Fréttablaðið - 13.08.2004, Blaðsíða 16

16 13. ágúst 2004 FÖSTUDAGUR
FRUMBYGGJADAGURINN
Alþjóðlegi frumbyggjadagurinn var haldinn
hátíðlegur í gær og fögnuðu meðlimir ætt-
flokks í Bangladess deginum með viðeig-
andi hætti.
Mikil eftirspurn eftir íbúðarhúsnæði á Reyðarfirði:
Leiguverð svipað og á höfuðborgarsvæðinu
ATVINNUMÁL „Það fær enginn íbúð
hér eða í grenndinni fyrir minna en
70-80 þúsund krónur á mánuði,“
segir Hannes Guðmundsson, íbúi á
Reyðarfirði. Gríðarleg eftirspurn
er eftir húsnæði á svæðinu nú þeg-
ar uppbygging álvers í firðinum er
að hefjast og heyrast dæmi um að
einbýlishús á svæðinu leigist fyrir
allt að 200 þúsund krónur á mánuði.
Hannes keypti lóð og hóf bygg-
ingu einbýlishúss þegar ljóst varð
að álver yrði að veruleika í firðin-
um. „Ég gæti sem best ímyndað
mér að leiguverð hér á þessum slóð-
um sé að verða eða orðið jafn hátt
og í þéttbýlinu fyrir sunnan. Þrátt
fyrir þetta er ekki mikið byggt eins
og sakir standa og mig grunar að
vandræði verði með húsnæði þegar
nær dregur.“
Sveitarstjórn Fjarðabyggðar
hækkaði lóðagjöld verulega
skömmu eftir að samningar við
Alcoa höfðu verið undirritaðir og
segist Hannes hafa fengið bakreikn-
ing upp á hálfa milljón króna eftir
að hann hóf að byggja. „Það kom sér
illa enda talsverðir peningar. Það
var lítið annað að gera en að kyngja
því. Ég byggði mér hús frá fyrir-
tæki hér í bænum, Eikarsmiðjunni,
og vann mikið í því sjálfur. Kostnað-
urinn er í kringum 18 milljónir, sem
er litlu ódýrara en að byggja sam-
bærilegt hús í Reykjavík.“ ■
Ráðherrar ósammála
um fiskveiðistefnu
Forsætisráðherra Svíþjóðar hefur lýst yfir stuðningi við hugmyndir Íslendinga um sjálfstjórn
fiskveiða ef sótt yrði um aðild að Evrópusambandinu. Sjávarútvegsráðherra Bretlands segir fullt
vald aðildarríkis yfir fiskimiðum innan Evrópusambandsins útilokað.
Opera Software í Noregi:
Sáttagreiðsla upp á tæpan milljarð
Ben Bradshaw, sjávarútvegsráð-
herra Bretlands, segir að aðild Ís-
lendinga að Evrópusambandinu
myndi kosta okkur afsal á stjórn
fiskveiða.
„Ef sérstök undanþága yrði gerð
fyrir Íslendinga sem gæfi ykkur
fullt vald yfir fiskimiðunum yrði
mjög erfitt að neita öðrum aðildar-
ríkjum ESB um hið sama. Það myndi
leiða til þess að sameiginleg fisk-
veiðistefna ESB liðaðist í sundur.
Það er þörf á sameiginlegri fisk-
veiðistefnu og ef hún væri ekki til
staðar þyrfti að koma henni á. Við
verðum að vernda fiskistofnana í
samvinnu við önnur lönd sem veiða
þá,“ segir Bradshaw.
Hann segir að mjög erfitt yrði að
samþykkja að Íslendingar fengju
fullt forræði yfir fiskimiðunum.
„Einfaldlega vegna þess að ég sé
það ekki gerast að ESB myndi koma
á 200 mílna lögsögu fyrir öll aðildar-
ríki. Það sem við sjáum fyrir okkur
er mun frekar það að breytingarnar
á fiskveiðistefnunni verði til þess að
hún verði sveigjanlegri og betur
verði hægt að sníða hana að þörfum
hvers og eins,” segir Bradshaw.
„Ef við getum sýnt fram á það
að innan fiskveiðistefnu ESB sé
fiskveiðistjórnunarkerfi sem stuðli
að sjálfbærum fiskistofnum og
arðsömum sjávarútvegi, verður
vænlegt fyrir Íslendinga að taka
VIÐSKIPTI Hugbúnaðarfyrirtækið
Opera Software í Noregi, sem
Íslendingurinn Jón S. von
Tetzchner stýrir, fékk greiddar
á árinu rúmlega 900 milljónir
króna í sáttagreiðslu í dóms-
máli. Ekki fást nánari upplýs-
ingar um tilurð greiðslunnar en
Michelle Valdivia, upplýsinga-
fulltrúi Opera, segir að ákvæði
sáttarinnar komi í veg fyrir að
fyrirtækið tjái sig frekar um
málið.
Það sem af er ári nema heild-
artekjur Opera því tæplega 1,4
milljörðum íslenskra króna, eða
um 132,5 milljónum norskra.
Hálfsársuppgjör Opera var birt
í gær.
Tekjur af hefðbundinni starf-
semi aukast um 20,5 prósent
milli ára. Tekjur af starfsemi
fyrirtækisins námu á fyrsta
helmingi ársins rúmum 242
milljónum íslenskra króna (23,2
milljónum norskum) en á sama
tíma í fyrra námu þær rúmum
200 milljónum íslenskra króna.
Fyrir skatta (EBIT) er hagnaður
af starfsemi Opera upp á um 940
milljónir íslenskra króna sam-
anborið við 25 milljón króna tap
á sama tíma í fyrra.
„Við búumst við auknum tekj-
um í kjölfar aukinna umsvifa
fyrirtækisins bæði í sölu og á
markaði,“ er í tilkynningu haft
eftir Jóni S. von Tetzchner, for-
stjóra fyrirtækisins. ■
Brasilísk stjórnvöld:
Framleiða
smokka
BRASILÍA, AP Brasilíska ríkisstjórn-
in opnar eigin smokkaverksmiðju
á næsta ári. Ríkisstjórnin vill með
þessu leggja sitt af mörkum í bar-
áttunni gegn útbreiðslu alnæmis í
landinu.
Í upphafi er áætlað að verk-
smiðjan framleiði milljón smokka
og verður þeim öllum dreift frítt.
Til þessa hafa hundruð milljóna
smokka verið keypt árlega frá
kínverskum og þýskum smokka-
verksmiðjum til dreifingar í Bras-
ilíu án endurgjalds. Ekki er vitað
hversu mikinn sparnað eigin
verksmiðja kemur til með að hafa
í för með sér. ■
TAÍLENSKA DROTTNINGIN
Átti afmæli í gær og náðar tíu prósent
fanga landsins í tilefni þess.
Drottningarafmæli:
Þúsundum
fanga sleppt
BANGKOK, AP Tíu þúsund fangar
voru náðaðir og veitt frelsi í
Taílandi vegna afmælis drottning-
ar landsins. Á næstu tveimur
mánuðum verður fimmtán þús-
und föngum til viðbótar sleppt
lausum. Drottningin átti 72 ára af-
mæli í gær.
Náðunin nær aðeins til fanga
sem eiga eftir að afplána minna
en ár, eru sekir um smáglæpi eða
hafa sýnt góða hegðun í fangavist-
inni. Um það bil 250 þúsund fang-
ar dvelja í taílenskum fangelsum
og er mikill skortur á fangarými í
landinu, sérstaklega vegna átaks
gegn fíkniefnabrotum. ■
FR
ÉT
TA
B
LA
Ð
IÐ
/A
P
HANNES GUÐMUNDSSON
Segir leiguverð á Reyðarfirði orðið jafn hátt og stundum hærra en á höfuðborgarsvæðinu.
FR
ÉT
TA
B
LA
Ð
IÐ
/M
YN
D
/G
VA
FR
ÉT
TA
B
LA
Ð
IÐ
/S
IG
RÍ
Ð
U
R
D
. A
U
Ð
U
N
SD
Ó
TT
IR
FORSTJÓRI OPERA SOFTWARE
Íslendingurinn Jón Stephenson von
Tetzchner er forstjóri og annar stofnenda
norska hugbúnaðarfyrirtækisins Opera
Software.
BEN BRADSHAW
„Ef sérstök undanþága yrði
gerð fyrir Íslendinga sem gæfi
ykkur fullt vald yfir fiskimiðun-
um yrði mjög erfitt að neita
öðrum aðildarríkjum ESB um
hið sama. Það myndi leiða til
þess að sameiginleg fiskveiði-
stefna ESB liðaðist í sundur.“
GÖRAN PERSSON
„Við þurfum að láta reyna á það hvernig hugmyndinni verður tekið innan Evrópu-
sambandsins. Við þurfum að kynna hana vel fyrir öðrum Evrópusambandsríkjum
og leita eftir stuðningi við hana.“
Göran Persson, forsætisráð-
herra Svíþjóðar, segist munu
kynna sjónarmið Íslendinga um
eigin stjórn fiskveiða innan
Evrópusambandsins og veita
því stuðning sinn.
„Við þurfum að láta reyna á það
hvernig hugmyndinni verður tekið
innan Evrópusambandsins. Við
þurfum að kynna hana vel fyrir
öðrum Evrópusambandsríkjum og
leita eftir stuðningi við hana. Þetta
er áræðin hugmynd, við erum ekki
á móti þessu, en það verður ekki
auðvelt að fá þetta í gegn,“ segir
Persson.
Hann segir það afar mikil-
vægt fyrir hin Norðurlöndin að
Ísland og Noregur gangi í Evr-
ópusambandið.
„Þegar kemur að því að taka
ákvarðanir innan ESB skiptir
stærð landsins engu máli, heldur
það hve margir þeirra sem taka
þátt í ákvörðunarferlinu eru sama
sinnis. Norðurlandaþjóðirnar eru á
margan hátt líkar. Okkur er um-
hugað um jafnrétti kynjanna, um-
hverfismál og velferðarkerfið og
við erum framfarasinnuð. Það er
mikilvægt fyrir alla Evrópu að
fleiri styðji þessa stefnu. Við þurf-
um á Íslendingum og Norðmönnum
að halda í Evrópusambandinu,“
segir Persson.
sda@frettabladid.is
Aðild kostar afsal Vill kynna sjónarmiðin