Tíminn - 07.06.1973, Blaðsíða 6

6
TÍMINN
Fimmtudagur 7. júni 1973.
Kabarett i 10 sinn.
Hinn þekkti söngieikur Kabarett verður sýndur i 10 skiptið n.k. laugar-
dag þann 9. júni. Mjög góð aðsókn hefur verið að ieiknum og hefur hann
hlotið frábæra dóma. Margir telja að leikararnir Bessi Bjarnason og
Baldvin Halldórsson hafi aldrei sýnt betri leik á leiksviöi og hafa þeir
hlotiö mikið lof fyrir túlkun á hlutverkum sinum.
Þrjár sýningar vcrða á leiknum um hvitasunnuhelgina þ.e. á föstudag,
laugardag og á annan i hvítasunnu. Myndin er af Eddu Þórarinsdóttur I
hlutverki Sally Bowles.
Frá Sjúkrasamlagi Reykjavikur
Ný samlagsskírteini
Þessa dagana bera skátar út ný samlags-
skirteini i borginni, ásamt bæklingi með
upplýsingum fyrir samlagsmenn.
Bæklinginn er fólk beðið að kynna sér og
geyma hann siðan vel.
Heimilisföng á skirteinunum eru samkv. ibúaskrá 1. des.
1972. Skátunum er ætlað að fullvissa sig um að skirteinis-
hafar búi enn á þeim stað, sem skirteinið greinir og er fólk
beðið að aðstoða þá með upplýsingum.
SJÚKRASAMLAG REYKJAVÍKUR.

Fjármálaráðuneytið,
5.' júni 1973
Auglýsing
Frá og með 1. júli 1973 skulu embætti,
stofnanir og fyrirtæki rikisins afhenda
tölusetta kvittun fyrir hvers konar
greiðslum, sem þau veita viðtöku frá al-
menningi, og hvort sem greiðslurnar
falla til rikissjóðs eða ekki. Kvittanir,
sem hér um ræðir, geta verið með
tvennu móti:
A. Staðalkvittun (stærð A5L) með áprentuöu nafni
embættis, stofnunar eða fyrirtækis, sem við greiðsl-
unni tekur. Staðalkvittanir hafa skjaldarmerki lýð-
veldisins sem sameiginlegt auðkenni. Stofnun eða
fyrirtæki er þó heimilt aö nota eigið merki I stað
skjaldarmerkis. Eyðublöð, sem hér um ræðir, bera
ýmist heitið „Kvittun fyrir innborgun” eða
„Reikningur”.
B. Sérgreind eyðublöð, sem merkt eru rikissjóði eða
yfirvaldi og notuð eru fyrir ákveönar tegundir
greiðslna eða innborganir (t.d. aðflutningsskýrsla,
söluskattsskýrsla, skattakvittanir ritaðar i skýrslu-
vélum eða bókhaldsvélum o.fl.)
Fyrst um sinn og unz öðruvisi verður
ákveðið er stofnunum og fyrirtækjum
heimilt, að höfðu samráði við ráðuneyt-
ið, að nota óstöðluð reiknings- og kvitt-
anaeyðublöð, sem þau hafa látið gera,
enda séu þau tölusett og skilmerkilega
auðkennd. Stefnt skal að þvi að fella öll
slik eyðublöð i staðlað horf.
Sunnlenzk náttúru
verndarsamtök
stofnuð um helgina
NÚ hafa náttúruverndarsamtök
veriö stofnuð i svo til öllum
landshlutum, og á laugardaginn
kemur ætla áhugamenn á Suður-
landi að bæta úr þvi, að slik sam-
tök hafa ekki verið þar til fram að
þessu. Verður stofnfundur hald-
inn i fél.heimilinu Hvoli á IIvols-
velli, og hefst klukkan þrjú. Þá er
svo komið, að Vesturland á milli
llvalfjarðar og Gilsfjarðar er eini
landshlutinn, þar sem engin slik
samtök hafa verið mynduð.
— Það eru mörg verkefni, sem
bfða sunnlenzkra náttúruvernd-
arsamtaka, sagði Stefán Berg-
mann, kennari á Laugarvatni, við
Timann I gær. A fundinum á
laugardaginn verður þó aðeins
gengið frá lögum samtakanna og
rættrækilega um markmið þeirra
og verkefni. Þar mun Eyþór
Einarsson, varaformaður
náttúruverndarráðs, einnig ræða
um starfshætti þess, sem og
gróðurverndarmál.
Það er harla margt, sem kallar
að,' sagði Stefán enn fremur, og
má þar nefna samningu náttúru-
minjaskrár og skrásetningu
náttúruvætta, landgræðslumál og
friðlýsingu svæða á Suðurlandi.
Uppi eru til dæmis hugmyndir um
friðlýsingu Laugarvatnslands i
tengslum við þjóðgarðinn á Þing-
völlum, þótt þar verði sennilega
að vera nokkur spilda á milli er
friðun nær ekki til. I öðru lagi
verður áreiðanlega ofarlega á
dagskrá innan tiðar að stofna
þjóðgarð, sem nær yfir Þórsmörk
og viðlend svæði upp af honum,
þar á meðal umhverfi Land-
mannalauga.
Loks er svo brýn þörf á miklum
aðgerðum i landgræðslumálum.
Astandið er viða ömurlegt á
afréttum Arnesinga, og má þar
benda á sifelldan uppblástur upp
af Biskupstungum og Laugardal.
— JH.
FRÆKILEG SÖNGFÖR
ÞRASTA TIL
FÆREYJA
KARLAKÓRINN Þrestir i
Hafnarfirði fór hljómlistarför til
Færeyja fyrir siðustu mánaða-
mót og dvaldist þar vikutima.
Söng hann tvivegis fyrir troð-
fullu húsi I Þórshöfn, og i Klakks-
vik var bæði samsöngur inni og
uti undir berum himni á miðnætti
á svokailaðri Norðureyjastefnu,
þar sem þúsundir manna voru
samankomnir.
— Við vorum alls rúmlega
sjötiu, sem fórum til Færeyja,
sagði Sigurður Stefán Hallsson
fulltrúi, formaður kórsins — þar
af 33 kórfélagar, tveir ein-
söngvarar, Haukur Þórðarson og
Inga Maria Eyjólfsdóttir, Agnes
Löve undirleikari og Eirikur Sig-
tryggsson stjórnandi. Þetta var
mjög ánægjuleg ferð og færeysku
blöðin sýna hvaða dóma við hlut-
um.
Það er skemmst af þvi að
segja, að færeysku blöðin hafa
gert sér mjög titt um þessa söng-
för Þrasta og frammistaða
kórsins mjög lofuð. „Þessir söng-
menn úr Hafnarfirði sanna okkur
einu sinni enn, að Islendingar
eru söngvin þjóð, og karla-
kórarnir islenzku skara mjög
fram úr,” segir Tingakrossur.
„Kórinn er ágætlega þjálfaður og
hlýtur Eiriki Sigtryggssyni
söngstjóra aö bera mikill
heiður.” „Skemmst er af þvi að
segja, að þetta voru hrifandi tón-
listaviðburður”, segir i 14.
september — „einn hinn stór-
brotnasti, sem við höfum notið i
Færeyjum.” Ber blaðið mikið lof
á söngstjórann, segir hina fögru
rödd Ingu Mariu Eyjólfsdóttur
hafa vakið aðdáun. I framhaldi
af þvi er borið lof á frammistöðu
Hauks, Agnesar og Njáls Sigur-
jónssonar kontrabassa.
Eirikur Sigtryggsson.
Inga Maria Eyjólfsdóttir
T résmíðaverkstæði
—- Húsgagnaverkstæði
Eigum fyrirliggjandi:
• EIK (þýzk, ofnþurrkuð) • BRENNI
• IROKO • DOUSSI • TEAK
• WIRU-plast • KROSSVIÐ (oregon,
pine, birki) • PROFILKROSSVIÐ
(oregon pine) • HARTEX (venjulegt
og ljóst)
og GIPSONIT.
Páll Þorgeirsson & Co.
Simar 86-100 og 34-000.
Agnes Löve
Haukur Þórðarson
Þingeyri:
16 fermd
um hvíta
sunnuna
S.E., Þingeyri — Á hvitasunnu-
dag verður fermt i Þingeyrar-
kirkju. Alls 16 börn verða fermd,
og eru þau sem hér segir:
Davið Daviðsson, Þingeyri
Geir Brynjar Aðalsteinsson,
Þingeyri
Guðmundur Jón Matthiasson,
Þingeyri.
Höskuldur Brynjar Gunnarsson,
Miðbæ
Indriði Kristinn Pétursson, Þing-
eyri
Ólafur Ragnar Jónsson, Þingeyri
Ragnar ólafur Guðmundsson,
Þingeyri
Ragnar örn Þórðarson, Þingeyri
Hanna Jóna Ástvaldsdóttir, Þing-
eyri
Helga Björk Sigurðardóttir,
Ketilseyri
Ingibjörg Maria Guðmundsdóttir,
Þingeyri
Kristin Auður Eliasdóttir, Sveins-
eyri
Maria Þórðardóttir, Múla
Pálina Margrét Pálsdóttir, Þing-
eyri
Sigriður Sesselja Gunnlaugsdótt-
ir, Þingeyri
Þórhildur Guðrún Egilsdóttir
Þingeyri