Fréttablaðið - 19.08.2004, Blaðsíða 19
ið hafa eftir sér að Norðmenn séu
ekki vissari en svo um rétt sinn að
enginn íslenskur togari hafi verið
tekinn vegna meintra ólöglegra
veiða. Hið rétta er að Hæstiréttur
í Noregi dæmdi skipstjóra og út-
gerðir tveggja togara til sekta árið
1994 vegna veiða innan fiskvernd-
arsvæðisins. Var niðurstaðan sú
að aðgangur að svæðinu væri
skammtaður með tilliti til veiði-
reynslu og slíka reynslu hefðu Ís-
lendingar ekki. Tveir lögspeking-
ar sem Fréttablaðið leitaði álits
hjá treystu sér ekki til að meta
réttarstöðu Íslands færi Sval-
barðadeilan alla leið til dómstóla
þar sem hvorugur hafði kynnt sér
málið til hlítar. Ljóst má þó vera
að ekki er víst að úrskurður al-
þjóðadómstóls verði endilega Ís-
lendingum í hag. Engar forsendur
eru til að ætla slíkt þar sem stofn-
samningur Svalbarða er einstakur
og því engin fordæmi til í alþjóð-
legu réttarkerfi.
Ákvörðun íslenskra stjórn-
valda virðist ekki vera tekin ýkja
alvarlega í Noregi ef marka má
fjölmiðlaumfræðu um málið.
Norska ríkisútvarpið hefur ekki
séð ástæðu til að birta grein um
stöðuna sem upp er komin og ekk-
ert var um málið á norskum sjón-
varpsstöðvum í gær.
Nóg veiði en mikið eftirlit
Gylfi Viðar Guðmundsson,
skipstjóri á Huga frá Vestmanna-
eyjum, var að landa í Neskaup-
stað eftir langan túr frá Sval-
barða. „Þetta er dágóð vegalengd.
Við erum tæplega þrjá sólar-
hringa á leiðinni en það er vel
þess virði ef vel fiskast. Sannast
sagna erum við að meta hvort við
förum aftur á þessar slóðir.“
Gylfi segir að veiðarnar hafi
gengið mjög vel allan tímann.
„Það liðu þarna nokkrir dagar
sem við veiddum ekkert þar sem
við þurftum að gera að svo mikl-
um afla. Við frystum um 90 tonn á
sólarhring og í það þarf 200 tonn
af síld. Hins vegar voru Norð-
mennirnir duglegir við að koma
um borð og kanna alla hluti. Eitt
skipti komu þeir fyrir hádegi og
fóru ekki aftur fyrr en seint um
kvöldið.“
Fimm íslensk fiskiskip voru að
veiðum við Svalbarða þegar
Norðmenn lokuðu fyrir veiðar að
kvöldi 15. ágúst. Tvö þeirra héldu
þaðan í Smuguna en lítið orðið
vart enn sem komið er. ■
19FIMMTUDAGUR 19. ágúst 2004
GT verktakar:
Taka ekki við rekstri sjúkrabíla
KÁRAHNJÚKAR Forsvarsmenn GT
verktaka vísa því alfarið á bug að
þeir hafi keypt eða hyggist kaupa
sjúkrabifreiðar þær er notaðar
eru af Impregilo við Kárahnjúka.
Hefur fyrirtækið starfað mikið
fyrir Impregilo síðan fram-
kvæmdir við Kárahnjúka hófust
en aldrei hafi slíkt komið til tals.
Eins og fram hefur komið ríkir
mikil óánægja meðal sjúkra-
starfsmanna að Kárahnjúkum.
Hyggjast flestir segja upp störf-
um innan tíðar miðað við óbreytt
ástand. Herma heimildir að
Impregilo vilji fá verktaka til að
taka að sér akstur og rekstur
þeirra fimm sjúkrabifreiða sem
notaðir eru á Kárahnjúkasvæðinu
héðan í frá. Hefur nafn GT verk-
taka komið upp í því sambandi
enda samstarf fyrirtækjanna auk-
ist jafnt og þétt undanfarna mán-
uði.
Fullyrða þeir að ekkert slíkt sé
á döfinni enda sé akstur sjúkra-
bifreiða langt frá þeirra megin-
rekstri sem snýr fyrst og fremst
að vinnuvélum og hópferðabílum.
Benda þeir einnig á að fyrirtækið
hafa staðið skil á öllum launum og
tengdum gjöldum og hefur það
fengist staðfest. Tveir dagar séu
síðan Vinnueftirlitið yfirfór öll
tæki og bíla verktakanna og stóð-
ust þeir alla skoðun. ■
Árás hákarls:
Beit haus
af manni
BANDARÍKIN, AP Hákarl réðst á
mann úti fyrir ströndum Mendo-
cino-sýslu í Kaliforníu og beit af
honum hausinn. Strandgæslan
hefur fundið lík mannsins en
höfuð hans er hvergi að finna.
Maðurinn var að kafa í
grunnu vatni þegar hákarlinn
réðst á hann. Félagi mannsins
varð vitni að árásinni úr bát sem
hann var á. Hann segir að árásin
hafi ekki staðið yfir í nema
fimm sekúndur. Eftir það hafi
öllu verið lokið.
Þetta er fyrsta banaslysið af
völdum árásar hákarls í Kaliforn-
íu í eitt ár. ■
VINNUSVÆÐI KÁRAHNJÚKASTÍFLU
Forsvarsmenn GT verktaka segja alls ekki á döfinni að kaupa og reka sjúkrabíla Impregilo
við Kárahnjúka.
MEÐALHITI Í LONGYEARBYEN
Á SVALBARÐA
Vetur -14
Sumar +6
VEIÐAR ÍSLENSKRA SKIPA
VIÐ SVALBARÐA
2004 46 þúsund tonn*
2003 20 þúsund tonn
2002 64 þúsund tonn
* gróflega áætlað verðmæti á þessu ári
er einn og hálfur milljarður króna.
ALBERT ÖRN EYÞÓRSSON
BLAÐAMAÐUR
FRÉTTASKÝRING
SVALBARÐADEILAN