Fréttablaðið - 14.08.2004, Blaðsíða 10

10 14. ágúst 2004 LAUGARDAGUR
VIÐ ÖLLU BÚIN
Þessi ísraelska landtökukona á Vesturbakk-
anum var við öllu búin þegar Shlomo Mill-
er var jarðsunginn. Vopnuð vélbyssu og
með barn í fanginu fylgdist hún með útför
nágranna síns sem féll í árás palestínsks
vígamanns.
MENNTAMÁL Menntamál geðsjúkra
á vegum Fjölmenntar og Geðhjálp-
ar eru enn óráðin, að sögn Bjarna
Kristjánssonar, stjórnarformanns
Fjölmenntar. Viðræður hafa staðið
yfir milli þriggja ráðuneyta, Fjöl-
menntar og Geðhjálpar til lausnar
á málinu. Enn hefur ekki fengist
niðurstaða um hvort skólinn verði
rekinn áfram en öllum kennurum
og starfsmönnum hans var sagt
upp í vor þegar fyrir lá að engin
fjárveiting væri fyrir hendi. Á
annað hundrað manns höfðu sótt
um námsvist en þeir hafa beðið
milli vonar og ótta í sumar.
Bjarni sagði að rætt hefði verið
við ráðuneyti félagsmála, heil-
brigðismála og menntamála. Hann
kvaðst ekki vilja tjá sig efnislega
um þær viðræður en sem stæði
væri málið á mjög viðkvæmu stigi.
„Ég er tiltölulega bjartsýnn á að
það finnist lausn sem menn geti
sæst á,“ sagði Bjarni. Hann bætti
því við að niðurstaða ætti að fást í
næstu viku ef fram færi sem nú
horfði. ■
Deilur hamla
uppbyggingu
Ríkið getur ekki hafið uppbyggingu á hverasvæðinu í Haukadal,
þar sem sumir landeigenda leggjast gegn því. Reynt hefur verið að ná
samningum í ein níu ár en án árangurs.
FRAMKVÆMDIR Brýn þörf er á að
byggja hverasvæðið í Haukadal
upp, að sögn Árna Bragasonar hjá
Umhverfisstofnun. Hann segir að
það hafi hins vegar ekki verið
hægt til þessa vegna mótmæla
hluta þeirra sem eiga land að
svæðinu eða hluta af því.
„Það þarf að lagfæra göngu-
stígana og gera þá skýrari og
betri,“ segir hann. „Þá þyrfti jafn-
vel að reisa útsýnispall uppi í
brekkunni til að hægt sé að horfa
meira niður í Geysisskálina.
En málið er það að ríkið á ein-
ungis þrjá hektara innan girðing-
ar. Á þeim eru Geysir og Strokkur.
Viðræður hafa verið í heil níu ár,
með hléum, milli ríkisins og ann-
arra sem eiga þarna land en ekki
hefur náðst samkomulag um upp-
bygginguna. Fyrir þremur árum
stóð til að gera göngupalla á svæð-
inu. Við vorum komnir með efni á
staðinn og fólk til að vinna það. Þá
stöðvuðu þessir aðilar, sem eiga
svæðið á móti ríkinu, þessar
framkvæmdir af, þannig að farið
var með göngupallana inn á
Hveravelli.“
Árni segir að andstaða landeig-
endanna byggist á því að fari rík-
ið í uppbyggingu á svæðinu,
þannig að það verði landi og þjóð
til sóma, sé búið að létta allri
pressu af því að kaupa landið.
Hann kveðst vel skilja sjónarmið
þeirra, því um hagsmunamál sé að
ræða.
„Málið er því í sjálfheldu og
það er hvorki hægt að komast aft-
ur á bak né áfram með það,“ segir
hann. „Það stóð til að deiliskipu-
leggja svæðið og teikna það allt
upp á síðasta ári. Við fengum þá
beiðni frá umhverfisráðuneytinu
um að fresta því, þar sem á þeim
tíma voru viðræður í gangi, sem
ráðuneytið taldi hættu á að myndu
spillast ef farið væri að ýta við
málinu.“
Hvað varðar framkomna gagn-
rýni á skort á öryggismerkingum á
hverasvæðinu sagði Árni að Um-
hverfisstofnun teldi sig tryggja
lágmarksöryggi á því.
„Það eru bönd þarna og ætlast
er til að fólk fari ekki yfir þau. Því
miður er það þannig að sumir
menn virða það ekki. Við höfum
upplifað það margoft að jafnvel
sumir leiðsögumenn hópanna eru
fyrstir til að stíga yfir böndin. Svo
er alltaf spurning hversu mikið
eigi að girða eða merkja, því ef of
mikið er gert af því er verið að
eyðileggja upplifun ferðamanna á
staðnum og skemma allar myndir
sem fólk er að taka af þessum
fyrirbærum. Við erum að reyna að
fara bil beggja.
Svo erum við með starfandi
landvörð þarna allt sumarið.
Hann tryggir að merkingar séu í
lagi og fræðir fólk sem kemur á
staðinn.“
jss@frettabladid.is
FOKKER Í INNANLANDSFLUGI
Svartaþoka myndaðist á Egilsstöðum við
upphaf hitabylgjunnar sem látið hefur til
sín taka á landinu í vikunni. Svo blint var
að snúa varð flugvélum frá vellinum, sem
þó er búinn fullkomnum blindflugstækj-
um.
Þoka vegna hitabylgju:
Of blint fyrir
blindflug
SAMGÖNGUR Kvöldfluginu frá
Reykjavík til Egilsstaða síðasta
sunnudag var snúið við skammt
frá áfangastað vegna þoku sem
myndaðist við upphaf hitabylgj-
unnar sem þá reið yfir. Vélin lenti
aftur í Reykjavík um klukkan 10
um kvöldið og farþegunum 48 var
svo komið á áfangastað með
morgunfluginu daginn eftir.
Egilsstaðaflugvöllur er hins
vegar alþjóðaflugvöllur, búinn
fullkomnum tæknibúnaði til
blindflugs. „Þegar búnaðurinn er
hvað fullkomnastur, líkt og hér í
Reykjavík og á Egilsstöðum, eru
tiltekin lágmörk sem miðað er við.
Á endanum verður flugmaðurinn
jú að sjá brautina,“ segir Heimir
Már Pétursson, upplýsingafulltrúi
Flugmálastjórnar. „Það er ekki
hægt að vera í blindflugi alveg
þar til maður snertir braut.“ ■
Mistur fylgir hitabylgju:
Sambland af
ryk- og loft-
mengun
VEÐUR Mistrið sem legið hefur
yfir höfuðborginni í hitanum
síðustu daga er sambland af
rykmistri og almennri loft-
mengun, að sögn Sigurðar Þ.
Ragnarssonar veðurfræðings.
Loftmengunin er ættuð
sunnan úr Evrópu þaðan sem
meginhluti hlýja loftstraums-
ins sem leikið hefur um Íslend-
inga er upprunninn, að sögn
Sigurðar. Einnig er hluti lofts-
ins kominn frá Bandaríkjunum
og er leifar fellibylsins Alex.
„Hann var upphaflega frá
Flórídaflóa þaðan sem hann
barst upp með austurströnd
Bandaríkjanna og vestur um
haf,“ segir Sigurður. ■
Slysavarnafélagið Landsbjörg:
Mikil hætta vegna
lausagöngu búfjár
LAUSAGANGA „Stjórnvöld ættu
fyrst og fremst að bera ábyrgð á
þessum málum. Það er mikil þörf
á samræmdum reglum sem segja
til um hvernig lausagöngu búfjár
skuli háttað,“ segir Kjartan Bene-
diktsson, umferðarfulltrúi slysa-
varnafélagsins Landsbjargar. Í
lokaskýrslu nefndar sem starfaði
á vegum landbúnaðarráðuneytis-
ins kemur fram að ekið var 696
sinnum á búfé á árunum 1992 til
1999.
Kjartan segir Mýrdalshrepp
vera eina friðaða svæðið sem
hann viti um. Vegagerðin girti
svæðið af og gerði samning við
sveitarfélagið um að halda svæð-
inu hreinu. Hann segir víða á
landinu vera girðingar meðfram
þjóðveginum en einhvers staðar
endi girðingin og þar fari sauðféð
upp á veg þar sem það lesi ekki
lögin. Því þurfi að ákveða hvað
skuli gera og hver eigi að bera
ábyrgðina.
Kjartan segir merkingum vera
ábótavant. Skilti þurfi að vera
þegar fólk ekur inn á friðuð svæði
og síðan þurfi að vera skilti sem
vari við lausagöngu þegar ekið er
út af friðuðum svæðum. ■
Setbergsprestakall:
Séra Elín-
borg valin
KIRKJUSTARF Valnefnd í Set-
bergsprestakalli í Snæfells- og
Dalaprófastsdæmi hefur lagt
til að séra Elínborg Sturlu-
dóttir verði skipuð sóknar-
prestur í prestakallinu frá 1.
september. Elínborg vígðist til
prestsþjónustu í Set-
bergsprestakalli 21. septem-
ber 2003 og hefur hún leyst
sóknarprestinn af.
Umsóknarfrestur rann út
18. júní og sóttu fjórir um
embættið. Í valnefnd sátu
fimm fulltrúar úr prestakall-
inu auk vígslubiskups. Kirkju-
málaráðherra skipar í embætti
sóknarprests til fimm ára
samkvæmt niðurstöðu val-
nefndar. ■
LAUSAGANGA BÚFJÁR
Ekið var 696 sinnum á búfé á árunum
1992 til 1999.
SAMSTARF
Fjölmennt og Geðhjálp eru í samstarfi
við Fjölbrautaskólann í Ármúla um
námsverkefni fyrir geðsjúka sem geta
fengið metnar einingar fyrir námsá-
fanga sem þeir hafa lokið.
Menntamál geðsjúkra enn í biðstöðu:
Beðið eftir ráðuneytunum
Í SJÁLFHELDU
Uppbygging á hverasvæðinu í Haukadal er í sjálfheldu. Sumir landeigenda leggjast gegn
henni því þeir telja að þær framkvæmdir myndu létta pressu af ríkinu að kaupa af þeim
landið.