Fréttablaðið - 19.08.2004, Blaðsíða 2
2 19. ágúst 2004 FIMMTUDAGUR
ATVINNULÍF Greiningardeild KB
banka er undrandi á því hve lítið at-
vinnuleysi minnkaði á síðustu miss-
erum þrátt fyrir kröftugan hagvöxt.
Atvinnuleysi hefur haldist í um
þremur prósentum þótt hagvöxtur
sé á bilinu fjögur til fimm prósent.
Í Hálf fimm fréttum KB banka í
gær kemur fram að greiningar-
deildin telji fjórar ástæður liggja að
baki því hversu lítið atvinnuleysi
hafi minnkað.
Í fyrsta lagi sé hagvöxtur und-
anfarinna mánaða að miklu leyti
vegna stórra framkvæmda svo
sem stóriðju og húsbygginga. Í
öðru lagi hafi mikil framleiðni-
aukning átt sér stað sem þýðir að
hver vinnandi maður eykur afköst
sín í stað þess að vinnandi hönd-
um fjölgi.
KB banki telur einnig að það
kunni að hafa áhrif að mikil fjölg-
un hafi orðið á vinnumarkaði;
margt ungt fólk hafi komið inn á
vinnumarkaðinn á síðustu misser-
um. Í fjórða lagi segir greiningar-
deild KB banka að svo virðist sem
hik sé komið í ráðningar fyrir-
tækja eftir vaxtahækkanir.
Niðurstaða þessarar þróunar
segir KB banki vera þá að Seðla-
bankinn þurfi að íhuga að halda að
sér höndum í vaxtahækkunum á
næstu misserum þrátt fyrir kröft-
ugan hagvöxt. ■
Ríkið hefur þurft
að borga bætur
Sýslumannsembættinu á Eskifirði varð á að geta þess ekki á veðbókar-
vottorði að jörð væri óðalsjörð. Veðsetning fór fram með þeim afleiðing-
um að ríkið varð að borga Landsbankanum háar fjárhæðir.
DÓMUR Ríkissjóður hefur þurft að
greiða bætur vegna mistaka við
útgáfu veðbókarvottorðs. Ekki
var getið um á vottorðinu að jörð-
in væri óðalsjörð. Það var við
embættið á Eskifirði sem mistök-
in voruð gerð fyrir rúmum tíu
árum. Sýslumaðurinn í Reykjavík
útilokar ekki að á embætti hans
geti fallið ábyrgðir vegna veð-
setninga á óðalsjörðinni Brautar-
holti á Kjalarnesi. Það er svipað
eðlis og Eskifjarðarmálið.
Ríkissjóði var gert með dómi
Héraðsdóms Reykjavíkur, frá ár-
inu 1995, að greiða Landsbanka Ís-
lands bætur upp á 421 þúsund
krónur ásamt vöxtum vegna veða
sem tekin höfðu verið í óðalsjörð á
Austurlandi. Í málinu þótti óum- deilt að þinglýsingardómara hafi
orðið á mistök við útgáfu veða-
bókavottorðs árið 1990 þar sem
hann gat þess ekki að jörðin sem
var verið að veðsetja væri ættar-
óðal. Sömu mistök voru gerð þeg-
ar þinglýsa átti skuldabréfinu.
Bankinn taldi sig vera með trygg-
ingu fyrir endurgreiðslu lánsins,
enda voru engir fyrirvarar um
annað í veðbókinni. Þá segir í
dómnum að megintilgangur þing-
lýsinga sé að stuðla að öruggum
viðskiptum, einkum með fasteign-
ir, og skapa þannig grundvöll
fyrir eðlilega lánastarfsemi.
Skuld óðalsbóndans við Lands-
bankann fór í vanskil og hóf bank-
inn innheimtu- og uppboðsaðgerð-
ir. Bóndinn mótmælti aðgerðun-
um og vísaði til þess að jörðin
væri óðal. Sýslumaðurinn á Eski-
firði stöðvaði nauðungarsöluna og
var sú ákvörðun staðfest bæði í
héraðsdómi og Hæstarétti. Síðar
var bóndinn gerður gjaldþrota án
þess að greiðslur hefðu fengist
upp í kröfur þar sem óðalsjörðin
féll ekki undir skiptin.
Í þrotabú Brautarholts á KB
banki hæstu kröfurnar eða um
150 milljónir króna. Sýslumaður-
inn í Reykjavík stöðvaði uppboðs-
ferli á jörðinni þar sem um Braut-
arholt er óðalsjörð. „Endanlegur
dómur um hvað muni gerast hefur
ekki náðst. Sýslumaður hefur
hafnað uppboðskröfunni og mun
krafan væntanlega fara fyrir hér-
aðsdóm. Við munum fara alla leið
og láta á það reyna hvort uppboð-
ið sé heimilt eða ekki,“ sagði
Helgi Sigurðsson, yfirmaður lög-
fræðideildar KB banka í samtali
við Fréttablaðið.
hrs@frettabladid.is
Risa tónlistarhátíð:
MTV verður á Íslandi
VERÐLAUNAHÁTÍÐ Gengið hefur ver-
ið frá því að evrópska MTV - tón-
listarverðlaunahátíðin verður
haldin í Reykjavík.
„Við erum að klára þetta,“ seg-
ir Björn Steinbekk sem unnið hef-
ur að því að fá hátíðina til lands-
ins. „Við vitum að hátíðin verður
hérna en það eina sem við vitum
ekki er hvort hún verður strax í
október eða nóvember á næsta ári
eða árið 2006.“
Reiknað er með að tónlistar-
verðlaunahátíðin verði haldin í
Egilshöllinni. Hátíðin er af svip-
aðri stærðargráðu og óskarsverð-
launin og er henni sjónvarpað til
um sjötíu landa. Búist er við um
fimm þúsund gestum til landsins í
tengslum við hátíðina.
Björn segir að von sé á mönn-
um frá MTV til Íslands í lok sept-
ember. Þá muni þeir kynna sér að-
stæður og vinna að skipulagi há-
tíðarinnar.Hin árlega MTV - tón-
listarverðlaunahátíð verður hald-
in í Róm á Ítalíu 18. nóvember.
Björn segist hafa þekkst boð MTV
um að fara til Rómar til að fylgj-
ast með uppsetningu hátíðarinnar
og kynna sér umstangið í kringum
hana. ■
„Já, við fengum það beint frá
borgarstjóra í tilefni afmælisins.“
Geir Þorsteinsson, framkvæmdastjóri KSÍ, en í gær
var slegið vallarmet á Laugardalsvelli þegar rúm-
lega 20 þúsund manns sáu Ísland sigra Ítalíu á af-
mælisdegi Reykjavíkurborgar.
SPURNING DAGSINS
Geir, eruð þið með skemmtanaleyfi
fyrir svona marga?
Forsætisráðherra:
Leiðtogar
óska bata
VEIKINDI Davíð Oddssyni forsætis-
ráðherra heilsast vel og hefur bati
hans verið í samræmi við vænting-
ar lækna, að því er fram kemur í
frétt frá forsætisráðuneytinu.
Þar kemur jafnframt fram að
forsætisráðherra hafi að undan-
förnu borist fjölmargar kveðjur frá
erlendum þjóðarleiðtogum og
stjórnmálamönnum. Hafa allir for-
sætisráðherrar Norðurlanda sent
kveðju sína auk þess sem bæði Tony
Blair, forsætisráðherra Bretlands,
og George W. Bush, forseti Banda-
ríkjanna, hafa sent Davíð bréf með
óskum um góðan bata. ■
STÓRSTJÓRNUR Í EGILSHÖLL
Fyrr í sumar hélt Metallica tónleika í Egilshöllinni. Á næsta ári eða þar næsta verður hópur
af skærustu stjórnum poppsins samankominn í höllinni.
Nýtt þjóðarráð í Írak:
Sjálfkjörið ráð
BAGDAD, AP Fulltrúar á íraska þjóð-
fundinum völdu í gær 81 einstak-
ling til setu í þjóðarráðinu sem á að
hafa eftirlit með bráðabirgða-
stjórninni í Írak fram yfir kosning-
ar í byrjun næsta árs.
Upphaflega átti að kjósa um þá
sem taka sæti í þjóðarráðinu en
ákveðið var á síðustu stundu að
sleppa kosningu og staðfesta list-
ann. Þá var komið fram á fjórða
dag þjóðfundar sem átti upphaf-
lega að standa yfir í þrjá daga.
Lengi vel stóð valið milli tveggja
lista yfir meðlimi þjóðarráðs en
annar þeirra var dreginn til baka
þegar leið á kvöldið í gær. ■
HAGVÖXTUR Í FRAMKVÆMDUM
Greiningardeild KB banka segir að stór hluti hagvaxtar síðustu missera sé til kominn
vegna stórframkvæmda og hafi ekki haft þau áhrif að lækka atvinnuleysi.
Greiningardeild KB banka:
Atvinnuleysi viðvarandi þrátt fyrir hagvöxt
FJÁRMÁLARÁÐHERRANN
Ríkissjóður hefur áður greitt bætur vegna
mistaka við þinglýsingu.
SÝSLUMAÐURINN Í REYKJAVÍK
Vegna meintra mistaka við embættið gætu fallið háar ábyrgðir á ríkið.
Andlát
Gylfi Þ.
Gíslason
látinn
ANDLÁT Gylfi Þ. Gíslason, fyrrver-
andi ráðherra, lést í gær, 87 ára að
aldri. Gylfi var ráðherra mennta-
mála, iðnaðar og viðskipta á árun-
um 1956 til 1971. Hann var formað-
ur þingflokks Al-
þýðuflokksins
frá 1968 til 1978.
Gylfi sat á
þingi frá 1946 til
1949 og aftur frá
1959 til 1978,
samtals í 22 ár.
Gylfi tók dokt-
orspróf í hag-
fræði frá háskól-
anum í Frank-
furt am Main
árið 1954 og hann var gerður að
heiðursdoktor Háskóla Íslands árið
1971.
Gylfi var sonur hjónanna Þor-
steins Vilhjálms Gíslasonar og Þór-
unnar Pálsdóttur. Hann kvæntist
Guðrúnu Vilmundardóttur árið 1939
og eignuðust þau þrjá syni, Þor-
stein, Vilmund, sem er látinn, og
Þorvald. ■
Bruni í Hafnarfirði:
Eldsvoði í
vélsmiðju
ELDSVOÐI Slökkvilið í Hafnarfirði
og Reykjavík var kallað til þegar
eldur kom upp í skemmu Vélstofu
Vélstofu Orms og Víglundar við
Kaplahraun í Hafnarfirði laust
fyrir klukkan fimm í gær. Enginn
slasaðist í eldsvoðanum.
Eldurinn fór upp alveg upp í
þakið en samkvæmt upplýsingum
frá slökkviliði voru skemmdir
ekki miklar. Talið er að kviknað
hafi út frá logsuðutæki eða slíp-
irokk. Slökkvistarf gekk vel fyrir
sig og tók það rúma klukkustund
að ráða niðurlögum eldsins. ■
GYLFI Þ.
GÍSLASON
AF VETTVANGI