson
ekki náð því að keppa aftur um
sjálfan titilinn en þess í stað
hefur hann barið fjölda minni-
pokamanna í spað.
Það sem helst hefur hrjáð
Tyson er andleg heilsa hans en þó
nokkuð langt er síðan hann viður-
kenndi að bryðja þunglyndislyfið
Zoloft eins og brjóstsykur. Þá
hafa afætur ýmiskonar herjað á
Tyson og haft af honum nánast
allan hans auð og nú er svo kom-
ið að hann er nánast gjaldþrota
og býr í lítilli íbúð.
Hvort Tyson eigi nóg eftir til
að komast í tæri við titilinn að
nýju er stór spurning. Ef þessi
höggþyngsti boxari sögunnar er
með líkamann og sálina í lagi er
engin spurning að það er mögu-
legt; þetta tvennt hefur bara svo
óskaplega sjaldan farið saman á
síðastliðnum árum. Sjáum hvað
setur. ■
DANNY WILSON OG MIKE TYSON Búist er við að sá fyrrnefndi verði fuglafóður Tysons.
Mike Tyson snýr aftur í hringinn eftir 17 mánaða hlé:
Sá fyrrverandi og
fallbyssufóðrið
Góður útisigur ÍA
FÓTBOLTI Það var Ellert Jón
Björnsson sem var hetja Skaga-
manna í leiknum en hann skoraði
bæði mörk liðsins, sitt í hvorum
hálfleik. Fyrra markið kom beint
úr aukaspyrnu sem átti viðkomu í
varnarmann en síðara markið
skoraði hann með góðu skoti sem
hafnaði í bláhorninu. TVMK
Tallinn minnkuðu muninn
tveimur mínútum fyrir leikslok
en nær komust þeir ekki og fagna
Skagamenn því sætum sigri.
„Við leyfðum þeim að spila
talsvert á milli sín inni á vel-
linum en þegar þeir nálguðust
vítateiginn tókum við vel á þeim.
Með smá heppni hefðum við
getað skorað fleiri mörk og þetta
var örugglega einn af okkar betri
leikjum í sumar.“ sagði Ólafur
Þórðarson, þjálfari ÍA, í samtali
við Fréttablaðið eftir leikinn í
gær.
Ellert Jón Björnsson stóð upp
úr sterkri liðsheild ÍA í leiknum
og var liðið að spila geysilega
agaðan og skipulagðan varnar-
leik. Skagamenn unnu fyrri
leikinn á heimavelli 4–2 og ein-
vígið því samanlagt 6–3. Dregið
verður í aðra umferð forkeppnin-
nar síðar í dag og verður lið ÍA á
meðal liða í hattinum. ■
Sigruðu TVMK í Eistlandi, 1–2, og eru komnir
í aðra umferð forkeppni meistaradeildarinnar.
FRÆKINN SIGUR ÍA eru
komnir í 2. umferð forkeppni
meistaradeildar Evrópu
34-35 (26-27) sport 29.7.2004 22:41 Page 3