Fréttablaðið - 11.08.2004, Blaðsíða 12

12 11. ágúst 2004 MIÐVIKUDAGUR
ÞORSTANUM SVALAÐ Í HITANUM
Það er víðar en á Íslandi sem hitinn er
meiri en fólk á að venjast og reyndar dýrin
líka. Þessi makakíapi drakk af stút í dýra-
garðinum Fuzhou í Kína þegar hitinn
mældist 37 gráður.
Þingmenn ósáttir eftir fund með Jasser Arafat:
Víkur sér undan
umbótum
PALESTÍNA, AP Jasser Arafat, forseti
Palestínu, hefur vikið sér undan
því að staðfesta umbætur í stjórn-
kerfi landsins sem hann lofaði í
síðasta mánuði, að sögn palest-
ínskra þingmanna. Loforðin gaf
Arafat þegar allt var á suðupunkti
í palestínskum stjórnmálum og
fastar sótt að honum en áður eru
dæmi um.
Þingmenn sem funduðu með
Arafat í gær lýstu vonbrigðum
með að það eina sem hann hefði
staðfest enn sem komið var væri
að Ahmed Qureia, forsætisráð-
herra Palestínu, fengi að velja
sína eigin ráðherra. Þingmennirn-
ir sitja í nefnd sem var komið á
fót í síðasta mánuði til að setja
saman umbótaáætlun.
Þingmennirnir hafa lagt hart
að Arafat að tryggja valddreif-
ingu, undirrita lög gegn spillingu
og að heita því að endurskipu-
leggja öryggissveitirnar. Eftir
fundinn í gær sögðu þeir að þó að
Arafat hefði lýst sig fylgjandi
nokkrum breytingum sem þing-
mennirnir lögðu til hefði hann
lagst gegn öðrum. Þá hefði hann
sagst fylgjandi grundvallarlögum
palestínska heimasvæðisins og
ákvæðum þeirra um valddreif-
ingu en neitaði að láta af stjórn
ákveðinna stofnana. Þá sagði hann
ekkert ákveðið um umbætur í ör-
yggissveitunum. ■
Bush í baráttu
við staðreyndir
George W. Bush heldur því fram að efnahagsástandið í Bandaríkjunum
sé gott. Hagtölur sýna hið gagnstæða. Vont efnahagsástand í lykilríkjum
gæti reynst Bush dýrkeypt í kosningunum.
WASHINGTON, AP Síhækkandi elds-
neytisverð og lítil fjölgun starfa eru
horn í síðu George W. Bush, forseta
Bandaríkjanna, þegar tæpir þrír
mánuðir eru til forsetakosninga.
Forsetinn verður að gera upp við
sig hvort hann ætlar að viðurkenna
hin efnahagslegu vandamál eða
hvort hann ætlar að halda því til
streitu að efnahagurinn sé að batna
þegar þess sjást engin merki.
Þegar faðir forsetans, George
Bush eldri, tapaði fyrir Bill Clinton
í forsetakosningunum 1992 var það
að stórum hluta vegna þess hann
þótti ekki bera skynbragð á aðstæð-
ur hins venjulega launþega. Bush
yngri hefur lagt mikið á sig til að
sýnast betur heima í þessum efnum.
En versnandi horfur í efnahags-
málum hafa gert að engu þá við-
leitni Bush. Skoðanakannanir vest-
an hafs benda til að kjósendur hafi
mun meiri trú á því að John Kerry
muni bæta efnahagsástandið. Hafa
forystumenn demókrata lýst því
yfir að Bush sé farinn að líkjast
nátttrölli með tali sínu um batnandi
horfur í efnahagsmálum.
„Efnahagurinn stendur vel og
fer batnandi,“ sagði Bush á fundi
með fréttamönnum í Hvíta húsinu í
fyrradag. „Í þessari kosningabar-
áttu ætlum við að leggja á áherslu á
framtíðarsýn og hvernig efnahag-
urinn mun halda áfram að batna.“
Bush á hins vegar við vanda að etja
því hagtölur sýna hið gagnstæða. Í
fjóra mánuði í röð hefur hægt á
fjölgun starfa, olíuverð hefur náð
hverju hámarkinu á fætur öðru og
einkaneysla er að dragast saman. Ef
fram heldur sem horfir verður for-
setatíð Bush yngri sú fyrsta frá því
að Herbert Hoover var í Hvíta hús-
inu þar sem störfum fækkar í raun
á kjörtímabilinu. Störf í Bandaríkj-
unum eru nú 1,2 milljónum færri en
þau voru þegar Bush tók við, þrátt
fyrir að um milljón ný störf hafi
skapast.
Þessu til viðbótar segja hag-
fræðingar að Bush eigi enga ása
upp í erminni til að snúa taflinu
sér í hag. Áhrif skattalækkana í
upphafi kjörtímabilsins eru að
fjara út og bandaríski seðlabank-
inn undir forystu Alans Green-
span hefur notað öll þá ráð sem í
hans valdi stendur til að blása lífi
í glæður bandarísks efnahags.
Það sem gerir málið enn verra
fyrir Bush er að efnahagsástandið
er sýnu verst í þeim ríkjum sem
gæti ráðið úrslitum í komandi for-
setakosningum. ■
Eignaskipti hjá stærsta tímaritaútgefanda landsins:
Oddi kaupir Fróða
VIÐSKIPTI Fyrirtæki í eigu Prent-
smiðjunnar Odda, keypti í gær öll
hlutabréf í Fróða hf. Ekki er gefið
upp kaupverð.
Magnús Hreggviðsson,
stærsti eigandi og stjórnarfor-
maður Fróða, segir að evrópskt
útgáfufyrirtæki hafi sett sig í
samband við sig síðasta haust og
óskað eftir að kaupa Fróða. Hann
hafi svo gefið prentsmiðjunni
Odda færi á að kaupa þegar
samningar um sölu til útlenska
fyrirtækisins hafi verið næstum
frágengnir. Að sögn Magnúsar
var það vegna langs samstarfs
Fróða við Odda.
„Þessi bransi er bæði erfiður
og skemmtilegur,“ segir Magnús.
Hann hyggst draga úr umsvifum
sínum en heldur áfram rekstri
fasteigna sinna og fyrirtækisins
Íslensk fyrirtæki þar sem hann
verður starfandi stjórnarformað-
ur.
Að sögn Þorgeirs Baldursson-
ar, forstjóra Odda, eru ekki fyrir-
hugaðar breytingar á útgáfu á
vegum Fróða. Fróði gefur út fjöl-
da vikublaða og tímarita; þar á
meðal Nýtt líf, Séð og heyrt,
Mannlíf og Gestgjafann.
Þorgeir segir að í ljósi þess að
jafnvel hafi staðið til að selja fé-
lagið til útlanda þá hafi Oddi vilj-
að „hafa puttana á prentverkinu“
og það hafi verið næg ástæða til
að halda þessu inn í landinu. ■
Skrýtinn vegartálmi:
Kjúklingar
hamla umferð
SVÍÞJÓÐ, AP Loka þurfti sænskum vegi
í hátt í hálfan sólarhring vegna þess
að hann var þakinn í kjúklingum.
Nokkur þúsund kjúklingar gengu
lausir eftir að flutningabíll sem flutti
þá hvolfdi skammt frá Gautaborg.
Alls voru átta þúsund kjúklingar í
bílnum sem átti að flytja þá í slátur-
hús. Um þriðjungur kjúklinganna
drapst, flestir þegar bílnum hvolfdi
en aðrir þegar keyrt var á þá.
Lögregla brá á það ráð að loka
veginum meðan verið var að safna
kjúklingunum saman og hreinsa veg-
inn.
Ökumanninum var brugðið en
slasaðist ekki alvarlega. ■
• Farið um Hvalfjörð og uppsveitir Borgar-
fjarðar, komið við í Reykholti, Húsafelli;
farið um Kaldadal til Þingvalla.
• Nesjavallavirkjun skoðuð.
• Koma til Reykjavíkur verður ekki síðar
en kl. 20:00.
Aðalfararstjóri verður Jónína Bjartmarz
alþingismaður.
Ýmsar uppákomur verða í ferðinni á völdum
stöðum fyrir bæði börn og fullorðna.
Bókanir og nánari upplýsingar í síma
540 4300 fyrir kl. 16 fimmtudaginn
12. ágúst n.k.
Allir hjartanlega velkomnir.
Sumarferð
framsóknarmanna í Reykjavík
laugardaginn 14. ágúst n.k.
ARAFAT AÐ FUNDI LOKNUM
Palestínuforseti er sagður hafa sent tveim-
ur helstu andstæðingum sínum skilaboð
um að þeir gætu fengið sæti í palestínsku
heimastjórninni.
TÍMARIT FRÓÐA
Fróði er langstærsti útgefandi tímarita á Ís-
landi.
SKIPSTJÓRINN FISKAR EKKI
George W. Bush hefur á brattann að sækja í efnahagsmálum þegar tæpir þrír mánuðir eru til forsetakosninga. Hann reyndi þó að fiska
undan ströndum Maine um nýliðna helgi.
FR
ÉT
TA
B
LA
Ð
IÐ
/A
P