Fréttablaðið - 11.08.2004, Blaðsíða 14

14 11. ágúst 2004 MIÐVIKUDAGUR
MUNIÐ EFTIR SÚDAN
Hópur Súdana sem býr í Þýskalandi efndi
til mótmælastöðu í Berlín. Þar settu þeir
meðal annars upp spýtuvirki í líki leg-
steina. Fólkið vildi vekja athygli á mann-
réttindabrotum í heimalandi sínu og krefst
aðgerða til úrbóta.
Samgöngunefnd Reykjavíkur:
Aukinn forgangur
strætisvagna
SAMGÖNGUR Samgöngunefnd
Reykjavíkur tekur jákvætt í til-
lögur Strætó bs. að forgangi í
borgarumferðinni. Nefndin
lýsti á fundi sínum í gær
ánægju með heildarendurskoð-
un á leiðakerfi Strætó bs.
Í bókun nefndarinnar kemur
fram að hún telji tillögur
Strætó „í samræmi við sam-
komulag sveitarfélaganna um
stofnun Strætó bs. og ennfrem-
ur í anda umhverfisstefnu
borgarinnar og alþjóðlegra
skuldbindinga“.
Meðal þess sem Strætó bs.
vill láta skoða varðandi forgang
vagna fyrirtækisins í umferð-
inni er að akgrein á nýrri
Hringbraut og á Miklubraut
þar sem þrjár akgreinar eru í
hverja átt, verði tekin undir al-
menningssamgöngur. Þá fer
Strætó bs. fram á að í Lækjar-
götu verði útbúin sérakrein
fyrir strætisvagna, frá Vonar-
stræti í norðri og að Hverfis-
götu í suðri. ■
Samið einu
sinni á 10 árum
Aðeins einu sinni á síðasta áratug hafa sjómenn
og útvegsmenn samið um kjaramál sín á milli.
Sjómenn hafa verið rúmlega90 daga í verkfalli í fjórum
síðustu kjaradeilum. Verkföllin
hafa þrisvar verið stöðvuð með
lagasetningu stjórnvalda. Að-
eins einu sinni hafa sjómenn og
útvegsmenn samið sín á milli
án inngripa stjórnvalda síðasta
áratuginn. Báðir deilendur telja
verkfallstöðvun koma í veg
fyrir að farsæl lausn finnist á
kjaraviðræðum þeirra. Þeim
hafa verið lagðar línurnar af
stjórnvöldum í fimmtu kjara-
deilu sinni sem staðið hefur frá
áramótum. Árni Mathiesen
sjávarútvegsráðherra útilokar
lagasetningu á hugsanlegt
verkfall. Árni segir sjávarút-
veg ekki hafa sama vægi fyrir
þjóðarbú landsins nú og fyrir
þremur árum sem sé ástæða
niðurstöðunnar. Þeir verði að
leysa deiluna sjálfir.
Ekki miðar í samningsátt á
fundum deilenda og taka for-
svarsmenn Sjómannasambands
Íslands orðum sjávarútvegs-
ráðherra með vara. Sævar
Gunnarsson, formaður SSÍ, seg-
ir sjávarútvegsráðherra kom-
inn í sama far og árið 2001.
Hann dragi dilk útvegsmanna.
„Þetta eru ný rök sem ég
fanga ef hann heldur þeim til
streytu,“ segir Sævar.
Hólmgeir Jónsson, fram-
kvæmdastjóri SSÍ, vonar að
sjávarútvegsráðherra standi
við orð sín. Hann sé brenndur
af fyrri loforðum sjávarútvegs-
ráðherra sem hafi sagt það
sama í tveimur síðustu deilum
og ekki staðið við. „Ef til þess
kemur að menn fari í verkfall
þá ætla ég að vona að hann
standi við þessi orð.“
Viðræður alltaf leitt til verk-
falls
Síðasta áratug hafa viðræður
sjómanna og útvegsmanna
alltaf leitt til verkfalls. Sjó-
menn hófu verkfall í ársbyrjun
1994 sem hafði staðið í 13 daga
þegar lög stjórnvalda stöðvuðu
það. Samningar voru lausir
tæpu ári síðar og verkfall sjó-
manna árið 1995 stóð frá 25.
maí til 15. júní. Þá náðu deilend-
ur sögulegu samkomulagi sín á
milli.
Eftir árangurslausar kjara-
viðræður árið 1998 efndu sjó-
menn til verkfalls 3. febrúar.
Því var frestað viku síðar af
sjómönnum til björgunar loðnu-
afla sem varð að koma í vinnslu
á landi en hófst aftur 15. mars.
Það endaði með lagasetningu
stjórnvalda þremur vikum
Kópavogsbúi:
Á snjósleða
úti á götu
LÖGREGLUMÁL Eigandi snjósleða
ákvað að prófa gripinn úti á
götu nærri heimili sínu í ein-
muna veðurblíðu í Kópavogi í
gær. Lögreglu var tilkynnt um
atburðinn og var maðurinn á
heimili sínu að bóna sleðann
þegar hana bar að.
Maðurinn hafði nýlega keypt
sleðann og ákvað að prófa hann
þegar í stað. Hann keyrði göt-
una Álfaheiði frá heimili sínu
og til baka með þeim afleiðing-
um að hjólför komu í götuna.
Hann má eiga von á sekt fyrir
athæfið. ■
■ ÍSLENSKUR IÐNAÐUR
Líbíustjórn:
Bætur fyrir
sprengjuárás
ÞÝSKALAND, AP Líbíustjórn hefur
samþykkt að greiða bætur fyrir
sprengjuárás sem var gerð á
skemmtistað í Berlín árið 1986 og
með því opnað fyrir bætt samskipti
landanna segja þýskir embættis-
menn.
Þýska stjórnin og þýsk fyrirtæki
eru nú reiðubúin að taka þátt í endur-
skipulagningu líbísks efnahagslífs að
sögn embættismanna. Að auki hefur
Gerhard Schröder, kanslari Þýska-
lands, þegið boð Moammar Gaddafí
Líbíuleiðtoga um að koma í opinbera
heimsókn. Engin dagsetning hefur þó
verið sett á þá heimsókn. ■
Starfsmöguleikar:
Innkaupastjóri
Útlitsráðgjafi
Stílisti
Verslunarstjóri
1. Önn
Litgreining
Förðun út frá litgreiningu
Litasamsetning
2. Önn
Fatastíll
Fatasamsetning
Textill
Stundaskrá
The Academy of Colour and Style er alþjóðlegur
skóli sem kennir útlitsráðgjöf. Námið byggir á
helstu atriðum útlitshönnunar og er meðal annars
tekið fyrir litgreining, fatastíll og textill. Eftir nám
fá nemendur alþjóðlegt diplóma í útlitsráðgjöf
(fashion consultant).
Starfsmöguleikar eftir nám eru margir og spennandi
og geta nýst á ýmsum sviðum og atvinnugreinum.
Hver önn tekur þrjá mánuði og fylgja öll kennslugögn
með náminu. Kennsla fer fram í Iðnskólanum í
Reykjavík einu sinni í viku frá 18-21.
UPPLÝSINGAR OG SKRÁNING Í SÍMA 533-5101 INNRITUN ER HAFIN FYRIR HAUSTÖNN
Kristín, ráðgjafi
Ég hef mikin áhuga á að
starfa með fólki, veita
ráðgjöf varðandi fatnað,
liti og förðun sem hentar
hverjum og einum. Mér
finnst námið bæði lifandi
og skemmtilegt sem einnig hefur opnað margar
dyr til frekari náms á þessu sviði.
Ragnheiður, ráðgjafi
Ég hef alltaf haft áhuga
á tísku og útliti. Námið
opnaði mér nýja sýn á
þetta áhugamál mitt.
Auk þess er það mér
mikils virði í tengslum við starf mitt.
Svava,
innkaupastjóri Isis
Í því starfi sem ég er í þá
þarf að hafa góða
þekkingu á fata-
samsetningu og
tískustraumum til þess að velja rétta fatnaðinn
og stærðir fyrir íslenskan markað.
Námið hefur nýst mér mjög vel og gefur mikla
framtíðarmöguleika.
STRÆTISVAGNAR
Stundum getur verið þröngt um strætis-
vagna í borginni. Strætó bs. hefur farið
fram á það við samgöngunefnd Reykjavík-
ur að hugað verði að auknum forgangi
vagna í borgarumferðinni.
TIL HAFNAR
Sjómenn semja um hlut af aflaverðmæti skipanna. Launin fara aldrei niður fyrir 127 þúsund á mánuði sem er trygging. Með
nýrri tækni um borð í skipum og endurnýjun geta sjómenn átt von á miklum launahækkunum vegna aflagetu skipanna. Það
vilja útvegsmenn að tekið sé tillit til í kjaraviðræum.
HÓLMGEIR JÓNSSON
Segir að sé horft til sögunnar hafi kjaraviðræður sjó-
manna og útvegsmanna gengið eins fyrir sig síðustu
ár. Árið 200 hafi verkfall hafist 12 mánuðum eftir að
samningar runnu út. Nú séu liðnir átta mánuðir.
JÁRNBLENDIÐ BORGAR UPPBÓT
Í ágústbyrjun fengu starfsmenn
Íslenska járnblendifélagsins 6,7
milljóna króna launauppbót
vegna hagnaðar fyrirtækisins.
Starfsmennirnir deildu við Járn-
blendið um hve stór hluturinn
ætti að vera, en málið leystist
fyrir milligöngu Verkalýðsfélags
Akraness, að því er segir á vef-
síðu verkalýðsfélagsins. Um 60
manns vinna hjá Járnblendinu.