Fréttablaðið - 13.08.2004, Blaðsíða 41
„Það eru geðfatlaðir og velunnarar
þeirra sem standa að hátíðinni í dag
en markmiðið er fyrst og fremst að
hanna lykla að betri framtíð,“ segir
Guðrún Dadda Ásmundsdóttir, ein
af aðstandendum 13. hópsins sem
stendur að hátíðinni.
Guðrún segir hátíðina mikil-
væga í starfi geðfatlaðra en hún er
nú haldin í annað skiptið. „Það er
ótrúleg tilfinning að sjá hátíðina
verða að veruleika en það er mikil-
vægt bæði fyrir hópinn og einstak-
lingana að setja sér markmið. Með
þessum áþreifanlega árangri eykst
síðan trúin á aukinn áhrifamátt,
sjálfstraustið batnar og það sannast
að ef viljinn er fyrir hendi er nánast
allt mögulegt.“
Hátíðin í dag verður ótrúlega
fjölbreytt en meðal þeirra sem
koma fram eru Benedikt búálfur og
Dídí mannabarn, KK, Karl Ágúst
Úlfsson, Elísabet Jökulsdóttir, Íris
Björg Helgadóttir, Tenderfoot og
Sumaróperan.
„Það hefur gefið hópnum aukinn
kraft hvað allir taka vel í hugmynd-
ina þegar við leitum til þeirra. Það á
ekki síst við um þá fjölmörgu
skemmtikrafta sem ætla að koma
fram á hátíðinni, við höfum ekki
orðið fyrir fordómum frá neinum,“
segir Guðrún Dadda og bætir því
við að verndari hátíðarinnar, Þórólf-
ur Árnason borgarstjóri, hafi verið
ótrúlega hjálplegur. „Það má segja
að það sé honum að þakka að hátíð-
in dó ekki út. Hann hefur verið svo
hvetjandi og tekið vel í allar hug-
myndir að við höfum aldrei trúað
öðru en að allt gangi upp.“ Hátíðin
er meðal annars styrkt af Reykja-
víkurborg og segir Guðrún þann
stuðning ómetanlegan.
„Ég upplifi líka mikinn mun á því
að leyfa fólki að takast á við raun-
veruleg verkefni sem enda með
mjög sýnilegum árangri. Það er
mun áhrifaríkara og nauðsynlegt
fyrir þá sem eru lengra komnir,“
segir Guðrún Dadda að lokum.
Hátíðin hefst í dag klukkan 15 á
Ingólfstorgi og stendur til 18.
Hoppukastali verður fyrir börnin á
svæðinu og fjölmörg skemmtiatriði
verða í boði. ■
FÖSTUDAGUR 13. ágúst 2004
■ TÓNLIST
■ SUMARHÁTÍÐ
„Allra hörðustu kammertón-
listarunnendurnir eru fasta-
gestir sem kaupa sig inn á
alla tónleikana og panta gist-
ingu ár fram í tímann,“ seg-
ir Edda Erlendsdóttir píanó-
leikari, sem hefur staðið
fyrir og skipulagt kammer-
tónleika á Kirkjubæjar-
klaustri á hverju sumri í
meira en áratug. Tónleik-
arnir hafa jafnan verið vel
sóttir þrátt fyrir að Kirkju-
bæjarklaustur sé kannski
ekki beint í alfaraleið.
„Margir hafa komið ár
eftir ár og fólk er farið að
þekkjast. Það þyrfti eigin-
lega að stofna klúbb.“
Edda hefur jafnan leikið
á píanó á tónleikunum en
fengið til liðs við sig mis-
munandi hóp tónlistar-
manna hverju sinni. Efnis-
skráin ræðst jafnan svolítið
af flytjendum.
„Í fyrra var slavnesk tón-
list áberandi en núna í ár
erum við með eitthvað fyrir
alla, þungt og létt í bland.“
Flytjendur í ár, auk
Eddu, eru þau Sesselja
Kristjánsdóttir mezzó-
sópran, Peter Tompkins
óbóleikari, Guðríður Sigurð-
ardóttir píanóleikari, Pálína
Árnadóttir fiðluleikari, Þór-
unn Ósk Marínósdóttir
víóluleikari og Sigurgeir
Agnarsson sellóleikari.
„Þetta er flest fólk af
yngri kynslóðinni. Pálína og
Sigurgeir eru hámenntuð og
nýkomin til landsins til
starfa eftir námið. Tompk-
ins er breskur óbóleikari
sem hefur búið hér lengi.
Hann og Guðríður hafa
starfað mikið saman og frá
þeim kemur efnisskrá sem
þau þekkja vel. Sesselja
kemur líka með fína franska
músík eftir Pauline Viardot,
sem er lítið þekkt en alveg
gullfalleg tónlist.“
Þýsk og frönsk tónlist
verður áberandi þetta árið
og má þar nefna tónskáld á
borð við Mozart, Schumann
og Brahms; Ravel og Saint-
Saëns.
Að venju verða haldnir
þrennir tónleikar. Þeir
fyrstu verða í kvöld klukkan
níu, síðan verða tónleikar á
morgun klukkan 17 og síð-
ustu tónleikarnir verða á
sunnudag klukkan 15. ■
BJÓÐA UPP Á TÓNLISTARVEISLU Það verður kammer-
tónlist á Kirkjubæjarklaustri um helgina. Fyrstu tónleikarnir
verða í kvöld klukkan níu.
FR
ÉT
TA
B
LA
Ð
IÐ
/E
.Ó
L.
Fastagestir mæta ár eftir ár
SUMARHÁTÍÐ Guðrún Dadda ásamt dóttur sinni Guðrúnu, Björk Agnarsdóttur og Írisi Björgu
Helgadóttir. Auk þeirra koma ótal fleiri að skipulagningu hátíðarinnar á Ingólfstorgi í dag.
Sjálfstraust er lykill að betri framtíð
FR
ÉT
TA
B
LA
Ð
IÐ
/V
IL
LI
■ ■ OPIÐ HÚS
20.00 Opið hús hefst að nýju á
þriðju hæðinni í Alþjóðahúsinu.
Fyrsta kvöldið verður að mestu
notað til að hittast og spjalla og
ræða starfsemina í haust og vetur.
Allir eru velkomnir.
Upplýsingar um viðburði og sýningar
sendist á hvar@frettabladid.is ekki síð-
ar en sólarhring fyrir birtingu.