Fréttablaðið - 17.08.2004, Blaðsíða 10
10 17. ágúst 2004 ÞRIÐJUDAGUR
HORFT Á STRANDBLAK
Hann var einn í stúkunni þessi en fylgdist
þó áhugasamur með keppni í strandblaki
kvenna á Ólympíuleikunum í Aþenu í gær.
Kvartanir Félagsstofnunar stúdenta báru árangur:
Bílastæðum fækkað
BORGARMÁL „Það náðist sú lending
að fækka þeim bílastæðum sem
upphaflegar áætlanir gerðu ráð
fyrir að þarna þyrftu að vera,“
segir Baldvin Ólafsson, formaður
Félagsstofnunar stúdenta. Bygg-
ing fjölbýlishúss með tæplega
hundrað íbúðum er ráðgerð að lóð
borgarinnar að Lindargötu í mið-
bæ Reykjavíkur. Íbúðirnar eru
ætlaðar nemendum við Háskóla
Íslands en styr hefur staðið um
þann fjölda bílastæða sem skipu-
lag gerði ráð fyrir.
„Upphaflega var gert ráð fyrir
að þarna yrðu eitt til tvö bílastæði
á hverja íbúð eins og um væri að
ræða einbýlishús í úthverfi. Það
hafa verið gerðar kannanir á bíla-
stæðisþörf okkar félagsmanna og
þær sýna að flestar fjölskyldur
eiga aðeins einn bíl og margar
engan. Þess vegna töldum við að
hafa þyrfti þetta í huga og það
náðist samkomulag um að aðeins
yrði um hálft bílastæði að ræða
fyrir hverja íbúð.“
Áætlanir gera ráð fyrir að
smíði fjölbýlishússins verði lokið
í byrjun ágúst árið 2006. ■
Óljóst hvort atvinnuþró-
unarsjóðir skili árangri
Atvinnuþróunarsjóðir á landsbyggðinni fá árlega 120 milljónir króna til starfsemi sinnar. Engin
samantekt eða úttekt hefur verið gerð á því hvort árangur hafi orðið af starfi þeirra eða hvort
störfum á landsbyggðinni hafi fjölgað.
BYGGÐAFLUTNINGAR „Það er nánast
ómögulegt að gera úttekt á starfi at-
vinnuþróunarfélaga á landinu
vegna þess hve víðfemt verksvið
þeirra er,“ segir Snorri Björn Sig-
urðsson, forstöðumaður þróunar-
sviðs Byggðastofnunar. Þótt slíkar
stofnanir starfi að langmestu leyti á
eigin grundvelli heyra þær strangt
til tekið undir Byggðastofnun sem
veitir þeim á ársgrundvelli um 120
milljónir króna samkvæmt samn-
ingi þar um.
Lítið eftirlit er
haft með þeim
fjárveitingum og
að miklu leyti
óljóst hvort stuðn-
ingur atvinnuþró-
unarsjóða þau tíu
ár sem þeir hafa
verið starfræktir
hafa skilað ár-
angri. Engin sam-
antekt hefur verið
gerð um hversu
mörg störf hafa
skapast vegna
íhlutunar slíkra
stofnana.
Snorri Björn segir að innan
Byggðastofnunar hafi verið reynt
að meta árangurinn út frá ýmsum
forsendum en ekki haft erindi
sem erfiði. „Það er margt sem
gerir slíkan samanburð erfiðan.
Svæði hvers félags er misjafnt að
stærð og íbúafjölda. Þær leiðir
sem farnar eru að settu marki
geta verið afar mismunandi þótt
lokatakmarkið sé ávallt að stuðla
að uppbyggingu atvinnu og þróun
byggðar innan hvers svæðis. Sum
svæði eru þannig að ákveðinn sig-
ur felst í því einu að koma í veg
fyrir frekari fólksfækkun í
byggðalaginu.“
Snorri nefnir sem dæmi að at-
vinnuþróunarstofa Austurlands
hafi verið hjálpleg við ýmis atriði
er vörðuðu stóriðjuframkvæmdir
þær er nú eru hafnar á Austur-
landi.
Fólksflótti þaðan hefur verið
hvað mestur af landsbyggðinni
undanfarna áratugi en áhrif
stóriðju má þó merkja á tölum
Hagstofu Íslands um fólksflutn-
inga milli landsvæða. Þannig eru
aðfluttir umfram brottflutta
austur á land fram til júní á
þessu ári tæplega 650 talsins en
voru tæplega hundrað á öllu síð-
asta ári. Gera má því skóna að
meginhluti þessa fólks flytji
vegna batnandi atvinnuástands í
fjórðungnum en á síðustu 20
árum hafa um fjögur þúsund
manns flust brott. Enn er því
talsvert í land með að ná fyrri
íbúatölu en hafa ber í huga að
framkvæmdir í Reyðarfirði eru
nýhafnar og þar er búist við að
íbúum eigi eftir að fjölga um
nokkur hundruð næstu árin.
albert@frettabladid.is
GAMALT NÁMAÞORP BRENNUR
Miklir skógareldar í Kaliforníu
ollu miklum skemmdum í náma-
þorpinu French Gulch í gær. Tutt-
ugu heimili brunnu til grunna og
þrjú hundruð íbúar neyddust til
þess að yfirgefa heimili sín. Eld-
arnir brutust út á sunnudag og
voru fljótir að breiðast út yfir
mjög stórt landsvæði.
DEILT UM TENGSL VIÐ ÞRÝSTI-
HÓPA George Bush forseti er í
nýrri kosningaherferð demókrata
sakaður um að taka hag vina
sinna og bakhjarla fram yfir
verkamenn og millistéttarfólk.
Kosningastjóri Bush segir árás-
ina koma úr hörðustu átt þar sem
enginn öldungadeildarþingmaður
hafi þegið hærri fjárhæðir úr
vösum þrýstihópa en John Kerry,
forsetaframbjóðandi demókrata.
Söluhæsta fartölvan í Evrópu
ACER
tækni
SÍÐUMÚLA 37 - SÍMI 510 6000
WWW.SVAR.IS
tækni
FARTÖLVUR
■ BANDARÍKIN
FYRIRHUGAÐ BYGGINGARSVÆÐI
Þarna eiga að rísa hundrað íbúðir fyrir
stúdenta Háskóla Íslands.
FR
ÉT
TA
B
LA
Ð
IÐ
/G
VA
FYRIRHUGAÐ ÁLVER Í REYÐARFIRÐI
Síðustu tvö árin hafa fleiri flutt til Austurlands en frá og er það talsvert breyting frá því sem áður var. Frekari fjölgun er líkleg þegar bygg-
ing álversins hefst fyrir alvöru en undirbúningsframkvæmdir eru í fullum gangi.
,,Sum
svæði eru
þannig að
ákveðinn
sigur felst í
því einu að
koma í veg
fyrir frekari
fólksfækk-
un í byggð-
arlaginu.
FR
ÉT
TA
B
LA
Ð
IÐ
/A
P