Fréttablaðið - 11.08.2004, Blaðsíða 2

2 11. ágúst 2004 MIÐVIKUDAGUR
Þurrkar á Austurlandi:
Vatnsból tæmast
og gróður skrælnar
VEÐUR „Þetta er mun meiri
þurrkur en venjulega,“ segir
Freysteinn Sigurðsson hjá
Orkustofnun en lítið sem ekkert
hefur rignt í sumar frá Þistils-
firði austur á Fljótsdalshérað.
Freysteinn segir þetta valda því
að gróður spretti illa og skrælni
auk þess sem vatnsból á stöku
bóndabæjum eða í sumarhúsum
gætu tæmst. Lítið vatn er í lækj-
um og sprænum.
Steingrímur J. Sigfússon,
þingmaður, var í Þistilfirði í síð-
ustu viku og sagði þurrkinn hafa
sett mark sitt á gróður, rof hafi
myndast víða í jarðveg og gras
sölnað. Hins vegar hafi margir
heyjað snemma í ár og því ekki
beðið mikinn skaða. Hann kann-
aðist þó ekki við vatnsskort á
bæjum á svæðinu.
Freysteinn segir að töluverða
rigningu þurfi til að koma
ástandinu í samt lag. „Það
myndi koma aftur í vatnsbólin
ef það rigndi í viku en ef þetta á
að vera viðvarandi þyrfti að
rigna lengur.“ Ekki er búist við
úrkomu á næstunni á þessu
svæði samkvæmt upplýsingum
frá Veðurstofu Íslands. ■
Undrast veðurblíðu
Veðrið hefur sett mikinn svip á mannlífið síðustu daga. Erlendir ferðamenn á
Þingvöllum eru undrandi yfir miklum hlýindum og ferðamenn í Reykjavík
segja veðrið hafa komið þeim skemmtilega á óvart. Erill hjá meindýraeyði.
VEÐUR Veðurblíða hefur sett mik-
inn svip á líf landsmanna síð-
ustu daga. Dagurinn í gær var
víða hlýjasti ágústdagur síðan
mælingar hófust.
Erlendir ferðamenn hafa
ekki farið varhluta af veðurblíð-
unni og margir lýst mikilli undr-
un vegna hlýinda undanfarinna
daga að sögn Kötlu Sigurðar-
dóttur, landvarðar á Þingvöllum.
„Fólk minnist á hitann og
spyr hvort hann sé ekki óvenju-
legur,“ segir Katla en hitinn á
Þingvöllum mældist 29 stig í
gær. „Það var svo heitt í þing-
helginni að fólki var farið að líða
dálítið illa.“
Að sögn Kötlu kippa ferða-
menn frá löndum eins og Spáni
og Ísrael sér þó ekki upp við hit-
ann. Öðru máli gegni um norður-
evrópsku ferðamennina. „Fólkið
sem ætlaði að koma hingað í
kuldann er eiginlega alveg að
farast,“ segir Katla.
Þeir erlendu ferðamenn sem
Fréttablaðið ræddi við í Reykja-
vík í gær voru sammála um að
veðrið hafi komið þeim
skemmtilega á óvart. „Við tók-
um einungis hlý föt með okkur
til landsins,“ sögðu tvenn þýsk
hjón sem nutu veðurblíðunnar
við sjávarsíðuna í gær.
Ferðamaðurinn Linda Cunn-
ingham sagði veðrið í gær svip-
að því sem gerðist í heimalandi
hennar, Skotlandi. „Við bjugg-
umst við því að hér yrði mjög
kalt,“ segir Linda. „En þetta er
alveg frábært.“
Meindýraeyðar höfðu einnig í
nógu að snúast í veðurblíðunni í
gær. „Svona útlandaveður skilar
sér alltaf í fleiri útköllum,“ seg-
ir Anna Bergsteinsdóttir, starfs-
maður Geitungabanans. „Þegar
veðrið er gott heldur fólk sig
meira utandyra og verður þar af
leiðandi meira vart við flugurn-
ar.“
helgat@frettabladid.is
Borgarráð Reykjavíkur:
Kópavogur fær
ekki heimild
BORGARMÁL Borgarráð Reykjavíkur
fellst ekki á að leyfa Kópavogsbæ
að leggja vatnslögn frá svonefndum
Vatnsendakrikum þar sem borgar-
ráð álítur að svæðið tilheyri
Reykjavík. Viðurkenna þeir ekki
rétt Kópavogs en nýlega seldu eig-
endur Vatnsenda Kópavogsbæ nýt-
ingarrétt á hinu umdeilda landi og
kemur beiðnin um vatnslögn í fram-
haldi af þeim kaupum.
Borgarráð segir langvarandi
óvissu um landa- og lögsögumörk
valda þessari ákvörðun. Standa von-
ir til að með úrskurði Óbyggða-
nefndar skýrist staðan en nefndin
hefur til skoðunar lögsögumörk
bæjarfélaganna. ■
VEGABRÉF FISCHERS
Bobby Fischer hefur afsalað sér bandarísk-
um ríkisborgararétti og þar með vegabréfi
sínu.
Bobby Fischer:
Í stærra
fangelsi
TÓKÝÓ, AP Skákmeistarinn Bobby
Fishcer var í gær færður í stærra
fangelsi en hann hefur verið í í
haldi japanskra yfirvalda á al-
þjóðaflugvellinum í Tókýó síðan
13 júlí. Masako Suzuki, lögmaður
Fischers, greindi frá því að hann
væri nú vistaður í fangelsi á veg-
um útlendingaeftirlitsins í borg-
inni Ushiku, norður af Tókýó.
Fischer er eftirlýstur í Banda-
ríkjunum vegna brots á viðskipta-
þvingunum gagnvart Júgóslavíu á
10. áratugnum. Hann tilkynnti í
síðustu viku að hann hefði afsalað
sér bandarískum ríkisborgara-
rétti. ■
■ LÖGREGLUFRÉTTIR
■ LÖGREGLUMÁL
„Það er alltaf eitthvað.“
Dóri DNA vann í rímnastríði íslenskra rappara á
Gauki á Stöng um helgina. Í rímnastríði og rappi
reynir mjög á skáldgáfur manna en Dóri DNA á
ekki langt að sækja þær. Hann er barnabarn þjóð-
skáldsins Halldórs Laxness.
SPURNING DAGSINS
Dóri, er þetta í genunum?
MARKAÐSTORG FYRIR RAFORKU
Hlutverk nýstofnaðs hlutafélags verður að
búa í haginn fyrir framtíðina.
Landsnet stofnað:
Annast flutn-
ing raforku
ORKUMÁL „Þetta samkomulag mun
litlu breyta fyrir almenning að
svo komnu máli,“ segir Þórður
Guðmundsson, framkvæmda-
stjóri flutningssviðs Landsvirkj-
unar. Landsvirkjun er stærsti
hluthafi nýs hlutafélags sem
stofnað hefur verið til að annast
flutning raforku. Hefur náðst
samkomulag um verðmæti þeirra
flutningsvirkja sem mynda félag-
ið.
Þórður segir að hlutverk
Landsnets sé að vera markaðstorg
fyrir raforku og búa í haginn fyrir
framtíðina. „Þetta á að auðvelda
aðilum innan orkugeirans og þan-
nig einn daginn stuðla að hag-
kvæmara orkuverði.“ ■
SIGURJÓN ÁRNASON OG HALLDÓR J.
KRISTJÁNSSON
Kynntu í gær nýjung í bankaþjónustu á Ís-
landi.
Nýjung í bankaþjónustu:
Trygging
seld í banka
BANKAR Landsbankinn kynnti í gær
nýjung á íslenskum bankamarkaði,
launareikning með launavernd. Er
þetta trygging sem viðskiptavinum
með launareikning býðst fyrir
ákveðna upphæð á mánuði í hlut-
falli við laun . Að sögn Hermanns
Jónassonar, forstöðumanns á eigna-
stýringasviði Landsbankans, verða
viðskiptavinir jafnframt að leggja í
lífeyrissparnað en fá í staðinn líf-
tryggingu. ■
Nauðganir um verslunarmannahelgi:
Ein hefur leitað til Stígamóta
NAUÐGANIR Ein kona hefur leitað
til Stígamóta vegna nauðgunar á
útihátíð um verslunarmanna-
helgina, að sögn Guðrúnar Jóns-
dóttur hjá Stígamótum.
„Það er eiginlega fyrst núna
sem fer að koma að okkar þætti
í þessum málum. Tilkynningar
berast yfirleitt síðar og það er
því ekki hægt að koma með
neinar marktækar tölur núna. Í
fyrra fengum við tilkynningar
um tíu útihátíðarnauðganir og
árið áður átta. Vonandi berast
ekki fleiri tilkynningar í ár en
það væri ekki í takt við reynslu
okkar.“
Árið 2001 var tilkynnt um 21
nauðgun, þar af fjórtán tilfelli á
Eldborgarhátíðinni, en það er
eina skiptið sem Stígamótum
hefur verið boðið á að vera á
vettvangi á útihátíð.
Guðrún segir að nærvera
Stígamóta geti hafa skipt máli í
tilfelli Eldborgarhátíðarinnar.
„En við höfum bent á að það
þarf að vera viðbúnaður og
áfallahjálp til staðar, hverjir svo
sem sinna því, og mótsgestir
þurfa að vita af henni. Það er
brú sem þarf að byggja.“ ■
UTAN VEGAR Á DYNJANDISHEIÐI
Tveir Svisslendingar sluppu
ómeiddir þegar bifreið þeirra
hafnaði utan vegar í lausamöl á
Dynjandisheiði í gær. Bifreiðin
var óökufær eftir óhappið.
BLINDAÐIST AF SÓLINNI
Ökumaður var fluttur með
sjúkrabíl til Reykjavíkur eftir að
bifreið hans valt við Ytri-
Mókeldu á Suðurlandsvegi í gær-
morgun. Maðurinn var einn í
bílnum og er ekki talinn alvar-
lega slasaður. Kvaðst hann hafa
blindast af sólinni.
ÞRÍR ÁREKSTRAR Á SELFOSSI
Þrír árekstrar urðu á Selfossi í
gær. Þriggja bíla árekstur varð
við Austurveg en engin meiðsl
urðu á fólki. Nokkuð eignatjón
varð þó í árekstrinum. Hinir
tveir árekstrarnir voru minni-
háttar.
SJÖ Á SLYSADEILD Sjö voru flutt-
ir á slysadeild eftir árekstur
tveggja fólksbíla á Arnarnesvegi
við Fífuhvammsveg í Hafnarfirði
klukkan hálf þrjú í gær, þar af
voru þrjú börn. Lögreglan í Hafn-
arfirði taldi meiðsli fólksins þó
hafa verið minniháttar. Ekki var
enn vitað í gærkvöld hvernig
slysið vildi til þar sem hlutaðeig-
andi voru flestir á slysadeild.
GUÐRÚN JÓNSDÓTTIR
Segir að fyrst núna fari konur að leita til
Stígamóta vegna nauðgana um verslunar-
mannahelgina.
SLÁTTUR Í RANGÁRÞINGI
Þar sem heyjað var snemma í ár virðast
ekki margir bændur hafa beðið skaða af
þurrki.
HÆSTI HITI Á LANDINU Í GÆR
29,1 Skaftafell
29,0 Þingvellir
29,0 Árnes í Gnúpverjahreppi
28,6 Reykir í Fnjóskadal
28,5 Hjarðarland í Biskupstungum
28,3 Mývatn
28,2 Egilsstaðir
27,9 Hæli í Hreppum
Gamla hitametið var 27,7 stig og mældist á Akureyri
árið 1971.
SÓL OG SUMAR
Mikill mannfjöldi naut veðurblíðunnar á Austurvelli í gær en hæsti hiti í höfuðborginni mældist rétt tæp 25 stig í Korpu.
FERÐAMENN
Hjónin Lochbrunner og Rübel frá Þýska-
landi bjuggust við rigningu við komuna
hingað til lands og kom veðurblíðan þeim
því skemmtilega á óvart.
FR
ÉT
TA
B
LA
Ð
IÐ
/V
IL
H
EL
M
Týndist á Fljótdalsheiði:
Fjórtán ára
drengs leitað
LEIT Leit hófst í gærkvöld að fjórt-
án ára þýskum dreng sem orðið
hafði viðskila við föður sinn á
Fljótsdalsheiði í gærmorgun.
Feðgarnir festu bíl sinn á heiðinni
og hélt drengurinn förinni áfram
fótgangandi. Þegar faðirinn hugð-
ist sækja son sinn varð hann
drengsins hvergi var.
Faðirinn tilkynnti um atburð-
inn til lögreglu á tíunda tímanum í
gærkvöld og hófst umfangsmikil
leit um klukkustund síðar. Björg-
unarsveitir úr nágrenninu nutu
meðal annars liðsinnis flugvélar
við leitina. ■