Fréttablaðið - 19.08.2004, Blaðsíða 20
UPPLÝSINGATÆKNI Microsoft á Íslandi
ætlar að bjóða SP2, nýjustu hug-
búnaðarviðbótina við Windows XP
stýrikerfið, sem innanlandsniður-
hal þannig að tölvunotendur þurfi
ekki að greiða fyrir niðurhal er-
lendis frá.
Uppfærslan sem nefnist SP2 er í
heild yfir 200 megabæt að stærð þó
ekki þurfi allir að hlaða henni niður
í heild sinni. Gísli R. Ólafsson, sér-
fræðingur hjá Microsoft á Íslandi,
segir verið að leggja lokahönd á
tæknileg atriði þannig að sjálfvirk-
ar uppfærslur stýrikerfisins
(Windows update) sæki uppfærsl-
una á miðlara hér á landi. „Þetta
ætti að vera orðið klárt á föstudag-
inn, í síðasta lagi á mánudag,“ sagði
hann.
Sumir tölvunotendur sem kveikt
hafa á sjálfvirkum stýrikerfisupp-
færslum kunna þó þegar að vera
orðnir varir við að
tölvur séu farnar að
kalla á niðurhalið,
en útgáfa SP2 fyrir
Windows XP Home
útgáfuna var komið
á Windows Update í
gær. Útgáfa fyrir
XP Pro kemur ekki
fyrr en á miðviku-
dag í næstu viku.
SP2 er stærsta
hugbúnaðarviðbót
Microsoft síðan
Windows XP stýri-
kerfið var gefið út,
en bótinni er ætlað
að plástra öryggis-
veilur og bæta
Windows XP stýri-
kerfið á margvísleg-
an annan máta. Til
dæmis fylgir við-
bótinni eldveggur
sem sambyggður
stýrikerfinu auk smábreytinga á
Internet Explorer sem auka eiga
öryggi og þægindi notenda á net-
inu. Til dæmis verður eftir að upp-
færslan er sett upp hægt að slökkva
á „pop-up“ auglýsingagluggum sem
spretta upp af sumum vefsíðum. Þá
bætist við innbyggð öryggismið-
stöð, eða Windows Security Center,
sem vakir yfir vírusvörnum, eld-
vegg og öðrum öryggisstillingum
tölvunnar.
Þýðingum á SP2 uppfærslunni
er að ljúka hjá Microsoft og verður
væntanlega komin sem uppfærsla í
Windows update eftir tæpar 3 vik-
ur, að sögn Gísla R. Ólafssonar. Not-
endum íslenskrar útgáfu stýrikerf-
isins er engu að síður sagt óhætt að
setja SP2 strax upp, án þess að það
trufli virkni þess.
Fregnir hafa borist af því að
sjálfgefnar öryggisstillingar sem
fylgja SP2 uppfærslunni hafi trufl-
að skráaskiptiforrit (svokölluð P-to-
P forrit) og einhverjar samtenging-
ar tölva, til dæmis tölvuleiki sem
leiknir eru á netinu, en leiðbeining-
ar um lausnir á slíkum vandkvæð-
um mun vera að finna á vef
Microsoft.
olikr@frettabladid.is
20 19. ágúst 2004 FIMMTUDAGUR
LÝST EFTIR HRYÐJUVERKAMÖNNUM
Pakistönsk stjórnvöld gera mikla leit að
meintum hryðjuverkamönnum og brugðu á
það ráð að auglýsa eftir þeim í dagblaði.
Mennirnir eru meðal annars sakaðir um að
reyna að ráða forseta landsins af dögum.
VIÐSKIPTI Fasteignafélagið Nýsir
hefur keypt öll hlutabréf í Borg-
arhöllinni hf. sem á og rekur
Egilshöll í Grafarvogi. Kaupverð
er ekki gefið upp en eigendur
Borgarhallarinnar fá meðal ann-
ars greitt í hlutafé og taka sæti í
stjórn nýs félags sem mun sjá um
reksturinn.
Að sögn Stefáns Þórarinssonar,
rekstrarstjóra Nýsis, er ekki gert
ráð fyrir miklum breytingum á
rekstri Egilshallar við þessa
breytingu. „Fyrrverandi eigendur
verða áfram með okkur í stjórn
félagsins. Það er samvinna um að
keyra þær línur sem ákveðnar
hafa verið,“ segir Stefán. Hann
segir að Nýsir þekki vel til rekstr-
arins enda var félagið eitt þeirra
sem upphaflega buðu í verkið.
Stefán segir Nýsi hafa verið að
sérhæfa sig í rekstri mannvirkja í
heilsutengdri starfsemi. „Þessir
aðilar buðu þetta til kaups og við
keyptum það. Við sjáum þetta
sem eitt skref í því að efla okkar
félag og það fellur alveg að því
kerfi sem við höfum verið með,“
segir hann.
Egilshöll er nýtt til útleigu
vegna íþróttaiðkunar stærstan
hluta vetrarins en í sumar var
húsið meðal annars vettvangur
stærstu rokktónleika Íslandssög-
unnar þegar Metallica hélt hér
tónleika. Stefán segir Nýsi sjá
mikla möguleika í að nýta húsið til
útleigu fyrir hljómleika, sýningar
og ráðstefnur. ■
Drancy-fangabúðirnar:
Þagað um
minninguna
FRAKKLAND, AP Engar opinberar at-
hafnir voru á dagskrá í gær þegar
þess var minnst að 60 ár væru lið-
in frá því að Drancy-fangabúðirn-
ar voru frelsaðar úr höndum nas-
ista í síðari heimsstyrjöld. Þar
höfðu þeir safnað saman gyðing-
um og sent í einangrunar- og út-
rýmingarbúðir í austanverðri
Evrópu.
Starfsemin í Drancy þykir einn
versti bletturinn á sögu Frakk-
lands enda stjórnuðu franskir lög-
reglumenn þar harðri hendi.
Mikil hátíðahöld verða í næstu
viku þegar 60 ár verða liðin frá
frelsun Parísar. ■
Hlutabréf:
Hærri arður
SKATTAR Íslendingar fengu 897 millj-
ónir króna í arð frá erlendum fjár-
festingum í fyrra. Á árinu 2003 nam
sá arður 455 milljónum og hækkaði
því um 97,4 prósent á milli ára.
Einnig hækkaði arður af innlend-
um hlutabréfum um 43 prósent, fór
úr ríflega átta milljörðum í um ell-
efu og hálfan. Þeim sem fengu
greiddan arð af hlutabréfum fjölg-
aði um 2,6 prósent á milli ára en
samkvæmt skattframtölum fengu
aðeins 387 greiddan arð vegna er-
lendrar hlutabréfaeignar. Hins veg-
ar lækkuðu vextir einstaklinga af
bankainnistæðum á milli skatta-
framtalanna 2003 og 2004 – fóru úr
8,1 milljarði í 7,3. Þetta kemur fram
í fréttabréfi Ríkisskattstjóra. ■
AF TÓNLEIKUM METALLICA
Um átján þúsund áhorfendur voru á tónleikum Metallica í Egilshöll fyrr í sumar.
Stærsta íþróttahús landsins:
Fasteignafélagið Nýsir kaupir Egilshöll
Kaup Íslandsbanka
í Noregi:
Þriðjungur
tryggður
VIÐSKIPTI Íslandsbanki hefur keypt
rúma eina milljón hluta í norska
bankanum KredittBanken til við-
bótar við það sem bankinn hafði
áður keypt. Eignarhlutur Íslands-
banka í KredittBanken er því nú um
rúm níu prósent.
Til viðbótar hafði bankinn fengið
fyrir fram samþykki á kaupum á
nítján prósentum. Straumur fjárfest-
ingarbanki keypti yfir fimm prósent
í KredittBanken og hefur nú gefið
vilyrði fyrir sölu til Íslandsbanka.
Íslandsbanki hefur því þegar tryggt
sér stuðning þriðjungs hluthafa
bankans. ■
■ HJÁLPARSTARF
GEFA 36 MILLJÓNIR Íslensk stjórn-
völd hafa gert samkomulag við
Þróunarmálastofnun Sameinuðu
þjóðanna um stuðning Íslands við
endurreisn og uppbyggingarstarf í
Írak. Íslensk stjórnvöld leggja
fram 36 milljónir í fjölþjóðlegan
sjóð í umsjá Sameinuðu þjóðanna.
Uppfærslan
boðin innanlands
Risastór hugbúnaðarviðbót við Windows XP stýrikerfið verður boðin sem
innanlandsniðurhal. Viðbótin bætir öryggi stýrikerfisins og virkni Internet
Explorer vafrans þannig að notendur geta slökkt á auglýsingagluggum.
WINDOWS XP STÝRIKERFIN
Hægt er að fá Windows XP stýrikerfi Microsoft í tveimur útgáf-
um, Home og Professional. SP2 uppfærslan fyrir Home útgáf-
una er komin inn í sjálfvirkt uppfærslukerfi fyrirtækisins, en Pro-
fessional útgáfan verður þar innan tíðar.
BILL GATES
Bill Gates, stjórnarformaður og aðalhug-
búnaðarhönnuður Microsoft, lýsti fyrir
nokkru nýrri stefnu fyrirtækisins varðandi
öryggi hugbúnaðar. Nýrri uppfærslu við
Windows XP stýrikerfið er ætlað að taka á
öryggi tölva.
EINN EFTIRLIFENDA
Tæpur fjórðungur þeirra sem fór um
Drancy lifði stríðið af.
KALIFORNÍA, AP Ekki er víst hvenær
fjármálaeftirlitið í Bandaríkjunum
heimilar eigendum Google að hefja
útboð á hlutabréfamarkaði. Nokkur
mál eru enn til skoðunar.
Meðal vandamálanna eru óskráð
hlutabréfaviðskipti á síðustu árum
og viðtal við stofnendur félagins í
Playboy en stjórnendur félagsins
eiga að vera í þagnarbindindi sökum
áætlaðs útboðs.
Í gær tilkynnti Google að félagið
gerði ráð fyrir að hlutabréfaverð
yrði mun lægra en áður hafði verið
tilkynnt. Áður taldi félagið að hluta-
bréfaverð yrði á bilinu 118 til 135
Bandaríkjadalir á hlut en nú er stefn-
an sett á 85 til 95 dali.
Samkvæmt þessu er gert ráð
fyrir að markaðsverð Google verði
tæplega 26 milljarðar dala (um 1.800
milljarðar króna).
Þá hefur einnig verið tilkynnt að í
fyrsta útboðinu verði aðeins 19,6
milljón hlutir boðnir til sölu en fyrir-
hugað var að þeir yrðu 26,7 milljónir.
Endanlegt verð á hlutabréfum
ræðst í uppboði á netinu. Þetta er
óvenjuleg aðferð og er ætlað að
tryggja að óbreyttir fjárfestar séu í
sömu aðstöðu og fagfjárfestar. ■
Hlutafjárútboð:
Beðið eftir Google
STOFNENDUR GOOGLE
Google gerir nú ráð fyrir að verðmæti félagsins sé um 1.800 milljarðar króna en áður
héldu forsvarsmenn þess því fram að verðmætið væri nærri 2.500 milljörðum.
Aldarafmæli:
Kafbátar
gera innrás
STOKKHÓLMUR, AP Fimm erlendir
kafbátar héldu inn í höfnina í
Stokkhólmi í gær og lögðust að
bryggju. Kafbátarnir eru þangað
komnir í tilefni þess að um helg-
ina verður haldið upp á hundrað
ára afmæli sænska flotans í nú-
verandi mynd.
Kafbátarnir eru frá Dan-
mörku, Noregi, Rússlandi, Spáni
og Þýskalandi og eiga kafbátar
frá Bandaríkjunum, Bretlandi og
Frakklandi eftir að slást í hópinn.
Allir eru bátarnir dísilknúnir. ■