Fréttablaðið - 11.08.2004, Blaðsíða 10

11. ágúst 2004 MIÐVIKUDAGUR
Eldri borgari og blaðberi:
Vinnan rýrir tekjurnar
SKATTAMÁL „Ég hélt að svona gerðu
menn ekki,“ segir Sigurður Jónas
Jónasson, 67 ára gamall ellilífeyr-
isþegi sem ber út dagblöð sér til
heilsubótar og kaupauka. Tekjur
Sigurðar eru hins vegar dregnar
af tekjutryggingu hans auk þess
sem meiri skattur er tekinn af
laununum en væri hann tekinn af
lífeyrinum.
„Ég er því í rauninni að tapa á
þessari aukavinnu sem er meðal
annars ætluð til að drýgja annars
rýrar tekjur,“ segir Sigurður en
hann vill þó ógjarnan vera án
blaðburðarins.
Blaðberar eldri en 16 ára eru
skattlagðir eins og hverjir aðrir
launþegar. Þeir sem eru yngri en
16 ára njóta sérstakra skattfríð-
inda, mega þéna allt að 90 þúsund
krónum á ári skattfrjálst og
greiða sex prósenta skatt eftir
það.
Fyrir nokkrum árum var rætt
um að skattleggja blaðburðarbörn
til jafns við fullveðja launþega.
Davíð Oddsson forsætisráðherra
tók hins vegar fyrir það og sagði
af því tilefni: „Svona gera menn
ekki.“ ■
Nautakjöt hækkar
enn í verði
Nautakjöt hefur hækkað í verði það sem af er ári og sláturleyfishafar
hafa hækkað afurðaverð til kúabænda. Það getur skilað sér í hækkun til
neytenda. Skortur á framboði nautakjöts gæti leitt til frekari hækkana.
NEYTENDUR „Verð á nautakjöti til
neytenda mun hækka í kjölfar
hækkandi afurðaverðs. Verð til
bænda hefur
hækkað um sex
prósent og geta
fyrirtæki ekki
tekið á sig slíka
hækkun án þess
að grípa til að-
gerða,“ segir
Reynir Eiríksson,
forstjóri Norð-
lenska.
Of lítið fram-
boð af nautakjöti
hefur leitt til
þess að slátur-
leyfishafar þurfa
nú að greiða hærra verð til kúa-
bænda.
Offramboð á nautakjöti,
kjúklingakjöti og svínakjöti í
fyrra leiddi til verðlækkunar á
nautakjöti. Það sem af er þessu
ári hefur þó verið skortur á fram-
boði á nautakjöti og því hefur
verð hækkað.
Sláturfélag Suðurlands hefur
hækkað afurðaverð sitt til bænda
en Steinþór Skúlason, forstjóri SS,
segir að sú hækkun muni ekki
skila sér í verði til neytenda.
Verðhækkun til bænda hafi komið
eftir að neytendaverð hafi verið
hækkað. Hann segir þó að ef
framboð á kjöti verði áfram of lít-
ið muni verð hækka. „Það er mik-
ilvægt að reyna að halda stöðug-
leika og reyna að stjórna fram-
boðinu, en við sjáum ekki tilgang í
að vera með hraðan tröppugang í
verðbreytingum,“ segir hann.
Steinþór segir að tímaramminn
í kjötvinnslu sé stór og offramboð
geti orðið á markaði eftir tvö ár ef
bændur setja marga kálfa á nú,
vegna þess hve kjötverð er hátt.
Hann segir viðsnúning hafa
orðið á kjötmarkaði vegna þess að
nautarækt hafi ekki verið nægi-
lega arðsöm. „Þá hafa framfarir
orðið í mjólkurframleiðslu og
meðalnyt á hverja mjólkurkú hef-
ur aukist. Þar sem færri kýr eru
nýttar við mjólkurframleiðslu
fæðast færri kálfar,“ segir Stein-
þór.
Sigurður Hall matreiðslu-
meistari kaupir aðeins íslenskt
nautakjöt. Hann segir að fleira en
afurðaverð spili inn í minnkandi
framleiðslu, of hár fóðurkostnað-
ur dragi úr arðsemi greinarinnar.
„Mér þætti það mikil synd ef ís-
lenskt nautakjöt yrði svo dýrt að
við þyrftum að kaupa innflutt
kjöt. Íslenskur landbúnaður þarf
að vera starfræktur eins og gert
hefur gert. Þetta er flottasti land-
búnaður í heimi,“ segir Sigurður.
bergsteinn@fretabladid.is
SIGURÐUR JÓNAS JÓNASSON
Segir blaðburðinn ómissandi sökum
heilsubótarinnar sem honum fylgir.
,,Mér þætti
það mikil
synd ef
íslenskt
nautakjöt
yrði svo dýrt
að við þyrft-
um að
kaupa inn-
flutt kjöt.
F
í
t
o
n
/
S
Í
A

F
I
0
1
0
1
9
0
Uppáhald íslensku þjóðarinnar
Fjöldi uppskrifta á www.lambakjot.is
800 g lambakjöt, beinlaust og fitusnyrt
150 ml mild chilisósa (t.d. Heinz)
3 hvítlauksgeirar, saxaðir smátt
½ tsk. karríduft
2 msk. olía
safi úr 1 límónu
nýmalaður pipar
salt
1 dós (250 ml) tómatmauk (purée)
Kjötið skorið í gúllasbita. Chilisósu, hvítlauk, karríi, olíu,
límónusafa og pipar blandað saman í skál, kjötið sett út í og
látið standa í kæli í a.m.k. 1 klst. Þá er kjötið tekið úr leginum
en hann geymdur. Kjötið saltað og þrætt upp á teina. Útigrill
eða grillið í ofninum hitað og kjötið grillað við góðan hita þar
til það hefur tekið góðan lit á öllum hliðum og er steikt í gegn.
Á meðan er kryddlögurinn settur í pott ásamt tómatmauki,
hitaður að suðu og látinn malla í 5–10 mínútur.
Bragðbætt með pipar og salti og borið
fram með kjötinu.
Njóttu þess að laða fram þinn innri snilling. Það er einfalt
mál með þessari gómsætu lambakjötsuppskrift. Það er
alltaf sérstök stemning sem fylgir því að borða
grillmat af pinna.
Lambakjöt
lofar alltaf
gó›u
NÝ
R BÆKLINGUR
Í
N
Æ
ST U V E R S L U
N
UPPSKRIFTIR
Chilikrydda›
lambakebab
KJÖTMARKAÐUR
Offramboð og samkeppni við aðrar afurðir leiddu til verðlækkana á nautakjöti en það
hefur verið að hækka aftur á þessu ári
KALIFORNÍA, AP Ríki Bandaríkjanna
eru 53 talsins en fáninn hefur ekki
verið uppfærður til að taka tillit til
þriggja síðustu ríkjanna – Hawaii,
Alaska og Púerto Ríkó. Seinni heims-
styrjöld hófst 1938 og henni lauk
fjórum árum síðar. Þingið skiptist í
tvennt, öldungadeildina og fulltrúa-
deildina, önnur er fyrir demókrata
en hin fyrir repúblikana.
Þetta er meðal þess sem
spænskumælandi innflytjendum
hefur verið kennt í California
Alternative High School, einka-
reknum skóla þar sem stjórnendur
segjast útskrifa fólk með náms-
gráðu sem auðveldar fólki að kom-
ast inn í framhaldsskóla, fá betri
störf og fjárhagsaðstoð. Engin af
þessum þremur fullyrðingum að
ofan stenst.
Ríki Bandaríkjanna eru 50 og
Púerto Ríkó hefur aldrei verið í
þeirra tölu. Seinni heimsstyrjöld
hófst 1939 og henni lauk 1945.
Þingið skiptist vissulega í tvennt
en demókratar og repúblikanar
sitja saman í báðum deildum þess.
Að auki hefur skólinn ekki leyfi til
að gefa út námsgráður.
Yfirvöld í Kaliforníu hafa nú
stefnt skólanum og fengið eignir
hans frystar. Þá hefur þess verið
krafist að skólinn endurgreiði
skólagjöld sín og greiði fyrrver-
andi nemendum sínum bætur. ■
Ólöglegur skóli sætir málshöfðunum:
Kenna innflytjendum
tóma vitleysu
INNFLYTJENDUR SVERJA EIÐ AÐ STJÓRNARSKRÁ
Margir innflytjendur leggja mikið á sig til að komast til Bandaríkjanna. Hrakningum þeirra
er þó fjarri því lokið þegar þangað er komið.