Fréttablaðið - 30.07.2004, Blaðsíða 38

Leikstjórinn M. Night Shyamalan
er í hópi áhugaverðustu kvik-
myndagerðarmanna samtímans.
Hann vakti fyrst verulega athygli
með draugamyndinni The Sixth
Sense árið 1999. Myndin sló
hressilega í gegn og gaf tóninn
fyrir það sem koma skyldi.
Drungalegt andrúmsloft hennar,
pæld persónusköpun og slungin
flétta urðu að helstu höfundarein-
kennum Shyamalans og skutu
aftur upp kollinum í Unbreakable
og Signs.
The Sixth Sense er orðin ein
tekjuhæsta kvikmynd sögunnar
og hlaut á sínum tíma sex óskars-
verðlaunatilnefningar en
Shyamalan var tilnefndur sem
besti leikstjórinn og besti hand-
ritshöfundurinn auk þess sem The
Sixth Sense var tilnefnd sem
besta myndin.
Hin ungi Haley Joel Osment
sló í gegn í hlutverki drengs sem
taldi sig vera í sambandi við fram-
liðna og harðjaxlinn Bruce Willis
var býsna góður í hlutverki sál-
fræðings sem reyndi að koma
drengnum til hjálpar en komst um
leið að óþægilegum staðreyndum
um sjálfan sig.
Óvæntur viðsnúningurinn í
sögulokin þegar Willis komst að
því að hann væri í raun dauður
svínvirkaði og síðan þá hefur mátt
ganga að því sem vísu að Shyamal-
an lumi á einhverju óvæntu og eyði
drjúgum tíma mynda sinna í að af-
vegaleiða áhorfendur. Þessi brella
heppnaðist glæsilega í Unbreak-
able, sem er stórlega vanmetin
mynd, og Shyamalan stóð einnig
vel undir þessum merkjum sínum í
Signs þar sem Mel Gibson og
Joaquin Phoenix tókust á við óvin-
veittar geimverur.
Plottið er leyndó
Shyamalan leggur mikið upp úr
því að lítið spyrjist út um innihald
mynda sinna og sögufléttu fyrir
frumsýningu enda eru þær þess
eðlis að þeir virka þeim mun
betur eftir því sem áhorfandinn
veit minna um innihaldið. The
Village er því engin undantekning
og ókennilegt sýnishornið úr
myndinni gefur ekki mikið uppi
og sjálfur er Shyamalan þögull.
Eitt er þó víst að The Village mun
koma á óvart en hún verður frum-
sýnd í Bandaríkjunum um helgina
og á Íslandi strax á miðvikudag-
inn.
„The Village er frábrugðin hin-
um myndunum mínum. Ég held að
hún beri þess merki að ég er að
vaxa og þroskast sem kvikmynda-
gerðarmaður,“ segir Shyamalan.
„Ég vildi skrifa um sakleysi. The
Village gerist á síðari hluta 19.
aldar, eftir borgarastríðið og fyrir
iðnvæðinguna þegar lífið var ein-
faldara. Það snerist ekki allt um
peninga og græðgi. Fólk talaði án
kaldhæðni og það mátti heyra
sannleikann og einlægnina í rödd-
um þeirra.“
Skrímslin sem sjá rautt
Myndin gerist í þorpi sem er
umlukið skógi og við fyrstu sýn
virðist allt vera með feldu en sam-
félaginu stafar þó ógn af dular-
fullum verum sem halda til í skóg-
inum.
Þorpsbúar hafa því einangrað
sig algerlega frá umheiminum og
fara aldrei út fyrir þorpsmörkin
og inn í skóginn. Hið illa í skóginu
er álíka ógnvaldur og sjálfur
Voldemort í Harry Potter bókun-
um og þannig eru verurnar aldrei
kallaðar annað en „þau sem við
tölum ekki um“.
Annars fáum við ekki að vita
mikið um verurnar annað en að
þær mega alls ekki sjá rauðan lit
þar sem hann dregur þær til sín.
Gulur fælir þær aftur á móti frá.
Þá hafa eldri íbúar þorpsins lagt
blátt bann við því að farið sé inn
í skóginn þar sem þar bíða ófét-
in. Ákveðið ógnarjafnvægi hefur
ríkt í samskiptum þorpsbúa og
skógarveranna þar sem fólkið
gætir þess að fela allt rautt og
heldur sig fjarri skógarjaðrin-
um.
Út í óvissuna
Þetta jafnvægi raskast þegar
ungi eldhuginn Lucius Hunt
(Joaquin Phoenix) lætur undan
þrá sinni til þess að fara út í
óvissuna til þess að sjá hvað um-
heimurinn hefur upp á að bjóða.
Verurnar taka síðan að láta á sér
kræla og það verður ljóst að
vopnahléinu er lokið, allt verður
vitlaust og hugrekki eins manns
verður eina lífsvon þorpsbúa.
Inn í þessa sögu blandast síð-
an ástarþríhyrningur og per-
sónuleg togstreita milli hinna
gömlu og ungu sem nær hámarki
þegar kynslóðabilið teygir sig út
fyrir þorpsmörkin.
Shyamalan hefur ekki gefið
meira upp en reynslan hefur
kennt þeim sem þekkja til
mynda hans að ekki er allt sem
sýnist og líklega mun einhverj-
um bregða í brún við heimsókn í
þorpið. ■
30 30. júlí 2004 FÖSTUDAGUR
Ómissandi á dvd
Nýlega bárust fregnir af því að Lotus Esprit bíllinn úr James Bond myndinni
The Spy Who Loved Me frá árinu 1977 hafi verið valinn sá flottasti sem komið
hefur fram í sjónvarpi og á hvíta tjaldinu. Af því tilefni væri ekki úr vegi að
endurnýja kynni sín af bílnum og sjá hversu öflugur hann er í raun og veru.
[ SMS ]
UM MYNDIRNAR Í BÍÓ
KEIRA KNEIGHTLEY fer með eitt aðal-
hlutverkanna í King Arthur.
King Arthur
Þjóðsagan um Artúr konung er ótrúlega safaríkur
efniviður í ævintýraspennumynd með rómantísku
ívafi og dass af tragedíu. Það er allt til staðar, göf-
ugur konungur, glæsilegir riddarar, fögur mey, óút-
reiknanlegur seiðkarl, galdrasverð, mystísk höll,
ástarþríhyrningur o.fl. o.fl. Ofurframleiðandinn Jerry
Bruckheimer er hins vegar samkvæmur sjálfum sér
og valtar yfir allt sem heitir fágun og fínlegheit.
Góður biti í hundskjaft.
KD
Shrek 2
„Eini dragbítur myndarinnar er Disney-legur boð-
skapurinn, illa falinn og nett móðgandi. Hvernig
væri að treysta áhorfendum einu sinni til að lesa á
milli línanna og draga sínar eigin ályktanir? Há-
punktarnir, og þeir eru margir, hefja myndina samt
upp og þegar leikar standa hæst og grínið er í al-
gleymingi er hrein unun að sökkva sér inn í þenn-
an litríka og stórskrýtna heim.“
KD
Spider-Man 2
„Persónusköpuninni gefin góður tími og handritið
er skrifað með ákaflega mikilli virðingu fyrir Spider-
Man-blöðunum þannig að þeir sem hafa átt Lóa
að vini síðan í barnæsku fá ofboðslega mikið fyrir
sinn snúð en einn helsti galdur myndarinnar er sá
að hún skemmtir bæði þeim sem þekkja sögu
Spider-Man fram og aftur ekki síður en þeim sem
eru bara að koma til að sjá gott bíó. Þessi fer beint
á stall með Empire Strikes Back. Geðveik mynd. Al-
veg tótallí brilljant.“
ÞÞ
Around the World in 80 Days
„Stóri bömmerinn er einfaldlega sá að handritið er
stefnulaust rekald og það hefur verið höfundum
og leikstjóranum gersamlega ofviða að festa sög-
una á filmu. Við sitjum því uppi með samhengis-
lausa moðsuðu misskemmtilegra hasar- og slags-
málaatriða og sumarmynd sem nær aldrei að
skapa spennu.“
ÞÞ
The Cronicles of Riddick
„Hér hafa menn greinilega ætlað að sleppa ódýrt
frá öllu saman og veðjað á að það væri nóg að
láta Diesel hnykla ofvaxna vöðvana og sprengja
eitthvað í loft upp. Það þarf bara svo miklu, miklu
meira til að gera góða hasarmynd.“
ÞÞ
The Ladykillers
„The Ladykillers heldur þó ekki dampi og mun
seint flokkast með betri verkum þessara snjöllu
Coen-bræðra. Hún hefði sjálfsagt sigið vel niður
fyrir meðallag í höndunum á minni spámönnum
en þeim bræðrum sem eru meira að segja góðir á
slæmum degi.“
ÞÞ
Eternal Sunshine of the
Spotless Mind
„Eternal Sunshine er hreinn gullmoli í bíóflórunni.
Mynd sem gleymist seint og býður upp á enda-
lausar vangaveltur fyrir þá sem á annað borð
nenna að pæla í nokkrum sköpuðum hlut. Brilljant
mynd.“
ÞÞ
Harry Potter and the Prisoner
of Azkaban
„Fyrir þá sem hafa lesið bókina er þetta hin prýði-
legasta skemmtun, þó svo að myndin bæti engu
við það sem fyrir var skrifað. Þeir sem ekki hafa
lesið bókina ganga mun ringlaðri út úr salnum en
þegar þeir komu inn og foreldrar fá að hlýða á
margar „af hverju“ spurningar næstu daga á eftir.“
SS
Troy
„Allt þetta nöldur mitt breytir því þó ekki að Troy
er fínasta skemmtun, þó hún sé í lengri kantinum,
og það er vissulega ánægjulegt að Hollywood
skuli gefa fornsögum svo mikinn gaum þessi miss-
erin. Það fer þó alltaf um mann smá hrollur þegar
sígild verk eru löguð að kröfum draumaverk-
smiðjunnar.“
ÞÞ
„Never seen you after hours, Moneypenny... stunning. Where
were you, out on assignment? Dressing to kill?“
- James Bond daðrar við Miss Moneypenny í Goldeney frá árinu 1995.
Þetta var fyrsta Bond-mynd Pierce Brosnan, sem nýlega lýsti því yfir að
hann væri hættur að leika njósnarann. Ekki hefur verið ákveðið hver taki
við sem næsti Bond.
Gult er gott, rautt er slæmt
M. NIGHT SHYAMALAN Byrjaði að búa til bíómyndir þegar hann var 10 ára og þegar
hann var 16 ára hafði hann gert 45 stuttmyndir. Foreldrar hans og öll systkini eru læknar
og þar sem hann var afburðanámsmaður var gengið út frá því að hann fetaði sömu braut.
Kvikmyndabakterían er hins vegar ólæknandi og það kom aldrei annað til greina hjá hon-
um en að búa til bíó.
JOAQUIN PHOENIX Shyamalan leikstýrði honum í Signs og er svo hrifinn af drengnum
að hann fékk hann til liðs við sig í The Village.
„Það hafa verið ákaflega skiptar
skoðanir um myndina,“ segir
Ísleifur B. Þórhallsson, markaðs-
stjóri Græna ljóssins, um kvik-
myndina Ken Park sem verður
sýnd á bandarískum „Indí“ dögum
í Háskólabíói.
Ken Park er eftir þá Larry
Clark og Harmonie Korine, sömu
höfunda og stóðu að myndinni
Kids. „Myndin samanstendur af
mörgum sögum sem tengjast inn-
byrðis en eins og í Kids eru höf-
undarnir að fjalla um unglinga.
Þetta er áferðarfalleg mynd en
viðfangsefnið er kynlíf og það
sem hefur sjokkerað fólk er
hversu mikið er sýnt sérstaklega
þar sem aðalsögupersónurnar eru
flestar nokkuð ungar að árum.“
Ken Park var bönnuð í Ástral-
íu. „Það var búið að bóka myndina
á kvikmyndahátíðina í Sydney en
henni var kippt út á síðustu. Þá
fylltist allt af ólöglegum dvd-disk-
um af Ken Park í Ástralíu og lög-
reglan fór að rekja söluna. Ein
kona, sem hafði verið öflug í söl-
unni, var handtekin og dæmd í 32
mánaða fangelsi.“
Ken Park hneykslar þó ekki
alla jafnmikið og Ástrala. „Þó að
myndin hafi vakið hörð viðbrögð
þegar hún var heimsfrumsýnd á
kvikmyndahátíðinni í Feneyjum
hefur hún selst víða um heim.
Myndin fór í toppsætið hjá
Frökkum og Svíar, sem okkur Ís-
lendingum finnst stundum tepru-
legir, gáfu Ken Park út óklippta
og bönnuðu hana bara innan 15
ára.“
Opnunarmynd bandarískra
„Indí“ daga sem hefjast 25. ágúst
er Super Size Me og Morgan
Spurlock, höfundur myndarinn-
ar sem tók sig til og át ekkert
nema McDonalds-hamborgara í
mánuð, verður viðstaddur frum-
sýninguna. ■
KEN PARK Ástralir bönnuðu kvikmyndina sem fjallar um kynlíf ungs fólks og kona ein
fékk 32 mánaða fangelsisdóm fyrir sölu á dvd-diskum með myndinni.
Ken Park á íslenskri kvikmyndahátíð
38-39 (30-31) kvikmyndir 29.7.2004 17:56 Page 2