Fréttablaðið - 14.08.2004, Blaðsíða 2

2 14. ágúst 2004 LAUGARDAGUR
Eigin stofnfrumur græddar í einstaklinga hérlendis:
Batavonir aukast talsvert
HEILBRIGÐISMÁL Eigin stofnfrumur
hafa verið græddar í sex einstak-
linga hér á landi eftir lyfjameð-
ferð við illkynja blóðsjúkdómum.
Batavonir sjúklinganna hafa auk-
ist talsvert við meðferðina, að
sögn Vilhelmínu Haraldsdóttur,
sérfræðings í lyflækningum og
blóðsjúkdómum.
Meðferðin hefur verið veitt
hér á landi frá áramótum og er
það til mikilla hagsbóta fyrir sjúk-
linga, að sögn Vilhelmínu. Áður
þurfti að senda sjúklingana til
Svíþjóðar þar sem meðferðin var
veitt.
„Meðferðin gerir okkur kleift
að gefa sjúklingum stærri lyfja-
skammta en þeir gætu annars
fengið,“ segir Vilhelmína. Stofn-
frumunum er safnað saman áður
en meðferðin er gefin, þær
geymdar og að lokum gefnar til
baka í enda lyfjameðferðar.
„Þannig tryggjum við að í gang
fari eðlileg blóðmyndun eftir
lyfjameðferðina.“
Meðferðin er samvinnuverk-
efni Blóðbankans og blóðlækn-
ingadeildar Landspítala - há-
skólasjúkrahúss. Heilbrigðis-
ráðuneytið veitti í september
leyfi til þess að meðferðin yrði
veitt hér á landi en til þess þurfti
meðal annars að bæta við tækja-
búnað Blóðbankans. ■
HEILBRIGÐISMÁL Skurðaðgerðum á
Landspítala fjölgaði á fyrri helm-
ingi þessa árs og meðallegutími
styttist. Heildarkostnaður við lyf
er í samræmi við áætlun. Launa-
kostnaður hefur lækkað. Rekstur
LSH eftir hálft ár sýnir 109,5
milljónir umfram fjárheimildir
tímabilsins eða 0,8%. Þetta kemur
fram í rekstraruppgjöri spítalans
fyrir janúar-júní, sem birt var í
gær.
„Ég er mjög ánægður með
þetta,“ sagði Magnús Pétursson,
forstjóri LSH. „Við erum að auka
starfsemi spítalans með sama,
jafnvel minna fjármagni, en á síð-
asta ári. Við höfum rekið þennan
spítala undanfarin fimm ár með
sömu raunkrónum. Nú er að skila
sér þetta puð sem menn hafa
verið í við að halda aftur af út-
gjöldum.“
Á síðustu tólf mánuðum hefur
dagvinnustöðugildum á spítalan-
um fækkað um 126 og vöktum
verið fækkað.
„Launatölur spítalans eru nú
innan við hækkanir sem almennt
gerast,“ sagði Magnús enn frem-
ur. „Lyfjalistar, lyfjaútboð og að-
hald á nýjum lyfjum eru aðgerðir
sem hemja útgjöld. Þetta er að
skila fínum árangri og ég er mjög
ánægður með þessa útkomu.“
Samkvæmt rekstraruppgjör-
inu fjölgaði skurðaðgerðum á
LSH um 3,4% frá fyrra ári að
meðtöldum dagdeildaraðgerðum
á augum. Sú fjölgun skilar sér
beint í fækkun á biðlistum eftir
þjónustu spítalans. Hins vegar
varð fækkun í hjartaþræðingum,
kransæðavíkkunum og gangráðs-
ígræðslum, en fjölgun í öðrum
þáttum hjartalækninga. Þar eru
biðlistar nánast búnir.
Legudögum fækkaði um 7,0%
og meðallegutími styttist úr 8,8
dögum í 8,1. Komum á göngu-
deildir fjölgaði um 9,3% milli ára,
en fækkaði um 2,1% á dagdeild-
um.
Aðeins tvö svið á spítalanum
eru með 4% umfram áætlaðan
kostnað. Það eru lyflækningasvið
I með 6,9% og Rannsóknarstofnun
LSH með 4,7% umfram áætlun.
Sérstök úttekt var gerð á
greiðslum launatengdra gjalda
2001-2004. Um er að ræða hækkuð
mótframgjöld í séreignarlífeyris-
sjóði og aukna þátttöku starfs-
mana í þeim, svo og hækkun
tryggingargjalds. Þessi gjöld hafa
aukist jafnt og þétt á milli ára úr
17,32% í 19,41%. Þetta þýðir að
spítalinn verður fyrir 340 millj-
óna króna viðbótarkostnaði, „sem
ekki hefur verið viðurkennt af
stjórnvöldum,“ eins og segir í
greinargerð með rekstrarupp-
gjörinu.
jss@frettabladid.is
Forsetakosningar:
Bush nýtur
mests fylgis
WASHINGTON, AP George W. Bush
Bandaríkjaforseti nýtur mests
fylgis meðal kjósenda, samkvæmt
nýrri skoðanakönnun. Skiptir þá
engu hvort bara sé spurt um hann
og John Kerry, frambjóðanda
demókrata, eða þá tvo og óháða
frambjóðandann Ralph Nader.
Sé bara valið milli Bush og
Kerry fengi Bush 50 prósent at-
kvæða samkvæmt nýrri Gallup-
könnun en Kerry 47 prósent. Sé
hins vegar einnig spurt um Nader
fengi hann þrjú prósent, Kerry 46
prósent og Bush 48 prósent at-
kvæða. ■
„Jú, þetta eru auðvitað meðmæli með
íslenskum landbúnaði. Við vitum að
grasið okkar er hollast.“
Drífa Hjartardóttir er formaður landbúnaðarnefndar
Alþingis. Bandaríski tónlistarmaðurinn 50 Cent hélt
tónleika í Laugardalshöll 11. ágúst og sagði þá við
áhorfendur: „A Íslandi er besta gras í heimi!“
SPURNING DAGSINS
Drífa, eru þetta ekki meðmæli með
íslenskum landbúnaði?
Umferðarslys:
Fékk aðsvif
undir stýri
LÖGREGLA Maður á níræðisaldri var
fluttur á slysadeild með meiðsl á
höfði og brjóstkassa í gær eftir að
hann ók á ljósastaur á Hofsvalla-
götu rétt austan við Víðimel.
Ökumaðurinn var einn í bílnum.
Hann var með meðvitund þegar
lögregla og sjúkrabíll komu á stað-
inn. Hann sagðist hafa fengið aðsvif
undir stýri. Bíllinn skemmdist mik-
ið og var fluttur af slysstað með
dráttarbíl. ■
VILHELMÍNA HARALDSDÓTTIR
Sérfræðingur í lyflækningum og blóðsjúk-
dómum segir til mikilla hagsbóta fyrir sjúk-
linga að veita stofnfrumumeðferð hérlendis.
Sparnaðurinn
er að skila sér
Sparnaðaraðgerðir á Landspítala - háskólasjúkrahúsi eru farnar að
skila sér, samkvæmt rekstraruppgjöri fyrir fyrstu sex mánuði ársins.
Starfsemi hefur aukist en stöðugildum og vöktum hefur fækkað.
LANDSPÍTALI - HÁSKÓLASJÚKRAHÚS
Rekstraruppgjör eftir fyrstu sex mánuði ársins gefur til kynna að sparnaðaraðgerðir þær
sem verið hafa á spítalanum að undanförnu séu farnar að skila sér.
Á FJÁRÖFLUNARSAMKOMU
Bush og Arnold Schwarzenegger ríkisstjóri
í Kaliforníu voru saman á fjáröflunarsam-
komu í Kaliforníu.
Leit að stúlku:
Fannst í heita
pottinum
LÖGREGLA Leit hófst að sjö ára
stúlku í Nauthólsvík um miðjan
dag í gær.
Faðir stúlkunnar hafði farið og
fengið sér gosglas á Kaffi Naut-
hól. Þegar hann kom aftur fann
hann ekki dóttur sína og hringdi í
neyðarlínuna. Strax var sett af
stað leit að stúlkunni og til stóð að
fá þyrlu Landhelgisgæslunnar til
aðstoðar þegar stúlkan fannst heil
á húfi í heita pottinum í víkinni. ■
Yfirmaður Ísraelshers:
Mega missa
Gólanhæðir
JERÚSALEM, AP Öryggi Ísraels yrði
ekki stefnt í voða þó að Ísraels-
menn létu Gólanhæðir af hendi til
Sýrlands, að mati yfirmanns ísra-
elska heraflans, en hingað til hafa
Ísraelsmenn sagt Gólanhæðir vera
ómissandi fyrir varnir landsins.
Þeir hertóku hæðirnar árið 1967 og
innlimuðu þær árið 1981.
Síðustu samningaviðræður
milli landanna fóru fram 2000.
Kröfðust Sýrlendingar þess að
Ísraelsmenn drægju herafla sinn
til baka frá hæðunum en því var
hafnað. Yfirmaður heraflans segir
frið við Sýrland skipta meira máli
fyrir öryggi landsins en hæðirnar.
UMFERÐARSLYS
Ökumaður var fluttur á slysadeild með
meiðsl á höfði og brjóstkassa.
ÚRSKURÐAÐ UM FANGA Fjórir
fanganna í Guantanamo urðu í gær
þeir fyrstu til að vera formlega
skilgreindir sem óvinavígamenn.
Herréttur kvað upp úrskurð sinn
sem er ekki hægt að áfrýja. Mál 25
annarra fanga eru til meðferðar.
SEGIR AF SÉR VEGNA FRAMHJÁ-
HALDS James E. McGreevey, ríkis-
stjóri í New Jersey, hefur sagt af
sér eftir að upp komst að hann hélt
framhjá konu sinni með öðrum
manni. Demókratinn McGreevey
hyggst láta af embætti í nóvember
en repúblikanar vilja að hann
hætti strax. ■
ÚTGÁFA Í dag hefur göngu sína í
Fréttablaðinu vikulegur dálkur
frá Vísindavef Háskóla Íslands.
Vísindavefurinn birti um árabil
efni í Lesbók Morgunblaðsins en
í sumar tókust samstarfs-
samningar milli forráðamanna
hans og Fréttablaðsins. Þor-
steinn Vilhjálmsson, prófessor
og aðalritstjóri Vísindavefsins,
segist binda góðar vonir við
samstarfið.
„Þetta sýnir áhuga Frétta-
blaðsins á vísindum og nútíma
upplýsingamiðlun. Vinsældir
Vísindavefsins hafa verið miklu
meiri en nokkur þorði að vona.
Aðsóknin sýnir að fólk er mikið
að pæla í alheiminum, hugvísind-
um, trúarbrögðum og almennt í
umhverfi sínu í víðu samhengi,“
segir Þorsteinn.
Vísindavefurinn hefur verið
starfræktur frá ársbyrjun 2000.
Þar er nú að finna um 4.400 svör
um allt milli himins og jarðar en
að jafnaði bætast við milli 10 og
20 ný svör vikulega. Dálkur
Vísindavefsins er á blaðsíðu 27. ■
Nýr efnisþáttur:
Vísindavefur HÍ til liðs við Fréttablaðið
VISKUBRUNNUR
Um það bil 4.400 svör er að finna á Vísindavef HÍ.
■ BANDARÍKIN
FR
ET
TA
B
LA
Ð
IÐ
/R
Ó
B
ER
T
FR
ET
TA
B
LA
Ð
IÐ
/R
Ó
B
ER
T