Fréttablaðið - 13.08.2004, Blaðsíða 2

ÓBREYTTIR BORGARAR Í ELDLÍNUNNI
Bandarískir hermenn beina byssum sínum að óbreyttum borgurum á meðan á stórsókn þeirra inn í Najaf stóð í gær.
2 13. ágúst 2004 FÖSTUDAGUR
Lögmaður Hannesar Hólmsteins:
Krossferð gegn Hannesi
DÓMSMÁL „Hannes er umdeildur
maður í þjóðfélaginu og innan
Háskólans og telur sjálfur að
krossferð hafi verið í gangi gegn
honum,“ sagði Jón Steinar Gunn-
laugsson, lögmaður Hannesar
Hólmsteins Gissurarsonar, í dóm-
sal í gær er málflutningur fór
fram í lögbannsmáli Hannesar
gegn Siðanefnd Háskóla Íslands.
„Nú hafi menn, sem hann hefur
kannski vikið einhverju orði að í
beittum ádeilum á vettvangi þjóð-
félagsins, hugsað sér gott til glóð-
arinnar og geti nú komið fram á
hendur honum einhverjum ávirð-
ingum á vettvangi þessarar nefnd-
ar. Það læðast að honum grun-
semdir um það,“ sagði Jón Steinar.
Hann sagði að hagsmunir
Hannesar væru í húfi því ef siða-
nefndin kæmist að þeirri niður-
stöðu að Hannes hefði brotið gegn
starfsreglum nefndarinnar gæti
úrskurðurinn, jafnvel þótt hann
væri löglaus, verið notaður gegn
starfsheiðri Hannesar, jafnvel þótt
dómstólar úrskurðuðu síðar að
siðanefndin hefði ekki rétt á að
fjalla um málið.
Hannes hefur höfðað mál á
hendur siðanefndinni þar sem
hann fer fram á að kæru dætra
Halldórs Laxness til siðanefndar
vegna bókar Hannesar um
nóbelskáldið verði vísað frá.
Málið verður þingfest 2. septem-
ber, en lögbannskrafan snýst um
það hvort siðanefndin fái að fjalla
um kæruna á hendur Hannesi
áður en dómstólar fella úrskurð
um frávísunarkröfuna. Sýslumað-
ur hafnaði beiðninni í lok síðasta
mánuðar.
Gestur Jónsson, verjandi siða-
nefndarinnar, krafðist frávísunar.
Búist er við úrskurði héraðsdóms í
næstu viku. ■
Stórsókn hafin
gegn al-Sadr
Bandarískar og íraskar hersveitir hófu stórsókn inn í Najaf í gær. Þeimtókst
ekki að hafa hendur í hári Muqtada al-Sadrs. Kveða á niður uppreisn
sjíamúslima. Uppreisnarmenn verjast í helgustu byggingum Najaf.
NAJAF, AP Bandarískar hersveitir
gripu í tómt þegar þær réðust til
inngöngu á heimili sjíaklerksins
Muqtada al-Sadr í borginni Najaf í
Írak í gær. Harðir bardagar
geisuðu í Najaf eftir að stórsókn
íraskra og bandarískra hersveita
hófst þar snemma í fyrrinótt.
Með árásinni vilja Bandaríkja-
menn og bráðabirgðastjórnvöld í
Írak ráða niðurlögum andspyrnu-
hreyfingar al-Sadr í Najaf og
kveða þar með niður uppreisn
sjíamúslima í Írak. Óljóst er um
afdrif al-Sadrs en hann hvatti í
fyrradag liðsmenn sína til að berj-
ast til síðasta manns.
Ayad Allawi, forsætisráðherra
Íraks, hvatti uppreisnarmenn í
gær til að leggja niður vopn og
yfirgefa miðborg Najaf þar sem
þeir hafast við í helgum bygging-
um. Bandaríkjamenn staðfestu í
gær að Allawi þyrfti að heimila
sérstaklega að ráðist yrði til at-
lögu við uppreisnarmenn í hinum
helgu byggingum og að einungis
íraskar hersveitir myndu taka
þátt í slíku áhlaupi.
Þúsundir bandarískra her-
manna tóku þátt í árásinni á
Najaf í gær. Bandarísk hermála-
yfirvöld takmörkuðu mjög frétta-
flutning frá Najaf í gær en árásin
hófst með því að skriðdrekar
Bandaríkjamanna mynduðu fylk-
ingu í kirkjugarði í útjaðri borg-
arinnar, herþyrlur sveimuðu yfir
og skyttur komu sér fyrir á hús-
þökum. Uppreisnarmenn vörðust
með sprengjuvörpum en hörfuðu
innar í borgina eftir því sem á
leið.
Mannfall varð í röðum
óbreyttra borgara en þeir höfðu
verið hvattir til að yfirgefa borg-
ina áður en árásin hófst. Engar
fregnir bárust af mannfalli í röð-
um stríðandi fylkinga. Harðir bar-
dagar geisuðu víðar um Írak í gær
og féllu hundruð manna. Stjórn-
völd í arabaríkjum og Íran hvöttu
í gær til að bardögum í hinni
helgu borg Najaf yrði hætt. ■
Tryggingamiðstöðin:
Hagnast um
208 milljónir
VIÐSKIPTI Tryggingamiðstöðin
hagnaðist um 208 milljónir
króna á öðrum
ársfjórðungi.
Það sem af er
ári hefur félag-
ið hagnast um
1.301 milljón
en á sama tíma
í fyrra var hagnaðurinn 333
milljónir króna.
Stærstur hluti hagnaðarins er
til kominn vegna fjármálastarf-
semi en afkoma vátrygginga-
starfsemi er verri en greiningar-
deildir bankanna höfðu gert ráð
fyrir. Hagnaður af þeim hluta
rekstrarins var 64 milljónir á
síðasta ársfjórðungi samanborið
við 171 milljón í fyrra.
Þar hefur strand frystitogar-
ans Baldvins Þorsteinssonar
áhrif, að því er fram kemur hjá
greiningardeild Landsbankans.■
„Ætli það megi ekki segja það.“
Guðrún Dögg Guðmundsdóttir var við nám í
Friðarháskóla Sameinuðu þjóðanna á Kosta Ríka í
vetur. Hún hefur nú tekið við starfi framkvæmda-
stjóra Mannréttindaskrifstofunnar.
SPURNING DAGSINS
Guðrún Dögg, þurfti að senda þig í
sérstakan háskóla svo þú lærðir að
vera til friðs?
Fullorðin kona:
Tuskaði
dreng til
LÖGREGLA Fullorðin kona tuskaði
ellefu ára dreng til skammt frá
félagsmiðstöðinni Hólmaseli í
Seljahverfi í gærdag.
Drengurinn var ásamt öðrum
krökkum úti við leik og voru börn-
in með læti. Kona fór að skipta sér
af látunum og krakkarnir tóku að
kalla konuna öllum illum nöfnum.
Á endanum fauk í konuna og hún
tuskaði einn drenginn til. Starfs-
menn hjá fyrirtæki í nágrenninu
kölluðu á lögreglu. ■
Laugardagar á Hótel Örk
Hótel Örk. Paradís rétt handan við hæðina! Sími: 483 4700
14.500,- krónur
Lyklar seldir í Reykjavík á Hótel Cabin, Borgartúni 32 í síma 511-6030.
Sendum í póstkröfu.
Fleiri lyklatilboð á Hótel Örk á www.hotel-ork.is

www.hotel-ork.is Gisting fyrir tvo ásamt
þriggja rétta kvöldverði og
morgunverðarhlaðborði.

Blómstrandi dagar í Hveragerði 12. - 14. ágúst.
Skemmtidagskrá í bænum alla helgina.

Íslandsbanki:
Kaupir í
Noregi
VIÐSKIPTI Íslandsbanki hefur
keypt 19 prósenta eignarhlut í
norska bankanum Kredittbanken
í Noregi. Íslandsbanki ætlar að
gera öllum hluthöfum tilboð og
eignast allt hlutafé.
Að því er fram kemur í frétt
frá Íslandsbanka sérhæfir
Kredittbanken sig í þjónustu við
lítil og meðalstór fyrirtæki í Ála-
sundi og ná-
grenni. Meðal
viðskiptavina er
fjöldi sjávarút-
vegsfyrirtækja
á vesturströnd
Noregs.
Hjá norska
b a n k a n u m
starfa 25 manns
og hljóðar yfir-
tökutilboð Ís-
landsbanka upp
á 3,5 milljarða
íslenskra króna. ■
Og Vodafone:
Kaupir öll hlutabréf Margmiðlunar
VIÐSKIPTI Fjarskiptafyrirtækið Og
Vodafone keypti í gær öll hlutabréf í
Margmiðlun fyrir 310 milljónir
króna. Af því eru 150 milljónir
greiddar með peningum.
Margmiðlun hefur um tíu ára
skeið starfað sem netþjónustufyrir-
tæki og átti meðal annars í marg-
þættu samstarfi við Og Vodafone og
Símann. Fyrir skemmstu hóf fyrir-
tækið að veita almenna símaþjón-
ustu í samkeppni við Og Vodafone og
Símann.
Óskar Magnússon, forstjóri Og
Vodafone, segir markmið fyrirtæk-
isins ekki að kaupa upp samkeppni.
„Það var frekar hægt að tala um
samstarf milli Og Vodafone og
Margmiðlunar en samkeppni. Síma-
þjónusta Margmiðlunar var aðeins
brot af starfsemi fyrirtækisins og
ekki ástæðan fyrir kaupunum.“
Óskar segir kaupin vera fyrst og
fremst af hagkvæmnisástæðum.
Margt sem gert var innan félaganna
tveggja mátti gera á einum stað og
með færra starfsfólki. Um tuttugu
manns unnu hjá Margmiðlun og er
ljóst að starfsfólki verður fækkað. ■
SETTU SVIP Á BÆINN
Stuðningsmenn skoska liðsins Dunferm-
line naut sín í miðbæ Reykjavíkur í gær.
Skoskir fótbolta-
áhugamenn:
Hin besta
skemmtun
SUÐNINGSMENN „Þetta er í fyrsta
sinn í tæp 40 ár sem liðið nær svona
langt í alþjóðlegri keppni og það er
tilefni fagnaðar,“ segir Rodney
Shearer, einn af eigendum skoska
knattspyrnuliðsins Dunfermline.
Fjöldi aðdáenda þessa litla félags
með rætur sínar skammt frá Edin-
borg hefur sett svip á höfuðborgina
undanfarna daga. Skotapils voru
hversdagsleg sjón og frá knæpum
heyrðust skoskir baráttusöngvar
sem yfirgnæfðu íslenska trúba-
dora.
Rodney segir fá félög eiga jafn
dygga stuðningsmenn og Dunferm-
line og gott dæmi um það sé að
leigja þurfti tvær flugvélar til að
koma öllum þeim til landsins sem
áhuga höfðu á að sjá leikinn. ■
SPÁR UM
AFKOMU TM
KB banki 195 millj.
Landsbanki Engin spá
Íslandsbanki 180 millj.
Niðurstaða 208 millj.
UNDIRRITUN SAMNINGA
Um 20 manns vinna hjá Margmiðlun og ljóst er að starfsfólki verður fækkað eftir kaupin.
JÓN STEINAR GUNNLAUGSSON LÖGMAÐUR
„Hannes er umdeildur maður í þjóðfélaginu og telur að krossferð sé í gangi gegn sér.“.
FR
ÉT
TA
B
LA
Ð
IÐ
/A
P
ÍSLANDSBANKI
Stefnir að yfirtöku
norska bankans
Kredittbanken.