Fréttablaðið - 13.08.2004, Blaðsíða 38
Eins og við vitum öll er maður að
taka smá séns þegar maður velur
sér að fara á kvikmynd sem gerð
er um ofurhetjur myndasagnanna.
Stundum sprengja þær af manni
hausinn, eins og í tilfelli Spider-
Man, Blade og X-Men myndanna,
en of oft missa hetjurnar sjarma
sinn við ferðalagið á milli mynda-
sögu- og filmurammans. Nægir að
nefna DareDevil í því samhengi.
Hellboy er samt fremur óþekkt
myndasöguhetja, þó svo að hún
eigi sér hóp dýrkenda á meðal
myndasöguáhugamanna. Það kom
því heldur betur á óvart þegar
myndin skaust rakleiðis í efsta
sæti bandaríska bíólistans auk
þess sem hún fékk glimrandi dóma
gagnrýnenda.
En hver í fjandanum er Hell-
boy? Sonur Satans? Næstum því.
Hellboy (Ron Perlman) er
fæddur í logum helvítis en hann
er samt einn af góðu gæjunum.
Það má hann þakka uppeldinu.
Hann var fluttur til jarðarinnar
sem kornaskrímsli (kornabarn?
hmm?) af hinum illa bráðgáfaða
brjálæðingi Grigori Rasputin á
tímum síðari heimsstyrjaldarinn-
ar. Honum var þá ætlað það hlut-
verk að ýta af stað heimsendi þeg-
ar hann yxi úr grasi. Til allrar
lukku var honum bjargað af
bandamönnum í stríðinu og tók
Prófessor Broom (John Hurt)
rauða snáðann upp á sína arma.
Hann ól hann upp sem son sinn og
kenndi honum sitt siðferði.
Hellboy er því starfsmaður rík-
isstjórnarinnar eða leynilegs hluta
hennar sem sér um að takast á við
yfirnáttúrulegar hættur sem al-
menningur fær aldrei að vita af.
Eins og allar vitrænar skepnur
veltir Hellboy sér meira og meira
upp úr tilveru sinni og tilgangi hér
á jörðu og hvort hann sé nokkur ef
út í það er farið. Enda er hann af-
sprengi helvítis þegar allt kemur
til alls.
Hellboy berst því við myrkra-
völdin og ver jarðarbúa fyrir yfir-
vofandi hættum. Fær svo auðvitað
ekkert þakklæti fyrir þar sem eng-
inn veit af tilvist hans. Hellboy er
ekki eini baráttumaður hins góða í
þágu ríkisstjórnarinnar og það
sem meira er, hann er ástfanginn
af öðrum útsendara. Hún heitir Liz
Sherman (Selma Blair), er svaka-
skutla og býr yfir ógnvekjandi of-
urkröftum sem henni líkar ekkert
sérstaklega við að hafa. Helst vildi
hún bara lifa venjulegu lífi.
Í myndinni reynir hinn illi
Grigori Rasputin (Karel Roden)
áfram að eyða heiminum og Hell-
boy og hans teymi er það eina sem
getur komið okkur mönnunum til
bjargar. ■
30 13. ágúst 2004 FÖSTUDAGUR
Hver í fjandanum er Hellboy?
FRUMSÝNDAR UM HELGINA
(DÓMAR Í ERLENDUM MIÐLUM)
HELLBOY Búinn að saga af sér hornin og reynir hvað hann getur til þess að berjast fyrir réttlætið... þótt hann sé afsprengi Satans.
NICOLE KIDMAN Kidman fer með aðal-
hlutverkið í myndinni The Stepford Wives
sem er komin í bíó hérlendis.
Dr. Emmett Brown: I'm sure in 1985, plutonium is available at every corner drugstore, but
in 1955 it's a little hard to come by.
- Yngri útgáfan af Dr. Emmett Brown reynir að útskýra fyrir tímaferðalangnum Marty McFly
að hann sé strandaglópur á árinu 1955 í myndinni Back to the Future, frá árinu 1985.
Gamanmyndin The Stepford
Wives er endurgerð samnefndrar
myndar frá árinu 1975. Myndin er
gerð eftir sögu Ira Levin og er
ádeilda á stöðluð hlutverk hús-
mæðra á sjötta áratugnum í
Bandaríkjunum.
Sagan hefur nú verið færð inn í
nútímann. Fjallar hún um par á
Manhattan, Joanna (Nicole Kid-
man) og Walter (Matthew Broder-
ick), sem bæði vinna fyrir sjón-
varpsstöð. Joanna framleiðir
raunveruleikaþætti og hefur mun
meiri tekjur en Walter, sem er
lægra settur í starfi. Joanna fær
taugaáfall og í kjölfarið flytja þau
til hins „fullkomna“ bæjar Step-
ford í Connecticut. Þar eru kon-
urnar algjörlega undirgefnar
körlunum og virðast hafa undar-
lega mikla ánægju af því að sinna
heimilisstörfunum og halda útlit-
inu í lagi.
Auk Kidman og Broderick fara
þau Glenn Close, Christopher
Walken og Bette Midler með stór
hlutverk í myndinni. Leikstjóri er
Frank Oz, sem meðal annar hefur
stýrt myndunum The Score, Bow-
finger og What About Bob? Hann
er einnig þekktur sem rödd Yoda í
Star Wars-myndum og rödd ung-
frú Svínku í Prúðuleikurunum. ■
Undarlegar húsmæður
HOME ON THE RANGE
Internet Movie Database - 5.8 /10
Rottentomatoes.com - 53% = Rotin
Metacritic.com - 47 /100
Entertainment Weekly - C+
Los Angeles Times - 2 stjörnur (af 5)
HELLBOY
Internet Movie Database - 6.7 /10
Rottentomatoes.com - 77% = Fersk
Metacritic.com - 70 /100
Entertainment Weekly - B
Los Angeles Times - 3 stjörnur (af 5)
THE STEPFORD WIVES
Internet Movie Database - 5.5 /10
Rottentomatoes.com - 27% = Rotin
Metacritic.com - 41 /100
Entertainment Weekly - C
Los Angeles Times - 1 1/2 stjarna (af 5)